Preparatning savdo nomi
Furadonin
Ta'sir etuvchi modda (HPN) nitrofurantoin

Dori shakli
tabletkalar

Tarkibi

Bir tabletka quyidagilarni saqlaydi
faol modda nitrofurantoin monogidrati (furadonin) — 50 mg;
yordamchi moddalar kartoshka kraxmali – 46,15 mg; kolloid kremniy dioksidi — 2,00 mg; stearin kislotasi — 1,00 mg; polisorbat-80 (tvin-80) – 0,85 mg.
Ta'rifi sariq yoki yashil tusli sarik rangli, yassi silindrik shaklli, faskali tabletkalar, yuzasida biroz marmarlikka yo‘l qo‘yiladi.

Farmakoterapevtik guruhi
mikroblarga qarshi vosita, nitrofuran.
ATX kodi J01XEO1


Farmakologik xususiyatlari

Mikroblarga qarshi vosita, nitrofuranlar guruhiga mansub hosila, eng avvalo siydik chiqarish yo‘llarini davolash uchun vosita. Bakteriyalarda oqsil sintezi va hujayra membranasining o‘tkazuvchanligini izdan chiqaradi. Grammusbat va grammanfiy bakteriyalar (Staphylococcus spp., Streptococcus spp., Shigella dysenteria spp., Shigella flexneri spp., Shigella boydii spp., Shigella sonnei spp.; Escherichia coli., Proteus spp.)ga nisbatan faol.

Farmakokinetikasi

Me'da-ichak yo‘llaridan so‘rilishi — YaXShI. Biokiraolishligi — 50% (ovqat biokiraolishlikni oshiradi). So‘rilish tezligi kristallarning o‘lchamiga bog‘liq (mikrokristall shakl Tes eruvchanlik va so‘rilish tezligi, qisqa vaqtda siydikda maksimal kontsentratsiyasiga erishish bilan xarakterlanadi). Plazmadagi oqsillar bilan bog‘lanishi — 60%.
Jigarda va mushak to‘qimasida metabolizmga uchraydi. Yarim chiqarilish davri — 20-25 minut. Yo‘ldosh, gematozntsefalik to‘siq orqali o‘tadi, ko‘krak suti bilan ajraladi. To‘liq buyraklar orqali (30-50% - o‘zgarmagan ko‘rinishda) chiqariladi.


Qo‘llanilishi

Siydik chiqarish yo‘llarining bakterial infektsiyalari (piyelit, piyelonefrit, uretrit, sistit), urologik operatsiyadar yoki tekshiruvlarda (tsistoskopiya, kateterizatsiya va shunga o‘xshash) infektsiyani oldini olishda qo‘llanadi.


Qo‘llash usuli va dozalari

Kattalarga kuniga 3-4 marta 0,1-0,15 g; bolalarga — sutkada 5-8 mg/kg hisobidan ko‘p miqdordagi suv bilan ichga buyuriladi, sutkalik doza 4 marta qabul qilishga bo‘linadi. Kattalar uchun eng yuqori dozalar bir martalik — 0,3 g, sutkalik – 0,6 g. Siydik chiqarish yo‘llarining o‘tkir infektsiyalarida davolash davomiyligi — 7-10 kun. Profilaktik, qaytalanishga qarshi davolash kasallikning xarakteriga qarab 3 dan 12 oygacha davom ettiriladi. Bunday holatlarda sutkalik doza 1-2 mg/kg ni tashkil qiladi.

Nojo‘ya ta'sirlari
Ko‘ngil aynishi, qusish, allergik reaktsiyalar (yuguriksimon sindrom, artralgiya, mialgiya, anafilaksiya, qaltirash, eozinofiliya, toshma), bosh aylanishi, bosh og‘rig‘i, asteniya, nistagm, uyquchanlik, o‘pkada interstitsial o‘zgarishlar, bronxoobstruktiv sindrom, isitma, yo‘tal, ko‘krak qafasida og‘riq, gepatit, xolestatik sindrom, periferik nevropatiya, pankreatit, soxtamembranoz kolit, kam xollarda — qorinda og‘riq, diareya kuzatilishi mumkin.


Qo‘llash mumkin bo‘lmagan holatlar

O‘ta yuqori sezuvchanlik, surunkali buyrak yetishmovchiligi, II-III. darajali yurak yetishmovchiligi, jigar sirrozi, surunkali gepatit, glyukozo-6-fosfatdegidrogenaza tankisligi, o‘tkir porfiriya, homiladorlik, laktatsiya davri, 3 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Nalidikson kislotasi va magniy trisilikati saqlovchi antatsidlarni bir vaqtda qo‘llash antibakterial samarani kamaytiradi. Ftorxinolonlar bilan nomutanosib.
Kanalchalar sekretsiyasini bloklovchi dori vositalari preparatning antibakterial samarasini kamaytiradi (siydikda nitrofurantoin kontsentratsiyasini pasaytirishi hisobiga) va toksikligini oshiradi (qonda kontsentratsiyasi oshadi).


Maxsus ko‘rsatmalar

Homiladorlik va emizish davrida qo‘llanilishi
Homiladorlik va emizish davrida preparatni qo‘llash mumkin emas.
Preparatning alohida diqqat va tezkor reaktsiyalarni talab etuvchi potentsial xavfli faoliyat turlarini bajarish qobiliyatiga ta'siri
Davolash davrida avtotransportni boshqarganda va diqqatni yuqori jamlash va psixomotor reaktsiyalarning tezligini talab etuvchi potentsial xavfli faoliyat turlari bilan shug‘ullanganda (bosh aylanishi va uyquchanlik paydo bo‘lganida) ehtiyotkorlikka rioya qilish kerak.


Dozani oshirib yuborilishi

Simptomlari qusish.
Davolash suyuqlik ko‘p miqdorda qabul qilish preparatni siydik bilan chiqarilishini oshishiga olib keladi. Dializ samarali.


Chiqarilish shakli

10 tabletkadan kontur uyasiz o‘ramda.
Kontur uyasiz o‘ramlar tyong miqdordagi tibbiyotda qo‘llanilishiga doir yo‘riqnomasi bilan birga guruh o‘ramiga joylanadi.


Saqlash sharoiti

Yorug‘likdan himoyalangan joyda, 25°C dan yuqori bo‘lmagan haroratda saqlansin.
Preparat bolalar ololmaydigan joyda saqlansin.


Yaroqlilik muddati

4 yil.
O‘ramida ko‘rsatilgan yaroqlilik muddati o‘tgach ishlatilmasin.


Dorixonalardan berish tartibi

Retsept bo‘yicha.


Ishlab chiqaruvchi

«Irbitekiy ximfarmzavod» OAJ
623856, Rossiya, Sverdlov vil., Irbit sh., Kirova ko‘ch. 172.
Tel./faks (34355) 3-60-90.