Trimedat tab. 200mg №30

Preparatning savdo nomi

Trimedat
Ta'sir etuvchi modda (XPN) Trimebutin

Dori shakli

Tabletkalar

Tarkibi

Bir tabletka quyidagilarni saqlaydi
faol modda trimebutin maleati 200 mg;
yordamchi moddalar laktoza, kolloid kremniy dioksidi, talk, makkajo‘xori kraxmali, magniy stearati.
Ta'rifi oq rangli, dumaloq, ikki yoqlama qabariq, bir tomonida ikki tomchisimon element ko‘rinishida bosib tushirilgan va boshqa tomonida riskasi bo‘lgan tabletkalar.

Farmakoterapevtik guruhi

spazmolitik vosita.
ATX kodi A03AA05

Farmakologik xususiyatlari

Farmakodinamika

Trimebutin ichakning enkefalinergik tizimiga ta'sir qilib, uning peristaltikasini boshqaruvchisi hisoblanadi. Qo‘zg‘alish va bostirish retseptorlariga yaqinligi tufayli, ichakning silliq mushaklarini gipokinetik holatlarida rag‘batlantiruvchi ta'sir va giperkinetik holatlarida spazmolitik ta'sir ko‘rsatadi. Preparat me'da-ichak yo‘llarining hamma qismiga ta'sir ko‘rsatadi, qizilo‘ngach sfinkterining bosimini pasaytiradi, me'dani bo‘shalishiga va ichak peristaltikasini kuchayishiga yordam beradi, shuningdek yo‘g‘on ichakning silliq mushaklarini ovqat ta'siriga javob reaktsiyasiga ham yordam beradi. Trimebutin me'da-ichak yo‘llarining motorikasini buzilishi bilan bog‘liq turli kasalliklarda, ichak mushaklarini me'yoriy fiziologik faolligini tiklaydi.

Farmakokinetikasi

Ichga qabul qilinganida trimebutin me'da-ichak yo‘llaridan tez so‘riladi, qon plazmasida maksimal kontsentratsiyasiga (Smax) 1-2 soatdan keyin erishiladi. Biokiraolishligi 4-6% ni tashkil qiladi. Taqsimlanish hajmi (Vd) – 88 l. Plazma oqsillari bilan bog‘lanish darajasi past – taxminan 5%. Trimebutin oz miqdorda yo‘ldosh to‘sig‘i orqali o‘tadi.
Metabolizmi va chiqarilishi
Trimebutin jigarda biotranformatsiyaga uchraydi va siydik bilan asosan metabolitlari ko‘rinishida (birinchi 24 soat davomida taxminan 70%) chiqariladi. Yarimchiqarilish davri (T½) – taxminan 12 soat.

Qo‘llanilishi

-Me'da-ichak yo‘llarining funktsional kasalliklaridagi motor buzilishlarda, gastroezofageal reflyuks kasalligi, gastroduodenal kasalliklardagi dispeptik buzilishlari (qorin og‘riqlari, ovqat hazm bo‘lishini buzilishi, ko‘ngil aynishi, qusish), ta'sirlangan ichak sindromida (me'da-ichak yo‘llarining, xususan qorin bo‘shlig‘idagi og‘riq va sanchiqlar, ichak spazmlari, meteorizm, diareya va/yoki qabziyat bilan namoyon bo‘luvchi funktsional kasalliklari);
-Operatsiyadan keyingi falajlanish, ichak o‘tkazmasligi, me'da-ichak yo‘llarining rentgenologik va endoskopik tekshirishlarga tayyorlash;
Bolalarda qo‘llanishi me'da-ichak yo‘llarining motorikasini buzilishi bilan bog‘liq dispeptik buzilishlar.

Qo‘llash usuli va dozalari

Ichga. Kattalarga va 12 yoshdan boshlab bolalarga 100-200 mg dan sutkada 3 marta. Ta'sirlangan ichak sindromining qaytalanishlarini oldini olish uchun o‘tkazilgan davolash kursidan keyingi remissiya davrida preparatni sutkada 300 mg dozada 12 hafta davomida qabul qilishni davom ettirish tavsiya qilinadi.
3-5 yoshli bolalar 25 mg dan sutkada 3 marta. 5-12 yoshli bolalar 50 mg dan sutkada 3 marta.
Nojo‘ya ta'sirlari
Kam teri reaktsiyalari.

Qo‘llash mumkin bo‘lmagan holatlar

Preparat tarkibiga kiruvchi komponentlarga yuqori sezuvchanlik.
3 yoshgacha bo‘lgan bolalar - ushbu dori shakli uchun.
Dorilarning o‘zaro ta'siri
Trimedat preparatining boshqa dorilar bilan o‘zaro ta'siri ta'riflanmagan.

Maxsus ko‘rsatmalar

Ta'sirlangan ichak sindromini o‘tkir davrida sutkada 600 mg 4 hafta davomidagi davolash kursida va o‘tkazilgan kursdan keyin davolashni sutkada 300 mg dozada 12 hafta davomida davom ettirish, kasallikning qaytalanishidan saqlanish imkoniyatini beradi.
Homiladorlik va laktatsiya davrida qo‘llanishi
Preparatni homiladorlikning I uch oyligida qo‘llash tavsiya qilinmaydi.
Laktatsiya davrida preparatni qo‘llashning xavfsizligini tasdiqlovchi klinik ma'lumotlarning yo‘qligi sababli, bu davrda Trimedatni buyurish tavsiya qilinmaydi.
Eksperimental tekshirishlarda preparatning teratogenligi va embriotoksikligi to‘g‘risida ma'lumotlar aniqlanmagan.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Hozirgacha Trimedat preparatining dozasini oshirib yuborilish hollari to‘g‘risida xabar qilinmagan.

Chiqarilish shakli

Tabletkalar 200 mg.
10 tabletkadan polivinilxlorid plyonka va bosma laklangan alyuminiy folga kontur uyali o‘ramlarda.
3 kontur uyali o‘ram qo‘llash bo‘yicha yo‘riqnomasi bilan karton qutiga joylangan.

Saqlash sharoiti

25°C dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

.
Retseptsiz.