Ulufor 500, qobiq bilan qoplangan tabletkalar №60

Preparatning savdo nomlanishi Ulufor
Ta'sir etuvchi modda (XPN) metformin gidroxlorid

Dori shakli

qobiq bilan qoplangan tabletkalar

Tarkibi

faol modda metformin gidroxloridi 500 mg, 850 mg yoki 1000 mg;
yordamchi moddalar gipromelloza, povidon, magniy stearati;
qobiq Sepifilm LP 770 White (gidroksipropilmetiltsellyuloza, mikrokristallik sellyuloza, stearin kislotasi, titan dioksidi).
Ta'rifi
500 mg – oq rangli, oval shaklli, ikki yoqlama qavariq, bir tomonida riskali, qobiq bilan qoplangan tabletkalar.
850 mg – oq rangli, oval shaklli, ikki yoqlama qavariq, bir tomoni riskali va boshqa tomonida «NOBEL» gravirovkasi bo‘lgan qobiq bilan qoplangan tabletkalar.
1000 mg – oq rangli, oval shaklli, ikki yoqlama qavariq, bir tomonida riskali, qobiq bilan qoplangan tabletkalar.

Farmakoterapevtik guruhi

Gipoglikemik vositalar.
ATX kodi A10VA02
Farmokologik hususiyatlari
Metformin (dimetilbiguanid) – biguanidlar toifasiga mansub, ichga og‘iz orqali qabul qilinadigan diabetga qarshi vosita. Preparatning samaradorligi faol modda tomonidan organizmdagi glyukoneogenezni ingibirlanishi bilan izohlanadi. Faol modda mitoxondriyalar nafas olish zanjirida elektronlar transportini tormozlaydi. Bu hujayralar ichidagi ATF kontsentratsiyasini kamaytirib, kislorodsiz yo‘l bilan amalga oshiriladigan glikolizni rag‘batlantiradi. Natijada, glyukozaning hujayralar ichiga tushishi ko‘payadi, laktat va piruvat mahsulotlarining jigar, ichak, yog‘ va mushak to‘qimalaridagi miqdori ortadi. Shuningdek, jigar hujayralaridagi glikogen zaxiralari kamayadi. Insulin mahsulotlarini faollashtirmagani sababli gipoglikemitik samaralarni keltirib chiqarmaydi.
Yog‘lar oksidlanishi jarayonlarini qisqartiradi va erkin yog‘ kislotalari mahsulotlarini ingibirlaydi. Bog‘langan insulinning erkin insulinga nisbati kamayishi sababli preparatni qo‘llash fonida insulin farmakodinamikasi o‘zgaradi. Shuningdek, insulin/proinsulin nisbatining ortishi ham kuzatiladi. Preparatning ta'sir mexanizmi hisobiga ovqatlangandan keyin qon zardobida glyukoza miqdori kamayadi, shuningdek glyukozaning bazaviy ko‘rsatkichi ham pasayadi. Preparat oshqozon osti bezi b-hujayralar orqali insulin mahsulotini rag‘batlantirmagani sababli, qandli diabet va tomir kasalliklari asoratlarining rivojlanishida tana massasi ortib ketishi uchun asosiy omil hisoblangan giperinsulinemiyani to‘xtatadi. Mushak hujayralarining glyukozani o‘zlashtirishining yaxshilanishi va periferik retseptorlarning insulinga nisbatan ta'sirchanligi ortishi hisobiga glyukoza miqdorining kamayishi kuzatiladi. Sog‘lom (qandli diabet bilan og‘rimagan) odamlarda metformin qabul qilinganidan keyin glyukoza miqdorining kamayishi kuzatilmaydi. Semirib ketish va qandli diabet bilan og‘rigan bemorlarda ishtahani bo‘g‘ish, oshqozon-ichak traktidagi ovqatdan glyukoza absorbtsiyasini kamaytirish va anaerob glikozani rag‘batlantirish hisobiga tana massasini kamaytirishga yordam beradi.
Undan tashqari, metformin RAІ-1 (to‘qima turidagi plazminogen faollashtiruvchi ingibitori) va t-PA (plazminogenning to‘qimasimon aktivatori) ta'sirini kamaytirish yo‘li bilan fibrinolitik ta'sir ko‘rsatadi. Preparat glyukozani biotransformatsiya yo‘li bilan glikenga o‘zgarishini rag‘batlantiradi, jigar to‘qimasida qon aylanishini faollashtiradi. Gipolipidemik xossasi zichligi past lipoproteidlar (LPNP),shuningdek zichligi juda past lipoproteidlar darajasini,triglitseridlarni pasaytiradi (ko‘tarilishning boshlang‘ich darajasi 50% bo‘lgan holatlarda ham 10-20% ga kamaytiradi). Metabolik jarayonlar samarasi tufayli metformin yuqori zichlikka ega lipoproteidlar darajasini 20-30% ga ko‘tarib beradi.
Preparat tomir devorlaridagi silliq mushakli elementlar proliferatsiyasi rivojlananishini tormozlaydi. Yurak-tomir tizimiga ijobiy ta'sir ko‘rsatib, diabetik angiopatiya hosil bo‘lishini oldini oladi.

