Insufor tab. 500 mg. №30

Preparatning savdo nomi

Insufor
Ta'sir etuvchi modda (XPN) Metformin

Dori shakli

Plyonka qobiq bilan qoplangan tabletkalar

Tarkibi

Plyonka qobiq bilan qoplangan har bir tabletka quyidagilarni saqlaydi
faol modda metformin gidroxloridi – 500 mg, 850 mg yoki 1000 mg;
yordamchi moddalar povidon K30, povidon K90, jelatinlangan kraxmal, krospovidon, magniy stearati;
qobig‘ini tarkibi oq rangli Opadri II 85F18422 (polivinil spirti, titan dioksidi, makrogol, talk).
Ta'rifi
Insufor 500 mg dumaloq, ikki tomonlama qavariq, oq rangli plyonka qobiq bilan qoplangan tabletkalar.
Insufor 850 mg dumaloq, ikki tomonlama qavariq, oq rangli plyonka qobiq bilan qoplangan tabletkalar.
Insufor 1000 mg oval, ikki tomonlama qavariq, har ikkala tomonida sindirish chizig‘i bo‘lgan, oq rangli plyonka qobiq bilan qoplangan tabletkalar.

Farmakoterapevtik guruhi

Gipolipidemik vositalar (peroral). Biguanidlar.
ATX kodi A10BA02
Farmakologik hususiyatlari

Farmakodinamika

Ta'sir mexanizmi
Metformin – antigiperglikemik samaraga ega bo‘lgan biguanid, qon plazmasida ham glyukozaning dastlabki darajasini, ham ovqatlanishdan keyingi darajasini pasaytiradi. Insulin sekretsiyasini rag‘batlantirmaydi, va shunga muvofiq gipoglikemiyani chaqirmaydi.
Metformin quyidagi uch xil yo‘l bilan ta'sir qiladi
glyukoneogenez va glikogenolizni ingibitsiya qilishi hisobiga jigarda glyukozaning sintezini pasayishiga olib keladi;
insulinga sezuvchanlikni oshirishi hisobiga mushaklarda periferik glyukozani qamrab olinishi va utilizatsiyasini yaxshilaydi;
ichakda glyukozani so‘rilishini ushlab qoladi.
Metformin glikogensintetazaga ta'sir ko‘rsatib, glikogenni hujayra ichidagi sintezini rag‘batlantiradi. Glyukozaning membrana orqali tashuvchilarni, hozirgi kunda ma'lum bo‘lgan, barcha turlarining (GLUT) transport sig‘imini oshiradi.
Farmakodinamik samaralari
Klinik tadqiqotlarda, metforminning asosiy noglikemik samarasi bo‘lib yo tana vaznini barqarorligi, yoki o‘rtacha darajada yo‘qolishi ekanligi ko‘rsatilgan.
O‘zining glikemiyaga ta'siridan qat'iy nazar, ajralib chiqishi tezlashtirilgan metformin lipidlar metabolizmiga ijobiy ta'sir ko‘rsatadi umumiy xolesterin, past zichlikdagi lipoproteidlar xolesterini va triglitseridlarning darajasini pasaytiradi. Bunday ta'sir ajralib chiqishi sekinlashtirilgan preparat qo‘llanganida kuzatilmagan, ehtimol kechki payt qabul qilinganligi tufayli bo‘lishi mumkin, shuningdek triglitseridlarning miqdorini oshishi kuzatilishi mumkin.
Klinik samaradorligi
Randomizatsiyalangan prospektiv tadqiqotda, qondagi glyukozaning darajasini jadal nazorat qilish qandli diabetning 2 turi bilan xastalangan katta yoshdagi patsiyentlarda uzoq muddatli ijobiy samarasi ko‘rsatilgan.
Parhez bekor qilinganidan keyin metformin qabul qilgan, tana vazni ortiqcha bo‘lgan patsiyentlar uchun natijalarni tahlili quyidagilarni ko‘rsatdi
faqat parhez ushlagan guruhga nisbatan va sulfonilmochevinani majmuaviy qabul qilish va insulin bilan monoterapiyaga nisbatan metformin guruhida diabet bilan bog‘liq har qanday asoratlarni mutloq rivojlanish havfini ahamiyatli darajada pasayishi;
diabet oqibatida o‘limni mutloq yuz berish havfini ahamiyatli darajada pasayishi;
umumiy o‘limni mutloq yuz berish havfini ahamiyatli darajada pasayishi;
miokard infarktini mutloq yuz berish havfini ahamiyatli darajada pasayishi.
Sulfonilmochevina bilan majmuada ikkinchi qator davolash sifatida ishlatilgan metformin uchun klinik natijasiga nisbatan afzalliklar ko‘rsatilmagan.
Qandli diabetning 1 turida metformin va insulinning majmuasi ayrim patsiyentlarda qo‘llanilgan, ammo ushbu majmuaning klinik foydasi rasmiy aniqlanmagan.
Bolalar
1 yil davomida davolangan 10-16 yoshdagi cheklangan pediatriya populyatsiyasida o‘tkazilgan nazoratli klinik tadqiqotlarda kattalarda kuzatilgan glikemik nazoratdagiga o‘xshash javob reaktsiyasi kuzatilganligi ko‘rsatilgan.

