Drastop in'ektsiya uchun eritma 200mg/2ml №10

Preparatning savdo nomi

Drastop, Drastop
Ta'sir etuvchi modda (XPN) Xondroitin sulfat, Chondroitin sulphate

Dori shakli

In'ektsiya uchun eritma.

Tarkibi

1 ml preparat saqlaydi
faol modda 100 mg xondroitin sulfat natriy;
yordamchi moddalar benzil spirti, natriy gidroksid yoki xlorid kislotasi, in'ektsiya uchun suv
Ta'rifi tiniq, och-sariq eritma.

Farmakoterapevtik guruhi

Boshqa nosteroid yallig‘lanishga qarshi va revmatizmga qarshi vositalar.
ATX kodi M01AX25

Farmakologik xususiyatlari

Farmakodinamika

Preparatning asosiy ta'sir etuvchi moddalari -xondroitin sulfat A va C ning natriy tuzlari (o‘rtacha molekulyar og‘irligi 11000 dalton). Xondroitin natriy sulfat - yuqori molekulyar mukopolisaxariddir. Bu kollagen tolalari bilan birgalikda tog‘ay matriksni tashkil qiladigan proteoglikanlarning asosiy komponenti hisoblanadi. Preparat yallig‘lanishga qarshi va og‘riq qoldiruvchi ta'sirlarni ko‘rsatadi. Bo‘g‘im tog‘ayining degradatsiyasini chaqiradigan fermentlarning faolligini bostiradi metalloproteinazalarni, xususan, leykotsitlar elastazasini ingibitsiya qiladi. Gialuronidaza faolligini pasaytiradi. Erkin kislorod radikallarining otilib chiqishini qisman bloklaydi; xemotaksisning bloklanishiga yordam beradi. Xondrotsitlar tomonidan proteoglikanlarni ishlab chiqarilishini rag‘batlantiradi. Yallig‘lanish va og‘riq mediatorlarini sinovial suyuqlikka otilib chiqishini kamayishi, shuningdek leykotriyen V4 va prostaglandin Ye2 sekretsiyasini bostirishi tufayli yallig‘lanishga qarshi va og‘riq qoldiruvchi ta'sirlarga erishiladi. Xondroitin natriy sulfat tog‘ay to‘qimalarining siqilishiga to‘sqinlik qiladi, bo‘g‘im yuzalari amortizatori vazifasini bajaradi, bo‘g‘im suyuqligini ishlab chiqarilishini normallashtiradi, og‘riq intensivligini kamayishiga yordam beradi.

Farmakokinetikasi

Xondroitinni natriy sulfatni mushak ichiga yuborilgandan keyin sinovial suyuqlikka o‘tadi. Sinovial suyuqlikda xondroitin natriy sulfatning maksimal kontsentratsiyasiga in'ektsiyadan 4-5 soat o‘tgach erishiladi. Organizmdan 24 soat davomida chiqariladi.

Qo‘llanilishi

Tizza, chanoq-son bo‘g‘imlar osteoartriti, umurtqa pog‘onasi osteoxondrozi adekvat tashxislangan, samarani asta-sekin rivojlanishi bilan bo‘lgan simptomlarni (engildan o‘rtacha darajagacha bo‘lgan og‘riqgacha) yengillashtirishda qo‘llanadi.

Qo‘llash usuli va dozalari

Preparat mushak ichiga yuborish uchun mo‘ljallangan. Vena ichiga yubormang!
Kattalar va keksa patsiyentlar preparat har kuni mushak ichiga 1 mldan (100 mg xondroitin natriy sulfat) yuboriladi.
Yaxshi o‘zlashtiraolinishda dozani to‘rtinchi in'ektsiyadan boshlab 2 mlgacha (200 mg xondroitin natriy sulfat) oshiriladi. Davolash kursi 25-35 in'ektsiyadan iborat. Zarur bo‘lganda, takroriy davolash kurslarini 6 oydan keyin o‘tkazish mumkin.
Bolalar
Preparatni bolalarda qo‘llanilmaydi.
Nojo‘ya ta'sirlari
Teri va teri osti to‘qimalari tomonidan qichishish va/ yoki shish bilan birga kechadigan yoki kechmaydigan eritema, eshakemi, ekzema, makulopapular toshma holatlari haqida xabarlar mavjud.
Me'da-ichak yo‘llari tomonidan kam hollarda ko‘ngil aynishi, qusish to‘g‘risida xabar qilingan.
Immun tizimi tomonidan juda kam hollarda angionevrotik shish to‘g‘risida xabar qilingan.
In'ektsiya joyida qon ketish holatlari aniqlangan.
Shubha qilinadigan noxush reaktsiyalari to‘g‘risida xabarlar
Dori vositasi ro‘yxatdan o‘tkazilgandan keyin shubha qilinadigan noxush reaktsiyalari to‘g‘risidagi xabarlar muhim hisoblanadi. Patsiyentda dori vositasiga jiddiy noxush reaktsiyalar aniqlanganda yoki ushbu bo‘limda ta'riflanmagan yangi noxush reaktsiyalar paydo bo‘lganida farmakonazoratni Milliy tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

