Preparatning savdo nomi
Sinupret

Dori shakli
Ichga qabul qilish uchun tomchilar

Tarkibi

100 g tomchi saqlaydi
29 g suvli-spirtli ajralmalar
buzina guli 0,6 g
gorechevka ildizi 0,2 g
pervotsvet guli savatchasi bilan 0,6 g
shovil o‘ti 0,6 g
verbena o‘ti 0,6 g
Yordamchi ingrediyentlar
tozalangan suv 71,0 g
Etanol miqdori 19,0% (hajm nisbatida)
Ta'rifi ichga qabul qilish uchun tomchilar tiniq yoki biroz xira sarg‘ish-jigarrang rangli va achchiq ta'mli xushbo‘y hidli suyuqlik. Saqlash jarayonida biroz xiralashishi yoki cho‘kma tushishi mumkin.

Farmakoterapevtik guruhi
LOR-a'zolari kasalliklarini davolash uchun o‘simliklardan olinadigan dori preparati.
ATX kodi R05X


Farmakologik xususiyatlari

O‘simliklardan olinadigan majmuaviy preparat. Preparatning farmakologik xususiyatlari uning tarkibiga kiruvchi biologik faol moddalar bilan bog‘liqdir. Sinupret® sekretolitik, sekretomotor va yallig‘lanishga qarshi ta'sirga ega. Burunning yondosh bo‘shliqlari va yuqori nafas yo‘llaridan ekssudatni oqib chiqishiga yordam beradi. Shu bilan birga preparat antivirus va antibakterial hususiyatlariga ega va infektsiyalarda yordam beradi.


Farmakokinetikasi

Taqdim qilinmagan.


Qo‘llanilishi

Qovushqoq sekret hosil bo‘lishi bilan kechuvchi o‘tkir va surunkali sinusitlar.


Qo‘llash usuli va dozalari

Kattalarga 50 tomchidan kuniga 3 marta.
Maktab yoshidagi bolalarga 25 tomchidan kuniga 3 marta.
2 yoshdan 6 yoshgacha bo‘lgan bolalarga 15 tomchidan kuniga 3 marta.
Davolash kursi 7-14 kunni tashkil qiladi.
Agar kasallikning simptomlari saqlanib qolsa yoki vaqti-vaqti bilan takrorlansa, shifokor bilan maslahatlashish lozim.

Nojo‘ya ta'sirlari
Me'da-ichak buzilishlari (masalan, qorinda og‘riq, ko‘ngil aynishi) kam hollarda namoyon bo‘ladi. Ba'zi bir hollarda teri toshmasi, qichishish, qizarish kabi allergik reaktsiyalarbo‘lishi mumkin. Shuningdek Kvinke shishi, hansirash, yuzni shishi kabi allergik reaktsiyalar ham paydo bo‘lishi mumkin. Nojo‘ya ta'sirlari paydo bo‘lganida preparatni qo‘llashni to‘xtatish va shifokorga murojaat qilish kerak.


Qo‘llash mumkin bo‘lmagan holatlar

Preparatning komponentlariga yuqori sezuvchanlik.
2 yoshgacha bo‘lgan bolalar.

Dorilarning o‘zaro ta'siri
Antibakterial vositalar bilan majmuada qo‘llash mumkin va maqsadga muvofiqdir.
Boshqa dori vositalari bilan o‘zaro ta'siri hozirgi vaqtgacha noma'lum.


Maxsus ko‘rsatmalar

Preparat tavsiya qilingan dozalarda qo‘llanganida transport vositalarini boshqarish va mexanizmlar bilan ishlash qobiliyatiga ta'sir qilmaydi.




Qo‘llashdagi maxsus ehtiyotkorliklar
Agar kasallik simptomlari 7-14 kundan ortiq saqlanib qolsa, vaqti-vaqti bilan takrorlansa, shuningdek hansirash, isitma, yiringli balg‘am paydo bo‘lsa, shifokor bilan maslahatlashish kerak.
Tarkibi
da alkogol saqlagani tufayli, preparatni alkogolizmi bo‘lgan, shuningdek alkogolizmga qarshi samarali davolangan bemorlar qabul qilmasliklari kerak. Jigar kasalliklari bo‘lgan bemorlarda tomchilarni faqat shifokorning maslahatidan so‘ng qo‘llash mumkin.
Alkogolizmi yoki jigar kasalligi bo‘lgan bemorlar Sinupret tomchilari tarkibida 19,0% spirt (etanol) borligini yodda tutishlari kerak.
Preparatning kattalar qabul qiladigan bir dozasida 0,45 g spirt saqlanadi; bu taxminan bir qoshiq vinoga muvofiq keladi.
Sinupret homiladorlik davrda faqat shifokorning ko‘rsatmasi bo‘yicha qo‘llanishi mumkin. Sinupret tomchilarini alkogol saqlagani tufayli, tomchilarni faqat agar draje shaklidagi preparatni qo‘llash mumkin bo‘lmagan holdagina qo‘llash mumkin.
Emizish davrida preparatni qo‘llash tajribasi yo‘qligi tufayli, bunday hollarda qabul qilish tavsiya qilinmaydi.
Flakon ishlatilganida uni vertikal holatda ushlang.
Sinupret tomchilarini saqlash jarayonida suyuqlikni yengil xiralashishi yoki biroz cho‘kma tushishi mumkin, bu preparatning samaradorligiga ta'sir qilmaydi.
Ishlatish oldidan Sinupret® tomchilarini silkitish kerak! O‘ramida ko‘rsatilgan yaroqlilik muddati o‘tgach ishlatilmasin.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Dozani oshirib yuborilganida yuqorida keltirilgan nojo‘ya ta'sirlari kuchli namoyon bo‘lishi mumkin. Bunday hollarda darhol shifokorga murojaat qilish kerak. Davolash simptomatik.


Chiqarilish shakli

Ichga qabul qilish uchun tomchilar, 100 ml
100 ml dan, buraladigan qopqoqli vertikal dozalovchi moslamasi balan jihozlangan to‘q rangli shisha flakonda qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

Quruq, yorug‘likdan himoyalangan, 30oS dan yuqori bo‘lmagan haroratda saqlansin.


Yaroqlilik muddati

2 yil. Ochilgan flakonlarni 6 oy davomida ishlatish mumkin.



Dorixonalardan berish tartibi

Shifokor retseptisiz.