Fersinol og'iz orqali yuborish uchun tomchilar 50 mg / ml. 30ml №1

Preparatning savdo nomi

Fersinol
Ta'sir etuvchi modda (XPN) Temir (III) gidroksidining polimalьtoza kompleksi

Dori shakli

Ichga qabul qilish uchun tomchilar

Tarkibi

1 ml preparat quyidagilarni saqlaydi
faol modda temir (temir (III) gidroksidining polimalьtoza kompleksi) 50 mg.
yordamchi moddalar natriy saxarini, kristallanmaydigan suyuq sorbitol, metilparagidroksibenzoat, propilparagidroksibenzoat, vanilin aromatizatori, natriy gidroksidi, tozalangan suv.
Ta'rifi tiniq, biroz qovushqoq, to‘q jigarrang rangli, achchiq-shirin ta'mli va vanilin hidli eritma.

Farmakoterapevtik guruhi

Antianemik vosita.
ATX kodi B03AB05
Farmakologik hususiyatlari

Farmakodinamika

Fersinol dekstrin va temir (III) ning noorganik birikmasidan olinadi. Fersinol uch valentli temirni organik kompleks shaklda saqlaydi.
Ta'sir mexanizmi
Temir gemoglobin sintezi uchun ishlatiladi. Barcha temir preparatlari kabi, Fersinol ham temir tanqisligi bilan bog‘liq bo‘lmagan anemiya va eritropoezga ta'sir qilmaydi.
So‘rilgan temir asosan jigarda to‘planadi, u yerda ferritin bilan bog‘lanadi. So‘ngra suyak ko‘migida gemoglobin sintezi vaqtida unga kirishadi.

Farmakokinetikasi

So‘rilishi va taqsimlanishi
Radioaktiv nishonlangan temir preparatini bilan o‘tkazilgan tadqiqotlar, temirni so‘rilishi, ya'ni gemoglobinda saqlangan temirning miqdori yuborilgan dozaga teskari proportsional ekanligini ko‘rsatgan. So‘rilgan temirning miqdori sideropeniyaning darajasiga bog‘liq (temir tanqisligi qanchalik yuqori bo‘lsa, temirni so‘rilishi shunchalik yuqori bo‘ladi). Temir preparati terapevtik qo‘llanganida uning so‘rilishi taxminan 10% ni tashkil etadi. Preparat ingichka ichakda, asosan o‘n ikki barmoq ichak va ingichka ichakda so‘riladi. Umuman olganda, davolashni boshlanishida temir (III) gidroksidining polimalьtoza kompleksining biokiraolishligi temir (II) preparatlariga nisbatan kamroq bo‘ladi.
Metabolizmi va chiqarilishi
So‘rilmagan temir axlat bilan chiqariladi.

Qo‘llanilishi

Anemiyasiz temir tanqisligi holati (yashirin sideropeniya) va temir tanqisligi anemiyasi (manifest sideropeniya) ni davolash uchun qo‘llanadi. Temir tanqisligi darajasi va tashxisi muvofiq laborator tekshiruvlari yordamida tasdiqlanishi kerak.