Farmakokinetikasi

So‘rilishi Metformin preparati og‘iz orqali ichga qabul qilinganidan so‘ng oshqozon-ichak traktidan yetarlicha to‘liq absorbtsiya bo‘ladi. Ovqat bilan bir vaqtda qabul qilinganida metmorfin absorbtsiyasi pasayadi va kechikadi. Mutlaq biologik o‘zlashtirilishi 50-60% ni tashkil qiladi. Plazmadagi maksimal kontsentratsiya taxminan 2 mkg/ml yoki 15 mkmol bo‘lib, bu ko‘rsatkichga 2,5 soat o‘tganidan keyin erishiladi.
Taqsimlanishi Metformin organizm to‘qimalariga tez taqsimlanadi. Plazma oqsillari bilan deyarli bog‘lanmaydi.
Metabolizmi Moddalar almashinuvi bilan bog‘liq jarayonlarda deyarli qatnashmaydi va buyrak orqali chiqariladi.

Chiqarilishi

Sog‘lom odamlardagi metformin klirens 400 ml/daq ni tashkil qiladi (kreatinin klirensiga qaraganda 4 barobar ko‘p), bu kanalchalar sekretsiyasi faol ekanidan dalolat beradi.
Yarim chiqarish davri (T1/2) taxminan 6,5 soatni tashkil qiladi.
Ayrim klinik holatlardagi farmakokinetikasi Buyrak faoliyatidagi yetishmovchilik bilan og‘rigan bemorlarda T1/2 ortadi, metforminning organizmga kumulyatsiyasi xavfi oshadi.
Qo‘llash uchun ko‘rsatmalar
- 2-turga mansub qandli diabet, ayniqsa, diyetoterapiya va jismoniy yuklamalar samarasizligi tufayli semirib ketgan bemorlar
-Kattalar uchun monoterapiya sifatida yoki boshqa peroral gipoglikemik vositalar yoxud insulin bilan birga qabul qilinadi;
-Bolalar uchun 10 yoshdan boshlab monoterapiya sifatida yoki insulin bilan birga qabul qilinadi.
- 2-turga mansub qandli diabet rivojlanishi uchun qo‘shimcha omillar xavfi mavjud bo‘lgan va hayot tarzini o‘zgartish orqali adekvat glikemik nazoratga erisha olmagan bemorlar uchun 2-turga mansub qandli diabet profilaktikasi;
- semizlik;
- giperlipidemiya;
- metabolik sindrom;
- polikistozli tuxumdonlar sindromi.

