Ipigriks tab. 20 mg №50

Preparatning savdo nomi

Ipigriks®
Ta'sir etuvchi modda (XPN) ipidakrin (ipidacrinum)

Dori shakli

tabletkalar

Tarkibi

Bir tabletka quyidagilarni saqlaydi
faol modda 20 mg ipidakrin gidroxloridi (suvsiz moddaga qayta hisoblaganda).
yordamchi moddalar laktoza monogidrati; kartoshka kraxmali; quritilgan kartoshka kraxmali, kaltsiy stearati.
Ta'rifi dumaloq, yassi silindr shaklli, oq yoki deyarli oq rangli, faskali tabletkalar.

Farmakoterapevtik guruhi

antixolinesteraz vositalar.
ATX kodi N07AA.

Farmakologik xususiyatlari

Farmakodinamika

si
Ipidakrin xolinesterazaning qaytuvchan ingibitori hisoblanadi. Membranalarning kaliyli kanallarini bloklab, markaziy nerv tizimida (MNT) va nerv-mushak sinapslarida impulslarni o‘tkazilishini bevosita rag‘batlantiradi. Ipidakrin silliq mushaklarga nafaqat mediator atsetilxolinning, balki adrenalin, serotonin, gistamin va oksitotsinning ham ta'sirini kuchaytiradi.
Ipidakrinning asosiy farmakologik samaralari
-nerv-mushak o‘tkazuvchanligini tiklashi va rag‘batlantirishi;
-periferik nerv tizimida ayrim omillar (jarohat, yallig‘lanish mahalliy anesteziyalovchi vositalar, antibiotiklar, kaliy xloridi va boshqalarning ta'siri) oqibatidagi blokadadan keyin impuls o‘tkazilishini tiklanishi;
-kaliy xlorididan tashqari, barcha agonistlar ta'siri ostida silliq mushakli a'zolarning qisqaruvchanligini kuchayishi;
-sedativ ta'sirning alohida ko‘rinishlari bilan majmuada MNT spetsifik o‘rtacha rag‘batlantirilishi;
-xotirani yaxshilanishi.
Bolalarda qo‘llash xavfsizligini o‘rganish yuzasidan klinik tadqiqotlarining statistik ma'lumotlari mavjud emas.

Farmakokinetikasi

So‘rilishi
Peroral qo‘llanganda me'da-ichak yo‘llaridan tez so‘riladi. So‘rilishi asosan o‘n ikki barmoq ichakda, kamroq darajada – ingichka ichakda yuz beradi. 10 mg doza qo‘llanganidan keyin ipidakrinning plazmadagi maksimal kontsentratsiyasiga 1 soatdan so‘ng erishiladi.
Taqsimlanishi
Ipidakrinning 40-55% plazma proteinlari bilan bog‘lanadi. Ipidakrin to‘qimalarga tez o‘tadi va muvozanat xolatida ipidakrinning faqat 2% plazmada bo‘ladi.
Metabolizmi jigarda amalga oshiriladi.
Chiqarilishi buyrak orqali va buyrakdan tashqarida amalga oshiriladi, siydik bilan chiqarilishi ustunlik qiladi. Yarim chiqarilish davri 40 minutni tashkil qiladi. Buyrak orqali siydik bilan chiqarilishi asosan buyrak naychalarida sekretsiya yo‘li bilan va faqat dorining 1/3 qismi kalava filtratsiyasi yordamida chiqariladi. Peroral qo‘llanganidan keyin siydik bilan dozaning 3,7%, parenteral qo‘llangandan keyin dozaning 34,8% o‘zgarmagan ko‘rinishda chiqariladi.
Qo‘llanishi
-periferik nerv tizimining kasalliklari (nevrit, polinevrit, polineyropatiya, poliradikuloneyropatiya, turli etiologiyali miasteniya va miastenik sindrom);
-bulbar falaj va parezlar;
-harakat buzilishlari bilan kechuvchi MNT organik shikastlanishlaridan keyingi tiklanish davri;
-demiyelinizatsiya kasalliklarni majmuaviy davolash;
-turli kelib chiqishga ega bo‘lgan xotiraning buzilishlari (Altsgeymer kasalligi, va qarilik dementsiyasining turli shakllari);
-ichak atoniyasida qo‘llaniladi.

