Preparatning savdo nomi
Dioflan (Dioflan)
Ta'sir etuvchi moddalar (XPN) diosmin, gesperidin

Dori shakli
plyonka qobiq bilan qoplangan tabletkalar.

Tarkibi

1 tabletka quyidagilarni saqlaydi
faol moddalar diosmin, gesperidin;
1 tabletka 450 mg diosmin, 50 mg gesperidin* dan tarkib topgan, 500 mg tozalangan mikronizatsiyalangan flavonoidlar fraktsiyasini saqlaydi;
* “gesperidin” nomida flavonoidlar izoroifolin, gesperidin, linarin, diosmetinlar aralashmasi ko‘zda tutilgan;
yordamchi moddalar mikrokristall sellyuloza, natriy kraxmalglikolyati (A turi), gipromelloza, talk, natriy laurilsulfati, magniy stearati, “Opaglos 2 Orange” № 97A23967 qobiq uchun aralashma saqlaydi natriy karboksimetiltsellyuloza, maltodekstrin, dekstroza monogidrati, titan dioksidi (E171), stearin kislotasi, talk, temir (II) oksidi (E172), temir (III) oksidi (E172), sariq shafaq FCF (E110).
Ta'rifi oval shaklli, yuzasi ikki tomonlama qavariq, tabletkaning bir tomoni riskali va boshqa tomonida “KMP” yozuvi bo‘lgan, och pushti rangli qobiq bilan qoplangan tabletkalar.

Farmakoterapevtik guruhi
Kapillyarlarni barqarorlashtiruvchi vosita. Bioflavanoidlar. Diosmin majmuada.
ATX kodi S05S A53.


Farmakologik xususiyatlari


Farmakodinamika
si
Preparat venotonik va angioprotektor ta'sirga ega, vena tomirlarining tonusini oshiradi, vena tomirlarining kengayuvchanligini va venostazni kamaytiradi, mikrotsirkulyatsiyani yaxshilaydi, kapillyarlarning o‘tkazuvchanligini kamaytiradi va ularning chidamliligini oshiradi, limfa tomirlarining drenajini yaxshilaydi va limfa oqimini oshiradi. Shuningdek preparat leykotsitlar va endoteliyning o‘zaro ta'sirini, postkapillyar venulalarda leykotsitlarning adgeziyasini kamaytiradi. Bu yallig‘lanish mediatorlarini venalarning devoriga va vena klapanlarining tavaqalariga shikastlovchi ta'sirini pasaytiradi.

Farmakokinetikasi

Preparat mikronizatsiyalangan holda diosmin va gesperidinning tozalangan flavanoid fraktsiyasini saqlaydi, ya'ni faol moddaning qismlarini o‘lchami kichraytirilgan, bu preparatni faol so‘rilishini va ta'sirini tezroq boshlanishini ta'minlaydi.
Preparatning faol moddasi organizmda ekstenziv ravishda metabolizmga uchraydi, bu siydikda fenol kislotalarini borligi bilan tasdiqlanadi. Yarim chiqarilish davri 11 soatni tashkil qiladi. Preparatning faol moddasini chiqarilishi asosan ichak orqali (80%) amalga oshadi. Qabul qilingan dozaning o‘rtacha 14% siydik bilan chiqariladi.


Qo‘llanilishi

Oyoqlarni organik va funktsional rivojlangan surunkali venolimfatik yetishmovchiligi (oyoqlarda shishlar, og‘riq, og‘irlik hissi). O‘tkir va surunkali gemorroy.


Qo‘llash usuli va dozalari

Peroral qo‘llash uchun ishlatiladi.
Kattalarga buyuriladi.
Surunkali venolimfatik yetishmovchilikni (oyoqlarda shishlar, og‘riq, og‘irlik hissi, tungi tirishishlar, trofik yaralar, limfedema va boshq.) davolash sutkada 2 tabletka (ikkita qabulga) ovqat vaqtida qabul qilinadi. Bir hafta davomida qabul qilinganidan so‘ng sutkada 2 tabletkani bir vaqtda ovqat vaqtida qabul qilish mumkin.
Surunkali gemorroy sutkada 2 tabletka (ikkita qabulga) ovqat vaqtida qabul qilinadi. Bir hafta davomida qabul qilinganidan so‘ng sutkada 2 tabletkani bir vaqtda ovqat vaqtida qabul qilish mumkin.
O‘tkir gemorroy birinchi 4 kun davomida sutkada 6 tabletka va keyingi 3 kun davomida sutkada 4 tabletkadan qabul qilinadi. Ovqat vaqtida qabul qilinadi. Sutkalik tabletkalar miqdori 2-3 qabulga bo‘linadi.
Davolash kursi va dozasi preparatni qo‘llash uchun ko‘rsatmalarga, kasallikni kechishiga bog‘liq va shifokor tomonidan belgilanadi. O‘rtacha davolash davomiyligi 2-3 oyni tashkil qiladi.

Nojo‘ya ta'sirlari
Odatda davolash yaxshi o‘zlashtiriladi. Kam hollarda ovqat hazm qilish yo‘llari tomonidan o‘rtacha buzilishlar (diareya, dispepsiya, ko‘ngil aynishi, qusish) yoki vegetativ nerv tizimi tomonidan (bosh og‘rig‘i, bosh aylanishi) kuzatilishi mumkin, bu davolashni to‘xtatish zarurati yo‘q.


Qo‘llash mumkin bo‘lmagan holatlar

Anamnezida preparatning har qanday komponentiga yuqori sezuvchanlik.

Dorilarning o‘zaro ta'siri
Aniqlanmagan.


Maxsus ko‘rsatmalar

Agar o‘tkir gemorroy simptomlarining yaqqolligini tez kamayishi kuzatilmasa, qo‘shimcha proktologik tekshirishlar o‘tkazish va davolashni korrektsiya qilish kerak.
Homiladorlik va emizish davrida qo‘llanishi.
Preparatni teratogen ta'siri bo‘yicha ma'lumotlar yo‘q.
Preparatni ona sutiga o‘tishiga nisbatan yetarli darajada ma'lumotlar yo‘qligi sababli preparatni qo‘llash vaqtida emizish tavsiya qilinmaydi. Preparat bilan davolash zarurati bo‘lganida emizishni to‘xtatish kerak.
Bolalar. Qo‘llanmaydi.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish hususiyati.
Preparat transport vositalarini boshqarish va turli mexanizmlar bilan ishlash qobiliyatiga ta'sir qilmaydi. Preparatni nojo‘ya ta'sir qilish belgilari paydo bo‘lgan holda ehtiyot bo‘lish kerak.
Preparatni bolalar olaolmaydigan joyda saqlash kerak va yaroqlilik muddati tugaganidan so‘ng ishlatish mumkin emas.


Dozani oshirib yuborilishi

Tavsiya etilgan dozalardan oshib ketgan holda me'dani yuvish, sorbent qabul qilish va shifokorga murojaat qilish kerak. Nojo‘ya samaralarni kechishi kuchayishi mumkin. Davolash – simptomatik.


Chiqarilish shakli

10 tabletkadan blisterda; 3 yoki 6 blisterdan qutida.


Saqlash sharoiti

Original o‘ramda, 25oS dan yuqori bo‘lmagan xaroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi

“Kiyevmedpreparat” JAJ.
Ukraina, 01032, Kiyev sh., Saksaganskiy ko‘ch., 139.