Qo‘llash usuli va dozalari

Ichga. Doza shifokor tomonidan qondagi glyukoza miqdoriga qarab individual tarzda belgilanadi.
Tabletkalarni butunligicha ovqatlanish vaqtida yoki undan keyin qabul qilib, suyuqliklik bilan (1 stakan suv) ichish kerak. Oshqozon-ichak trakti tomonidan nojo‘ya ta'sirlarni kamaytirish uchun bir sutkali dozani 2-3 qismga bo‘lib qabul qilish tavsiya etiladi.
Tabletkalar har kuni, uzluksiz ravishda qabul qilinishi zarur. Davolanish to‘xtatiladigan bo‘lsa, bemor bu haqida shifokorni xabardor qilishi kerak.
Laktatsidoz rivojlanishining xavfi yuqori bo‘lgani sababli, og‘ir metabolik buzilishlarda preparat dozasini kamaytirish lozim.
Kattalar monoterapiyada va boshqa peroral gipoglikemik vositalar bilan qo‘shib bajaraliyotgan terapiyada metforminning boshlang‘ich dozasi 500–1000 mg/sut ni tashkil qiladi. 10-15 kundan keyin, qondagi glyukoza miqdoriga bog‘liq ravishda dozani asta-sekin ko‘paytrish mumkin. Qo‘llab-quvvatlovchi doza, odatda, 2000 mg/sut atrofida belgilanadi. Maksimal doza - 3000 mg/sut.
10 yoshgacha va undan katta bolalar monoterapiya ko‘rinishida qo‘llash mumkin. Metforminning boshlang‘ich dozasi sutkasiga bir marta qabul qilinadigan 500 mg yoki 850 mg ni tashkil qiladi. 10-15 kundan keyin qondagi glyukoza miqdoriga bog‘liq ravishda doza o‘zgartiriladi. Maksimal doza sutkasiga 2-3 qismga bo‘lingan 2000 mg ga teng.
Semizlik, metabolik sindrom va polikistozli tuxumdonlar sindromini davolash uchun
Metforminning boshlang‘ich dozasi 500 mg kuniga bir marta, bir haftadan keyin 500 mg dan kuniga ikki marta, uchinchi haftada esa – 500 mg dan kuniga uch marta. Agar bemor sutkasiga 1500 mg dozani ko‘tara olmasa, dozani sutkasiga 1000 mg gacha kamaytirish lozim.
Keksa yoshdagi bemorlar buyraklar funktsiyasi pasayib ketish ehtimoli mavjud bo‘lgani sababli metformin dozasi buyraklar funktsiyasi ko‘rsatkichlari muntazam nazorat qilingan holda belgilanadi (qon zardobi tarkibidagi kreatinin miqdori kamida 2-4 marta aniqlanishi lozim).
Nojo‘ya ta'sirlari
JSST ma'lumotiga ko‘ra, nojo‘ya ta'sirlar rivojlanish tezligi bo‘yicha quyidagicha taqsimlanadi juda tez-tez (≥1/10); tez-tez (≥1/100 dan <1/10 gacha); kam (≥1/1000 dan <1/100 gacha); kamdan-kam (≥1/10000 dan <1/1000 gacha); juda kam (<1/10000); noma'lum – mavjud ma'lumotlarga ko‘ra uchrash soni aniqlashni imkoniyati yo‘q.
Oziqlanish va modda almashinuvi tomonidan juda kam– laktoatsidoz, metformin uzoq vaqt davomida qabul qilinganida vitamin V12 so‘rilishining kamayishi kuzatilishi mumkin. Megaloblastik anemiya aniqlanganida ushbu etiologiya hisobga olinishi zarur.
Asab tizimi tomonidan tez-tez –ta'mni sezish hissining buzilishi.
Me'da–ichak yo‘llari tomonidan juda tez-tez – ko‘ngil aynishi, qusish, ich ketish qorin og‘rishi, ishtahaning yo‘qolishi. Bu simptomlar asosan davolanishning boshlang‘ich davrida yuzaga keladilar va aksariyat hollarda spontan ravishda o‘tadilar. Simptomlar oldini olish uchun metforminni kuniga 2 yoki uch marta ovqatlanish vaqtida yoki ovqatdan keyin qabul qilish lozim. Dozani asta-sekin oshirib borilishi oshqozon-ichak trakti ta'sirchanligini yaxshilashi mumkin.
Jigar va o‘t chiqarish yo‘llari tomonidan juda kam – jigar funktsiyasi ko‘rsatkichlari buzilishi yoki gepatit; metformin bekor qilinganidan keyin bu nomaqbul holatlar umuman yo‘q bo‘ladi.
Teri va teri osti to‘qimalari tomonidan juda kam – eritema, qichima, eshak yemi kabi teri reaktsiyalari.
Chop etilgan ma'lumotlar, postmarketing ma'lumotlari, 10-16 yoshli bolalarning cheklangan guruhida o‘tkazilgan klinik tadqiqotlar shuni ko‘rsatdiki, nojo‘ya ta'sirlar xususiyati va asoratlari bo‘yicha kattalarnikiga o‘xshash ekan.