Farmakokinetikasi

So‘rilishi
Insufor tabletkalari ichga qabul qilinganidan so‘ng plazmada maksimal kontsentratsiyaga erishish vaqti taxminan 2,5 soatni tashkil etadi.
500 mg yoki 850 mg metformin gidroxloridi tabletkalarining mutloq biokiraolishligi sog‘lom ko‘ngillilarda taxminan 50-60% ni tashkil etadi. Peroral dozasi qabul qilinganidan keyin axlat bilan chiqariladigan so‘rilmagan fraktsiyasi 20-30% ni tashkil etgan.
Peroral qabul qilinganida metforminni so‘rilishi to‘liq emas va to‘yingan xarakterga ega. Metformin noproportsional farmakokinetikaga ega deb taxmin qilinadi.
Metformin tavsiya etilgan dozalarda va qabul qilish tartiblarida qo‘llanganida qon plazmasidagi statsionar kontsentratsiyasiga 24-48 soatdan keyin erishiladi va odatda 
1 mkg/ml dan kamroq qiymatni tashkil etadi. Nazoratli klinik tadqiqotlarda metforminning plazmadagi maksimal kontsentratsiyasi (Cmax) hatto maksimal dozalarda qabul qilinganida ham 5 mkg/ml dan oshmagan.
Ovqat bilan bir vaqtda qabul qilish metforminni so‘rilishini pasaytiradi va biroz sekinlashtiradi.
850 mg metformin peroral qabul qilinganida plazmadagi cho‘qqi kontsentratsiyasini 40% pasayishi, AUC (farmakokinetik egri chizig‘i ostidagi maydon) ni 25% pasayishi va plazmada cho‘qqi kontsentratsiyaga erishish vaqtini 35-minutlik uzayishi kuzatilgan. Ushbu natijalarning klinik ahamiyati noma'lum.
Taqsimlanishi
Plazma oqsillari bilan bog‘lanishi ahamiyatsiz darajada. Metformin eritrotsitlarga o‘tadi. Qondagi Cmax, plazmadagi Cmax ga nisbatan past, va bir xil vaqtda erishiladi.
Eritrotsitlar, ehtimol, metforminni taqsimlanishi ikkinchi kamerasidir. O‘rtacha taqsimlanish hajmi 63-276 l diapazonida o‘zgarib turadi.
Metabolizmi
Metformin siydik bilan o‘zgarmagan holatda chiqariladi. Odamda metforminning metabolitlari aniqlanmagan.
Chiqarilishi
Metforminning buyrak klirensi >400 ml/min ni tashkil etadi, bu metformin kalavalar filtratsiyasi va naychalar sekretsiyasi hisobiga chiqarilishini ko‘rsatadi.
Peroral qabul qilinganidan keyin yakuniy yarim chiqarilish davri (T½) taxminan 6,5 soatni tashkil etadi.
Buyrak funktsiyasi buzilganida buyrak klirensi kreatinin klirensiga proportsional ravishda pasayadi, va T½ uzayadi, bu metforminning qon plazmasidagi darajasini oshishiga olib keladi.
Buyrak yetishmovchiligi bo‘lgan patsiyentlar
O‘rtacha darajadagi buyrak yetishmovchiligi bo‘lgan patsiyentlar xaqida ma'lumotlar yetarli emas, va ushbu kichik guruhda metforminning tizimli ta'sirini ishonchli baholash buyrak funktsiyasi normal bo‘lgan patsiyentlarga nisbatan ishonchli bo‘lishi mumkin emas. Shunday ekan, dozaga moslashish preparatning samaradorligi / o‘zlashtirilishini inobatga olgan holda o‘tkazilishi kerak.
Bolalar va o‘smirlar
Bir martalik dozalarini o‘rganish 500 mg metformin gidroxloridini qabul qilgan bolalarda sog‘lom kattalardagiga o‘xshash farmakokinetik profil kuzatiladi.
Ko‘p martalik dozalarini o‘rganish ma'lumotlar yagona tadqiqot bilan cheklangan. Metformin 500 mg dozada kuniga ikki marta 7 kun davomida ko‘p marta buyurilganidan keyin bolalarda Smax va uning tizimli ekspozitsiyasi (AUC0-t) qandli diabet bilan xastalangan, metforminni 500 mg dan kuniga ikki marta 14 kun davomida ko‘p marotaba qabul qilgan katta yoshdagi patsiyentlarga nisbatan taxminan 33% va 40% ga past bo‘lgan. Preparatning dozasi qondagi qandning darajasiga qarab individual ravishda tanlanishi kerakligi tufayli, ushbu natijalar cheklangan klinik ahamiyatga ega.

