Preparatning savdo nomi
Yunikold Forte®
Ta'sir etuvchi moddalar (XPN) paratsetamol, fenilefrin gidroxloridi, kofein, xlorfeniramin maleati.

Dori shakli
tabletkalar

Tarkibi

Har bir tabletka quyidagilarni saqlaydi
faol moddalar paratsetamol 500 mg, fenilefrin gidroxloridi 5 mg, suvsiz kofein 20 mg, xlorfeniramin maleati 4 mg.
yordamchi moddalar povidon K-30, metilparaben, propilparaben, mikrokristall sellyuloza, makkajo‘xori kraxmali, natriy kraxmal glikolyati, tozalangan talk, magniy stearati, suvsiz kolloid kremniy dioksidi, Sariq Sanset (Sunset Yellow) FCF bo‘yovchisi.
Ta'rifi uzunchoq, ikki tomonlama qavariq, oq yoki deyarli oq rangli, chetlari kesilgan, plyonka qobiq bilan qoplangan tabletkalar.

Farmakoterapevtik guruhi
O‘tkir respirator kasalliklarning (O‘RK) simptomlarini bartaraf qilish uchun qo‘llanadigan vosita.
ATX kodi N02BE71

Farmakologik hususiyatlari
Paratsetamol og‘riqni qoldiruvchi va isitmani tushiruvchi ta'sir ko‘rsatadi. Og‘riqni qoldiruvchi ta'sir mexanizmi, asosan gipotalamusdagi termoregulyatsiya markazida prostaglandinlar sintezini ingibirlashi bilan bog‘liq. Paratsetamolning isitmani tushiruvchi ta'siri, termoregulyatsiyaning gipotalamik markazlariga to‘g‘ridan-to‘g‘ri ta'siri bilan bog‘liq, buning natijasida tomirlarning kengayishi va ter ajralib chiqishini kuchayishi tufayli, issiqlikning chiqarilishi kuchayadi.
Fenilefrin gidroxloridi (sinonimi mezaton) - simpatomimetik amin, tomirlarning -adrenoretseptorlari stimulyatori hisoblanadi, yurakni -adrenoretseptorlariga kam ta'sir ko‘rsatadi. Arteriolalarning torayishini va arterial bosimni oshishini chaqiradi. Ko‘z qorachig‘ini kengaytiradi va glaukomada ko‘z ichki bosimini pasaytirishi mumkin. Preparatning midriatik ta'siri atropin qo‘llangandagiga nisbatan kam davom etadi. Nafas olish yo‘llari shilliq qavatidagi -adrenergik retseptorlariga ta'sir qilib, tomirlarning torayishini chaqiradi. Bu esa yallig‘lanish natijasidagi burun yo‘llari shilliq qavati shishini vaqtinchalik kamaytiradi.
Xlorfeniramin maleati - gistaminning N1-retseptorlari antagonisti bo‘lib, allergiyani davolashda qo‘llanadi. Effektor hujayralarining N1-retseptorlari uchun gistamin bilan raqobatlashib, ular orqali amalga oshiriladigan gistamin ta'sirini (to‘qima shishini va kapillyarlarning o‘tkazuvchanligini oshishini) bartaraf qiladi, ammo ular rivojlangan bo‘lsa uning ta'sir samarasini yo‘qotmaydi. Preparat tarkibida u qo‘shimcha burunning bitib qolishini, tumovni va aksirishni kamayishini ta'minlaydi.
Kofein charchoqlikni va uyquchanlikni kamaytirishga, aqliy va jismoniy ish qobiliyatini oshirishga olib keluvchi markaziy nerv tizimiga stimullovchi ta'sir ko‘rsatadi.




Farmakokinetikasi

Paratsetamol ichga qabul qilinganida yaxshi va tez so‘riladi. Plazmadagi cho‘qqi kontsentratsiyasiga 30-90 minut o‘tgach erishiladi. Organizmning deyarli barcha to‘qimalariga kiradi, yo‘ldosh orqali oson o‘tadi va ko‘krak suti bilan ajralib chiqadi. Jigarda metabolizmga uchraydi, metabolitlari farmakologik faol emas, ammo to‘planganida jigarni nekrozga olib kelishi mumkin. Asosan metabolitlari ko‘rinishida buyraklar orqali chiqariladi. Yarim chiqarilish davri 1,5 soatdan 3 soatgacha o‘zgaradi. Jigar faoliyati buzilganida preparatning organizmdan chiqarilishi sekinlashadi, bu metabolitlarini organizmda to‘planishiga yordam beradi.
Ichga qabul qilinganida jigardan birinchi o‘tish hisobiga va monoaminooksidaza bilan me'dada parchalanishi natijasida fenilefrin gidroxloridining biologik faolligi pasayadi. Biotransformatsiyasi me'da-ichak yo‘llarida va jigarda yuz beradi. Buyraklar orqali chiqariladi.
Xlorfeniramin maleat ichga qabul qilinganidan so‘ng me'da-ichak yo‘llaridan yaxshi so‘riladi. Oqsillar bilan bog‘lanishi – yuqori (72%). Biotransformatsiyasi jigarda, shuningdek buyrakda kechadi. Yarim chiqarilish davri – 14-25 soatni tashkil qiladi. Organizmdan buyraklar orqali metabolitlari ko‘rinishida chiqariladi.
Kofein ichga qabul qilinganidan so‘ng tez so‘riladi va organizmga yaxshi taqsimlanadi. Plazmadagi maksimal kontsentratsiyaga bir soatdan so‘ng erishiladi, yarim chiqarilish davri 3,5 soatni tashkil qiladi.


