Preparatning savdo nomi
Sinupret Forte

Dori shakli
Draje.

Tarkibi

1 draje quyidagilarni saqlaydi
faol moddalar
Gentianae radix (gajak o‘t ildizi) 12 mg
Primulae flos (navro‘zgul gullari) 36 mg
Rumicis herba (shovul o‘ti) 36 mg
Sambusi flos (marjon guli) 36 mg
Verbenae herba (tizimgul o‘ti) 36 mg
yordamchi moddalar kartoshka kraxmali, suvsiz kolloid kremniy dioksidi, tozalangan suv, laktoza monogidrati, jelatin, sorbitol, stearin kislotasi, kaltsiy karbonati, glyukoza siropi, magniy oksidi, makkajo‘xori kraxmali, dekstrin, glikolli tog‘ mumi, asosi butillangan metakrilat sopolimer, kanakunjut moyi, saxaroza, shellak, talk, titan dioksidi, indigo-karmin (alyumin) (E132), riboflavin (E101).
Ta'rifi dumaloq, ikki tomoni qavariq, yashil rangli, yuzasi silliq draje.

Farmakoterapevtik guruhi
LOR-a'zolari kasalliklarini davolash uchun vosita.
ATX kodi R05X


Farmakologik xususiyatlari

O‘simliklardan olinadigan majmuaviy preparat.

Farmakologik xususiyatlari
preparatning tarkibiga kiruvchi biologik faol moddalarga bog‘liqdir. Sinupret® Forte sekretolitik, sekretomotor, shuningdek yallig‘lanishga qarshi ta'sir ko‘rsatadi. Shu sababli, preparat burunning yondosh bo‘shliqlaridan va yuqori nafas yo‘llaridan shilliq sekretni chiqarilishiga yordam beradi. Shu bilan birga preparat virusga qarshi va antibakterial xususiyatlariga ega va infektsiyalarda yordam beradi.


Farmakokinetikasi

Preparatning barcha faol moddalari haqida ma'lumotlar yetarli bo‘lmaganligi sababli, farmakokinetikasi va biologik kiraolishligi bo‘yicha tadqiqot ma'lumotlari yo‘q.


Qo‘llanilishi

Yopishqoq sekret hosil bo‘lishi bilan kechuvchi o‘tkir va surunkali sinusitlarda qo‘llanadi.


Qo‘llash usuli va dozalari

Burunning yondosh bo‘shliqlarini yallig‘lanish kasalliklarini (sinusitlarni) davolash uchun o‘simliklardan olinadigan preparat.
Ichga qo‘llash uchun buyuriladi.
Kattalar va 12 yoshdan oshgan o‘smirlarga 1 drajedan bir kunda 3 marta buyuriladi.
Drajeni butunligicha, chaynamasdan, yetarli miqdordagi suyuqlik (masalan, bir stakan suv) bilan yutish kerak. Sinupret® Forte drajesini qabul qilish 7-14 kundan oshmasligi kerak.
Agar simptomlar saqlanib qolsa yoki vaqti-vaqti bilan qaytalansa, shifokor bilan maslahatlashish kerak.

Nojo‘ya ta'sirlari
Me'da-ichak buzilishlari (masalan, qorinda og‘riq, ko‘ngil aynishi) kam hollarda namoyon bo‘ladi.
Yakka hollarda terida toshma, qichishish kabi teri allergik reaktsiyalari kuzatilishi mumkin. Shuningdek, Kvinke shishi, hansirash, yuzni shishi kabi allergik reaktsiyalar ham yuzaga kelishi mumkin.
Nojo‘ya samaralar paydo bo‘lganida Sinupret Forte drajelarini qabul qilishni to‘xtatish va shifokorga murojaat qilish kerak.
Yo‘riqnomada ko‘rsatilmagan nojo‘ya samaralar paydo bo‘lganida shifokorga murojaat qilish kerak.


Qo‘llash mumkin bo‘lmagan holatlar

Preparatning faol va yordamchi moddalariga yuqori sezuvchanlik.
Kerakli ma'lumotlarni yo‘qligi sababli, preparatni 12 yoshdan kichik bolalarda qo‘llash mumkin emas.

Dorilarning o‘zaro ta'siri
Boshqa antibakterial dori vositalari bilan majmuada qo‘llash mumkin va maqsadga muvofiqdir.
Boshqa dori vositalari bilan o‘zaro ta'siri hozirgi vaqtgacha noma'lum.


Maxsus ko‘rsatmalar

Homiladorlik va emizish davrida Sinupret Forte dori vositasini faqat shifokor buyurishi bo‘yicha qo‘llash mumkin.
Glyukoza, laktoza, saxaroza yoki sorbitolni o‘zlashtiraolmaslikda Sinupret Forte dori vositasini faqat shifokor bilan maslahatlashgandan keyingina qo‘llash mumkin.
Preparat tavsiya qilingan dozalarda qabul qilinganida avtomobilni boshqarish va yuqori diqqatni talab qiluvchi mexanizmlar bilan ishlash qobiliyatiga ta'sir ko‘rsatmaydi.
Qandli diabet bemorlari uchun ma'lumot preparatning bir martalik dozasi o‘rtacha 0,03 “non birligi” ni (NB) saqlaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Agar Siz preparatni katta dozada qabul qilgan bo‘lsangiz, kerakli choralarni ko‘rish uchun shifokoringizga murojaat qiling. Nojo‘ya ta'sirlar kuchli namoyon bo‘lishi mumkin.


Chiqarilish shakli

Har birida 20 yoki 25 drajedan blisterlar.
O‘ram o‘lchami 20, 50 yoki 100 draje.


Saqlash sharoiti

30°C dan yuqori bo‘lmagan haroratda saqlansin.



Yaroqlilik muddati

3 yil.


Dorixonalardan berish tartibi

Shifokor retseptisiz.