Qo‘llanilishi

Qandli diabetning 2 turini, ayniqsa tana vazni ortiqcha bo‘lgan patsiyentlarni, faqat parhez va jismoniy yuklama ta'sirida qondagi qandning darajasini yetarli darajada korrektsiya qilishga erishilmagan patsiyentlarni davolash uchun qo‘llanadi.
Kattalarda Insufor preparatini ham monoterapiya ko‘rinishida, ham boshqa peroral diabetga qarshi vositalar yoki insulin bilan majmuada qo‘llash mumkin.
10 yoshdag katta bolalar va o‘smirlarda Insufor preparatini monoterapiya ko‘rinishida yoki insulin bilan majmuada qo‘llash mumkin.
Qandli diabetning 2 turi bilan xastalangan, tana vazni ortiqcha bo‘lgan patsiyentlarda, parhez samarasiz bo‘lganida metformin bilan birinchi tanlov preparati sifatida davolashda diabet bilan bog‘liq bo‘lgan asoratlarni uchrash tezligini pasayishi isbotlangan.

Qo‘llash usuli va dozalari

Buyrak funktsiyasi normal (kalavalar filtratsiyasi tezligi (KFT) ≥ 90 ml/min) bo‘lgan kattalar
Monoterapiya va boshqa peroral antidiabetik vositalar bilan majmuada davolash
Boshlang‘ich doza odatda 500 mg yoki 850 mg metformin gidroxloridini sutkada 2 yoki 3 marta ovqat vaqtida yoki ovqatdan keyin qabul qilinadigan dozani tashkil etadi.
10-15 kundan keyin qondagi qandning darajasini ko‘rsatkichlariga qarab dozaga tuzatish kiritish kerak. Dozani asta-sekin oshirish preparatni me'da-ichak yo‘llari tomonidan o‘zlashtirilishiga ijobiy ta'sir qiladi.
Tavsiya etilgan maksimal sutkalik dozasi sutkada 3000 mg metformin gidroxloridini 3 ga bo‘lib qabul qilishni tashkil etadi.
Boshqa diabetga qarshi vositani qabul qilishga o‘tilganida uni qabul qilishni to‘xtatish va metforminni yuqorida ko‘rsatilgandek qabul qilishni boshlash kerak.
Insulin bilan majmuasi
Qonda qandning darajasini yaxshiroq korrektsiyasiga erishish uchun metformin gidroxloridi va insulinni birga qo‘llash mumkin. Metformin gidroxloridining odatdagi boshlang‘ich dozalari 500 mg yoki 850 mg dozalarini sutkada 2 yoki 3 marta qabul qilishni tashkil etadi, ayni vaqtda insulinning dozasi qondagi qandning ko‘rsatkichlariga bog‘liq bo‘ladi.
Keksa patsiyentlar
Keksa yoshdagi patsiyentlarda buyrak funktsiyasi yomonlashishi mumkin, shuning uchun metforminning dozasini muntazam ravishda o‘tkazish kerak bo‘lgan buyrak funktsiyasini baholashga asoslanib tanlash lozim.
Jigar yetishmovchiligi
KFT metformin saqlovchi preparatlar bilan davolashni boshlashdan oldin, va shundan keyin kamida har yili baholash kerak. Buyrak yetishmovchiligini keyinchalik zo‘rayish havfi yuqori bo‘lgan patsiyentlarda va keksa yoshdagi patsiyentlarda buyrak funktsiyasini tez-tez (masalan, har 3-6 oyda) baholash kerak.
KFT (ml/min)
Umumiy maksimal sutkalik doza
(2-3 sutkalik dozaga bo‘linadi)
