Savdo (patentlangan) nomi KOLDREKS® XotRem

Dori shakli
ichga qabul qilish uchun eritma tayyorlash uchun kukun (limonli).
Ta'rifi
Och-sariqdan sariq rangligacha bo‘lgan, o‘ziga xos limon hidiga ega kristall kukun. Kukun issiq suvda eritilsa, sariq rangli, o‘ziga xos limon hidiga va ta'miga ega bo‘lgan eritma hosil bo‘ladi.

Tarkibi
(bir paketchaga)
faol moddalar paratsetamol 750 mg, fenilefrin gidroxloridi 10 mg, askorbin kislotasi (etiltsellyuloza bilan qoplangan) 60 mg; yordamchi moddalar suvsiz limon kislotasi, natriy saxarini, natriy sitrati, saxaroza (2904,42 mg), limon tetraromi 100%, limonli xushbo‘yi 52293/TR05.51, xinolin sarig‘i (E104).

Farmakoterapevtik guruhi
Boshqa analgetiklar va antipiretiklar. Paratsetamolni psixoleptik vositalardan tashqari boshqa majmuaviy vositalar.
ATX kodi N02BE51


Farmakologik xususiyatlari

Paratsetamol isitmani tushiruvchi va og‘riq qoldiruvchi ta'sir ko‘rsatadi. Fenilefrin gidroxloridi – simpatomimetik bo‘lib, asosan alfa-adrenoretseptorlarga ta'sir ko‘rsatadi. Fenilefrin gidroxloridi burun shilliq qavatidagi shishni kamaytiradi. Askorbin kislotasi (S vitamini) odatda yallig‘lanishga qarshi vositalarning majmuasiga kirishib, virusli kasalliklar, shu jumladan shamollashning boshlang‘ich bosqichidagi S vitamini yo‘qotishlarini o‘rnini qoplaydi.


Farmakokinetikasi

Paratsetamol – me'da-ichak yo‘llaridan tez va deyarli to‘liq so‘riladi. Paratsetamol jigarda metabolizmga uchraydi, uning katta qismi glyukuron kislotasi va sulfatlar bilan kon'yugatsiya reaktsiyalariga kirishib, nofaol metabolitlarni hosil qiladi va siydik bilan sulfat va glyukuron kislotalari bilan kon'yugatlari ko‘rinishida chiqariladi.
Fenilefrin gidroxloridi me'da-ichak yo‘llaridan notekis so‘riladi va ichak va jigardagi monoaminooksidaza bilan birlamchi metabolizmga uchraydi. Shunday qilib, fenilefrin gidroxloridi peroral qabul qilinganida past biokiraolishligiga ega. Siydik bilan sulfatlar holida chiqariladi.
Askorbin kislotasi me'da-ichak yo‘llaridan tez so‘riladi va organizmning to‘qimalariga taqsimlanadi, 25% plazma oqsillari bilan bog‘lanadi. Askorbin kislotasining ortiqcha miqdori siydik bilan metabolitlar ko‘rinishida chiqariladi.
Faol ingrediyentlarining sedativ samaralari to‘g‘risida ma'lumotlar yo‘q.


Qo‘llanilishi

«Shamollash» va grippning quyidagi siptomlarini qisqa muddatga yengillashtirish uchun qo‘llanadi
-yuqori tana harorati,
-bosh og‘rig‘i,
-et uvishishi,
-o‘tkir rinit,
-tomoqdagi og‘riq,
-burun bo‘shliqlari sohasidagi og‘riq.


Qo‘llash mumkin bo‘lmagan holatlar

-preparatning har qanday komponentiga yuqori sezuvchanlik;
-jigar va buyrak faoliyatini og‘ir buzilishlari;
-gipertireoidizm (tireotoksikoz);
-qandli diabet va qandni so‘rilishini nasliy buzilishlari (har bir paketcha 2904,42 mg qand saqlaydi);
-yurak kasalliklari (yurak ishemik kasalligi, aorta og‘zining stenozi, yaqqol ateroskleroz, miokard infarkti, aritmiyalar, dekompensatsiyalangan yurak yetishmovchiligi);
-arterial gipertenziya;
-tritsiklik antidepressantlar, beta-adrenoblokatorlar, MAO ingibitorlarini qabul qilish, shu jumladan ular bekor qilingandan keyin 14 kungacha davr mobaynida; simpatomimetiklar (ishtahani bostiruvchi vositalar, amfetaminga o‘xshash psixostimulyatorlar) ni qabul qilish;
-boshqa paratsetamol-saqlovchi vositalarni, «shamollash», gripp va burun bitishi simptomlarini yengillashtiruvchi vositalarni qabul qilish;
-prostata bezi adenomasi;
-feoxromotsitoma;
-qon tomirlarning okklyuzion kasalligi (Reyno sindromi);
-yopiq burchakli glaukoma;
-12 yoshgacha bo‘lgan bolalar;
-homiladorlik va emizish davrida qo‘llash mumkin emas.
Xavfsiz giperbiliribinemiyalarda ehtiyotkorlik bilan qo‘llash lozim.

