Taylol Xot C ichish uchun eritma tayyorlash uchun kukun 4 g №12

Preparatning savdo nomi

Taylol Xot C
Ta'sir etuvchi moddalar (XPN) paratsetamol, askorbin kislotasi, kofein, xlorfeniramin maleati

Dori shakli

ichish uchun eritma tayyorlash uchun kukun

Tarkibi

Bitta sashe quyidagilarni saqlaydi
faol moddalar paratsetamol 400 mg, askorbin kislotasi 300 mg, kofein suvsiz 50 mg, xlorfeniramin maleat 5 mg;
yordamchi moddalar uzum kislotasi, sorbitol (Sorbiteks S 16606), natriy bikarbonati, suvsiz natriy karbonati, povidon (PVP K 30), suvsiz limon kislotasi, natriy benzoati, riboflavin natriy fosfat, talьk, limonli aromatizator, sukraloza, etanol (96%).
Ta'rifi sochiluvchan granulalangan oq rangli sezilarsiz zarg‘aldoq dog‘lari bo‘lgan, limon ta'mli va hidli kukun;
Farmakoterapevtik guruh. Kombinatsiyalangan analьgetik-antipiretiklar (isitmani tushiruvchi, antioksidant, tonizirlovchi, allergiyaga qarshi). Paratsetamol kombinatsiyalari.
ATK kodi R05XA01

Farmakologik xususiyatlari

Farmakodinamika

Paratsetamol
Paratsetamol og‘riq qoldiruvchi, haroratni tushiruvchi va juda kuchsiz yallig‘lanishga qarshi ta'sirga ega. Paratsetamolning ta'sir qilish mexanizmi yetarlicha aniq emas. Periferik prostoglandin sintezining pasayishi (ingibirlanishi, tormozlanishi) kuchsiz bo‘lsa-da, bosh miyada prostoglandin sintezining sezilarli darajada pasaytirishi (ingibirlangani, tormozlangani) to‘g‘risida ma'lumotlar mavjud. Bundan tashqari, paratsetamol gipotalamusning haroratni boshqarish markaziga endogen pirogenlarning ta'sirini susaytiradi.
Xlorfeniramin maleat
Xlorfeniramin - bu immun javoblar vaqtida hosil bo‘ladigan gistaminning ta'sirini susaytiruvchi, an'anaviy N1 antigistamin preparatdir. Ushbu ta'sirlar venulalar sohasidagi kapillyarlar o‘tkazuvchanligining kuchayishini va silliq mushaklarning, xususan bronxial mushaklarning qisqaruvchi simptomlarini o‘z ichiga oladi. Burun shilliq qavati shishining va shilliq hosil bo‘lishining kamayishi burun orqali nafas olishga imkon yaratadi.
Kofein
Kofein ksantin hosilasi hisoblanadi va paratsetamolning og‘riq qoldiruvchi ta'sirini kuchaytiradi.
Askorbin kislotasi
Askorbin kislotasi odam uchun muhim komponent xisoblanadi. Organizmda hosil bo‘ladigan askorbin kislotasi va degidroaskorbin kislotasi katta fiziologik ahamiyatga ega bo‘lgan oksidlanish-qaytarilish tizimini shakllantiradi.
Bundan tashqari, C vitamini yetishmovchiligi immun javobni, xususan, xemotaksisni, komplementni faollashtirishni va interferoningn ishlab chiqilishini yomonlashtiradi. Askorbin kislotasi uch valentli temir ionlarining tiklanishi va temir xelatlarining hosil bo‘lishi tufayli temir tuzlarining so‘rilishini yaxshilaydi. Organizmning suvli qismlarida kislorod radikali keltirib chiqaradigan zanjirli reaktsiyalarni bloklaydi. Uning antioksidant funktsiyalari Ye vitamini, A vitamini va karotenoidlarga o‘xshashdir.

