Metigast ichga qabul qilish uchun tomchilar 100mg/ml 30 ml № 1

Preparatning savdo nomi

Metigast
Ta'sir etuvchi modda (XPN) Simetikon

Dori shakli

Ichga qabul qilish uchun tomchilar.

Tarkibi

1 ml preparat quyidagilarni saqlaydi
faol modda simetikon – 100 mg.
yordamchi moddalar makrogol stearati 40, glitserin monostearati 40-55, karbomer, sorbin kislotasi, atsesulfam kaliy, natriy xloridi, kristallanmaydigan sorbitol eritmasi, suvsiz trinatriy sitrati, “Banan” aromatizatori, natriy gidroksidi, tozalangan suv.
Ta'rifi oq yoki deyarli oq rangli banan hidli emulsiya.

Farmakoterapevtik guruhi

Ovqat hazm qilishiga va metabolizmga ta'sir etuvchi vositalar. Me'da-ichak yo‘llarining funktsional buzilishlarida qo‘llanadigan boshqa preparatlar.
ATX kodi A03AX13

Farmakologik hususiyatlari

Farmakodinamika

Metigast faol modda sifatida simetikon (yuzaki faol polidimetilsiloksan) saqlaydi. Ovqat massalarida va hazm qilish yo‘llarida mavjud bo‘lgan shilliqda simetikon gaz pufakchalarining sirt tarangligini pasaytiradi, buning natijasida ular parchalanadi. Buning oqibatida ajralib chiqqan gazlar ichak orqali so‘rilib ketadi yoki ichak peristaltikasi hisobiga tabiiy yo‘l bilan chiqariladi.
Simetikon faqat fizikaviy ta'sir ko‘rsatadi, u kimyoviy reaktsiyalarda ishtirok etmaydi va biror-bir farmakologik yoki fiziologik samaralar rivojlanishini chaqirmaydi.

Farmakokinetikasi

Ichga qabul qilinganidan so‘ng simetikon ovqat hazm qilish yo‘llaridan so‘rilmaydi va organizmdan o‘zgarmagan holda chiqariladi.

Qo‘llanilishi

• me'da-ichak yo‘llarini, gaz hosil bo‘lishini oshishi bilan bog‘liq bo‘lgan, buzilishlarini, masalan, operatsiyadan keyingi davrda, meteorizmda, go‘daklardagi ichak sanchiqlarida simptomatik davolash;
• qorin bo‘shlig‘i a'zolarini diagnostik tekshiruv o‘tkazishga, masalan, rentgenologik, ultratovush yoki endoskopik tekshiruv o‘tkazishga tayyorlash (yordamchi vosita sifatida, shu jumladan ikkilamchi kontrast usulida tasvirga tushirish uchun kontrast moddalarning suspenziyasiga qo‘shimcha sifatida qo‘llanadi);
• yuzaki-faol moddalar (YuFM) bilan, masalan, yuvish vositalarining tarkibiga kiruvchi moddalar (ko‘pik hosil bo‘lishiga qarshi sifatida) bilan zaharlanishda qo‘llanadi.

Qo‘llash usuli va dozalari

Dozasi
Me'da-ichak tizimining, gaz hosil bo‘lishini oshishi bilan bog‘liq bo‘lgan buzilishlarini simptomatik davolash uchun qo‘llanadi

Patsiyentlar guruhi

Dozalash tartibi

Metigast 100 mg/ml
1 yoshgacha bo‘lgan bolalar
5-10 tomchi

Preparat bolalar ozuqasi solingan butilkaga qo‘shiladi yoki kichkina qoshiqcha yordamida har safar ovqatlantirish vaqtida yoki undan keyin beriladi.
1 yoshdan 6 yoshgacha bo‘lgan bolalar
10 tomchi
sutkada 3-5 marta
6 yoshdan 14 yoshgacha bo‘lgan bolalar
10-20 tomchi
sutkada 3-5 marta
Kattalar va 14 yosh va undan oshgan bolalar
20 tomchi
sutkada 3-5 marta
Qorin bo‘shlig‘i a'zolarini diagnostik tekshiruvga tayyorlash
Tekshirish turlari

Dozalash tartibi

Metigast 100 mg/ml
Rentgenologik va ultratovush tekshiruvini o‘tkazish
Tekshiruv o‘tkazishdan bir kun oldin 25 tomchi (1 ml) dan sutkada 3 marta buyuriladi.
Tekshiruv o‘tkazish vaqtida 25 tomchi (1 ml) dan ertalab buyuriladi.
Endoskopik tekshiruv o‘tkazish
Tekshiruv o‘tkazishdan oldin 50-75 tomchi (2-3 ml) buyuriladi.