Qo‘llash usuli va dozalari

Fersinol ichga, ovqat vaqtida yoki ovqatlangandan keyin darhol qabul qilinadi. Sutkalik dozasining barchasini bir martada qabul qilish yoki bir necha qabulga bo‘lish lozim.
Preparatni muvali va sabzavotli sharbatlar bilan yoki butilkada bo‘tqalar bilan aralashtirib, qabul qilish mumkin. Aralashtirilgandan keyin biroz bo‘yalishi preparatning ta'miga va samaradorligiga ta'sir qilmaydi.
1 ml (20 tomchi) preparat 50 mg temir saqlaydi.
Temirning sutkalik dozasi, mg
Temir tanqisligi anemiyasiAnemiyasiz temir tanqisligi
1 yoshgacha bo‘lgan bolalar25-50 mg15-25 mg
Bolalar (1-12 yosh)50-100 mg25-50 mg
12 yoshdan oshgan o‘smirlar va kattalar100-300 mg50-100 mg
Temir (mg)2,5 mg5 mg10 mg15 mg25 mg
Tomchilar soni124610
Temir (mg)50 mg100 mg200 mg300 mg
Tomchilar soni204080120
Chala tug‘ilgan bolalarga 1 kg tana vazniga 2,5-5 mg temir/kg (1-2 tomchi) har kuni 3-5 oy davomida buyuriladi.
Tomchilarni aniq dozalash maqsadida flakonni tubini yuqoriga qaratib to‘ntarish va vertikal holatda ushlash kerak. Tomchilar shunday holatda ushlangan zahoti tomishni boshlashi lozim. Agar bu jarayon amalga oshmasa, tomchilar hosil bo‘lishi uchun flakonning devori bo‘ylab asta-sekin chertish kerak. Flakon chayqatilmasin.
Preparatning dozasi va davolashning davomiyligi sideropeniyaning darajasiga bog‘liq. Anemiya bilan kechuvchi yaqqol temir tanqisligida gemoglobinning darajasi normallashgunigacha bo‘lgan davolash o‘rtacha 3-5 oy davom etadi. So‘ngra davolash temirning zahirasini to‘ldirish maqsadida anemiyasiz yashirin temir tanqisligini davolash uchun qo‘llanadigan dozalarda bir necha hafta davomida davom ettiriladi. Anemiyasiz yashirin temir tanqisligini davolash taxminan 1-2 oy davom etadi.
Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Eng ko‘p kuzatiladigan noxush reaktsiya bo‘lib (23% patsiyentlarda), klinik ahamiyatga ega bo‘lmagan, temirni ajralib chiqishi tufayli, axlatni bo‘yalishi hisoblanadi.
Immun tizimi tomonidan juda kam hollarda – allergik reaktsiyalar.
Me'da-ichak yo‘llari tomonidan juda tez-tez – axlatning rangini bo‘yalishi; tez-tez – diareya, ko‘ngil aynishi, dispepsiya; tez-tez emas – qorinda og‘riq, qusish, qabziyat, tishlarni bo‘yalishi.
Teri va teri osti to‘qimalari tomonidan tez-tez emas – qichishish, toshma.
Nerv tizimi tomonidan tez-tez emas – bosh og‘rig‘i.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.

Qo‘llash mumkin bo‘lmagan holatlar

—preparatning faol moddasiga yoki yordamchi moddalaridan birortasiga o‘ta yuqori sezuvchanlikda;
—temirning miqdori ortib ketganida (masalan, gemoxromatoz, gemosideroz);
—temirni utilizatsiyasi izdan chiqqanida (qo‘rg‘oshin bilan zaharlangandagi anemiya, sideroaxrestik anemiya, talassemiya);
—temir tanqiligi bilan bog‘liq bo‘lmagan anemiyada (masalan, gemolitik anemiya yoki B12 vitaminini tanqisligi oqibatida yuzaga kelgan megaloblast anemiyada) preparatni qo‘llash mumkin emas.
Dorilarning o‘zaro ta'siri
Kalamushlarda o‘tkazilgan tadqiqotlarda, temir (III) gidroksidining polimalьtoza kompleksini quyidagi tetratsiklin, alyuminiy gidroksidi, atsetilsalitsilat, sulьfasalazin, kalьtsiy karbonati, kalьtsiy atsetati, kalьtsiy fosfati D3 vitamini, bromazepam, magniy aspartat, D-penitsillamin, metildopa, paratsetamol va auranofin bilan majmuada kabi mahsulotlar bilan dorilarning o‘zaro ta'siri aniqlanmagan.
Shuningdek in vitro sharoitida o‘tkazilgan tadqiqotlarda temir (III) gidroksidining polimalьtoza kompleksini quyidagi fitin kislotasi, shovul kislotasi, tanin, natriy alьginati, xolin va xolin tuzlari, A vitamini, D3 vitamini va Ye vitamini, soya moyi va soya uni kabi ozuqa komponentlari bilan biror-bir o‘zaro ta'siri aniqlanmagan. Ushbu natijalar, temir (III) gidroksidining polimalьtoza kompleksini ovqat vaqtida va ovqatdan keyin darhol qabul qilish mumkinligidan dalolat beradi.
Temir (III) gidroksidining polimalьtoza kompleksini tetratsiklin va alyuminiy gidroksidi bilan o‘zaro ta'siri odamlarda 3 tadqiqot doirasida (kesishgan tadqiqotlar, tadqiqotda 22 patsiyent ishtirok etgan) o‘rganilgan. Tetratsiklikni so‘rilishini ahamiyatli darajada pasayishi aniqlanmagan. Plazmadagi tetratsiklinning kontsentratsiyasi kerakli samaradorlikni ta'minlaydigan darajadan pastga tushmagan. Alyuminiy gidroksidi va tetratsiklin temir (III) gidroksidining polimalьtoza kompleksidan temirni so‘rilishini pasaytirmagan. Shu sababli ushbu kompleksni tetratsiklin va boshqa fenol birikmalari shuningdek alyuminiy gidroksid bilan bir vaqtda qabul qilish mumkin.
Parenteral va peroral temir preparatlarini bir vaqtda yuborishdan saqlanish kerak, chunki peroral qabul qilinadigan preparatni so‘rilishi ahamiyatli darajada ingibitsiya bo‘ladi. Parenteral yuboriladigan preparatni, peroral qabul qilinadigan preparat bilan davolash to‘g‘ri kelmaganidagina qo‘llash kerak.

