Maltofer kapli 30 ml

Preparatning savdo nomi

Maltofer®
Ta'sir etuvchi modda (XPN) temir (III) gidroksidi polimaltozati

Dori shakli

ichga qabul qilish uchun tomchilar

Tarkibi

1 ml preparat quyidagilarni saqlaydi
faol modda
temir (III) gidroksidi polimaltozati178,6 mg
temirga qayta hisoblanganda50,0 mg
yordamchi moddalar
saxaroza50,0 mg
natriy metilparagidroksibenzoati2,00 mg
natriy propilparagidroksibenzoati0,22 mg
kremli aromatizator3,0 mg
natriy gidroksidirN 5,5-7,0 gacha
tozalangan suv1 ml gacha
1 ml da 20 tomchi bor, 1 tomchi 2,5 mg temir saqlaydi.
Ta'rifi to‘q jigarrang rangli eritma.

Farmakoterapevtik guruhi

temir preparati.
ATX kodi V03AV05.

Farmakologik xususiyatlari

Farmakodinamika

si
Ta'sir mexanizmi
Temir (III) gidroksidi polimaltozatida ko‘p yadroli temir (III) gidroksidi tashqi tomomnidan polimaltozatning ko‘p sonli kovalent bog‘langan molekulalari bilan o‘ralgan bo‘lib, bu taxminan 50 kDa ga teng umumiy o‘rtacha molekulyar massani beradi. Temir (III) gidroksidi polimaltozatining ko‘p yadroli yadrosining tuzilishi fiziologik temir deposi – ferritin oqsili yadrosining strukturasiga o‘xshashdir. Temir (III) gidroksidi polimaltozati barqarordir va fiziologik sharoitlarda katta miqdorda temir ionlarini ajratib chiqarmaydi. O‘lchami tufayli, temir (III) gidroksidi polimaltozatining shilliq qavatlar orqali diffuziya darajasi olti suv molekulali temir (II) kompleksiga nisbatan taxminan 40 marta kam. Temir (III) gidroksidi polimaltozatidagi temir ichakda faol so‘riladi.

Farmakokinetikasi

So‘rilishi
Temir (III) gidroksidi polimaltozatidagi temir nazorat qilingan mexanizmga muvofiq so‘riladi. Preparat qo‘llanganidan so‘ng qon zardobida temir miqdorini oshishi, gemoglobin (Hb) ga tizilib olgan modda sifatida aniqlangan temirni umumiy so‘rilishi bilan mos kelmaydi. Radioizotop bilan nishonlangan temir (III) gidroksidi polimaltozati bilan o‘tkazilgan tadqiqotlar, temirni eritrotsitlarga kirishi va butun organizmdagi temir miqdori o‘rtasida kuchli korrelyatsiya borligini aniqladi. Boshqa peroral temir preparatlari bilan bo‘lgani kabi, temir (III) gidroksidi polimaltozatidan, gemoglobin (Hb) ga tizilib olgan modda sifatida aniqlangan temirni nisbiy so‘rilishi temirning dozasi oshgani sayin pasayib boradi. Bundan tashqari, temir tanqisligining yaqqollik darajasi (xususan, qon zardobida ferritinning kontsentratsiyasi) va so‘rilgan temirning nisbiy miqdori o‘rtasida korrelyatsiya kuzatilgan (ya'ni, temir tanqisligi qanchalik yaqqol namoyon bo‘lsa, nisbiy so‘rilish shunchalik yaxshi bo‘ladi). Anemiyasi bo‘lgan patsiyentlarda temir tuzlaridan farqli ravishda, temir (III) gidroksidi polimaltozatidagi temirni so‘rilishi ovqat bilan birga qabul qilinganda oshgan.
Taqsimlanishi
So‘rilganidan keyin temir (III) gidroksidi polimaltozatidagi temirni taqsimlanishi ikkilangan izotoplar (55Fe va 59Fe) texnikasini qo‘llab o‘tkazilgan tadqiqotlarda o‘rganilgan.
Biotransformatsiyasi
So‘rilgan temir transferrin bilan bog‘lanadi va suyak ko‘migida gemoglobin sintezi uchun ishlatiladi yoki asosan jigarda saqlanadi va u yerda ferritin bilan bog‘alanadi.
Chiqarilishi
So‘rilmagan temir ichak orqali (ahlat bilan) chiqariladi.

Qo‘llanilishi

-Anemiyasiz temir tanqisligini (temirning latent tanqisligini) va klinik yaqqol temir tanqisligi anemiyasini davolashda qo‘llaniladi (“

Qo‘llash usuli va dozalari

” bo‘limiga qarang).
-Homiladorlik vaqtida va emizish davrida; tug‘ruq yoshidagi ayollarda, o‘smirlarda va kattalarda (masalan, vegetarianlarda va keksa odamlarda) temir tanqisligini oldini olish uchun qo‘llaniladi.

Qo‘llash usuli va dozalari

Ichga qabul qilish uchun buyuriladi.
Sutkalik dozani bir necha marta qabul qilish uchun bo‘lish yoki bir martada qabul qilish mumkin.
Maltofer® ni ovqat vaqtida yoki ovqatdan keyinoq qabul qilish kerak.
Maltofer® ni meva va sabzavot sharbatlari yoki bolalar ovqati yoki bolalarning sutli aralashmasi yoki alkogolsiz ichimliklar bilan aralashtirish mumkin. Aralashmani biroz bo‘yalishi sharbat/bolalar ozuqasining ta'miga xam, preparatning samaradorligiga ham ta'sir ko‘rsatmaydi.
Preparatning dozasini aniq o‘lchab olish uchun flakon/konteynerni (tubani) vertikal ushlash kerak. Tomchilar o‘sha zahoti oqib chiqishi kerak. Agar bu holat yuz bermasa, flakonni/konteynerni (tubani) tomchi paydo bo‘lgunicha biroz taqillatish kerak. Flakonni/konteynerni (tubani) chayqatmang.
Preparatning sutkalik dozasi temir tanqisligining darajasiga bog‘liq (sutkalik dozalar jadvaliga qarang).
Bolalar va kattalar uchun yoshga muvofiq sutkalik dozalar jadvali
Bemorlar toifasiTemir tanqisligianemiyasini davolashAnemiyasiz temir tanqisligini davolashTemir tanqisligini oldini olish
Chala tug‘ilgan bolalarTana vaznining kg ga 1-2 tomchi (2,5-5 mg temir)--
1 yoshgacha bo‘lgan bolalar10-20 tomchi
(25-50 mg temir)6-10 tomchi
(15-25 mg temir)2-4 tomchi
(5-10 mg temir)*
1 yoshdan 12 yoshgacha bo‘lgan bolalar20-40 tomchi
(50-100 mg temir)10-20 tomchi
(25-50 mg temir)4-6 tomchi
(10-15 mg temir)
12 yoshdan oshgan bolalar, kattalar va emizikli ayollar40-120 tomchi
(100-300 mg temir)20-40 tomchi
(50-100 mg temir)4-6 tomchi
(10-15 mg temir)
Homilador ayollar80-120 tomchi
(200-300 mg temir)40 tomchi
(100 mg temir)40 tomchi
(100 mg temir)
Bolalar va kattalarda temir tanqisligi anemiyasini davolash
Gemoglobin (Hb) ning normal darajasiga erishilgunicha bo‘lgan davolash taxminan 3 oydan 5 oygacha vaqtni tashkil etadi. Shundan so‘ng davolashni, temir zahiralarini to‘ldirish maqsadida anemiyasiz temir tanqisligini davolash hollarida ta'riflangan dozada yana 1-2 oy davomida davom ettirish kerak.
Homiladorlik vaqtida temir tanqisligi anemiyasini davolash
Davolashni gemoglobin (Hb) miqdori normallashgunicha davom ettirish kerak. Shundan so‘ng davolashni, zahiralarini to‘ldirish va homiladorlik bilan bog‘liq temirga bo‘lgan yuqori ehtiyojni qondirish maqsadida anemiyasiz temir tanqisligini davolash hollarida ta'riflangan dozada kamida homiladorlikning oxirigacha davom ettirish kerak.
Anemiyasiz temir tanqisligini davolash va oldini olish
Davolash taxminan 1 oydan 2 oygacha vaqtni tashkil etadi.
Nojo‘ya ta'sirlari
Maltofer® preparatining xavfsizligi va o‘zlashtiraolinishi ko‘pchilik klinik tadqiqotlarda baholangan. Ushbu tadqiqotlarda qayd etilgan asosiy noxush dori reaktsiyalari (NDR) quyidagi uchta tizim va a'zolarda o‘rin tutgan.
Klinik tadqiqotlarda kuzatilgan noxush dori reaktsiyalari
A'zolar tizimi va sinfiJuda tez-tez (≥1/10)Tez-tez
(≥1/100, <1/10)Tez-tez emas (≥1/1000, <1/100)
Nerv tizimi tomonidan buzilishlar--Bosh og‘rig‘i
Me'da-ichak yo‘llari tomonidan buzilishlarAxlat rangini o‘zgarishi1Diareya, ko‘ngil aynishi, dispepsiyaQusish, qabziyat, qorinda og‘riq, tish rangini o‘zgarishi2
Teri va teri osti to‘qimalari tomonidan buzilishlar--Toshma3 ,
qichishish
1.Ko‘pincha noxush holat sifatida (23% patsiyentlarda) qayd etilgan, bu peroral temir preparatlariga bo‘lgan ma'lum NDR hisoblanadi.
2.Noxush holat sifatida 0,6% patsiyentda qayd etilganva bu peroral temir preparatlariga bo‘lgan ma'lum NDR hisoblanadi.
3.Shu jumladan ekzantema.
Noxush dori reaktsiyalari to‘g‘risida spontan postmarketing xabarlar
Qo‘shimcha noxush dori reaktsiyalari qayd etilmagan.
Laborator ko‘rsatkichlarning o‘zgarishlari
Ma'lumotlar yo‘q.

Qo‘llash mumkin bo‘lmagan holatlar

-Temir (III) gidroksidi polimaltozatiga yoki har qanday yordamchi moddaga aniqlangan o‘ta yuqori sezuvchanlik.
-Temirning ortiqcha miqdori (masalan, gemosideroz va gemoxromatoz).
-Temir utilizatsiyasini buzilishi (masalan, qo‘rg‘oshinli anemiya, sideroaxrestik anemiya, talassemiya).
-Temir tanqisligi bilan bog‘liq bo‘lmagan anemiyalar (masalan gemolitik anemiya yoki V12 vitamini yetishmovchiligi oqibatida chaqirilgan megaloblast anemiya).
-Saxaraza-izomaltaza tanqisligi, fruktozani o‘zlashtira olmaslik, glyukozo-galaktoz malabsorbtsiyada qo‘llash mumkin emas.
Dorilarning o‘zaro ta'siri
Temir (III) gidroksidi polimaltozatini tetratsiklin yoki alyuminiy gidroksidi bilan o‘zaro ta'siri o‘rganilgan. Tetratsiklinni so‘rilishini jiddiy susayishi kuzatilmagan. Qon plazmasidagi tetratsiklin kontsentratsiyasi samarali darajadan pastga tushmagan. Temir (III) gidroksidi polimaltozatidagi temirni so‘rilishi alyuminiy gidroksidi yoki tetratsiklin ta'siri ostida pasaymagan. Shunday qilib, temir (III) gidroksidi polimaltozatini tetratsiklin va boshqa fenol birikmalar, shuningdek alyuminiy gidroksidi bilan bir vaqtda qo‘llash mumkin.
Kalamushlarda tetratsiklin, alyuminiy gidroksidi, atsetilsalitsil kislotasi, sulfasalazin, kaltsiy karbonati, kaltsiy atsetati va D3 vitamini bilan majmuadagi kaltsiy fosfati, bromazepam, magniy aspartati, D-penitsillamin, metildopa, paratsetamol va auranofinni qo‘llab o‘tkazilgan tadqiqotlarda temir (III) gidroksidi polimaltozati bilan o‘zaro ta'siri aniqlanmagan.
Shuningdek temir (III) gidroksidi polimaltozatini fitin kislotasi, shovul kislotasi, tanin, natriy alginati, xolin va xolin tuzlari, A vitamini, D3 vitamini, Ye vitamini, soya yog‘i va soya uni kabi oziq-ovqat mahsulotlari komponentlari bilan o‘zaro ta'siri qayd etilmagan. Ushbu natijalar temir (III) gidroksidi polimaltozatini ovqat qabul qilish vaqtida yoki qabul qilish bilanoq darhol qabul qilish mumkinligidan dalolat beradi.
Preparatni qabul qilish yashirin qonni aniqlash taxlil (gemoglobinni selektiv aniqlash) natijalariga ta'sir ko‘rsatmaydi, shuning uchun davolashni to‘xtatish kerak emas.
Parenteral va peroral temir preparatlarini bir vaqtda qo‘llashdan saqlanish kerak, chunki ichga qabul qilinadigan temirni so‘rilishi sekinlashadi.

Maxsus ko‘rsatmalar

Maltofer® preparatini qabul qilish qandli diabeti bo‘lgan patsiyentlarda insulinga bo‘lgan sutkalik ehtiyojga ta'sir ko‘rsatmasligi kerak deb taxmin qilinadi. Preparatning 1 ml tomchisi 0,01 non birligini saqlaydi.
Anemiya infektsion yoki o‘sma kasalliklari oqibatida yuz berishi mumkin. Temirni faqat kasallikning asosiy sabablari bartaraf etilganidan keyingi qabul qilish mumkinligi tufayli, davolashning foyda/xavf nisbatini aniqlash kerak.
Maltofer® preparati bilan davolanish vaqtida axlatni to‘q rangga bo‘yalishi aniqlanishi mumkin, biroq bu klinik ahamiyatga ega emas.
Maltofer® tishlarga zarar keltirishi mumkin bo‘lgan saxaroza saqlaydi.
Yordamchi moddalar natriy metilparagidroksibenzoati va natriy propilparagidroksibenzoati allergik reaktsiyalarni (ehtimol sekin avj oluvchi turdagi reaktsiyalarni) chaqirishi mumkin
Homiladorlikda va laktatsiya davrida qo‘llanishi
Homiladorlik
Homiladorlik vaqtida anemiyani davolashda Maltofer® preparatini ichga terapevtik dozalarda qabul qilingandan so‘ng jiddiy noxush reaktsiyalar to‘g‘risida hozirgi vaqtgacha xabarlar ketib tushmagan. Hayvonlarda o‘tkazilgan tadqiqotlardan olingan ma'lumotlar homila va ona uchun xavfni ko‘rsatmadi. Maltofer® preparatini homiladorlikning I uch oyligida qo‘llanishi yuzasidan klinik tadqiqotlarning ma'lumotlari yo‘q.
Homilador ayollarda I uch oylikdan so‘ng o‘tkazilgan tadqiqotlarda, Maltofer® preparatining onalar va/yoki yangi tug‘ilgan chaqaloqlarga nisbatan xech qanday noxush samaralari aniqlanmagan. Shu boisdan Maltofer® preparati qo‘llanganda homilaga noxush ta'sir ehtimoli kam.
Emizish davri
Ayolning ko‘krak suti laktoferrin bilan bog‘langan temir saqlaydi. Temir (III) gidroksidi polimaltozatidan ko‘krak sutiga o‘tuvchi temir miqdori noma'lum. Emizayotgan ayollar tomonidan qo‘llanayotgan Maltofer® preparati bolada noxush samaralarga olib kelishi ehtimoli juda kam.
Ehtiyotkorlik chorasi sifatida tug‘ruq yoshidagi ayollarga va homiladorlik va emizish davridagi ayollarga Maltofer® preparatini faqat shifokor bilan maslahatlashgandan keyin qabul qilish kerak. Foyda va xavf nisbatini baholashni o‘tkazish tavsiya qilinadi.
Avtomobilni va murakkab mexanizmlarni boshqarish qobiliyatiga ta'siri
Ma'lumotlar yo‘q. Maltofer® preparati transport vositalari, mexanizmlarni boshqarish qobiliyatiga ta'sir ko‘rsatish ehtimoli kam.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Maltofer® preparatining dozasini oshirib yuborilishi, temir miqdorini oshib ketishi yoki intoksikatsiya ehtimoli kam, bu temir (III) gidroksidi polimaltozatining kam zaharligi va temirni qamrab olinishini nazorati bilan bog‘liq. O‘lim bilan yakunlangan behosdan zaharlanish holatlari to‘g‘risida xabar berilmagan.

Chiqarilish shakli

Ichga qabul qilish uchun tomchilar 50 mg/ml.
10 ml yoki 30 ml dan, birinchi ochish himoya xalqasi bo‘lgan buraladigan plastmassa qopqoqcha bilan yopilgan, polietilen tomchilatgich dozatorlari bilan berkitilgan to‘q shisha flakonlarda.
10 ml yoki 30 ml dan, bolalar tomonidan ochilishini oldini olish uchun mexanizm va birinchi ochish nazorati bo‘lgan buraladigan plastmassa qopqoqcha bilan yopilgan, integratsion tomchilagich dozatorlari bilan berkitilgan polimer konteynerlar (tubalar) da.
1 flakondan yoki polimer konteynerdan (tubadan) va qo‘llash bo‘yicha yo‘riqnomasi bilan birga karton qutiga joylanadi.

Saqlash sharoiti

Yorug‘likdan himoyalangan joyda, 25oS dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

Vifor S.A.
Rut de Monkor 10, SN-1752 Villar-syur-Glan, Shveytsariya.
Vifor S.A.
Route de Moncor 10, CH-1752 Villars-sur-Glane, Switzerland
Qayd etish guvohnomasi berilgan yuridik shaxs/Ishlab chiqarish sifat nazoratini amalga oshiruvchi kompaniya
Vifor (Interneshnl) Ink.
Rexenshtrasse 37, SN-9014, St-Gallen, Shveytsariya
Vifor (International) Inc.
Rechenstasse 37, CH-9014, St. Gallen, Switzerland
Iste'molchilarning e'tirozlari quyidagi manziliga yuborilsin
«Takeda Osteurope Holding GmbH» vakolatxonasi
100066 O‘zbekiston, Toshkent sh., Beshyog‘och ko‘ch., 1, “NBU” biznes markazi
tel (99871) 232-61-82; faks (99871) 239-15-08