Farmakokinetikasi

Paratsetamol
Absorbtsiya (So‘rilishi)
Og‘iz orqali qabul qilinganidan keyin paratsetamol tez va to‘liq so‘riladi. Qon plazmasidagi maksimal kontsentratsiyaga qabul qilingandan so‘ng 30-60 daqiqada erishiladi.
Tarqalishi
Paratsetamol barcha to‘qimalarga tez tarqaladi. Qon, plazma va so‘lakdagi kontsentratsiyalari teng taqsimlanadi. Plazma oqsili bilan bog‘lanishi past darajada.
Biotransformatsiyasi
Paratsetamol asosan jigarda ikki asosiy usulda parchalanadi glyukuron kislota va sulfat kislota bilan kon'yugatsiyalanadi. Terapevtik dozadan yuqori dozalarda oxirgi yo‘l tezda to‘yinadi. Metabolizmning kichik bir qismi sitoxrom R 450 katalizatori (asosan CYP2E1) orqali sodir bo‘ladi va odatda glutation tomonidan tez detoksifikatsiyalanadigan va sistein va merkaptur kislota bilan bog‘lanadigan N-atsetil-p-benzoxinonimin metabolitining paydo bo‘lishiga olib keladi. Massiv intoksikatsiya holatida ushbu toksik metabolit miqdori ortadi.
Chiqarilishi
Asosan siydik bilan chiqariladi. Iste'mol qilinadigan miqdorning 90% buyraklar tomonidan 24 soat ichida, asosan glyukuronidlar (60-80%) va sulfat kon'yugatlari (20-30%) shaklida chiqariladi. 5%dan kamrog‘i o‘zgarmagan holda chiqariladi. Yarim parchalanish davri2 soat atrofida bo‘ladi. Jigar va buyraklar faoliyati buzilganda,doza oshirib yuborilgandan keyin va yangi tug‘ilgan chaqaloqlarda yarim parchalanish davri uzayadi. Yuqori samara va ta'sirning o‘rtacha davomiyligi (4-6 soat) plazma kontsentratsiyasi bilan taxminan bog‘liq.
Buyrak yetishmovchiligi bo‘lgan patsiyentlar
Yaqqol buyrak yetishmovchiligi (kreatinin klirensi <10 ml / min) paratsetamol va uning metabolitlari chiqarilishini kechiktiradi.
Keksa patsiyentlar
Paratsetamolning kon'yugatsiyasi o‘zgarishsiz qoladi.
Xlorfeniramin maleat
Xlorfeniraminning qondagi maksimal darajasiga qabul qilingandan so‘ng 1-2 soat o‘tgach erishiladi. Xlorfeniramin ta'sirining davomiyligi 3 soatdan 6 soatgacha vaqtni tashkil etadi. Biotransformatsiya asosan jigarda gidroksillanish va kon'yugatsiya yo‘li bilan, shuningdek, demetillanish va N- va S-oksidlarning hosil bo‘lishi bilan kechadi.
Og‘iz orqali qabul qilishdan so‘ng biologik kirishimlilik, “birinchi o‘tish”ning yuqori samarasi tufayli 25-50% ni tashkil etadi, bu jigar yetishmovchiligida kamayadi. Plazma oqsillari bilan bog‘lanish 69-72% ni tashkil qiladi. Tarqalish hajmi 3-7 l/kg tana vazniga teng. Xlorfeniraminning plazma tarkibidan yarim chiqarilish davri kattalarda 15-36 soat, bolalarda 10-13 soatni tashkil qiladi. Buyrak yetishmovchiligida metabolitlarning yarim parchalanish davrini uzayishi kutiladi. rN ga bog‘liq holda (ishqoriydan kislotaligacha) dozaning 0-34% siydik bilan o‘zgarmagan xlorfeniramin shaklida chiqariladi. Uzoq muddat qabul qilganda kumulyatsiya (to‘planish) paydo bo‘lishi mumkin.