Qo‘llash usuli va dozalari

Tabletkalar ichga suv bilan qabul qilinadi. Dozalar va davolash davomiyligi kasallikning og‘irligiga qarab individual ravishda belgilanadi.
Kattalar
Periferik nerv tizimi kasalliklari, miasteniya va miastenik sindrom 10-20 mg dan kuniga 1-3 marta qo‘llanadi. Davolash kursining davomiyligi 1-2 oyni tashkil qiladi. Zarurati bo‘lganida davolash kursini, kurslar orasidagi 1-2 oylik interval bilan bir necha marta takrorlash mumkin. 10 mg li bir martalik dozani olish uchun boshqa dori shakli (1 ml da 5 mg ipidakrin saqlovchi 2 ml in'ektsiya uchun eritma) qo‘llanadi.
Nerv-mushak o‘tkazuvchanligining og‘ir buzilishida miastenik kriz rivojlanishini oldini olish uchun qisqa vaqt ichida 15-30 mg (1 ml da 15 mg ipidakrin saqlovchi 1-2 ml in'ektsiya uchun eritma) parenteral yuboriladi. Dozani 20-40 mg gacha (1-2 tabletka) kuniga 5-6 marta oshirish bilan birga, davolash tabletkalar bilan davom ettiriladi. Maksimal sutkalik doza 240 mg gacha (12 tabletka 6 marta qabul qilish uchun) yetishi mumkin.
Turli kelib chiqishga ega bo‘lgan xotirani buzilishi (Altsgeymer kasalligi va qarilik dementsiyasining turli shakllari) maksimal sutkalik doza 200 mg gacha (10 tabletka 5 marta qabul qilish uchun) yetishi mumkin. Davolash kursining davomiyligi 1-12 oyni tashkil qiladi.
Ichak atoniyasi doza 1-2 hafta davomida 20 mg ni tashkil qiladi kuniga 2-3 marta buyuriladi.
Keksa patsiyentlar va jigar va/yoki buyrak funktsiyasini buzilishlari bo‘lgan patsiyentlar dozalarni tanlash talab etilmaydi.
Bolalar bolalar va 18 yoshgacha bo‘lgan o‘smirlarda qo‘llash xavfsizligi o‘rganilmagan, shuning uchun ularda qo‘llash mumkin emas.
Agar Siz preparatning navbatdagi dozasini qabul qilishni o‘tkazib yuborgan bo‘lsangiz, uni darxol qabul qiling. O‘tkazib yuborilgan dozaning o‘rnini to‘ldirish uchun ikki barobar dozani qabul qilmang. Qabul qilishni shifokorning tavsiyasi bo‘yicha davom ettiring.
Nojo‘ya ta'sirlari
Patsiyentlar tomonidan o‘zlashtiraolinishi yaxshi. M-xolinoretseptorlarni qo‘zg‘alishi bilan bog‘liq yuz berishi mumkin bo‘lgan nojo‘ya ta'sirlari, xammada xam namoyon bo‘lmasligi mumkin. Nojo‘ya ta'sirlari namoyon bo‘lganida doza kamaytiriladi yoki qo‘llash qisqa muddatga (1-2 kun) to‘xtatiladi.
Nojo‘ya ta'sirlari MedDRA a'zolar tizimi tasnifi bazasi ma'lumotlari va uchrash tez-tezligiga muvofiq tartibga keltirilgan juda tez-tez (≥1/10), tez-tez (≥1/100 dan ≤1/10 gacha), tez-tez emas (≥1/1000 dan ≤1/100 gacha), kam hollarda (≥1/10000 dan ≤1/1000 gacha), juda kam hollarda (≤1/10000 gacha), ma'lum emas (mavjud bo‘lgan ma'lumotlar bo‘yicha aniqlash mumkin emas).
Nerv tizimi tomonidan
Tez-tez emas bosh aylanishi, uyquchanlik (katta dozalar qo‘llanganda)
Yurak tomonidan
Tez-tez yurakni tez urib ketishi, bradikardiya*.
Nafas, ko‘krak qafasi a'zolari va ko‘ks oralig‘i a'zolari tomonidan
Tez-tez emas bronxlar sekretsiyasini kuchayishi.
Me'da-ichak yo‘llari tomonidan
Tez-tez so‘lak oqishi*, ko‘ngil aynishi.
Tez-tez emas qusish (katta dozalar qo‘llanganda).
Kam hollarda ich ketishi, epigastriya sohasida og‘riq.
Teri va teri osti to‘qimalari tomonidan
Tez-tez kuchli terlash.
Tez-tez emas allergik reaktsiyalar (qichishish, toshmalar) (katta dozalar qo‘llanganda),
Skelet-mushak va yo‘ldosh tizimlar tomonidan
Tez-tez emas mushak tirishishlari (katta dozalar qo‘llanganda).
Umumiy buzilishlar va yuborish joyidagi reaktsiya
Tez-tez emas kuchsizlik (katta dozalar qo‘llanganda).
* So‘lak oqishi va bradikardiyani xolinoblokatorlarni (masalan, atropin) qo‘llash yo‘li bilan kamaytirish mumkin.
Sanab o‘tilgan nojo‘ya reaktsiyalar paydo bo‘lganda, shuningdek yo‘riqnomada ko‘rsatilmagan nojo‘ya reaktsiyalar paydo bo‘lganida, shifokorga murojaat qilish kerak.
Qo‘llash mumkin bo‘lmagan xolatlar
-prepartning istalgan komponentiga yuqori sezuvchanlik,
-tutqanoq,
-giperkinezli ekstrapiramid buzilishlar,
-stenokardiya,
-yaqqol bradikardiya,
-bronxial astma,
-ichak yoki siydik chiqarish yo‘llarini tutilishi,
-me'da va o‘n ikki barmoq ichak yarasini zo‘rayishi,
-vestibulyar buzilishlar,
-xomiladorlik va emizish,
-bolalar va 18 yoshgacha bo‘lgan o‘smirlarda qo‘llash mumkin emas.
Agar Sizda yuqorida sanab o‘tilgan kasalliklar yoki xolatlardan birontasi bo‘lsa, preparatni qo‘llashdan oldin bu xaqida shifokorga xabar bering.
Dorilarning o‘zaro ta'siri
Markaziy nerv tizimini (MNT) susaytiruvchi dorilar bilan bir vaqtda qo‘llanganda, sedativ samarani kuchaytiradi. Xolinesterazaning boshqa ingibitorlari va m-xolinomimetik vositalar bilan qo‘llanganda, ta'siri va nojo‘ya samaralarini kuchaytiradi.
Miasteniyali patsiyentlarda boshqa xolinergik vositalar bilan bir vaqtda qo‘llanganda, xolinergik kriz xavfini kuchaytiradi.
Beta-adrenoblokatorlar ipidakrin tomonidan chaqirilgan bradikardiyaning yaqqolligini kuchaytiradi.
Serebrolizin ipidakrinning ruxiyatga ta'sirini potentsiyalaydi.
Alkogol ipidakrinning nojo‘ya samaralarini kuchaytiradi.
Agar Siz biron-bir boshqa dori vositalarini qabul qilayotgan bo‘lsangiz, preparatni qabul qilishni boshlashdan oldin bu xaqida shifokorga xabar bering.