Inobatga olish kerak bo‘lgan qo‘shimcha omillar
60-893000 mgDozani kamaytirish buyrak funktsiyasini pasayishi tufayli ko‘rib chiqilishi mumkin
45-592000 mgLaktoatsidozni rivojlanish havfini oshirishi mumkin bo‘lgan omillar metforminni qabul qilishni boshlashdan oldin ko‘rib chiqilishi lozim.
30-44
1000 mg
Boshlang‘ich doza maksimal dozaning ko‘pi bilan yarmini tashkil etishi kerak.
< 30-Metforminni qo‘llash mumkin emas.
Bolalar
Preparat bilan monoterapiya va insulin bilan majmuada davolash
Boshlang‘ich dozasi odatda 500 mg yoki 850 mg metformin gidroxloridini sutkada 1 marta ovqat vaqtida yoki ovqatdan keyin qabul qilishni tashkil etadi.
10-15 kundan keyin qondagi qandning ko‘rsatkichlariga qarab dozaga tuzatish kiritish kerak. Dozani asta-sekin oshirish preparatni me'da-ichak yo‘llari tomonidan o‘zlashtirilishiga ijobiy ta'sir qiladi.
Tavsiya etilgan maksimal sutkalik dozasi sutkada 2000 mg metformin gidroxloridini 
2-3 ga bo‘lib qabul qilishni tashkil etadi.
Nojo‘ya ta'sirlari
Davolashning boshlanishida eng ko‘p kuzatiladigan nojo‘ya reaktsiyalar bo‘lib ko‘ngil aynishi, qusish, diareya, qorinda og‘riq, ishtahani yo‘qolishi hisoblanadi. Ushbu simptomlar ko‘pchilik holatlarda o‘z-o‘zidan o‘tib ketadi. Ko‘rsatilgan noxush reaktsiyalarni rivojlanishini oldini olish uchun preparatning dozasini asta-sekin oshirish va sutkalik dozani 2-3 ga bo‘lib qabul qilish tavsiya etiladi.
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Moddalar almashinuvi va oziqlanish tomonidan juda kam hollarda – laktoatsidoz.
Preparat uzoq muddat qo‘llanganida V12 vitaminini so‘rilishi pasayishi mumkin, bu holat qon plazmasida uning darjasini pasayishi bilan kechadi. Agar patsiyentda megaloblast anemiya aniqlangan bo‘lsa, V12 vitamini gipovitaminozini kuzatilishi mumkin bo‘lgan sababini inobatga olish tavsiya etiladi.
Nerv tizimi tomonidan tez-tez – ta'm bilishni buzilishi.
Me'da-ichak yo‘llari tomonidan juda tez-tez – ovqat hazm qilish tizimi tomonidan, ko‘ngil aynishi, qusish, diareya, qorinda og‘riq, ishtahani yo‘qolishi kabi buzilishlari.
Ushbu noxush reaktsiyalar hammadan ko‘proq davolashning boshlanishida rivojlanadi, va odatda to‘satdan yo‘qoladi. Ovqat hazm qilish tomonidan nojush reaktsiyalarni rivojlanishini oldini olish uchun preparatning dozasini asta-sekin oshirish va uni sutkada 2-3 marta ovqat vaqtida yoki ovqatdan keyin qabul qilish tavsiya etiladi.
Jigar va o‘t chiqarish yo‘llari tomonidan juda kam hollarda – jigar funktsiyasini, metformin bekor qilinganidan keyin butunlay yo‘qoladigan ko‘rsatkichlarini buzilishi yoki gepatitlar.
Teri va teri osti to‘qimalari tomonidan juda kam hollarda – terida allergik reaktsiyalar, jumladan eritema, qichishish, eshakemi.