Kofein
Og‘iz orqali qabul qilingandan keyin kofein tez va deyarli to‘liq so‘riladi (t1/2 = 2 - 13 daqiqa) va deyarli to‘liq biokirishimli. 5 mg/kg qabul qilingandan so‘ng, maksimal kontsentratsiyaga 30-40 daqiqa ichida erishiladi. Plazma oqsillari bilan bog‘lanish 30% dan 40% gacha, tarqalish hajmi esa 0,52 - 1,06 l/kg ni tashkil qiladi. Kofein barcha joyga tarqaladi, gematoentsefal va platsentar to‘siqlardan tez o‘tadi, shuningdek, ona sutiga ham o‘tadi.
Garchi kofein kuchli ichki-individual va individual-oraliq o‘zgarishlarga uchrasada, uning plazmadan yarim chiqarilish davri 4,1 soatdan 5,7 soatgacha o‘zgarib turadi. 9 -10 soatgacha bo‘lgan qiymatlar ham o‘lchangan. Kofein va uning metabolitlari asosan buyraklar orqali chiqariladi. 48 soat ichida to‘plangan siydikda, yuborilgan dozaning 86 foizgacha aniqlangan, shundan, 1,8 foizi o‘zgar-magan kofein tashkil etgan. Asosiy metabolitlari 1-metilurin kislota (12-38%), 1-metilksantin (8-19%) va 5-atsetamino-6-amino-3-metiluratsil (15%) hisoblanadi. Najasdagi miqdor faqat dozaning 2 - 5% ini tashkil etdi. Asosiy metabolit 1,7-dimetilmochevina bo‘lib, umumiy miqdorning 44 foizini tashkil etdi.
Askorbin kislotasi
Askorbin kislotasi kontsentratsiyasiga ko‘ra ingichka ichakning proksimal qismida so‘riladi. Bir martalik dozaning ko‘payishida biologik kirishimliklik 1 g dan keyin 60-75% gacha, 3 g dan keyin 40% gacha, 12 g dan keyin 16% gacha kamayadi.
So‘rilmagan askorbin kislotasi yo‘g‘on ichak florasi tomonidan asosan CO2 va organik kislotalargacha parchalanadi. Katta yoshdagi sog‘lom odamlarda plazmadagi kontsentratsiya 0,8-1,0 mg / dl bo‘lganda, metabolik aylanishning mak-simal darajasi kuniga 40 dan 50 mg ni tashkil etadi. Kundalik umumiy aylanish tana vazniga 1 mg/kg ni tashkil qiladi. Yuqori peroral dozalarda, qisqa vaqt ichida, taxminan 3 soat ichida plazmada 4,2 mg/dl gacha bo‘lgan kontsentratsiyaga erishiladi.
Bunday sharoitda askorbin kislotasining taxminan 80 foizi siydik bilan o‘z-garmagan holda ajratiladi. O‘rtacha yarim parchalanish davri - 2,9 soat. Buyrak ekskretsiyasi glomerulyar filtratsiya va keyinchalik proksimal naychalardagi re-absorbtsiya natijasida yuz beradi. Katta yoshdagi sog‘lom odamlarda kontsentratsi-yaning yuqori chegarasi erkaklarda 1,34 ± 0,21 mg va ayollarda 1,46 ± 0,22 mg askor-bin kislotasi / dl ni tashkil qiladi.
Organizmdagi askorbin kislotaning umumiy miqdori kuniga o‘rtacha 180 mg ko‘p miqdorda iste'mol qilingandan so‘ng kamida 1,5 g ni tashkil qiladi. Askorbin kislotasi gipofizda, buyrak usti bezlari, ko‘z gavharida (linzasi) va leykotsit-larda to‘planadi.