Qo‘llash mumkin bo‘lmagan holatlar

- ta'sir qilayotgan moddaga yoki preparatning istalgan boshqa komponentlariga nisbatan o‘ta sezuvchanlik;
- diabetik prekoma, koma;
- buyrak disfunktsiyasi (kreatinin klirensi 45 ml/daq dan kam) yoki buyrak yetishmovchiligi;
- diabetik ketoatsidoz;
- gangrena;
- organizm degidrtatsiyasi (qusishda yoki diareyada);
- diabetik to‘piq sindromi;
- buyrak to‘qimasi faoliyatini yomonlashuviga olib kelishi mumkin bo‘lgan ayrim o‘tkir holatlar (masalan, og‘ir yuqumli kasalliklar, suvsizlanish, shok holati)
-o‘tkir miokard infarkti;
- buyrak usti bezlari yetishmovchiligi;
- sutka uchun quvvati 1000 kilokaloriyadan kam bo‘lgan parhezga amal qilish;
- jigar yetishmovchiligi;
- laktatsidoz (jumladan laktatsidozga anamnestik ko‘rsatma);
- og‘ir infektsion kasalliklar;
- surunkali alkogolizm;
- to‘qima gipoksiyasini qo‘zg‘atuvchi og‘ir yoki surunkali patalogik holatlar (masalan, nafas olish (II, III darajali) yoki yurak (III-IY darajali) yetishmovchiliklari, shok, sal avvalroq ro‘y bergan miokard infarkti);
- bezgak;
- jiddiy jarohatlar yoki jiddiy jarrohlik operatsiyalari (ayniqsa, insulin ko‘rsatilganida);
- tarkibida yod bo‘lgan rentgenkontrast preparatlarni arteriya yoki vena ichiga yuborish;
- alkogol bilan og‘ir zaharlanish;
- homiladorlik va emizish davrlari;
- og‘ir anemiya;
-60 yoshdan oshgan bemorlar, og‘ir jismoniy ishlarni bajaruvchi bemorlar
Dorilarning o‘zaro ta'siri
Metforminni sulfonilmochevina va insulin hosilalari bilan birga qo‘llashda ehtiyot bo‘lish kerak, sababi gipoglikemiya rivojlanishi ehtimoli mavjud. Gipoglikemik samara fonida qand miqdorini kamaytiruvchi terapiya samarasini tizimli va mahalliy glyukokortikosteroidlar, simpatomimetiklar, glyukagon, adrenalin, gestagenlar, estrogenlar, qalqonsimon bez gormonlari, nikotin kislotasi hosilalari, tiazid diuretiklar va fenotiazinlar kamaytiradilar.
Etanol laktatsidoz rivojlanishi xavfini oshiradi, shu sababli preparat qabul qilinganidan keyin alkogol iste'mol qilish tavsiya etilmaydi. Shuningdek, tarkibida alkogol bo‘lgan preparatlarni ham qabul qilishda ehtiyot bo‘lish zarur.
Metforminni organizmdan chiqarilishi simetidinni sekinlashtiradi, natijada, sut kislotali atsidoz hosil bo‘lish xavfini oshiradi.
Angiotenzinga aylantiruvchi omillar ingibitorlari, β2-adrenoretseptorlar antagonistlari, monoaminoksidaza ingibitorlari, siklofosfamid hosilalari va siklofosfamidning o‘zi, klofibrat hosilalari, yallig‘lanishga qarshi nosteroid preparatlar va oksitetratsiklin metforminning gipoglikemik ta'sirini kuchaytirishi mumkin. Rentgen-tadqiqotlar uchun tarkibida yod bo‘lgan kontrastli preparatlarni vena va arteriya ichiga yuborib qo‘llanilishi buyrakyetishmovchiligini keltirib chiqarishi mumkin, natijada metformin kumulyatsiyalanib, laktatsidoz rivojlanishining xavfi ortadi. Rentgen-tadqiqotlardan oldin, o‘tkazish vaqtida va o‘tkazilganidan keyin 2 sutka davomida preparatni qabul qilishn to‘xtatib turish lozim. Shundan so‘ng, buyraklar funktsiyasi takroriy baholanib, normal deb topilmaguniga qadar metformin bilan bajariluvchi terapiyani tiklashga yo‘l qo‘yilmadi.
Katta dozalardagi neyroleptik xlorpropamazin glyukozaning zardobdagi ko‘rsatkichini oshiradi va ozod insulinni ingibirlaydi, bu esa metformin dozasini oshirish zaruratini keltirib chiqaradi (faqat zardobdagi glyukoza miqdorini nazorat qilish orqali bajarilishi mumkin).
Danazol va metformin kombinatsiyasi tavsiya etilmaydi, sababi giperglikemiya yuzaga kelish ehtimoli mavjud. Amilorid, morfin, xinin, vankomitsin, xinidin, simetidin, triamteren, ranitidin, prokainamid, nifedipin (shuningdek, kaltsiy kanallarining boshqa ingibitorlari), trimetoprim, famotidin va digoksin buyrakdagi kanalchalar bilan sekretsiyalanadi. Metformin parallel ravishda qabul qilinganida ular tubulyar transport tizimlari uchun raqobat qilish qobiliyatiga ega bo‘ladilar, shuning uchun uzoq muddat davomida qabul qilinganida plazmadagi preparatning faol moddasi kontsentratsiyasini 60% ga oshib ketishini keltirib chiqarishi mumkin.
Guar va xolestiramin metformin tabletkalardagi faol modda so‘rilishini sekinlashtirib, preparat samarasini kamaytiradilar. Bu preparatlarni metformin qabul qilgandan keyin bir necha soat o‘tganidan keyin qabul qilish lozim. Preparat kumarin sinfiga mansub ichki antikoagulyantlar samarasini oshiradi.