Ogohlantirishlar.
Preparatni qabul qilishdan oldin quyidagi hollarda metoklopramid, domperidon, xolestiramin, antikoagulyantlar (varfarin) preparatlarini qabul qilganda; natriyning miqdori kam bo‘lgan parhezga rioya qilish zarurati tug‘ilganida (har paketcha 0,12 g natriy saqlaydi) albatta shifokor bilan maslahatlashish lozim.
JIGARNING TOKSIK ShIKASTLANIShINI OLDINI OLISh MAQSADIDA, PARATSETAMOL BILAN BIR VAQTDA ALKOGOLLI IChIMLIKLAR ISTEMOL QILISh, ShUNINGDEK ALKOGOLNI SURUNKALI ISTEMOL QILIShGA MOYIL ShAXSLAR PREPARATNI QABUL QILIShLARI MUMKIN EMAS.


Qo‘llash usuli va dozalari

1 paketchadagi moddani krujkaga solib, issiq suv quyiladi va eriguncha aralashtiriladi. Agar zarurati bo‘lsa, sovuq suv va shakar qo‘shiladi.
Kattalar bir paketchadan har 4-6 soatda buyuriladi. 24 soat davomida 4 paketdan ortiq iste'mol qilinmasin. Preparat kamida 4 soat o‘tmasdan oldin takroran qabul qilinmasin.
12 yoshdan oshgan bolalar bir paketchadan har 6 soatda buyuriladi. 24 soat davomida 3 paketdan ortiq qabul qilinmasin.
Shifokorning maslahatisiz preparatni og‘riq qoldiruvchi vosita sifatida 5 kundan ortiq va isitma tushiruvchi vosita sifatida 3 kundan ortiq qabul qilish tavsiya etilmaydi.
Agar simptomlar saqlanib qolsa, shifokorga murojaat qiling.
KO‘RSATILGAN DOZANI OShIRMANG.



