Vitaprost Forte rektal suppozitoriylar 20mg №10(Nijfarm)

Preparatning savdo nomi

Vitaprost Forte

Dori shakli

Rektal suppozitoriylar

Tarkibi

Bir suppozitoriy quyidagilarni saqlaydi
faol modda prostata ekstrakti – 100 mg suvda eruvchan peptidlarga qayta hisoblaganda 20 mg);
yordamchi moddalar qattiq yog‘ (Vitepsol, markasi N 15, W 35; supposir, markasi N 15, NAS 50) - 1,25 g vaznli suppozitoriy olish uchun yetarli miqdorda.
Ta'rifi
Sarg‘ish, och-sariq yoki kulrangroq oq rangligacha bo‘lgan, torpedasimon shaklli suppozitoriylar. Suppozitoriyning yuzasida oq dog‘ paydo bo‘lishiga yo‘l qo‘yiladi.

Farmakoterapevtik guruhi

Surunkali prostatitni davolovchi vosita.
ATX kodi G04BX.
Farmakologik ta'siri
Vitaprost Forte prostata beziga organotrop ta'sirga ega. Prostata bezining shishi, leykotsitar infiltratsiya darajasini kamaytiradi, epitelial xujayralarining sekretor faolligini normallashtiradi, atsinuslar shirasidagi letsitin zarrachalarining sonini oshiradi, qovuqning mushak tonusini rag‘batlantiradi. Tromblar hosil bo‘lishini kamaytirishi, antiagregant faolligi hisobiga prostata bezida mikrotsirkulyatsiyani yaxshilaydi, prostata bezida venulalar trombozini rivojlanishiga to‘sqinlik qiladi.
Klinik tadqiqotlarning ma'lumotlari asosida, Vitaprost Forteni prostata bezining hajmini o‘rtacha kamaytirishi isbotlangan. Preparat prostata bezining xavfsiz giperplaziyasida obstruktiv va irritativ simptomatikaning yaqqolligini kamaytiradi, bu siydik oqimining maksimal va o‘rtacha hajm tezligini oshishi va qoldiq siydikning hajmini kamayishida ifodalanadi.
Vitaprost Forte qovuq devorida shikastlanmagan tomirlarning kengayishi (vazodilatatsiya samarasi) hisobiga qonning mikrotsirkulyatsiyasini yaxshilaydi, bu bilan gipoksiyaga uchragan to‘qimalarga kislorodning yetkazilishini tiklanishiga yordam beradi, bu fiziologik reparatsiyani rag‘batlantiradi. Qovuq devorini trofik jarayonlarini yaxshilashi va regeneratsiya jarayonlarini rag‘batlantirishi hisobiga yallig‘lanishga qarshi ta'sir ko‘rsatadi. A'zodagi qon oqimini faollashishi, qovuqning hajmini oshirib detruzorning adaptatsion va qisqaruvchanlik faolligini yaxshilanishiga yordam beradi.
Detruzorning ishemiyasini pasayishi bilan qovuqning giperreaktivligining yaqqol pasayishini tushuntirish mumkin, u Vitaprost Forteni qo‘llash tugaganidan keyin ham davom etadi.
Vitaprost Forte prostata bezi va eyakulyat ko‘rsatkichlarini normallashishiga yordam beradi. Og‘riq va diskomfortni kamaytiradi, dizurik ko‘rinishlarni yo‘qotadi, kopulyativ faoliyatni yaxshilaydi.

Qo‘llanilishi

Surunkali prostatit.
Prostata bezining xavfsiz giperplaziyasi.
Siydikni urgent (imperativ) tutib turaolmaslikni, siyishga urgent (imperativ) qistovlarni va klimakterik va postklimakterik davrdagi ayollarda qovuqning yuqori
faolligini asoratlanmagan shakllaridagi tezlashgan siyishni davolash.
Prostata bezidagi jarrohlik aralashuvlardan oldingi va keyingi holatlarda qo‘llanadi.

Qo‘llash mumkin bo‘lmagan holatlar

Preparatning komponentlariga yuqori sezuvchanlikda qo‘llash mumkin emas.

Qo‘llash usuli va dozalari

Rektal buyuriladi. Ichak o‘z-o‘zidan bo‘shalganidan keyin yoki tozalovchi klizmadan so‘ng 1 suppozitoriydan kuniga bir marta qo‘llanadi. Kiritilganidan so‘ng patsiyentni 30-40 minut davomida o‘rinda yotishi maqsadga muvofiqdir.
Davolash kursi davomiyligini shifokor belgilaydi. Prostata bezining xavfsiz giperplaziyasida Vitaprost Forte preparati bilan minimal davolash kursi davomiyligi - 15 kun, surunkali prostatitda - 10 kun, giperreaktiv qovuqda – 20 kunni tashkil etadi.
Nojo‘ya ta'siri
Juda kam hollarda- allergik reaktsiyalar.

Dozani oshirib yuborilishi

Vitaprost Forte preparatini dozasini oshirib yuborilish hollari haqida xabar berilmagan.
Boshqa dori vositalari bilan o‘zaro ta'siri
Boshqa dori vositalari bilan o‘zaro ta'siri yoki nomutanosibligi hollari ta'riflanmagan.
Transport vositalarini va mexanizmlarni boshqarish qobiliyatiga ta'siri
Transport vositalarini va boshqa mexanizmlarni boshqarish qobiliyatiga ta'sir qilmaydi.

Chiqarilish shakli

Rektal suppozitoriylar 20 mg. 5 suppozitoriydan kontur uyali o‘ramda.
Bir yoki ikki kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutiga joylanadi.

Saqlash sharoiti

20°C dan yuqori bo‘lmagan haroratda.
Bolalar olaolmaydigan joyda saqlansin.

Yaroqlilik muddati

3 yil.

O‘rami

da ko‘rsatilgan yaroqlilik muddati o‘tgandan keyin preparat ishlatilmasin.
Berish tartibi
Retseptsiz