Qo‘llanilishi

Yuqumli-yallig‘lanish kasalliklarini simptomatik davolashda qo‘llaniladi. Shu jumladan gripp va shamollashning quyidagi simptomlarini yo‘qotadi
-yuqori haroratni;
-mushak-bo‘g‘im og‘riqlari va bosh og‘rig‘ini;
-isitma va titroqni;
-burun oqishi va bitishini;
-tomoqdagi og‘riqlarni;
-ko‘z yosh oqishini;
-burun, burun-halqum va ko‘z shilliq pardalaridagi qichishishni;
-aksirishni;
-allergiya simptomlarini.
Shamollash kasalliklarida preparatning tarkibiy qismi bo‘lgan kofein umumiy tetiklantiruvchi ta'sir ko‘rsatadi.
Preparatning tarkibiy qismi bo‘lgan askorbin kislotasi organizmning infektsiyalarga chidamliligini oshiradi, tomirlar o‘tkazuvchanligini pasaytiradi, ishtahani oshiradi va antioksidant ta'sirga ega.

Qo‘llash usuli va dozalari

Bitta paket ichidagi kukun bir stakan issiq suvda to‘liq eritiladi, issiq holdagi ichimlik darhol ichiladi. Granulalar aralashtirilmasa ham bir daqiqa davomida eriydi.
Kuniga bir paketdan 3 mahaldanqabul qilinadi.
Nojo‘ya ta'sirlari
JSST ma'lumotlariga ko‘ra, nojo‘ya ta'sirlar ularning rivojlanish chastotasiga qarab quyidagicha tasniflanadi juda tez-tez (≥1/0); tez-tez (≥1/100 dan <1/10 gacha); kam(≥1/1000 dan <1/100 gacha); kamdan-kam (≥1 / 10000 dan <1/1000 gacha); juda kam (<1/10000); noma'lum - mavjud ma'lumotlarga ko‘ra uchrash sonini aniqlashning imkoniyati yo‘q.
Qon va limfa tizimi buzilishlari. Juda kamdan-kam qon tahlillarida leykopeniya, neytropeniya, agranulotsitoz, trombotsitopeniya, trombotsitopenik purpura, pantsitopeniya, aplastik kamqonlik kabi o‘zgarishlar va yuqori dozalarda metgemoglobinning oson shakllanishi
Immun tizim buzilishlari. Juda kam paratsetamol jiddiy yuqori sezuvchanlik reaktsiyalarini (Kvinke shishi, nafas olishning buzilishi, terlash, ko‘ngil aynish, qon bosimining pasayishi, qon aylanishining yetishmovchiligi va anafilaktik shok) keltirib chiqarishi haqida ma'lumotlar mavjud. Noma'lum Stivens-Jonson sindromi va toksik epidermal nekroliz/Leyell sindromi kabi bullez teri reaktsiyalari.
Moddalar almashinuvi va ovqatlanish tomonidan. Juda kam ishtaha oshishining kuzatilishi.
Ruhiyat tomondan. Juda kam psixotik reaktsiyalar. Noma'lum ichki bezovtalik, uyqusizlik.
Nerv tizimi tomonidan. Juda kam diskineziya. Noma'lum tinchlanish, uyquchanlik.
Ko‘rish organlari tomonidan. Juda kam glaukomaning boshlanishi (yopiqburchakli glaukoma), ko‘rishning yomonlashishi.
Yurak qon-tomir tizimi tomonidan. Noma'lum aritmiyalar, masalan, taxikardiya.
Respirator, ko‘krak va ko‘ks oralig‘i kasalliklari. Juda kam paratsetamol tomonidan nafas yo‘llari oldindan ta'sirchan insonlarda yuqori sezuvchanlik reaktsiyalari bronxospazmga olib kelishi mumkin (analьgetik astma).
Ovqat hazm qilish tizimi tomonidan. Umumiy og‘iz qurishi. Juda kam oshqozon-ichak tizimi bo‘yicha shikoyatlar.
Gepatobiliar tizim tomonidan. Kamdan kam jigar transaminazalarining oshishi,juda kamdan kam hollarda uzoq muddat yuqori doza qabul qilinganda yoki doza oshirib yuborilganda jigar zararlanishi mumkin.
Teri va teri osti to‘qimalari tomonidan. Kam terining allergik reaktsiyalari (eritematoz yoki eshakemi), ular ba'zan isitma (dori isitmasi) va shilliq qavatning zararlanishi bilan kechishi mumkin, juda kamdan-kam hollarda terining og‘ir reaktsiyalari.
Siydik ajratish tizimi tomonidan. Juda kam siydik ajratish alomatlari.
Uzoq muddat yuqori doza qo‘llanganda buyraklar zararlanishi mumkin.
Laboratoriya ko‘rsatkichlari. Noma'lum paratsetamolni qo‘llash siydik kislotasining fosfat-volьfram usuli bilan o‘tkazilgan tahlil natijalariga, shuningdek glyukoza oksidaza-peroksidaza usuli bilan o‘tkaziladigan qondagi qand miqdorini aniqlash natijalariga ta'sir qilishi mumkin. Askorbin kislotasining yuqori dozalarini qabul qilish siydikdagi qand, siydik kislotasi, kreatinin, noorganik fosfat miqdorini aniqlaydigan laboratoriya tadqiqotlarining natijalariga ta'sir ko‘rsatishi mumkin. Bundan tashqari, yuqori doza qabul qilinganda najasdagi yashirin qonni aniqlaydigan tahlillarga “soxta manfiy” javob kuzatilishi mumkin. Umuman olganda, rangli reaktsiyalarga asoslangan kimyoviy tadqiqot usullari noto‘g‘ri natijalar berishi mumkin. Teri allergik reaktsiyalar xlorofeniramin maleat ta'sirida susayishi mumkin.