Qo‘llanilishi

Tumov, burunni bitishi, bosh og‘rig‘i, isitma, qaltirash, bo‘g‘imlar va mushaklar og‘rig‘i bilan kechuvchi shamollash kasalliklarida qo‘llanadi.


Qo‘llash usuli va dozalari

Bolalarga 6 yoshdan 12 yoshgacha 1 tabletkadan kuniga 1-2 marta buyuriladi.
Kattalarga 1 tabletkadan kuniga 3-4 marta buyuriladi.

Nojo‘ya ta'sirlari
Kam holatlarda allergik reaktsiyalar (teri toshmasi, eritema, eshakemi), shuningdek bosh aylanishi, uyquning buzilishi, yuqori ta'sirchanlik, ko‘ngil aynishi, og‘iz qurishi kuzatilishi mumkin.


Qo‘llash mumkin bo‘lmagan holatlar

-preparatning komponentlariga o‘ta yuqori sezuvchanlik;
-homiladorlik, laktatsiya davri;
-bolalik yoshi (6 yoshgacha);
Ehtiyotkorlik bilan – glyukoza-6-fosfatdegidrogenaza tanqisligida, qon kasalliklarida, jigar va/yoki buyrak yetishmovchiligida, yopiq burchakli glaukomada, prostata bezining xavfsiz giperplaziyasida, arterial gipertenziyada, qalqonsimon bez kasalliklarida, qandli diabetda, bronxial astmada qo‘llanadi.

Dorilarning o‘zaro ta'siri
Monoaminooksidaza (MAO) ingibitorlari, sedativ preparatlar, etanolning samarasini kuchaytiradi.
Antidepressantlar, parkinsonizmga qarshi vositalar, antipsixotik vositalar, fenotiazin hosilalari siydik tutilishi, og‘izni qurishi, qabziyat rivojlanishi xavfini oshiradi.
Glyukokortikosteroidlar glaukoma rivojlanishi xavfini oshiradi. Paratsetamol diuretik preparatlarning samarasini pasaytiradi. Xlorfeniramin MAO ingibitorlari, furazolidon bilan birga gipertonik kriz, qo‘zg‘aluvchanlik, giperpireksiyaga olib kelishi mumkin. Guanitidinning gipotenziv ta'sirini pasaytiradi, u esa o‘z navbatida alfa-adrenostimullovchi faolligini kuchaytiradi.


Maxsus ko‘rsatmalar

Preparatni boshqa paratsetamol saqlovchi preparatlar bilan birga qabul qilish mumkin emas. Preparat bilan davolash davrida jigar, buyraklar faoliyatini va periferik qon manzarasini nazorat qilish kerak. Preparatni qo‘llash vaqtida preparatning gepatotoksik ta'sirini kuchayishi mumkinligi tufayli, alkogolni iste'mol qilish mumkin emas.
Avtotransport va boshqa mexanizmlarni boshqarish qobiliyatiga ta'siri.
Nojo‘ya samaralarini hisobga olib, transport vositalarini boshqarish va harakatlanuvchi mexanizmlarga xizmat qilishda ehtiyotkorlikka rioya qilish kerak.
Preparat bolalar olaolmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Simptomlari allergik reaktsiyalar, bosh og‘rig‘i, psixomotor qo‘zg‘alishlar, bosh aylanishi, ko‘ngil aynishi, qusish.
Davolash me'dani yuvish, simptomatik davolash.


Chiqarilish shakli

5 tabletkadan PVX va alyumin folgali kontur uyali o‘ramda.
Uchta kontur uyali o‘ram qo‘llash bo‘yicha yo‘riqnomasi bilan birga karton qutida.




Saqlash sharoiti

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.


Yaroqlilik muddati

3 yil


Dorixonalardan berish tartibi

Retseptsiz.


Ishlab chiqaruvchi

“Combitic Global Caplet Pvt. Ltd.”, Hindiston.