Dozani oshirib yuborilishi

Preparatni faqat tavsiya etilgan dozalarda qabul qilish kerak. Tavsiya etilgan dozani oshirib yuborilganida, garchi Siz o‘zingizni yaxshi his qilayotgan bo‘lsangiz ham, darhol tibbiy yordamga murojaat qiling, chunki jigarning keyinroq namoyon bo‘luvchi jiddiy shikastlanish xavfi bo‘lishi mumkin.
Kattalarda jigarni shikastlanishi paratsetamolni 10 g va undan ortiq qabul qilganda kelib chiqishi mumkin. Paratsetamolni 5 g va undan ortiq qabul qilish, quyidagi xavf omillari bo‘lgan bemorlarda jigarni shikastlanishiga olib kelishi mumkin
-karbamazepin, fenobarbital, fenitoin, primidon, rifampitsin, dalachoy preparatlari yoki jigar fermentlarini rag‘batlantiruvchi boshqa preparatlar bilan uzoq vaqt davolanganda;
-alkogolni ko‘p miqdorda muntazam ravishda iste'mol qilganda;
-glutation tanqisligi (ovqatlanishni buzilishi, mukovistsidoz, OITV-infektsiya, ochlik, ozib ketish oqibatida).
Simptomlari paratsetamolni qabul qilgandan so‘ng birinchi 24 soat davomida dozani oshirib yuborilishi teri qoplamalarini oqarishi, ko‘ngil aynishi, qusish, qorinda og‘riq. 12 soatdan 48 soatgacha vaqt davomida jigar faoliyatini buzilishi belgilari namoyon bo‘lishi mumkin. Glyukozaning metabolizmi buzilishi va metabolik atsidoz rivojlanishi mumkin. Og‘ir darajadagi zaharlanish holatlarida jigar yetishmovchiligini zo‘rayishi jigar entsefalopatiyasini rivojlanishiga, qon ketishi, gipoglikemiya, miya shishi va o‘limga olib kelishi mumkin. Bel sohasidagi kuchli og‘riqlar, gematuriya va proteinuriya bilan namoyon bo‘ladigan, buyrak kanalchalarining o‘tkir tubulyar nekrozi bilan ifodalangan o‘tkir buyrak yetishmovchiligi jigar faoliyatini og‘ir darajali buzilishlarisiz ham rivojlanishi mumkin. Shuningdek yurak ritmini buzilishi va pankreatit ham rivojlanish mumkin.
Zaharlanishning erta, yaqqol simptomlari bo‘lmasligiga qaramay, zudlik bilan tibbiy yordam ko‘rsatish uchun patsiyentlarni darhol shifoxonaga olib borish kerak. Zaharlanish simptomlari faqat ko‘ngil aynishi va qusish bilan cheklanishi, zaharlanish holatining og‘irligini va ichki a'zolarning shikastlanish darajasini to‘liq ifodalamasligi mumkin.
Davolash agar paratsetamolni qabul qilgan vaqtdan boshlab taxminan 1 soatdan kamroq vaqt o‘tgan bo‘lsa, bemorga faollashtirilgan ko‘mir buyurish kerak. Paratsetamolning plazmasidagi kontsentratsiyasini preparat qabul qilingandan so‘ng to‘rt va undan ko‘proq vaqt o‘tgandan keyin aniqlash kerak (paratsetamolning kontsentratsiyasini bundan ertaroq aniqlash ishonchli natija bermasligi mumkin). Paratsetamol qabul qilingandan keyin 24 soatgacha vaqt davomida N-atsetiltsisteinni buyurish mumkin, ammo maksimal davolovchi samarasiga, N-atsetiltsistein paratsetamolni qabul qilgandan so‘ng 8 soat ichida buyurilganda, erishiladi. Shundan keyin, antidotning samaradorligi keskin pasayadi. Zarurat bo‘lganida N-atsetiltsisteinni belgilangan dozalash sxemasiga muvofiq ravishda, vena ichiga yuborilishi mumkin. Agar patsiyentda qusishni qo‘zg‘atish mumkin bo‘lsa, markazdan uzoq joylashgan rayonlarda metioninni ichga qabul qilish muqobil usul bo‘lishi mumkin. Jigar faoliyatini jiddiy buzilishi bo‘lgan patsiyentlarni davolash ixtisoslashgan bo‘limlarda olib borilishi kerak.
Fenilefrinning dozasini oshirib yuborilishi ta'sirchanlik, bezovtalik, bosh og‘rig‘i, arterial bosimni oshishi, reflektor bradikardiya, ko‘ngil aynishi va qusish kabi holatlarni chaqirishi mumkin. Og‘ir holatlarda gallyutsinatsiyalar, tirishishlar va aritmiyalar rivojlanishi mumkin.
Davolash simptomatik. Davolash choralari nafasni tiklash va AB ni nazorat qilishga qaratilgan. Yaqqol darajadagi gipertenziya fentolamin kabi adrenoblokatorlarni qo‘llashni talab etishi mumkin. Tirishishlarda tirishishga qarshi preparatlar buyuriladi.
Askorbin kislotasining dozasini oshirib yuborilish (1 g dan ortiq qo‘llanganida) belgilari bosh og‘rig‘i, MNT ni yuqori qo‘zg‘aluvchanligi, uyqusizlik, ko‘ngil aynishi, qusish, diareya, giperatsid gastrit, MIY shilliq qavatini shikastlanishi, me'da osti bezining insulyar apparati faoliyatini susayishi (giperglikemiya, glyukozuriya), giperoksaluriya, nefrolitiaz (kaltsiy oksalati oqibatida), buyraklarning glomerulyar apparatini shikastlanishi, kapillyarlarning o‘tkazuvchanligini pasayishi (to‘qimalar trofikasi yomonlashishi, AB ni oshishi, giperkoagulyatsiya, mikroangiopatiyalar rivojlanishi mumkin) bo‘lishi mumkin.

Nojo‘ya ta'sirlari
Odatda kuzatilmaydigan reaktsiyalar paydo bo‘lganida shifokorga murojaat qiling.
Kam hollarda ( 1/1000)
Midriaz, o‘tkir yopiq burchakli glaukoma (yopiq burchakli glaukomasi bo‘lgan patsiyentlarda).
Markaziy nerv tizimi tomonidan asabiylik, bosh og‘rig‘i, bosh aylanishi, uyqusizlik, yuqori qo‘zg‘aluvchanlik, ta'sirchanlik, bezovtalik, psixomotor qo‘zg‘aluvchanlik.
Juda kam hollarda ( 1/10000)
Immun tizimi allergik dermatit, terida toshmalar, eshakemi, Stivens-Djonson sindromi (toksik epidermal nekroliz), Kvinke shishi, anafilaksiya.
Qon yaratish tizimi trombotsitopeniya, agranulotsitoz.
Nafas tizimi atsetilsalitsil kislotasi yoki boshqa NYaQP ga sezuvchanligi yuqori bo‘lgan patsiyentlarda bronxospazm.
Yurak qon-tomir tizimi yurakni tez urishi, qon bosimini oshishi.
Me'da-ichak yo‘llari ko‘ngil aynishi, qusish, jigar faoliyatini buzilishi, diareya.
Siydik chiqarish tizimi dizuriya, siydikni tutilishi (siydik chiqarish yo‘llarini obstruktsiyasi, masalan prostata bezining adenomasi bo‘lgan patsiyentlarda rivojlanish ehtimoli yuqori) bo‘lishi mumkin.