Qo‘llash mumkin bo‘lmagan holatlar

- paratsetamolga yoki dori vositasining boshqa tarkibiy qismlariga yuqori sezuv-chanlik;
- og‘ir buyrak yetishmovchiligi;
- 18 yoshgacha bo‘lgan bolalar;
- homiladorlik;
- emizikli davr;
- jigar yetishmovchiligi;
- Jilьber sindromi (Moylengraxt kasalligi);
- tug‘ma giperbilirubinemiya;
- Dubin-Jonson sindromi;
- oksalatlar keltirib chiqargan siydik-tosh kasalligi;
- temir to‘planishi bilan bog‘liq kasalliklar (talassemiya, gemoxromatoz, sider-oblastna anemiya);
- spirtli ichimliklarni surunkali iste'mol qilish;
- piloroduodenal obstruktsiya va siydik pufagi bo‘ynining obstruktsiyasi;
- yopiqburchakli glaukoma;
- oshqozon va o‘n ikki barmoqli ichak yarasi;
- gipertireoz;
- aritmiya (taxikardiya va ekstrasistoliyada puls chastotasining oshish xavfi);
- bezovtalik holatlarida qo‘llash mumkin emas.
Dorilarning o‘zaro ta'siri
Dori vositasi alohida tarkibiy qismlarining boshqa dorilar bilan quyidagicha o‘zaro ta'sirlashuvlari ma'lum
Paratsetamol
Paratsetamolning so‘rilish darajasi metoklopramid va domperidonni qo‘llashda ortishi va xolestiraminni qo‘llashda pasayishi mumkin. Varfarin va boshqa ku-marinlarning antikoagulyant ta'siri, paratsetamolni muntazam qabul qilish natijasida qon ketish xavfi kuchayishi sababli, pasayishi mumkin. Bir martalik dozani qabul qilish katta ta'sir ko‘rsatmaydi.
Barbituratlar paratsetamolning haroratni tushiruvchi ta'sirini kamaytiradi.
Mikrosomal jigar fermentlarining faolligini kuchaytiruvchi tutqanoqqa qarshi preparatlar (jumladan, fenitoin, barbituratlar, karbamazepin), para-tsetamolning jigarga toksik ta'sirini preparatning gepatotoksik metabolit-larga aylanish darajasining oshishi tufayli kuchaytirishi mumkin.
Paratsetamol gepatotoksik vositalar bilan bir vaqtda qo‘llanganda dori vosi-talarning jigarga toksik ta'siri kuchayadi. Paratsetamolning yuqori dozalarini izoniazid bilan bir vaqtda qo‘llash gepatotoksik sindromning rivojlanish xavfini oshiradi.
Paratsetamol diuretiklarning samaradorligini pasaytiradi.
Oshqozon bo‘shatilishini sekinlashtiradigan dori vositalari, masalan propan-telin (rropantheline) bilan bir vaqtda qo‘llash, paratsetamolning so‘rilishini va ta'siri boshlanishini kechiktirishi mumkin.
Paratsetamol va zidovudinni bir vaqtda qo‘llash neytropeniya xavfini oshiradi. Shuning uchun preparat va zidovudin bir vaqtning o‘zida faqat shifokor tavsi-yasiga binoan ishlatilishi mumkin.
Probenetsidni qo‘llash paratsetamolning glyukuron kislotasiga bog‘lanishini susaytiradi va shu tufayli paratsetamol klirensining taxminan 2 baravarga kamayishiga olib keladi. Probenetsid bilan bir vaqtda qo‘llanganda paratseta-molning dozasini kamaytirish kerak.
Salitsilamid paratsetamolning yarim chiqarilish davrini ko‘payishiga olib ke-lishi mumkin.
Fermentlar induktorlar bilan birgalikda ishlatilganda, ayniqsa ehtiyot bo‘lish kerak.
Spirtli ichimliklar bilan bir vaqtda qo‘llanilmasin.
Xlorfeniramin maleat
Xlorfeniramin maleatni markaziy asab tizimining (MAT) faoliyatini pasaytiradigan preparatlar yoki spirtli ichimliklar bilan bir vaqtda qo‘llash sedativ (tinchlantiruvchi) ta'sirni kuchaytiradi.
Kofein