Maxsus ko‘rsatmalar

Extiyotkorlik bilan qo‘llash kerak
-anamnezida me'da yarasi, o‘n ikki barmoq ichak yarasi bo‘lgan, tireotoksikozi va yurak-qon tomir tizimi kasalliklari bo‘lgan patsiyentlar;
-anamnezida nafas yo‘llari kasalliklari va nafas yo‘llarining o‘tkir kasalliklari bo‘lgan patsiyentlarda ehtiyotkorlik bilan qo‘llash kerak.
Tabletkalar laktoza monogidratini saqlaydi. Bu dorini kam uchraydigan galaktozani tug‘ma o‘zlashtiraolmaslik, Lapp laktaza tanqisligi yoki glyukoza-galaktozani kam so‘rilishi sindromi bo‘lgan patsiyentlarda qo‘llash mumkin emas.
Homiladorlik va laktatsiya davrida qo‘llanishi
Ipidakrin bachadon tonusini kuchaytiradi va tug‘uruq faoliyatini muddatidan oldin chaqirishi mumkin, shuning uchun uni homiladorlik vaqtida qo‘llash mumkin emas.
Qo‘llash xavfsizligi bo‘yicha ma'lumotlar bo‘lmaganligi tufayli, bola emizish davrida onalar ipidakrinni qo‘llashlari mumkin emas.
Avtomobilni va murakkab mexanizmlarni boshqarish qobiliyatiga ta'siri
Ipidakrin sedativ ta'sir ko‘rsatishi mumkin, shuning uchun bu ta'sirga duchor bo‘lgan patsiyentlar, ipidakrinni qo‘llash vaqtida transport vositalarini boshqarish va mexanizmlar bilan ishlashda extiyotkorlikka rioya qilishlari kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari dozani og‘ir oshirib yuborilganida xolinergik kriz (bronxospazm, ko‘zyoshini oqishi, kuchli terlash, ko‘z qorachiqlarini torayishi, nistagm, spontan ich kelishi va siyish, qusish, bradikardiya, yurakni blokadasi, aritmiya, gipotenziya, bezovtalik, xavotirlik hissi, qo‘zg‘alish, qo‘rquv xissi, ataksiya, noaniq nutq, uyquchanlik, kuchsizlik, tirishishlar va koma) rivojlanishi mumkin. Simptomlar kuchsiz namoyon bo‘lishi mumkin.
Davolash simptomatik m-xolinoblokatorlar (atropin, siklodol, metatsin va boshqalar) qo‘llanadi.
Doza oshirib yuborilgan xolda darxol shifokorga murojaat qiling!

Chiqarilish shakli

25 tabletkadan blisterda.
2 blisterdan karton qutida.

Saqlash sharoiti

250S dan yuqori bo‘lmagan xaroratda saqlansin.

Yaroqlilik muddati

5 yil.

Dorixonalardan berish tartibi

Retsept bo‘yicha.
Ro‘yxatdan o‘tkazilganlik guvoxnomasining egasi va ishlab chiqaruvchi
“Grindeks” AJ, Krustpils ko‘ch., 53, Riga, LV-1057, Latviya.
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“Grindeks” AJ O‘zbekiston Respublikasidagi Vakolatxonasi
Toshkent sh., S.Azimov ko‘ch., 51A
Tel. 236-17-36