Qo‘llash mumkin bo‘lmagan holatlar

metformin gidroxloridiga yoki preparatning boshqa komponentlariga yuqori sezuvchanlik;
o‘tkir metabolik atsidozning istalgan turi (masalan, laktoatsidoz, diabetik ketoatsidoz);
diabetik koma oldi;
og‘ir darajadagi buyrak yetishmovchiligi (KFT < 30 ml/min);
organizmni suvsizlanishi, og‘ir darajadagi infektsion kasalliklar, shok kabi buyrak funktsiyasini buzilish havfi bilan kechuvchi o‘tkir holatlar;
gipoksiyani rivojlanishiga olib kelishi mumkin bo‘lgan o‘tkir va surunkali kasalliklar yurak yoki nafas yetishmovchiligi, o‘tkir miokard infarkti, shok;
jigar yetishmovchiligi, alkogol bilan o‘tkir zaharlanish, alkogolizm;
homiladorlik va laktatsiya davrida qo‘llash mumkin emas.
Dorilarning o‘zaro ta'siri
Qo‘llash tavsiya etilmagan majmualar
Alkogol
Alkogol bilan o‘tkir zaharlanish, ayniqsa och qolgan yoki past kaloriyali parhezga rioya qilingan holatlarda, shuningdek jigar yetishmovchiligida laktoatsidozni rivojlanish havfini oshishi bilan assotsiatsiyalanadi.
Yod saqlovchi rentgenokontrast moddalar
Metforminni qo‘llashni tekshiruv o‘tkazishdan oldin yoki o‘tkazish vaqtida to‘xtatish kerak va tekshiruv o‘tkazilgandan so‘ng kamida 48 soatdan keyin va buyrak funktsiyasi takroran baholangandan va buyraklarning holatini keyinchalik yomonlashmagani tasdiqlangandan keyingina qabul qilishni boshlash mumkin.
Ehtiyotkorlik bilan qo‘llash kerak bo‘lgan majmualar
Ayrim dori preparatlari buyrak funktsiyasiga salbiy ta'sir qilishi mumkin, bu holat laktoatsidozni rivojlanish havfini (masalan, NYaQV, shu jumladan siklooksigenaza II ning selektiv ingibitorlari, angiotenzinga aylantiruvchi fermentning ingibitorlari, angiotenzin II retseptorlarining antagonistlari va diuretiklar, ayniqsa xalqali diuretiklar) oshirishi mumkin. Bunday preparatlarni metformin bilan birga qo‘llashni boshlashdan oldin yoki qo‘llash vaqtida buyrak funktsiyasini sinchkov monitoringini o‘tkazish kerak.
Giperglikemik ta'sir ko‘rsatuvchi dori vositalar (tizimli va mahalliy ta'sir qiluvchi glyukokortikoidlar, simpatomimetiklar)
Qonda glyukozaning darajasini, ayniqsa davolashning boshlanishida, ko‘proq nazorat qilish kerak. Bunday birgalikda davolash vaqtida va to‘xtatilganidan keyin metforminning dozasiga tuzatish kiritish kerak.
Organik anionlarning oqsil-transporterlari (OST)
Metformin har ikkala OCT1 va OCT2 transporterning substrati hisoblanadi.
Metforminni quyidagilar bilan birga qo‘llash
OST1 ingibitorlari (masalan, verapamil bilan) metforminning samaradorligini pasaytirishi mumkin;
OST1 induktorlari (masalan, rifampitsin bilan) me'da-ichak yo‘llarida metforminni so‘rilishini va samaradorligini oshirishi mumkin;
OST2 ingibitorlari (masalan, simetidin, dolutegravir, ranolazin, trimetoprim, vandetanib, ivakukonazol) metforminning buyrak orqali eliminatsiyasini pasaytirishi va shu orqali metforminning plazmadagi kontsentratsiyasini oshishiga olib kelishi mumkin;
OST1 va OST2 ingibitorlari (masalan, krizotinib, olaparib) metforminning samaradorligini va buyrak orqali eliminatsiyasini o‘zgartirishi mumkin.
Shuning uchun ayniqsa buyrak yetishmovchiligi bo‘lgan patsiyentlarda, ushbu preparatlar metformin bilan birga qo‘llanganida ehtiyotkorlikka rioya qilish lozim, chunki metforminning plazmadagi kontsentratsiyasi oshishi mumkin. Zarurat bo‘lganida metforminning dozasini boshqarishni ko‘rib chiqish mumkin, chunki OST ingibitorlari/ induktorlari metforminning samaradorligiga ta'sir qilishi mumkin.