Kofeinni monoaminoksidaza (MAO) ingibitorlari bilan bir vaqtda qo‘llash qon bosimining xavfli ko‘tarilishiga olib kelishi mumkin. Kofein antipiretik- analgetiklarning ta'sirini kuchaytiradi (biologik kirishimlilikni yaxshi-laydi), ksantin hosilalari, alfa- va beta-adrenomimetiklar va psixostimulya-torlarning ta'sirini kuchaytiradi.
Simetidin, gormonal kontratseptivlar, izoniazid kofeinning ta'sirini ku-chaytiradi.
Kofein, opioid analgetiklar, anksiolitiklar, uyqu chaqiruvchi va sedativ dori vositalari, antigistamin preparatlar ta'sirini kamaytiradi, u narkoz vositalari va markaziy asab tizimini susaytiruvchi preparatlarning antagonisti va adenozin, adenozin trifosfatning (ATF) ning raqobatbardosh antagonisti hisoblanadi. Kofein ergotogamin bilan bir vaqtda qo‘llanganda oshqozon-ichak traktida ergotaminning so‘rilishi yaxshilanadi, tireotrop dorilar bilan qo‘llanganda – tireoid ta'siri oshadi. Kofein qondagi litiy kontsentra-tsiyasini pasaytiradi.
Teofillin bilan bir vaqtda qabul qilinganda teofillinning ajralishini su-saytirishi mumkin.
Kofein efedrin kabi moddalarga qaramlik potentsialini oshiradi.
Kofein va keng ta'sir doirasiga ega moddalar (masalan, benzodiazepin) birga qo‘llanganhollarda turli xil va oldindan aytib bo‘lmaydigan o‘zaro ta'sirlar paydo bo‘lishi mumkin.
Xinolonkarbon kislota kabi ingibitorlarni bir vaqtda qo‘llash kofeinning va uning parchalanish mahsuloti bo‘lgan paraksantinning ajralishini sekinlashti-rishi mumkin.
Askorbin kislotasi
Askorbin kislotasi og‘iz orqali qabul qilinganda penitsillin, tetratsiklin, te-mirning so‘rilishini kuchaytiradi; ichakda alyuminiyning so‘rilishiga yordam beradi, buni tarkibida alyuminiy bo‘lgan antatsidlar bilan bir vaqtda qo‘llashda hisobga olish kerak.
S vitamini va deferoksaminni bir vaqtda qo‘llaganda temirning to‘qimaga nisbatan zaharliligini oshiradi, bu ayniqsa yurak mushaklarida qon aylanish tizimining dekompensatsiyasiga olib keladi. S vitaminini deferoksamin in'-ektsiyasidan so‘ng 2 soat o‘tgach qo‘llash mumkin.
Disulfiramin bilan davolanayotgan odamlarda katta dozalarni uzoq muddat qo‘llash disulfiram-spirtli reaktsiyani tormozlaydi.
Dori vositasining yuqori dozalari tritsiklik antidepressantlar, neyrolep-tiklar - fenotiazin hosilalari, amfetaminning naychalardagi reabsorbtsiyasi-ni kamaytiradi, buyrak orqali meksiletinning ajralishini buzadi va V12 vi-taminining so‘rilishiga ta'sir ko‘rsatadi.
Askorbin kislotasi etil spirtining umumiy klirensini oshiradi.
Dori vositasi sulfanilamid dorilarining toksikligini kamaytiradi, geparin va bilvosita antikoagulyantlarning samaradorligini pasaytiradi.
S vitamini siydik bilan oksalat ajralishini kuchaytiradi va shu bilan siydikda oksalat toshlarining paydo bo‘lishi xavfini oshiradi va sali-tsilatlar bilan davolash paytida kristalluriya xavfini oshiradi.
Xinolin qatoridagi dori vositalari, kaltsiy xlorid, salitsilatlar, kortikoste-roidlar uzoq muddat birga qo‘llanganda organizmdagi askorbin kislotasi zahiralarini kamaytiradi.
Peroral kontratseptivlar bilan bir paytda qabul qilinganda, meva yoki sabzavot sharbatlari, ishqorli ichimlik bilan ichilganda askorbin kislotaning so‘rilishi pasayadi.
Preparat katta dozalarda qo‘llanganda, askorbin kislotasining kortikosteroid gormonlar hosil bo‘lishini kuchaytirganligi tufayli buyrak faoliyati va qon bosimini nazorat qilish zarur.

Maxsus ko‘rsatmalar

Yuqori isitma bo‘lgan xollarda, ikkilamchi infektsiya, simptomlarning og‘irlashishi yoki boshqa asoratlar haqida maslahat olish kerak.
Odatda, tarkibida paratsetamol bo‘lgan dori vositalarini faqat bir necha kun davomida qabul qilish kerak va shifokor bilan maslahatlashmasdan ularni yuqori dozalarda ishlatmaslik kerak.
Taylol Xot C ni shifokor bilan maslahatlashmasdan uzoq vaqt yoki yuqori dozalarda qabul qilmaslik kerak.
Analьgetik saqlovchi dori vositalarni uzoq vaqt va noto‘g‘ri ishlatish bosh og‘rig‘iga sabab bo‘lishi mumkin, bu bosh og‘rig‘ini preparatning yuqori dozalari bilan davolash kerak emas.
PARATSETAMOL saqlaydi
Preparatni paratsetamol saqlovchi boshqa vositalar, dekongestantlar (burun bitish simptomlarini yengillashtirish uchun mo‘ljallangan preparatlar) va shamollashga qarshi dorilar bilan bir vaqtning o‘zida qabul qilish mumkin emas.
Paratsetamol saqlovchi boshqa dorilar bilan bir vaqtda qabul qilish dozaning oshib ketishiga sabab bo‘lishi mumkin. Paratsetamol dozasining haddan tashqari oshib ketishi jigar yetishmovchiligini keltirib chiqarishi mumkin, bu esa jigar transplantatsiyasi zaruriyatiga yoki o‘limga olib kelishi mumkin.
Dozani oshirib yuborish xavfini oldini olish uchun paratsetamolning kunlik maksimal dozasi (tana og‘irligi 43 kg dan ortiq bo‘lganda 4000 mg paratsetamol) paratsetamol saqlovchi boshqa dorilarni qabul qilganda ham oshib ketmasligi kerak.
Maksimal sutkalik doza quyidagilarda
kattalar - 4 gramm,
bolalar 3 dan 6 yoshgacha – 1 gramm
7 dan 8 yoshgacha — 1,5 gramm.
9 don 12 yoshgacha — 2 gramm
Askorbin kislotasi
Eritrotsit glyukoza-6-fosfat degidrogenaza yetishmovchiligi bo‘lgan patsiyentlarda askorbin kislotasining yuqori dozalari (kuniga 4 g) qabul qilinganda, ba'zi hollarda og‘ir gemoliz kuzatilgan. Shuning uchun tavsiya etilgan dozani oshirib yubormaslik kerak.
Buyrakda tosh hosil bo‘lishiga moyillik bo‘lganda, askorbin kislotasi yuqori dozada qabul qilinganda, kaltsiy oksalatidan tosh paydo bo‘lishi xavfi mavjud.
Bitta paketda 5,6 mmolь (128 mg) natriy mavjud. Buni kam natriyli va natriyli parhezda bo‘lganlar hisobga olishlari kerak.
Homiladorlik va laktatsiya davrida qo‘llash
FDA tasnifi bo‘yicha – kategoriyasi belgilanmagan.
Homiladorlik
Taylol Xot C ni homiladorlikda qo‘llash mumkin emas, chunki epidemiologik tadqiqotlar shuni ko‘rsatdiki, xlorfeniramin homilada markaziy asab tizimining buzilishi, bosh suyagi anomaliyalari va o‘smalar rivojlanish xavfini oshiradi. Shuningdek, tug‘ilishdan oldingi ikki hafta ichida antigistamin preparatlar ta'siridan so‘ng muddatiga yetmay tug‘ilgan chaqaloqlarda retrolental fibroplaziya xavfi ortishi to‘g‘risida ma'lumotlar berilgan tadqiqotnatijalari mavjud.
Laktatsiya
Xlorfeniramin maleatning ko‘krak suti orqali ajralishi noma'lumligi sababli, preparatni emizikli paytda qo‘llamaslik kerak.
Avtomobilni va murakkab mexanizmlarni boshqarish qobiliyatiga ta'siri
Preparat reaktsiyalarga ta'sir qilishi mumkinligi sababli, patsiyentlarga transport vositalarini boshqarish, mexanik asboblarga xizmat ko‘rsatish va boshqa xavfli faoliyatlar bilan bog‘liq xavflar to‘g‘risida ma'lumotlar berilishi kerak.

