Preparatning savdo nomi
Rinazolin
Ta'sir etuvchi modda (XPN) Oksimetazolin (oxymetazoline)

Dori shakli
Nazal tomchilar

Tarkibi

1 ml eritma saqlaydi
faol modda 100% moddaga qayta hisoblaganda 0,1 mg oksimetazolin gidroxloridi;
yordamchi moddalar benzalkoniy xloridi, natriy xloridi, natriy digidrofosfat digidrati, natriy gidrofosfat dodekagidrati, tozalangan suv.
Ta'rifi tiniq, rangsiz suyuqlik.

Farmakoterapevtik guruhi
LOR a'zolari kasalliklarini davolash uchun vosita. (Burun bo‘shlig‘i kasalliklarida mahalliy qo‘llash uchun shishga qarshi va boshqa preparatlar. Simpatomimetiklar.)
ATX kodi R01AA05.


Farmakologik xususiyatlari


Farmakodinamika

Rinazolin tomirlarni toraytiruvchi mahalliy vositalar guruhiga mansub. Oksimetazolin
simptamomimetik va qon tomirlarni toraytiruvchi ta'sir qilib, burun shilliq qavatining shishini bartaraf etadi. Sepilgan joydagi tomirlarni toraytiradi, burun va yuqori nafas yo‘llarining shilliq qavati shishini kamaytiradi, burundan ajralmalar ajralishini kamaytiradi. Burun bilan nafas olinishni tiklaydi. Burun shilliq qavatining shishini bartaraf etish yondosh bo‘shliqlar, o‘rta quloq bo‘shlig‘ining aeratsiyasini tiklanishiga yordam beradi, bu bakterial asoratlar rivojlanishining oldini oladi.
Oksimetazolin viruslarga qarshi, yallig‘lanishga qarshi, immunomodullovchi va antioksidant ta'sir ko‘rsatadi. Ushbu majmuaviy ta'sir tufayli, klinik tadqiqotlarni o‘tkazish vaqtida o‘tkir rinit simptomlarini (burun bitishi, rinoreya, aksirish, o‘zini yomon xis qilish) tezroq va samaraliroq bartaraf qilishi isbotlangan.

Farmakokinetikasi

Terapevtik kontsentratsiyalarda burun bo‘shlig‘iga mahalliy qo‘llanganida, burun shilliq qavatini ta'sirlamaydi, giperemiyani chaqirmaydi. Yarim chiqarilish davri preparat qo‘llanganidan so‘ng taxminan 35 soatni tashkil qiladi. Preparatning 2,1% buyraklar orqali, taxminan 1,1% - ahlat bilan chiqariladi.
Ta'sirining davomiyligi – 12 soatgacha.


Qo‘llanilishi

O‘tkir rinit;
allergik rinit;
noinfektsion vazomotor rinit;
burun bo‘shlig‘ining yondosh bo‘shliqlari kasalliklarida;
1 yoshgacha bo‘lgan bolalarda rinit bilan bog‘liq yevstaxiitda drenaj va burun orqali nafas olinishni tiklash uchun qo‘llanadi;
1 yoshgacha bo‘lgan bolalarda burun yo‘llarida diagnostik manipulyatsiyalarni o‘tkazishdan oldin shishni barataraf qilish uchun qo‘llanadi.