Zarurat bo‘lganida tekshiruv o‘tkazish vaqtida to‘siqlar hosil qiluvchi gaz pufakchalarini bartaraf qilish uchun endoskop orqali bir qancha millilitr emulsiya yuborish mumkin.
Ikkilamchi kontrast yordamida tasvirga tushirish uchun kontrast moddalarning suspenziyasiga qo‘shimcha sifatida
Kontrast modda suspenziyasining 1 litriga 50-100 tomchi 
(2-4 ml) qo‘shiladi.

Qo‘llash usuli va dozalari

Emulsiya ichga ovqatlanish vaqtida yoki undan keyin, shuningdek zarurat bo‘lganida uxlashdan oldin qabul qilinadi.
Davolashning davomiyligi simptomlarning yaqqolligiga bog‘liq. Zarurat bo‘lganida preparatni uzoq muddat davomida ishlatish mumkin.
Preparatni har safar qabul qilishdan oldin flakonni yaxshilab chayqatish kerak.
Preparat tiqin-tomchilagich yordamida tomchilarga dozalanadi (25 tomchi 1 ml ga to‘g‘ri keladi), dozalashda flakonni tirqishini pastga qaragan holatda vertikal ushlash kerak.

Nojo‘ya ta'sirlari
Hozirgi vaqtgacha preparatni qo‘llash bilan bog‘liq bo‘lgan noxush reaktsiyalar kuzatilmagan.
Shubha qilingan noxush reaktsiyalar bo‘yicha xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar bo‘yicha xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida, Milliy farmakologik nazorat tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

Preparatning faol moddasiga yoki yordamchi moddalaridan birortasiga yuqori sezuvchanlikda preparatni qo‘llash mumkin emas.

Dorilarning o‘zaro ta'siri
Preparatni boshqa dori vositalari bilan klinik jihatdan ahamiyatli o‘zaro ta'sirlari hozirgi vaqtgacha aniqlanmagan.

Maxsus ko‘rsatmalar

14 kun davomida davolashdan keyin yangi simptomlar paydo bo‘lganida va/yoki me'da-ichak yo‘llari tomonidan kuzatilgan buzilishlar doimo saqlanib turganida patsiyent klinik tekshiruvdan o‘tishi kerak.
Metigast preparatining 1 ml emulsiyasida 1 mmol (23 mg) dan kam natriy saqlaydi, ya'ni deyarli “natriy saqlamaydi”.
Metigast 100 mg/ml preparatining 1 ml emuslsiyasida 1 mmol (39 mg) dan kam kaliy saqlaydi, ya'ni deyarli “kaliy saqlamaydi”.
Metigast 100 mg/ml fruktozaning manbai hisoblangan sorbitol (1 ml emulsiyada 30 mg) saqlaydi; fruktozani nasliy o‘zlashtira olmaydigan patsiyentlar ushbu dori vositasini qabul qilishlari mumkin emas.

Tarkibi

da sorbitol (yoki fruktoza) saqlovchi ovqat mahsulotlari bilan iste'mol qilinganida yoki preparatlar bilan bir vaqtda qo‘llanganida additiv samarasini e'tiborga olish kerak.
Sorbitol saqlovchi peroral dori vositalari bilan birga ishlatilganida peroral qabul qilish uchun mo‘ljallangan boshqa dori preparatlarning biokiraolishligiga ta'sir ko‘rsatishi mumkin.
Sorbitol me'da-ichak diskomfortini chaqirishi va yengil surgi vosita sifatida ta'sir ko‘rsatishi mumkin.
Homiladorlikda va laktatsiya davrida qo‘llanishi
Ayollarda homiladorlik davrida va laktatsiya davrida preparatni qo‘llash yuzasidan klinik ma'lumotlar yo‘q. Ayollarda homiladorlik va laktatsiya davrida preparatni ehtiyotkorlik bilan qo‘llash kerak.
Avtotransportni haydash va mexanizmlarni boshqarish qobiliyatiga ta'siri
Alohida ehtiyotkorlik choralari talab etilmaydi.

Dozani oshirib yuborilishi

Dozani oshirib yuborilish holatlari xaqida xabar berilmagan.
Preparatning dozasini oshirib yuborilish havfini deyarli istisno qilingan, chunki simetikon kimyoviy jihatdan inert hisoblanadi va biror-bir fiziologik samaralarni rivojlanishini keltirib chiqarmaydi. Preparat tavsiya etilgan dozalardan ortiq dozalarda qo‘llanganida noxush reaktsiyalar kuzatilmagan.

Chiqarilish shakli

Ichga qabul qilish uchun tomchilar 30 ml dan sariq rangli shisha flakonlarda tiqin-tomchilagich yopilgan va buraladigan himoya qopqoqchasi bilan himoyalangan.
1 flakon tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!
Flakon ochilganidan so‘ng preparat 6 oy davomida ishlatilsin.

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz.