Nozeilin-NS burun spreyi 15 ml № 1

Preparatning savdo nomi

Nozeylin-NS
Ta'sir etuvchi moddalar (XPN) Nafazolin + xlorfenamin

Dori shakli

Nazal sprey.

Tarkibi

1 ml preparat quyidagilarni saqlaydi
faol moddalar nafazolin gidroxloridi – 0,5 mg, xlorfenamin maleati – 5,0 mg;
yordamchi moddalar kaliy digidrofosfati, suvsiz kaliy gidrofosfati, limon kislotasi monogidrati, natriy xloridi, benzalkoniy xloridi, tozalangan suv.
Ta'rifi rangsiz tiniq eritma.

Farmakoterapevtik guruhi

Dekongestantlar va mahalliy qo‘llash uchun mo‘ljallangan boshqa nazal preparatlar.
ATX kodi R01A
Farmakologik hususiyatlari

Farmakodinamika

Nozeylin-NS – qon-tomirlarni toraytiruvchi (nafazolin) va allergiyaga qarshi (xlorfenamin) ta'sirlarga ega bo‘lgan majmuaviy dori vositadir.
Ta'sir mexanizmi
Nafazolin bevosita α-adrenergik ta'sirga ega bo‘lgan va β-adrenoretseptorlarga ahamiyatsiz ta'sir qiluvchi simpatomimetiklarga kiradi, u qon-tomirlarni toraytiruvchi va shishga qarshi ta'sirlar ko‘rsatadi. Shilliq qavatlarga mahalliy qo‘llanganida bir necha minutdan keyin 4-8 soat davomida saqlanib turadigan vazokonstriktsiyani chaqiradi.
Xlorfenamin yaqqol ifodalangan antigistamin hususiyatlarga ega bo‘lgan alkilamin hisoblanadi, u kuchsiz sedativ va o‘rtacha antixolinergik ta'sirlarga ega.

Farmakokinetikasi

Mahalliy qo‘llanganida preparatni tizimli so‘rilishi yuzasidan ma'lumotlar yo‘q. Biroq preparat intranazal qo‘llanganidan keyin, ayniqsa burun shilliq qavati epiteliysini shikastlanishlari bo‘lgan patsiyentlarda, nafazolinni tizimli qon oqimiga o‘tishini istisno qilish mumkin emas.

Qo‘llanilishi

o‘tkir rinit, shu jumladan allergik rinit;
sinusit;
yevstaxiit;
burundan qon ketishi (qon-tomirlarni toraytiruvchi sifatida);
o‘rta quloq otiti;
patsiyentni burun yo‘llarida diagnostik manipulyatsiyalarni o‘tkazishga tayyorlashda (burun shilliq qavatini shishini kamaytirish uchun) qo‘llanadi.

Qo‘llash usuli va dozalari

Preparat faqat intranazal qo‘llash uchun mo‘ljallangan.
Kattalar hamda 6 yosh va undan katta bolalar
Har bir nozdriga 1-2 purkashdan sutkada 2-3 marta qo‘llanadi, purkashlar o‘rtasidagi oraliq kamida 4 soatni tashkil etishi kerak. Preparatni sutkada 6 martadan ko‘p qo‘llash mumkin emas.
Davolash davomiyligi davolovchi shifokor tomonidan belgilanadi. Tolerantlik rivojlanishidan saqlanish maqsadida preparatni kattalarda 5 kundan ortiq va bolalarda 3 kundan ortiq qo‘llash mumkin emas. Kutilgan samara kuzatilmaganida davolashni takroran baholash kerak.
6 yoshgacha bo‘lgan bolalar
6 yoshgacha bo‘lgan bolalarda preparatni qo‘llash havfsizligi va samaradorligini o‘rganish yuzasidan tadqiqotlar o‘tkazilmagan.
Nojo‘ya ta'sirlari
Preparat tavsiya etilgan dozalarda qo‘llanganida yaxshi o‘zlashtiriladi.
Nojo‘ya reaktsiyalar quyida MedDRA bo‘yicha a'zolar tizimlari-a'zolar sinflariga muvofiq sanab o‘tilgan. Hozirgi vaqtda mavjud ma'lumotlarga asoslanib nojo‘ya reaktsiyalarni uchrash tezligini aniqlash imkoni yo‘q.
Immun tizimi tomonidan yuqori sezuvchanlik reaktsiyalari.
Nerv tizimi tomonidan bosh og‘rig‘i, toliqish, uyquchanlik, uyqusizlik, tremor.
Yurak tomonidan taxikardiya, palьpitatsiya.
Qon-tomirlari tomonidan arterial bosimni oshishi.
Nafas tizimi, ko‘krak qafasi va ko‘ks oralig‘i a'zolari tomonidan qichishish, burun shilliq qavatini achishishi va qurishi, aksirish, burunni bitishi, atrofik rinit.
Teri va teri osti to‘qimalari tomonidan ko‘p turlash.
Yuqorida ko‘rsatilgan nojo‘ya reaktsiyalar, preparat asosan tavsiya etilgan dozalardan yuqori dozalarda qo‘llanishi oqibatida rivojlanadi.
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.