Maxsus ko‘rsatmalar

Laktat atsidoz
Laktat atsidoz – kam uchraydigan, ammo ko‘pincha buyrak funktsiyasi o‘tkir yomonlashganida, kardiorespirator buzilishlar yoki sepsisda uchraydigan metabolik xarakterga ega bo‘lgan og‘ir asorat hisoblanadi. Buyrak funktsiyasi o‘tkir yomonlashganida metforminni to‘planishi kuzatiladi, bu laktat atsidozning rivojlanish havfini oshiradi.
Organizm suvsizlanganida (og‘ir diareya yoki qusish, isitma yoki suyuqlik iste'mol qilishni pasayishi) metforminni qo‘llashni vaqtinchalik to‘xtatish kerak va shifokorga murojaat qilish tavsiya etiladi.
Metformin qabul qilayotgan patsiyentlarda buyrak funktsiyasini to‘satdan yomonlashtirishi mumkin bo‘lgan dori vositalar (antigipertenziv vositalar, diuretiklar va nosteroid yallig‘lanishga qarshi vositalar (NYaQV)) ni ehtiyotkorlik bilan qo‘llash kerak. Laktoatsidozni boshqa rivojlanish havf omillari haddan tashqari ko‘p alkogol iste'mol qilish, jigar yetishmovchiligi, yomon nazorat qilinadigan qandli diabet, ketoz, uzoq muddat och qolish yoki gipoksiya bilan bog‘liq bo‘lgan har qanday holat, shuningdek laktat atsidozni chaqirishi mumkin bo‘lgan dori vositalarni yondosh qo‘llash kabi omillarni ham inobatga olish kerak.
Patsiyentlar va/yoki parvarish qiladigan shaxslar, laktoatsidozni rivojlanish havfi yuzasidan xabardor bo‘lishlari lozim. Laktoatsidoz atsidotik hansirash, qorinda og‘riq, mushaklarni tortishishlari va gipotermiya bilan xarakterlanadi. Keyinchalik koma rivojlanishi mumkin.
Laktoatsidozga shubha qilinganida preparatni qo‘llashni to‘xtatish va zudlik bilan tibbiy yordamga murojaat qilish kerak.
Tashxis qo‘yish uchun muhim laborator ko‘rsatkichlarga qonning rN qiymatini pasayishi (< 7,35), plazmada laktatning kontsentratsiyasini 5 mmol/l dan ko‘proqqa oshishi, shuningdek anionlar tanqisligi va laktat/piruvat nisbatini oshishi kiradi.
Buyrak funktsiyasi
KFT davolashni boshlashdan oldin va davolash boshlanganidan keyin muntazam ravishda baholanishi kerak. Metforminni KFT < 30 ml/min bo‘lgan patsiyentlarga qo‘llash mumkin emas. Buyrak funktsiyasini o‘zgartirishi mumkin bo‘lgan holatlarda preparatni qabul qilish vaqtinchalik to‘xtatilishi kerak.
Yurak faoliyati
Yurak yetishmovchiligi bo‘lgan patsiyentlarda gipoksiya va buyrak yetishmovchiligini rivojlanish havfi yuqoriroq bo‘ladi. Barqaror surunkali yurak yetishmovchiligi bo‘lgan patsiyentlarda metforminni yurak va buyrak funktsiyasi muntazam ravishda monitoringi ostida qo‘llash mumkin. O‘tkir va nostabil yurak yetishmovchiligi bo‘lgan patsiyentlarga metforminni qo‘llash mumkin emas.
Yod saqlovchi kontrast moddalarni yuborish