Qo‘llash usuli va dozalari

Preparatni bevosita qo‘llashdan oldin flakonni tana xaroratigacha isitish uchun uni kaftda ushlab turish kerak. Preparatni yuborishdan oldin burunni yaxshilab tozalash kerak. Qo‘llashni boshlashdan oldin qalpoqchasini zich yopib buramang! Preparatni birinchi marta qo‘llashdan oldin teshik hosil bo‘lishi uchun flakonning qalpoqchasini burash kerak. Preparat tomizilgandan so‘ng qalpoqchasini zich burab yopish kerak. Qalpoqchasi buraladi, yechiladi va flakonning korpusiga yengil bosib, burunga 1-2 tomchi eritma tomiziladi. Tomizish vaqtida bolaning boshi orqaga tisarilgan bo‘lishi kerak. Dozalangan flakon burun yo‘liga kirish joyida to‘ntarilgan holatda ushlanishi va preparatni har bir burun yo‘liga qo‘llash kerak.
Rinazolin, 0,01% nazal tomchilari burunga tomizish uchun mo‘ljallangan.
4 haftalikkacha bo‘lgan yangi tug‘ilgan chaqaloqlarga Rinazolin preparati 1 tomchidan har bir burun yo‘liga sutkada 2-3 marta tomiziladi.
Hayotining 5-haftasidan boshlab va 1 yoshgacha bo‘lgan bolalarga – Rinazolin preparati 1-2 tomchidan har bir burun yo‘liga sutkada 2-3 marta tomiziladi.
Rinazolin preparatining bir martalik dozasini sutkada 3 martadan ko‘p va 5-7 kundan uzoq qo‘llash mumkin emas. Tavsiya qilinganidan yuqori dozalarda qo‘llash mumkin emas.
Rinazolin preparatini 1 yoshgacha bo‘lgan go‘dak va bolalarga qo‘llash tavsiya etiladi.
Tana vazni me'yordan past yoki muddatidan avval tug‘ilgan go‘daklar uchun kerakli dozani shifokor aniqlab berishi lozim.
Bolalar.
Rinazolin 0,01%preparati 1 yoshgacha bo‘lgan bolalarga qo‘llaniladi.

Nojo‘ya ta'sirlari
Nojo‘ya samaralar paydo bo‘lish tez-tezligi bo‘yicha quyidagi toifalar bo‘yicha tasniflangan juda tez-tez (≥10%), tez-tez (≥1% va <10%), tez-tez emas (≥0,1% va <1%), kam hollarda (≥0,01% va <0,1%), juda kam hollarda (<0,01%) va kamdan kam holatlar.
Nerv tizimi tomonidan.
Juda kam hollarda xavotir, uyqusizlik, yuqori darajada toliqish (uyquchanlik, sedatsiya), bosh og‘rig‘i, gallyutsinatsiyalar (ayniqsa, bolalarda).
Yurak qon-tomir tizimi tomonidan.
Kam hollarda palpitatsiya, taxikardiya, arterial gipertenziya.
Juda kam hollarda aritmiyalar.
Nafas tizimi tomonidan.
Tez-tez burunda noqulaylik hissi (masalan, achishtirish) yoki burun shilliq qavatining qurishi, aksirish.
Tez-tez emas Rinazolin preparatini qo‘llash samarasi tugaganidan so‘ng burunning kuchli bitishi hissi, burundan qon ketish kuzatilishi mumkin.
Juda kam hollarda yangi tug‘ilgan chaqaloqlarda va go‘daklarda apnoe.
Suyak-mushak tizimi tomonidan.
Juda kam hollarda tirishishlar (ayniqsa, bolalarda).
Immun tizimi tomonidan.
Tez-tez emas yuqorisezuvchanlik reaktsiyalari (angionevrotik shish, toshma, qichishish) kuzatilishi mumkin.


Qo‘llash mumkin bo‘lmagan holatlar

Preparatning komponentlariga yuqori sezuvchanlik.
Atrofik rinit.
Transfenoidal gipofizektomiya yoki miya qobig‘ini ochish bilan bog‘liq boshqa jarrohlik aralashuvlaridan so‘ng.
Monoaminoksidaza (MAO) ingibitorlari qo‘llanganida va MAO ingibitorlari, shuningdek arterial bosimni oshishiga olib keluvchi boshqa preparatlar bilan davolash to‘xtatilganidan so‘ng ikki hafta davomida.
Ko‘z ichki bosimi yuqori bo‘lganida, ayniqsa yopiq burchakli glaukomada.
Yurak qon-tomir kasalliklarining og‘ir shakllari (masalan, yurak ishemik kasalligi arterial gipertenziyada).
Feoxromatsitoma.
Metabolik buzilishlar (masalan, gipertireoz, qandli diabet).
Prostata bezining giperplaziyasi.
Porfiriyada qo‘llash mumkin emas.

Dorilarning o‘zaro ta'siri
Arterial bosimning oshish xavfi tufayli, MAO ingibitorlari va arterial bosimni oshishiga olib keladigan boshqa preparatlar qo‘llanilmasin. Tomirlarni toraytiruvchi boshqa dori vositalarni birga buyurish nojo‘ya samaralarning rivojlanish xavfini oshiradi.