Qo‘llash mumkin bo‘lmagan holatlar

preparatning faol moddalariga yoki yordamchi moddalaridan birortasiga yuqori sezuvchanlik;
arterial gipertenziya;
taxikardiya;
gipertireoz;
yaqqol ifodalangan ateroskleroz;
yopiq burchakli glaukoma;
monoaminooksidaza (MAO) ingibitorlarini bir vaqtda qo‘llanishi, shu bilan birga ular bekor qilinganidan keyin 14 kun davomida;
6 yoshgacha bo‘lgan bolalarda preparatni qo‘llash mumkin emas.
Dorilarning o‘zaro ta'siri
Preparat mahalliy anestetiklarning so‘rilishini sekinlashtiradi va yuzaki anesteziyada ularning ta'sir davomiyligini oshiradi.
Preparat MAO ingibitorlari yoki tritsiklik antidepressantlar bilan bir vaqtda qo‘llanganida nafazolinni ta'siri ostida zahiradagi katexolaminlarni ajralib chiqishi oqibatida yaqqol ifodalangan arterial gipertenziya kuzatilishi mumkin. Bundan tashqari, MAO ingibitorlarini qabul qilish fonida jigarda xlorfenaminning metabolizmini sekinlashtiradi, bu uning ta'sirini kuchayishiga olib kelishi mumkin.

Maxsus ko‘rsatmalar

Kattalar va bolalarda preparatni uzoq muddat qo‘llash tavsiya etilmagan, chunki bu holat burunni surunkali bitishi, burunning shilliq qavati atrofiyasi va taxifilaksiya ko‘rinishlari (samarasini susayishi) bilan kechishi mumkin.
Aritmiya, qandli diabet, bronxial astma, feoxromotsitoma, surunkali yoki atrofik rinit bo‘lgan patsiyentlarda, shuningdek prostata bezining giperplaziyasi oqibatida siyish vaqtida qiyinchilikni boshdan kechirayotgan yoki arterial bosimni oshirishi mumkin bo‘lgan dori vositalari bilan davolanayotgan patsiyentlarda preparatni qo‘llash tavsiya etilmagan. Bundan tashqari, preparatni patsiyentlarga transsfenoidal gipofizektomiyadan keyin yoki qattiq miya pardasini shikastlanishiga olib kelishi mumkin bo‘lgan boshqa jarrohliq aralashuvlaridan keyin qo‘llash tavsiya etilmaydi.
Preparat yuqori dozalarda qo‘llanganida yurak-qon tomir tizimi va nerv tizimi tomonidan nojo‘ya reaktsiyalar palьpitatsiya, arterial bosimni oshishi, bosh og‘rig‘i, uyqusizlik, uyquchanlik kuzatilishi mumkin.
Yordamchi moddalar. Nozeylin-NS preparati tarkibida, ayniqsa uzoq muddat qo‘llanganida, burunning shilliq qavatini ta'sirlantirishi va shishini chaqirishi mumkin bo‘lgan benzalkoniy xloridini saqlaydi.
Homiladorlikda va laktatsiya davrida qo‘llanishi
Homiladorlik
Nafazolinning potentsial teratogen samaralari yuzasidan ma'lumotlar cheklangan. Fetotoksiklik yuzaga kelganida taxikardiya kuzatiladi. Homiladorlik vaqtida preparatni, ona uchun preparatni qo‘llashdan kutiladigan foyda va homila uchun potentsial havfni inobatga olgan holda, faqatgina shifokorning tavsiyasi bo‘yicha qo‘llash tavsiya etiladi.
Laktatsiya
Emadigan bolaning yurak-qon tomir tizimiga ta'sir qilishi mumkinligi tufayli, laktatsiya davrida preparatni qo‘llash tavsiya etilmaydi.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni haydash, mexanizmlarni boshqarish va psixomotor reaktsiyalarni yuqori tezligini talab etuvchi ishlarni bajarish qobiliyatiga ta'sir qilmaydi.

Dozani oshirib yuborilishi

Simptomlari
Dozani oshirib yuborilish holatlari ta'riflanmagan.
Dozani oshirib yuborilish havfi preparat bexosdan yutib yuborilganida (ayniqsa kichik yoshdagi bolalarda) yuzaga keladi, natijada quyidagi simptomlar kuzatilishi mumkin
-nafazolin gidroxloridining dozasini oshirib yuborilishi bilan bog‘liq simptomlar – uyquchanlik, ko‘p terlash, tana xaroratini pasayishi, bradikardiya, koma;
-xlorfenamin maleatining dozasini oshirib yuborilishi bilan bog‘liq simptomlar – sedatsiya, yurak-qon tomir tizimini paradoksal qo‘zg‘alishi (taxikardiya, palьpitatsiya, arterial bosimni oshishi), antixolinergik samaralar, ruhiy buzilishlar, apnoe, tirishishlar, distoniya, aritmiyalar, yurak-qon tomir kollapsi.
Davolash
Dozasi oshirib yuborilganida preparatni qo‘llanilishini to‘xtatish va zudlik bilan shifokorga murojaat qilish kerak. Zarurat bo‘lganida simptomatik va qo‘llab-quvvatlovchi davolash o‘tkaziladi, shuningdek patsiyentni sinchkov klinik kuzatuvini ta'minlash kerak; me'da yuvish va faollashtirilgan ko‘mir qabul qilish maqsadga muvofiq hisoblanadi.

Chiqarilish shakli

Nazal sprey 15 ml dan dozalash moslamasi va himoya qalpoqchasi bo‘lgan oq rangli plastik flakonlarda.
1 flakon tibbiyotda qo‘llanilishiga doir yo‘riqnomasi bilan birga karton qutiga joylangan.
Saqlash sharoitlari
Namlik va yorug‘likdan himoyalangan joyda, 25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.