Radiologik tekshiruvlar o‘tkazish uchun rentgenokontrast preparatlarni vena ichiga yuborish buyrak yetishmoviligiga, va uning oqibatida metforminni kumulyatsiyasi va laktoatsidozni rivojlanish havfini oshishiga olib kelishi mumkin. Tekshiruvni o‘tkazishdan oldin va o‘tkazish vaqtida metforminni qo‘llashni to‘xtatish kerak va tekshiruv o‘tkazilgandan so‘ng kamida 48 soatdan keyin va buyrak funktsiyasi takroran baholangandan va buyraklarning holatini keyinchalik yomonlashmagani tasdiqlangandan keyingina qabul qilishni boshlash mumkin.
Jarrohlik aralashuvi
Umumiy, spinal yoki epidural anesteziya ostida o‘tkaziladigan rejali jarrohlik aralashuvlarini o‘tkazishdan 48 soat oldin metforminni qo‘llashni to‘xtatish kerak, va operatsiya o‘tkazilgandan yoki og‘iz orqali ovqatlanish tiklanganidan so‘ng kamida 48 soatdan keyingina va buyrak funktsiyasi normal ekanligi aniqlangandan keyingina qabul qilishni boshlash mumkin.
Bolalar
Metformin bilan davolashni boshlashdan oldin qandli diabetning 2 turi tasdiqlanishi kerak. Bir yillik nazoratli klinik tadqiqotlarning natijalari tahlil qilinganida bolalarni o‘sishi va jinsiy yetilishiga metforminni ta'siri aniqlanmagan. Biroq, metformin yanada uzoqroq muddat qo‘llanganida bolalarni o‘sishi va jinsiy yetilishiga uning ta'siri yuzasidan ma'lumotlar yo‘q, shuning uchun metformin qabul qilayotgan bolalarda, ayniqsa jinsiy yetilish davrida yuqoridagi ko‘rsatkichlarni diqqat bilan kuzatish tavsiya etiladi.
10-12 yoshdagi bolalar
10-12 yoshdagi 15 nafar bola ishtirok etgan nazoratli klinik tadqiqotlarning natijalariga ko‘ra, ushbu patsiyentlar guruhida metforminni qo‘llash samaradorligi va havfsizligi kattaroq yoshdagi bolalar va o‘smirlardagi shunday ko‘rsatkichlardan farq qilmagan. 10-12 yoshdagi bolalarga preparatni ehtiyotkorlik bilan buyurish kerak.
Boshqa ehtiyotkorlik choralari
Patsiyentlar sutka davomida uglevodlarni bir maromda qabul qilish kerak bo‘lgan parhezga rioya qilishlari kerak. Tana vazni ortiqcha bo‘lgan patsiyentlar past kaloriyali parhezni ushlashni davom ettirishlari kerak. Patsiyentlarda uglevodlar almashinuvi ko‘rsatkichlarini muntazam ravishda nazorat qilish kerak.
Metformin bilan monoterapiya gipoglikemiyani chaqirmaydi, ammo metformin insulin yoki boshqa peroral gipoglikemik preparatlar (masalan, sulfonilmochevina hosilalari yoki meglitinid) bilan bir vaqtda qo‘llanganida ehtiyotkorlikka rioya qilish kerak.
Homiladorlik va laktatsiya davrida qo‘llanashi