Maxsus ko‘rsatmalar

Yangi tug‘ilgan chaqaloqlar va go‘daklarni davolashda alohida ehtiyotkorlikka rioya qilish kerak. Kam hollarda ushbu yosh guruhida preparatni terapevtik dozalarda qo‘llagandan so‘ng jiddiy nojo‘ya reaktsiyalar (xususan, apnoe) rivojlanishi haqida xabarlar berilgan. Tavsiya qilingan dozalarning oshirib yuborilishidan qat'iy saqlanish kerak.
Preparatni uzoq muddat qo‘llash va dozani oshirib yuborilishidan saqlanish kerak. Burun uchun shishga qarshi dori vositasini uzoq muddat qo‘llanishi preparatning ta'sirini susayishiga olib kelishi mumkin. Bu dori vositasini noto‘g‘ri qo‘llanishi burun shilliq qavati atrofiyasini va medikamentoz rinitli reaktiv giperemiyani chaqirishi mumkin. Tavsiya qilinganidan yuqori dozalarni faqat shifokor kuzatuvi ostida qo‘llash kerak.
Preparat tarkibida bitta dozada 18 mkg miqdorda (4 tomchi har bir burun yo‘liga 
2 tomchidan) benzalkoniy xloridning mavjud bo‘lishi bronxospazmni chaqirishi mumkin.
Homiladorlik va emizish davrida qo‘llanishi.
Homiladorlik
Homiladorlik va emizish davrida preparat aloxida ehtiyotkorlik bilan qo‘llanadi. Tavsiya qilingan dozasini oshirishga yo‘l qo‘yilmaydi.
Emizish
Oksimetazolinning ko‘krak sutiga kirishi haqida ma'lumotlar noma'lum. Preparatni emizish davrida foyda-xavf nisbati qat'iy baholangan holatda qo‘llash kerak. Emizish davrida tavsiya qilingan dozani oshirish mumkin emas, chunki dozani oshirib yuborish ayollarda ko‘krak suti miqdorini kamaytirishi mumkin.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish xususiyati.
Preparat tavsiya qilingan dozalardan yuqori dozalarda uzoq muddat qo‘llanganidan so‘ng, yurak-qon tomir tizimiga umumiy ta'sirini inkor etish mumkin emas. Bunday hollarda transport vositalarini boshqarish qobiliyati pasayishi mumkin.


Dozani oshirib yuborilishi

Doza ahamiyatli darajada oshirib yuborilganida yoki bexosdan ichga qabul qilingandan so‘ng quyidagi simptomlar rivojlanishi mumkin; midriaz, ko‘ngil aynishi, qusish, sianoz, tana haroratining oshishi, spazmlar, taxikardiya, palpitatsiya, aritmiya, yurak-qon tomir yetishmovchiligi, yurak urishining to‘xtashi, ko‘p ter ajralishi, ajitatsiya, tirishishlar, arterial gipertenziya, o‘pka shishi, nafas buzilishlari, rangparlik, mioz, giposmiya, ruxiy buzilishlar.
Bundan tashqari, markaziy nerv tizimi faoliyatining uyquchanlik, tana haroratining pasayishi, bradikardiya, arterial gipotoniya, apnoe va hatto koma rivojlanishi ehtimoli bilan kechuvchi susayishi yuz berishi mumkin.
Doza oshirib yuborilganida terapevtik choralar me'dani yuvish, faollashtirilgan ko‘mir qabul qilish, o‘pka ventilyatsiyasi. Arterial bosim pasayganida fentolamin qo‘llanadi. Vazopressor vositalarni qo‘llash mumkin emas. Zarurat bo‘lganida tirishishga qarshi davolash ko‘rsatilgan.


Chiqarilish shakli

10 ml dan polietilen flakonda. 1 flakondan tibbiyotda qo‘llanilishiga doir yo‘riqnomasi bilan birga qutida.


Saqlash sharoiti

Yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

3 yil.
O‘ramda ko‘rsatilgan yaroqlilik muddati o‘tgach, qo‘llanilmasin.


Dorixonalardan berish tartibi

Retseptsiz.


Ishlab chiqaruvchi

«Farmak» AJ. Ukraina