Perparatning savdo nomi Urolesan

Dori shakli
kapsula

Tarkibi

1 kapsula saqlaydi
foal moddalar
urolesan quyuq ekstrakti (10-261) Daucus carota L., fructus (yovvoyi sabzi mevasi) / Humulus lupulus L., flos (oddiy qumloq qubbalari) / Oreganum vulgare L., herba (tog‘rayxon o‘ti) (1/1,4/1), ekstragent – 96 % etanol um./miq., 10% namlik hisobida — 10,70 mg; Mentha x piperita L., aetheroleum (qalampir yalpiz moyi) — 7,46 mg; Abies sibirica L., aetheroleum (sibir qarag‘ay moyi) – 25,50 mg;
yordamchi moddalar og‘ir magniy karbonat pentagidrati, laktoza monogidrati, kanakunjut moyi, magniy alyumometasilikati (Neusilin UFL2), tal'k, kartoshka kraxmali, dinatriy editati (trilon B).
Qattiq jelatinli kapsula tarkibi sariq xinolini, titan dioksidi, temir II oksidi, patetlangan moviy, jelatin.
Ta'rifi №0 qattiq jelatinli kapsula, korpusi va qopqog‘i yashil rangda. Kapsula tarkibi - qalampir yalpiz va qarag‘ay moylari hidli sarg‘ish-kulrangdan to kulrang-jigarranggacha bo‘lgan yashil tusli zarrali granulalangan kukun yoki siqilgan massa. Bosilganida sochiluvchan aglomeratlar bo‘lishiga yo‘l qo‘yiladi.

Farmakoterapevtik guruhi
urologiyada qo‘llanadigan vosita.
ATX kodi G04VX


Farmakologik xususiyatlari

O‘simliklardan olingan majmuaviy preparatdir. Urolesan preparatini tarkibiga kiruvchi moddalar siydik chiqarish yo‘llari va buyraklarda yallig‘lanish ko‘rinishlarini kamaytiradi, buyrak va jigarda qon aylanishini kuchayishiga yordam beradi, diuretik, antibakterial, safro haydovchi ta'sir ko‘rsatadi, siydikda kolloid himoya hosil qiladi va yuqori siydik yo‘llari va o‘t pufagi silliq mushaklarining tonusini normallashtiradi.
Urolesan mochevina va xloridlar chiqarilishini oshiradi, siydik pufagi va buyrakdan mayda konkrementlar va qumlarni chiqarilishini osonlashtiradi.


Qo‘llanilishi

O‘tkir va surunkali siydik chiqarish yo‘llari va buyrak infektsiyalari (tsistit piyelonefritlar); siydik-tosh kasalligi va siydik kislotali diatez (konkrementlarni olib tashlagandan keyin ularni hosil bo‘lishini oldini olish); surunkali xoletsistit (shu jumladan kal'kulyoz), o‘t yo‘llarini diskineziyasi, o‘t-tosh kasalligida qo‘llanadi.


Qo‘llash usuli va dozalari

Preparat ichga, ovqatdan oldin qabul qilinadi.
Kattalar va 14 yoshdan katta bolalar uchun tavsiya etiladigan dozalari 1 kapsuladan sutkada 3 marta. O‘tkir holatlarda (shu jumladan buyrak va jigar sanchiqlarida) davolash kursi davomiyligi 5 kundan 7 kungacha, surunkali holatlarda — 7 kundan 1 oygachani tashkil etadi. Buyrak va jigar sanchiqlari paydo bo‘lganda bir martalik dozani 2 kapsulagacha bir marta oshirish mumkin, keyin oldingi odatdagi bir martalik (1 kapsula) dozani qabul qilishlarga qaytiladi.

Nojo‘ya reaktsiyalari
Odatda Urolesan yaxshi o‘zlashtiriladi. Preparatni qabul qilganda
— ovqat hazm qilish yo‘llari tomonidan dispeptik ko‘rinishlar (jumladan ko‘ngil aynishi, qusish);
— immun tizimi tomonidan allergik reaktsiyalar, jumladan qichishishni his qilish, tozni qizarishi, teri toshmasi, eshakemi, angionevrotk shish (og‘izda achishish hissi, nafasni qiyinlashishi, yuzni, tilni shishlari), anafilaktik shok;
— markaziy va periferik nerv tizimi tomonidan bosh aylanishi, umumiy holsizlik, bosh og‘rig‘i, ataksiya, mushaklar tremori;
— yurak-qon tomir tizimi tomonidan arterial gipertenziya, gipotenziya, bradikardiya kuzatilishi mumkin.


Qo‘llash mumkin bo‘lmagan holatlar

– Preparatning komponentlariga yuqori sezuvchanlik;
– gastrit, me'da va o‘n ikki barmoqli ichakning yara kasalligida qo‘llash mumkin emas

Dorilarning o‘zaro ta'siri
Urganilmagan.


Maxsus ko‘rsatmalar

Agar konkrementlarni o‘lchami 3 mm dan yuqori bo‘lsa, preparatni qo‘llash mumkin emas. Preparat tarkibida laktoza va makkajo‘xori kraxmali yordamchi moddalar bo‘lganligi tufayli irsiyatida galaktozani qabul qilaolmaslik, laktaza tansiqligi yoki galaktoza va glyukoza kamabsorbtsiyasi kabi noyob irsiy o‘zgarishlari bo‘lgan bemorlar preparatning ushbu dori turini qo‘llamasliklari kerak.
Homiladorlik va laktatsiya davrida qo‘llanishi
Shifokor fikriga ko‘ra ba'zi xollarda ayol uchun manfaatlar homila uchun mavjud bo‘lgan xavfdan yuqori bo‘lgan xolatlarda preparatni qo‘llash mumkin.
Bolalar. 14 yoshgacha bo‘lgan bolalarda Urolesan preparatini suyuq yoki sirop dori turini qo‘llash buyurish kerak.
Avtomobilni va murakkab mexanizmlarni boshqarish qobiliyatiga ta'siri
O‘rganilmagan.


Dozani oshirib yuborilishi

Doza oshirib yuborilganda ko‘ngil aynishi, bosh aylanishi kuzatilishi mumkin.
Davolash Simptomatik terapiya. Juda ko‘p iliq ichimlik, tinchlik, foallashtirilgan ko‘mir, atropin sulfat (0,0005- 0,001 g) buyurish kerak.


Chiqarilish shakli

10 kapsuladan blisterda, 4 blisterdan qutida.


Saqlash sharoiti

Original o‘ramda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

3 yil.

Yaroqlilik muddati
o‘tgach ishlatilmasin.


Dorixonalardan berish tartibi

Retseptsiz.


Ishlab chiqaruvchi
ning nomi va manzili.
«Arterium», Ukraina