Homiladorlik davrida (gestatsion yoki doimiy) nazorat qilib bo‘lmaydigan diabet tug‘ma nuqsonlar va perinatal o‘limni rivojlanish havfini oshiradi. Homilador ayollarda metforminni qo‘llashda tug‘ma nuqsonlarni rivojlanish havfini oshishini tasdiqlamaydigan cheklangan ma'lumotlar mavjud. Klinika oldi tadqiqotlarida homiladorlikka, embrion yoki homilani rivojlanishiga, tug‘ruq va tug‘ruqdan keyingi rivojlanishiga salbiy ta'siri aniqlanmagan. Homiladorlik rejalashtirilganida, shuningdek homiladorlik aniqlanganida diabetni davolashda qonda glyukozaning darajasini normal qiymatlarga maksimal darajada yaqinlashgan qiymatlarda tutib turish uchun, homilada tug‘ma nuqsonlar rivojlanish havfini pasaytirish uchun metforin emas, balki insulinni qo‘llash tavsiya etiladi.
Emizish davri. Metformin ko‘krak sutiga ajralib chiqadi, ammo emadigan yangi tug‘ilgan chaqaloqlarda/go‘daklarda noxush reaktsiyalar aniqlanmagan. Biroq, emizikli davrda preparatni qo‘llash havfsizligi yuzasidan ma'lumotlar yetarli emasligi tufayli, metformin bilan davolanish vaqtida emizish tavsiya etilmaydi. Emizishni to‘xtatish masalasini emizishdan kutiladigan afzalliklar va bola uchun noxush reaktsiyalarning potentsial havfini inobatga olgan holda hal qilish kerak.
Pediatriyada qo‘llanishi
Insufor 10 yoshdan boshlab bolalarda ham monoterapiya sifatida, ham insulin bilan birga qo‘llanishi mumkin. Odatdagi boshlang‘ich dozasi 500 mg yoki 850 mg dan sutkada 
1 marta ovqat vaqtida yoki ovqatdan keyin darhol qabul qilishni tashkil etadi. 10-15 kundan keyin qondagi glyukozaning darajasini o‘lchash natijalariga asoslanib dozaga tuzatish kiritish kerak. 10 yoshdan boshlab bolalar uchun maksimal sutkalik doza sutkada 2000 mg ni 2-3 ga bo‘lib qabul qilishni tashkil etadi.
Avtotransportni haydash va mexanizmlarni boshqarish qobiliyatiga ta'siri
Insuforni monoterapiya sifatida qo‘llash avtotransportni boshqarish va mexanizmlar bilan ishlash qobiliyatiga ta'sir qilmaydi. Biroq transport vositasini boshqarishda yoki diqqatni yuqori darajada jamlashni talab etuvchi ishlarni bajarishda ehtiyotkorlikka rioya qilish kerak, chunki metformin boshqa gipoglikemik preparatlar (sulfonilmochevina hosilalari, insulin, repaglinid va boshqalar) bilan birga qo‘llanganida gipoglikemiyani rivojlanish havfi oshadi.

Dozani oshirib yuborilishi

Preparat 85 g dozada qo‘llanganida gipoglikemiyani rivojlanishi kuzatilmagan, ammo bu holatda laktoatsidoz rivojlangan. Metformin yoki yondosh havf omillarini ahamiyatli darajada oshishi laktoatsidozni rivojlanishiga olib kelishi mumkin. Laktoatsidoz shoshilinch holat hisoblanadi va uni statsionarda davolash kerak. Organizmdan laktat va metforminni chiqarilishi uchun eng samarali davolash chorasi bo‘lib gemodializ hisoblanadi.

Chiqarilish shakli

Plyonka qobiq bilan qoplangan tabletkalar. 10 tabletkadan blisterda. 3 yoki 6 blister tibbiyotda qo‘llanilishiga doir yo‘riqnoma bilan birga karton qutiga joylangan.

Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.