- preparatning komponentlariga yuqori sezuvchanlik;
- qon ketishiga moyillik;
- tromboflebit;
- homiladorlik va laktatsiya davri (davolash vaqtida emizishni to‘xtatish lozim);
- 15 yoshgacha bo‘lgan bolalar (samaradorlik va xavfsizlik aniqlanmagan).
Ehtiyotkorlik bilan
Qon ivishining buzilishlarida, qandli diabetda, tana vazni yuqori shaxslarda, tuz miqdori past bo‘lgan parhezga rioya qiladigan patsiyentlarda, 18 yoshgacha bo‘lgan bolalarda, buyrak funktsiyasini buzilishlarida, homiladorlikni rejalashtirayotgan ayollarda.
Dorilarning o‘zaro ta'sirlari
Drastop preparatini nosteroid yallig‘lanishga qarshi vositalari bilan birgalikda qo‘llash, ularning dozasini kamaytirish imkonini beradi.
Bilvosita antikoagulyantlar, antiagregantlar, fibrinolitiklarning ta'sirini kuchaytirish mumkin, bu birgalikda qo‘llanganda qon ivish ko‘rsatkichlarini tez-tez nazorat qilishni talab qiladi.

Maxsus ko‘rsatmalar

Allergik reaktsiyalarda yoki gemorragiyalarda davolashni to‘xtatish lozim.
Barqaror klinik samaraga ta'sirga erishish uchun Drastop dori vositasini kamida 25 in'ektsiyasi zarur, ammo samara davolash kursi tugaganidan keyin ko‘p oylar davomida saqlanadi.
Preparat benzil spirtini saqlaydi, bu emizikli chaqaloqlarda va 3 yoshgacha bo‘lgan bolalarda zaharlanish va soxta anafilaktik reaktsiyalarni keltirib chiqarishi mumkin.
Preparat bitta ampulada (2 ml) 24 mg benzil spirtini saqlaydi, bu 12 mg / ml ga mos keladi, u allergik reaktsiyalarni keltirib chiqarishi mumkin; jigar yoki buyrak funktsiyasini buzilishlari bo‘lgan patsiyentlarda shuningdek uning to‘planishi va noxush reaktsiyalarni (metabolik atsidoz) rivojlanish xavfi ham mavjud.
Bilvosita antikoagulyantlar, antiagregantlar, fibrinolitiklar ta'sirini kuchayishi mumkin, bu birgalikda qo‘llanganda qon ivish ko‘rsatkichlarini tez-tez nazorat qilishni talab qiladi.
Homiladorlik va laktatsiya davrida qo‘llanilishi
Preparatni homiladorlik vaqtida va laktatsiya davrida qo‘llanmaydi.
Avtotransportni haydash va mexanizmlarni boshqarish qobiliyatiga ta'siri
Drastop avtotransport vositalarini boshqarish va yuqori diqqat talab qiladigan potentsial xavfli faoliyat turlari bilan shug‘ullanish qobiliyatiga ta'sir ko‘rsatmaydi.

Dozani oshirib yuborilishi

Dori vositasini hatto sezilarli darajada dozani oshirib yuborilishida ham toksiklikni namoyon qilmaydi.
Simptomlar allergik reaktsiyalar, in'ektsiya joyida gemorragiyalar.
Tasodifiy o‘tkir dozani oshirib yuborilishida - simptomatik davolash. Barcha tadbirlar Drastop dori vositasini bekor qilish fonida amalga oshiriladi.

Chiqarilish shakli

In'ektsiya uchun eritma 2 mldan sariq rangli ampulalarda.
5 ampul kontur uyali o‘ramda.
1 yoki 2 kontur uyali o‘ramlar tibbiyotda qo‘llanishiga doir yo‘riqnomasi bilan birga karton qutida.

Saqlash sharoiti

25°C dan yuqori haroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugagandan keyin qo‘llanilmasin.

Dorixonalardan berish tartibi

Retsept bo‘yicha beriladi.