Alflutop in'ektsiya uchun eritma 10 ampula 1 ml dan

Preparatning savdo nomi

Alflutop®

Dori shakli

in'ektsiya uchun eritma
Preparatning faol komponenti mayda dengiz baliqlaridan (Kilka (Sprattus sprattus sprattus), Qora dengiz Merlangi (Odontogadus merlangus euxinus), Qora dengiz Puzonoki (Alosa tanaica normanni), Qora dengiz Anchous (Engraulis encrassicholus ponticus)) ekstraktsiya yo‘li bilan olingan, keyinchalik deproteinizatsiya (oqsilsizlantirilgan) va delipidizatsiya (yog‘sizlantirilgan) qilingan biofaol kontsentratidir.

Tarkibi

1 ml quyidagilarni saqlaydi
faol modda 0,1 ml biofaol kontsentrat
yordamchi moddalar fenol (maks 0,005 g), in'ektsiya uchun suv (1 ml gacha).
Ta'rifi rangsiz yoki biroz jigarrangroq-sariq rangli, yoki biroz sarg‘ish rangli, tiniq suyuqlik.

Farmakoterapevtik guruhi

suyak-mushak tizimi kasalliklarni davolash uchun preparat.
ATX kodi M09AX.

Farmakologik xususiyatlari

Alflutop® - xondroprotektordir, mayda dengiz baliqlaridan olingan biofaol kontsentrat uning faol komponentidir. Kontsentrat mukopolisaxaridlar (xondroitin sulfati), aminokislotalar, peptidlar, natriy, kaliy, kaltsiy, magniy, temir, mis va rux ionlarini saqlaydi. Alflutop® normal to‘qimalarning makromolekulyar tuzilishini buzilishini oldini oladi, interstitsial to‘qimalarda va bo‘g‘im tog‘ayining to‘qimasida tiklanish jarayonlarini rag‘batlantiradi, bu uning og‘riqni qoldiruvchi ta'sirini ko‘rsatadi.
Yallig‘lanishga qarshi ta'siri va to‘qimalarning regeneratsiyasi gialurnidazaning faolligini susayishi va gialuron kislotasining biosintezini me'yorlashishiga asoslangan. Bu ikki samara sinergik va to‘qimalardagi tiklanish jarayonlarini faollashishini belgilaydi (xususan, tog‘ay tuzilishini tiklanishi).

Qo‘llanilishi

Alflutop kattalarda turli joylashgan birlamchi va ikkilamchi osteoartrozda (koksartrozda, gonartrozda, mayda bo‘g‘imlarning artrozida), osteoxondrozda va spondilezda qo‘llanadi.

Qo‘llash usuli va dozalari

Poliosteoartrozda va osteoxondrozda preparat mushak ichiga chuqur qilib kuniga 1 ml dan yuboriladi. Davolash kursi 20 in'ektsiyani tashkil qiladi (kuniga 1 in'ektsiyadan 20 kun davomida).
Asosan yirik bo‘g‘imlarni shikastlanishida preparat bo‘g‘im ichiga 1-2 ml dan har bir bo‘g‘imga 3-4 kun oraliq bilan yuboriladi. Hammasi bo‘lib kurs uchun har bir bo‘g‘imga 5-6 in'ektsiya buyuriladi.
Bo‘g‘im ichiga va mushak ichiga yuborish usullarini birga qo‘llash mumkin.
Davolash kursini 6 oy o‘tgach shifokorning maslahatidan keyin qaytarish maqsadga muvofiqdir.
Nojo‘ya ta'sirlari
Kam hollarda qichishuvchi dermatit, terini qizarishi va preparat yuborilgan joyda achishish hissi, qisqa muddatli mialgiyalar kuzatilishi mumkin. Alohida hollarda bo‘g‘im ichki in'ektsiyalarida o‘tkinchi og‘riq sindromini kuchayishi mumkin.
Juda kam hollarda anafilaktik reaktsiyalar rivojlanishi mumkin.

Qo‘llash mumkin bo‘lmagan holatlar

Preparatning komponentlariga yuqori sezuvchanlik.
Homiladorlik va laktatsiya davri.
Bolalar.
Ehtiyotkorlik
Preparatni o‘smirlarda, bu toifa patsiyentlarda ilmiy klinik ma'lumotlarning yo‘qligi tufayli, buyurish tavsiya qilinmaydi.
Dorilarning o‘zaro ta'siri
Hozirgi vaqtgacha aniqlanmagan.

Maxsus ko‘rsatmalar

Dengiz mahsulotlarini (dengiz balig‘i) shaxsiy o‘zlashtiraolmaslik hollarida allergik reaktsiyalarni rivojlanish xavfi oshadi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Alflutop dori vositasini doza oshirib yuborish hollari qayd qilinmagan.

Chiqarilish shakli

In'ektsiya uchun eritma 0,1 ml/1 ml dan oq sindirish halqali to‘q shisha 1 ml li ampulalarda. 5 ampuladan alyumin folga qoplamasi bilan kontur uyali o‘ramda.
2 kontur uyali o‘ram qo‘llash bo‘yicha yo‘riqnomasi bilan birga karton qutida.
In'ektsiya uchun eritma 0,1 ml/1 ml dan oq sindirish halqali to‘q shisha 2 ml li ampulalarda. 5 ampuladan alyumin folga qoplamasi bilan kontur uyali o‘ramda. Bir kontur uyali o‘ram qo‘llash bo‘yicha yo‘riqnomasi bilan birga karton qutida.
2 ml in'ektsiya uchun eritma 0,1 ml/1 ml dan, 2,25 ml sig‘imli oldindan to‘ldirilgan shpritslarda. Oldindan to‘ldirilgan bitta shprits qoplamasi bilan kontur uyali o‘ramda.
5 kontur uyali o‘ram qo‘llash bo‘yicha yo‘riqnomasi bilan karton qutida.

Saqlash sharoiti

Yorug‘likdan himoyalangan joyda, 15-250S haroratda saqlansin.

Yaroqlilik muddati

3 yil.
Dorixonalardan berish
Shifokor retsepti bo‘yicha.
Qayd etish guvohnomasining egasi
«K.O. Biotexnos C.A.», Ruminiya, Ilfov, Otopen sh., Gorunuluy ko‘ch.№3-5
(«S.C. BIOTEHNOS S.A.», Romania,Ilfov, Otopeni, 3 - 5 Gorunului Str.)

Ishlab chiqaruvchi

Birlamchi o‘ram
«K.O. Romfarm Kompani S.R.L.», Rumniya, Ilfov, 075100 Otopen sh., Yeroilor ko‘ch., №1A
(«S.C. Rompharm Company S.R.L.», Romania, Ilfov, 075100 Otopeni, str. Eroilor, Nr. № 1A).
yoki
«K.O. Zentiva C.A.», Teodor Palladi bulvari № 50, Buxarest sh, Ruminiya
(«S.C. ZENTIVA S.A.»,Theodor Pallady blvd, no. 50, Bucharest, Romania)
Ikkilamchi o‘ram/sifatiga javob beruvchi
«K.O. Biotexnos C.A.», Ruminiya, Ilfov, Otopen sh., Gorunuluy ko‘ch., №3-5
(«S.C. BIOTEHNOS S.A.», Romania,Ilfov, Otopeni, 3 - 5 Gorunului Str.)