Maxsus ko‘rsatmalar

Og‘ir infektsiyalar, surunkali infektsion-yallig‘lanish kasalliklar kuchayganida, jarohatlanishlar, jarrohlikni talab qiluvchi kasalliklarda, degidratatsiya xavfi mavjud bo‘lganida metformin terapiyasini belgilash tavsiya etilmaydi.
Jarrohlik operatsiyalaridan oldin va operatsiya o‘tkazilganidan keyin 2 kun davomida preparat qo‘llanilmaydi.
Og‘ir jismoniy ish bajaradigan yoshi 60 dan oshgan bemorlarga preparat belgilanmaydi, sababi, laktatsidoz rivojlanishining xavfi yuqori. Metformin qon tarkibidagi glyukozani faqat qandli diabet bilan og‘rigan bemorlarda tushiradi, bunday ta'sir sog‘lom odamlarda kuzatilmaydi.
Preparatni uzoq muddat davomida qabul qilish vitamin V12 so‘rilishini buzilishiga sabab bo‘lishi mumkin.
Nojo‘ya ta'sirlar yuzaga kelganida, preparat dozasini kamaytirish yoki vaqtinchalik bekor qilish tavsiya etiladi.
Preparat uzoq muddat davomida qabul qilinganida jigar va buyraklar funktsiyasi muntazam nazorat qilinishi lozim.
Preparatni qabul qilish davrida alkogol va tarkibida etanol bo‘lgan preparatlarni iste'mol qilmaslik zarur, sababi, ayniqsa, och qolganida yoki past kaloriyali parhezga rioya qilinishida laktatatsizod rivojlanishining ehtimoli mavjud.
Homiladorlik davrida preparatni qabul qilishga yo‘l qo‘yilmaydi. Bola tug‘ishi mumkin bo‘lgan yoshdagi ayollarga preparatni belgilashdan oldin homilani to‘xtatish lozim. Bunday ayollar metformin terapiyasi vaqtida ishonchli kontratseptsiya vositalaridan foydalanishlari zarur. Homiladorlik rejalashtirilganida yoki yuzaga kelganida preparat qabul qilinishini mutlaqo to‘xtatish kerak.
Laktatsiya davrida preparatni qabul qilish zarurarti bo‘lsa, davolovchi shifokor bilan maslahatlashish va emizishni to‘xtatish masalasini hal qilish lozim.
Preparat bolalar ola olmaydigan joyda saqlash va uni yaroqlilik muddati o‘tgach ishlatmaslik lozim.
Homiladorlik va emizish davri
Hayvonlarda o‘tkazilgan tadqiqotlar homiladorlik, embrion yoki homila rivojlanishiga, tug‘ilish yoki postnatal rivojlanishga nisbatan zararli ta'sirni ko‘rsatmagan. Homilador ayollarda nazorat ostida o‘tkazilgan adekvat tadqiqotlar haqida aniq ma'lumotlar yo‘q. TGA (Avstraliya) klassifikatsiyasi bo‘yicha homiladorlikning S toifasi farmokologik ta'siri sababli homilaga yoki yangi tug‘ilgan chaqaloqqa majruhlikni keltirib chiqarmasdan turib zararli ta'sir yetkazgan yoki yetkazishi gumon qilinayotgan preparatlar. Bu reaktsiyalar qaytariluvchi bo‘lishi mumkin. FDA (AQSh) klassifikatsiyasi bo‘yicha homiladorlikning V toifasi hayvonlar reproduktsiyasi bo‘yicha o‘tkazilgan tadqiqotlar homila uchun xavflarni aniqlab bermadi, homilador ayollarda nazorat ostida o‘tkazilgan adekvat tadqiqotlar haqida aniq ma'lumotlar yo‘q.
Bu preparatdan homiladorlik vaqtida foydalanish mumkin, lekin preparatning qo‘llanilishi uchun asoslangan zarurat mavjud bo‘lishi shart.
TGA (Avstraliya) homiladorlik toifasi C.
FDA (SShA) homiladorlik toifasi V.
Homiladorlik davridagi dekompensatsiyalangan qandli diabet tug‘ma illatlar va perinatal o‘limlarga sabab bo‘lishi mumkin. Ushbu masala bo‘yicha cheklangan ma'lumotlarga ko‘ra homilador ayollarning metformin qabul qilishi bolalarda tug‘ma illatlar rivojlanishi xavfini oshirmaydi.
Homiladorlikni rejalashtirishda, shuningdek metformin terapiyasi fonida homila orttirilganida, agar prediabet xavfi va 2-turga mansub qandli diabet mavjud bo‘lib, insulin terapiyasi belgilangan bo‘lsa, preparat bekor qilinishi zarur va2-turga mansub qandli diabetda insulinoterapiya buyuriladi. Qon plazmasidagi glyukoza miqdorini homila davrida illatlar rivojalanishi xavfini kamaytirish uchun zarur bo‘lgan darajada ushlab turish lozim.
Metformin ona suti tarkibida ham bo‘lishi mumkin. Yangi tug‘ilgan chaqaloqlarni metformin terapiyasi fonida sut bilan oziqlantirishda metformin tufayli yuzaga kelgan nojo‘ya ta'sirlar kuzatilmagan. Biroq, aniq va ishonchli ma'lumotlar cheklangani sababli, emizish davrida preparatdan foydalanish tavsiya etilmaydi. Ona suti bilan oziqlantirishni to‘xtatish to‘g‘risidagi qaror bolani emizib oziqlantirishning foydasi va bolada nojo‘ya ta'sirlar yuzaga kelish xavfini hisobga olgan holda qabul qilinishi lozim.