Dozani oshirib yuborilishi

Taylol Xot C dozasining oshirib yuborilgani haqida ilgari xabar berilmagan.
Taylol Xot C dozasini oshirib yuborish simptomlari alohida moddalardan zaharlanish simptomlaridan iborat bo‘lishi mumkin.
Paratsetamol
Intoksikatsiya xavfi, ayniqsa, keksa yoshdagi odamlarda, yosh bolalarda, jigar kasalliklari bo‘lgan odamlarda, alkogol ichimliklarini surunkali iste'mol qiladiganlarda, surunkali to‘yib ovqatlanishda va fermentning induktsiyasiga olib keladigan dorilar bilan bir vaqtda iste'mol qilinganda mavjud bo‘ladi. Bunday hollarda dozani oshirib yuborish o‘limga olib kelishi mumkin.
Odatda 24 soat ichida ko‘ngil aynishi, qusish, anoreksiya, rangparlik va qorin og‘rig‘i kabi simptomlar paydo bo‘ladi. Shundan so‘ng, bu subьektiv holatning yaxshilanishiga olib kelishi mumkin, ammo jigar zararlanishining belgisi sifatida yengil qorin og‘rig‘i saqlanib qolishi mumkin.
Kattalar uchun bir martalik doza yoki 140 mg/kg tana vaznidagi bolalarda bir martalik doza sifatida paratsetamolning taxminan 6 g yoki undan ko‘p miqdordagi dozasini oshirib qo‘llash jigar hujayralarining nekroziga olib keladi, bu esa umumiy qaytarib bo‘lmaydigan nekrozga, keyinchalik esa jigar-hujayra yetishmovchiligiga, metabolik atsidozga va entsefalopatiyaga olib keladi. Bu komaga, hatto o‘limga olib kelishi mumkin. Shu bilan birga, jigar transaminazalari (AST, ALT), laktat degidrogenaza va bilirubinning oshishi protrombin vaqtining uzayishi bilan birgalikda kuzatilgan, bu qo‘llashdan keyin 12-48 soat ichida o‘tib ketishi mumkin. Jigar zararlanishining klinik belgilari odatda 2 kundan keyin namoyon bo‘ladi va 4-6 kundan keyin maksimal darajaga yetadi.
Jigarda jiddiy zararlanish bo‘lmasa ham, o‘tkir tubulyar nekrozli o‘tkir buyrak yetishmovchiligi paydo bo‘lishi mumkin. Paratsetamolning haddan tashqari yuqori dozasidan keyin kuzatiladigan jigarga bog‘liq bo‘lmagan boshqa simptomlar miokard kasalliklari va pankreatitdan iboratdir.
Xlorfeniramin maleat
Doza oshirib yuborilganda yuzning qizarishi, ataksiya, qo‘zg‘aluvchanlik, gallyutsinatsiyalar, mushaklarning titrashi, tutqanoqlar, qorachiqlarning qotib qolishi va kengayishi, og‘izning qurishi, ich qotishi va juda yuqori darajadagi isitma kelib chiqishi mumkin. Bundan tashqari, markaziy asab tizimining zaharlanish belgilari (gallyutsinatsiyalar, koordinatsiyaning (muvozanatning) buzilishi, tutqanoqlar) paydo bo‘lishi mumkin. Bularning oqibatida, koma, nafas falaji va yurak-qon tomir kollapsi qayd etilishi mumkin.
Kofein
Qisqa vaqt ichida 1 g yoki undan ko‘p kofeinni qabul qilish titroq, markaziy asab tizimining simptomlari va yurak-qon tomir reaktsiyalari (taxikardiya, miokardning zararlanishi) kabi zaharlanish belgilarini keltirib chiqarishi mumkin.
Askorbin kislotasi
Gemoliz va buyraklarda toshlar xavfi mavjud. Bir marta 3 g yoki undan ko‘p doza qabul qilingandan so‘ng vaqtinchalik osmotik diareya yuzaga keladi, 10 g dan boshlab esa, unga tegishli abdominal simptomlar qo‘shiladi.
Dozani oshirib yuborishda davolash simptomatik.

Chiqarilish shakli

Taylol Xot C, ichish uchun eritma tayyorlashga limon ta'mli kukun, har bir qadoqda 4 g, 12 dona sashedan iborat.
Tibbiyotda qo‘llanilishiga doir yo‘riqnomasi bilan birga.
Saqlash shartlari
Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

2 yil.

Yaroqlilik muddati

o‘tgach qo‘llanilmasin.

Dorixonalardan berish tartibi

Retseptsiz.

Ishlab chiqaruvchi

“Nobel İlaç Sanayii ve Ticaret A.Ş.”
Turkiya, Dyuzje sh., Sanjaklar Mah, Eski Akchakoja ko‘chasi, 299
MChJ “NOBEL PHARMSANOAT” ChEK
uchun ishlab chiqarilgan
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilotning nomi va manzili
“NOBEL PHARMSANOAT” MChJ ChEK
O‘zbekiston Respublikasi, Toshkent sh., Mirzo Ulug‘bek tum., Qorasuvbo‘yi ko‘ch., 5“A”
Tel. (99871) 207 99 00; Faks (99871) 207 99 01
E-mail pv@nobel.uz, www.nobel.uz