Maxsus ko‘rsatmalar

Anemiyani davolashni hamisha shifokorning kuzatuvi ostida o‘tkazish kerak.
Samarasi bo‘lmaganida (gemoglobinning darajasi 3 hafta davomida taxminan 2-3 g/dl ga oshmaganida) davolashni qayta ko‘rib chiqish lozim.
Takroran qon quyish rejalashtirilayotgan patsiyentlarda ehtiyotkorlikka rioya qilish kerak, chunki eritrotsitlar bilan birga tushadigan temir, uning dozasini haddan tashqari ortib ketishiga olib kelishi mumkin.
Infektsiyalar yoki o‘smalar anemiyani chaqirishi mumkin. Temirni ichga qabul qilishni asosiy kasallik davolangandan keyingina boshlash mumkin, foyda va havf nisbatini baholash tavsiya etiladi.
Diagnostik usullarga ta'siri
Preparat yashirin qonni aniqlash uchun ishlatiladigan Haemoccult® sinamasi (gemoglobinni aniqlash uchun selektiv sinama) ning natijalariga ta'sir ko‘rsatmaydi; yashirin qonni aniqlash uchun Fersinol preparati bilan davolashni to‘xtatish shart emas.
Homiladorlikda va laktatsiya davrida qo‘llanishi
Homiladorlik
Homilador ayollarning ko‘p bo‘lmagan miqdoridan olingan ma'lumotlarga ko‘ra, homiladorlikning dastlabki uch oyligidan keyin homiladorlikka homila yoki yangi tug‘ilgan chaqaloqning salomatligiga biror-bir noxush ta'siri aniqlanmagan. Hayvonlarning reproduktsiyasiga ta'sirini o‘rganish yuzasidan o‘tkazilgan tadqiqotlarda homiladorlikka, embrional rivojlanishiga va homilani rivojlanishiga ta'sir qilishi mumkin bo‘lgan bevosita yoki bilvosita toksikligi aniqlanmagan. Homiladorlik davrida Fersinol preparatini ehtiyotkorlik bilan qo‘llash kerak.
Laktatsiya davri
Normada ko‘krak suti tarkibida laktoferrin bilan bog‘langan temir saqlaydi. Temir (III) gidroksidining polimalьtoza kompleksidan ko‘krak sutiga o‘tishi mumkin bo‘lgan temirning miqdori noma'lum. Emizadigan ayol tomonidan preparatni qabul qilish ko‘krak yoshidagi bolada noxush reaktsiyalarni chaqirishi ehtimoli kam.
Homiladorlik va laktatsiya vaqtida Fersinol preparatini faqat shifokor bilan maslahatlashgandan keyin qabul qilish kerak.
Avtotransportni haydash va mexanizmlarni boshqarish qobiliyatiga ta'siri
Muvofiq tadqiqotlar o‘tkazilmagan. Biroq, Fersinol preparatini avtotransportni haydash va mexanizmlarni boshqarish qobiliyatiga ta'sir qilish ehtimoli kam.

Dozani oshirib yuborilishi

Dozasi oshirib yuborilganida temir (III) gidroksidi polimalьtoza kompleksining toksikligi past bo‘lganligi (kalamushlar va sichqonlarda o‘limga olib keladigan o‘rtacha dozasi (LD50) 1 kg tana vazniga > 2000 mg Fe/kg ni tashkil etadi) temirning dozasini haddan oshishi va zaharlanish ehtimoli kam va temirni so‘rilishi natijasida kutilgan to‘yinish ehtimoli kam. O‘lim bilan yakunlangan bexosdan zaharlanish holatlari xaqida ma'lumotlar mavjud emas.

Chiqarilish shakli

Ichga qabul qilish tomchilar 30 ml dan to‘q shisha flakonlarda tiqin-tomchilagich va buraladigan himoya qopqoqchasi yopilgan, himoya xalqasi bilan mahkamlangan. Flakon tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz.