Preparatning savdo nomi
Insti

Dori shakli
Granulalar

Tarkibi

Oq tol750mg
Yalong‘och chuchukmiya 550 mg
Xushbo‘y gunafsha 100 mg
Oddiy arpabodiyon75 mg
Tomirli Adxotoda 300 mg
Xitoy choyi125 mg
Dorivor valeriana 100 mg
Sharsimon evkalipt 35 mg
Ta'rifi jigarrang rangli, ishqalaganda limon hidga ega granulalar.

Farmakoterapevtik guruhi
shamollash kasalliklarida qo‘llaniladigan majmuaviy preparatlar.
ATX kodi R05X.


Farmakologik xususiyatlari

“Insti” o‘tli granulalari kuchli og‘riqni qoldiruvchi, haroratni tushuruvchi, balg‘am ko‘chiruvchi va damlanishga qarshi ta'sirga ega sinchiklab tanlangan o‘simliklarning optimal muvozanatlangan tarkibidir.
Yig‘indi holida ular keng doirali mikroblarga qarshi ta'sirga ega va hatto gripp kabi virusli infektsiyalarga qarshi tasdiqlangan samaraga ega.
INSTI granulalangan shaklda issiqsuvda yaxshi eriydi.

INSTI KOMPONENTLARINI XARAKTERLI HUSUSIYATLARI
Oq tol- Oq tol po‘stlog‘i salitsin saqlaydi og‘riqlarni va isitmani davolashda
ishlatiladi. Salitsin preparatining og‘riqni qoldiruvchi, isitmani
tushiruvchi, dezinfektsiyalovchi va antiseptik hususiyatlarini kuchaytiradi.
Tomirli adhatoda- Achchiq bug‘lanmaydigan alkaloid vazitsin saqlaydi, uInstini antisptik
hususiyatlarini ta'minlaydi va a'lo darajali balg‘amko‘chiruvchi ta'sirga
ega.
Yalong‘och chuchukmiya- Traxeya shilliq qavati sekretsiyasini rag‘batlantirish yo‘li bilan
demulgirlovchi va balg‘am ko‘chiruvchi ta'sir ko‘rsatadi.
Xushbo‘y gunafsha- Antigistamin, balg‘am ko‘chiruvchi va haroratni tushuruvchi vositadir.
Dorivor valeriana - Tinchlantiruvchi vosita va bosh og‘rig‘ida, yo‘talda, etni uvishishida yordam
beradi.
Oddiy arpabodiyon- Nafas yo‘llarini kasalliklarida, xususan astmada va bronxitda yordam
beradi.
Sharsimon evkalipt - O‘zining antiseptik va balg‘am ko‘chiruvchi ta'siri bilan yordam beradi.
Xitoy choyi - Teofillin saqlaydi, u bronxlarni kengaytiruvchi samara ko‘rsatadi,
shuningdek bosh og‘rig‘ini kamaytiradi.

INSTI – bu turli etiologiyali yo‘talda, shamollashda, grippda, isitmada, bosh og‘rig‘ida va jismoniy og‘riqlarda universal ta'sirga ega bo‘lgan, darhol eruvchi granulalar.
INSTI – bu har qanday sintetik va kimyoviy moddalardan ozod bo‘lgan va toza dorivor o‘simliklar ekstraktlarini saqlovchi yoqimli mazali preparat.
INSTI – o‘rganib qolishni shakllantirish samarasiga ega bo‘lgan narkotik preparat emas va bolalar tomonidan xavflanmasdan ishlatilishi mumkin.

QO‘LLANILISHI
-Tomoqning ta'sirlanishi
- Yo‘tal
- Gripp
- Burunning bitishi
- Isitma
- Shamollash
- Bosh va jismoniy og‘riq


ISHLATISH UChUN YO‘RIQNOMA

Bir sashe paket bir piyola qaynoq suv yoki choyda eritiladi va sekin xo‘plab ichiladi.

DOZALASH
Kattalarga bir sashe paketdan kuniga ikki-uch marta. Maksimal doza kuniga 6 ta sashe – paket.
Bolalarga 1 sashe – paketdan kuniga 2 marta.

QO‘LLASH MUMKIN BO‘LMAGAN HOLATLAR
Allergik kasalliklar.
Preparat komponentlarini shaxsiy o‘zlashtiraolmaslik.

NOJO‘YA TASIRLARI
Aniqlanmagan.

DOZANI OSHIRIB YUBORILISHI
Ma'lum emas.

CHIQARILISH SHAKLI
Sashe – paketlarda har bir quti beshta/o‘nta sashe – paket saqlaydi.

SAQLASH MUDDATI
Chiqarilgan sanasidan boshlab 3 yil.

SAQLASH SHAROITI
Quruq joyda 25°C dan yuqori bo‘lmagan haroratda saqlansin.

YAROQLILIK MUDDATI
O‘ramda ko‘rsatilgan yaroqlilik muddati o‘tganidan so‘ng preparat ishlatilmasin.
DORIXONALARDAN BERISh TARTIBI
Shifokor retseptisiz beriladi.

MAXSUS KO‘RSATMALAR
Granulalar saxaroza saqlaydi, buni qandli diabet bilan kasallangan patsiyentlar, shuningdek past kaloriyali parhezdagilar hisobga olishi kerak.

Bolalardan ehtiyot qiling.


Ishlab chiqaruvchi

Herbion
NATURALS
Xerbion Pokiston Prayvet Limited
Karachi, Pokiston

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
100016, Toshkent sh, Yashnobod tumani, Alimkent ko‘ch, 1 proyezd, 33 a.
Tel./faks +99871 294 59 84, +99871 294 59 86.
Email info/pk@herbion.com