Boshqa dori vositalari bilan o‘zaro ta'siri
Paratsetamol uzoq vaqt qabul qilinganida bilvosita antikoagulyantlar (varfarin va boshqa kumarinlar) ning samarasini kuchaytiradi, bu qon ketish havfini oshiradi.
MAO ingibitorlari, sedativ preparatlar, etanolning ta'sirini kuchaytiradi.
Antidepressantlar, parkinsonizmga qarshi vositalar, antipsixotik vositalar va fenotiazin hosilalari siydik tutilishi, og‘izni qurishi, qabziyatni rivojlanish xavfini oshiradi. Glyukokortikosteroidlar glaukomani rivojlanish xavfini oshiradilar.
Paratsetamol urikozurik preparatlarning samaradorligini susaytiradi.
Galotan yurak qorinchalari aritmiyasini kelib chiqish xavfini oshiradi.
Paratsetamolni so‘rilish tezligini metoklopramid va domperidon oshirishi va kolestiramin kamaytirishi mumkin.
Shoxkuya alkaloidlari bilan birga qabul qilish ergotizmni rivojlanish havfini oshiradi.
Guanetidin fenilefrinning alfa adrenoretseptorlarni rag‘batlantiruvchi samarasini, tritsiklik antidepressantlar – fenilefrinning simpatomimetik samarasini kuchaytiradilar.
Fenilefrinni monoaminooksidaza ingibitorlari bilan bir vaqtda qabul qilish gipertenziyaga olib kelishi mumkin.
Tritsiklik antidepressantlar, simpatomimetiklarni fenilefrin bilan bir vaqtda qabul qilish yurak-qon tomir tizimi tomonidan kuzatiladigan nojo‘ya samaralarni rivojlanish havfini oshirishi mumkin.
Fenilefrin beta-blokatorlar va boshqa antigipertenziv preparatlarlarning samaradorligini pasaytirib, yurak-qon tomir tizimi tomonidan kuzatiladigan nojo‘ya samaralar, shu jumladan gipertenziyaning rivojlanish havfini oshiradi.
Digoksin va boshqa yurak glikozidlari fenilefrin bilan bir vaqtda qabul qilish yurak aritmiyalari va hurujini rivojlanish havfini oshirishi mumkin.


Maxsus ko‘rsatmalar

Preparatning faol komponentlarini sedativ ta'siri yo‘qligi tufayli, u tavsiya etilgan dozalarda qabul qilinganida avtomobilni haydash va mexanizmlar bilan ishlash borasida cheklanmalar yo‘q.
Bosh aylanishi kuzatilganida avtomobil yoki boshqa mexanizmlarni boshqarish tavsiya etilmaydi.


Chiqarilish shakli

Ichga qabul qilishga eritma tayyorlash uchun limon ta'mli kukun.
5 g dan laminat (qog‘oz/polietilen/alyumin folga/polietilen) paketchalarda.
5 yoki 10 paketcha qo‘llash bo‘yicha yo‘riqnomasi bilan birga karton qutichaga joylanadi.


Saqlash sharoiti

Bolalar ololmaydigan joyda, 25oS dan yuqori bo‘lmagan haroratda saqlansin.


Yaroqlilik muddati

3 yil. O‘ramida ko‘rsatilgan yaroqlilik muddati tugaganidan so‘ng ishlatilmasin.


Dorixonalardan berish tartibi

Retsept bo‘yicha.

SmitKlyayn Bichem S.A., Ispaniya, AVDA de Axalvir, KM 2500 – 28806, Alkala de Enares, Madrid / SmithKline Beecham S.A., Spain, AVDA de Ajalvir, KM 2500 - 28806, Alcala de Henares, Madrid uchun
GlaksoSmitKlyayn Konsyumer Xelsker, Buyuk Britaniya, 980 Greyt-Uest-Roud, Brentford, Midlseks, TW8 9GS / GlaxoSmithKline Consumer Healthcare, United Kingdom, 980 Great West Road, Brentford, Middlesex,TW8 9GS ishlab chiqarilgan

Rossiya Federatsiyasidagi vakili / Importer
«GlaksoSmitKlyayn Xelsker» YoAJ, Rossiya,
109180, Moskva sh, Yakimanskaya nab., 2 uy.
Tel. +7 (495) 777 9850;
Faks +7 (495) 777 9851/52