Dozani oshirib yuborilishi

Simptomlari metforminning 85 grammli dozasini (1 sutka uchun mo‘ljallangan maksimal dozadan 42,5 martaga ko‘proq bo‘lgan) qo‘llaganda gipoglikemiya kuzatilmagan, lekin laktoatsidoz rivojlanishi aniqlangan.
Dozani haddan tashqari oshirib yuborilishi yoki xavfning bir biriga bog‘liq omillari laktoatsidoz rivojlanishiga olib kelishi mumkin.
Laktoatsidoz – xavfli asorat hisoblanib, uning birinchi simptomlari qusish, ich ketish, ko‘ngil aynishi, tana haroratining ko‘tarilishi, mushaklar og‘rishi, qorindagi og‘riqlar ko‘rinishida namoyon bo‘ladi. Yordam ko‘rsatilmasa, keyinchalik bosh aylanishi, nafas olishning tezlashishi, hushdan ketish va koma holatiga tushib qolish ehtimoli yuqori bo‘ladi. Diagnostikada quyidagi laboratoriya testlari ahamiyatli hisoblanadi qon zardobidagi laktat miqdorining 5 mmol/l gacha oshib ketishi, qonning qislota-ishqor barqarorligining pasayishi, laktat/piruvat koeffitsiyentining ortishi va anionli yetishmovchiligining oshishi.
Davolash preparat zudlik bilan bekor qilinishi, bemor kasalxonaga yotqizilishi, qondagi laktat kontsentratsiyasi aniqlanishi lozim; zarurat tug‘ilsa, simptomatik terapiya o‘tkaziladi. Organizmdan metformin va laktatani chiqarishda eng yaxshi samarani gemodializ beradi.

Chiqarilish shakli

«Ulufor 500», qobiq bilan qoplangan tabletkalar 500 mg dan, №30 i №60.
«Ulufor 850», qobiq bilan qoplangan tabletkalar 850 mg dan, №30 i №60.
«Ulufor 1000», qobiq bilan qoplangan tabletkalar 1000 mg dan, №30 i №60.

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

MChJ "NOBEL PHARMSANOAT" CHEK
Dori vositasining sifati bo‘yicha iste'molchilarning fikr-mulohazalari, e'tirozlari va dori preparatining nojo‘ya ta'sirlari yoki samarasini yo‘qligi haqidagi xabarlarni quyidagi manzilga yuborish mumkin
O‘zbekiston Respublikasi, Toshkent sh, Mirzo Ulug‘bek tumani, Qorasuvbo‘yi ko‘ch, 5 "A"
Tel (99871) 265 90 99; Faks (99871) 265 91 99; E-mail pv@nobel.uz, www.nobel.uz