Artoksan eritma uchun liof. kukun 20mg №3

Preparatning savdo nomi

Artoksan Ta'sir etuvchi modda (XPN) Tenoksikam

Dori shakli

In'ektsiya uchun eritma tayyorlash uchun liofilizatsiya qilingan kukun erituvchi bilan to‘plamda.

Tarkibi

Preparatning 1 flakoni quyidagilarni saqlaydi faol modda tenoksikam – 20 mg. yordamchi moddalar mannit, dinatriy edetati, askorbin kislotasi, trometamol, natriy gidroksidi, xlorid kislotasi. erituvchi in'ektsiya uchun suv – 2 ml. Ta'rifi Sariq rangli liofilizatsiya qilingan kukun, erituvchi rangsiz tiniq suyuqlik.

Farmakoterapevtik guruhi

Nesteroid yallig‘lanishga qarshi va revmatizmga qarshi vositalar. Oksikamlar. ATX kodi M01AS02 Farmakologik hususiyatlari

Farmakodinamika

Tenoksikam Artoksan preparatining faol moddasi hisoblanadi, yaqqol ifodalangan yallig‘lanishga qarshi, og‘riq qoldiruvchi va isitmani tushiruvchi ta'sirlarga ega, shuningdek trombotsitlar agregatsiyasini ingibitsiya qiladi. Tenoksikam ham in vitro, ham in vivo sharoitlarida siklooksigenaza (TSOG) fermentining har ikkala shakllarini ingibitsiya qilish orqali prostaglandinlar biosintezini susaytiradi. Odamning COS-7 hujayralaridan olingan SOG izofermentlarini in vitro sharoitida o‘rganish yuzasidan o‘ktazilgan tadqiqotda, tenoksikam SOG-1 va SOG-2 izofermentlarini taxminan bir xil darajada ingibitsiya qilishi, ya'ni SOG-2/TSOG-1 nisbatini 1,34 ga tengligi ko‘rsatilgan. Leykotsitar peroksidazani o‘rganish yuzasidan in vitro sharoitida o‘tkazilgan tadqiqotda, tenoksikamni yallig‘lanish o‘chog‘ida faol kislorod aktseptori sifatida kirishishi mumkinligi aniqlangan. Tenoksikam in vitro sharoitida odamda tog‘aylarni parchalaydigan metalloproteinazalar (stromelizin va kollagenaza) ning kuchli ingibitori hisoblanadi. Ushbu farmakologik samaralari, tayanch-harakat apparatining og‘riq bilan kechuvchi yallig‘lanish va degenerativ kasalliklarini davolashda tenoksikamning hech bo‘lmaganda qisman terapevtik ta'siri bilan tushuntiriladi.

Farmakokinetikasi

So‘rilishi Tenoksikam mushak ichiga yuborilgandan va ichga qabul qilinganidan keyin uning butunlay biokiraolishligi o‘rtasida farqlar yo‘q. Mushak ichiga in'ektsiya qilinganidan so‘ng 15 minut davomida plazmada faol moddaning darajasi tenglashadi yoki maksimal kontsentratsiyadan 90% oshadi. Preparat tavsiya etilgan dozalash tartibida – 20 mg dan sutkada 1 marta qo‘llanganida – plazmada muvozanat kontsentratsiyasiga 10-15 kun davomida erishadi, bunda kumulyatsiya samarasi kuzatilmaydi. Tenoksikamning plazmadagi muvozanat kontsentratsiyasi tenoksikam 20 mg dozada sutkada 1 marta qo‘llanganida 11 mg/l ni tashkil etadi, va hatto 4 yilgacha muddat davomida davolanganda ham o‘zgarmaydi. Plazmadagi kontsentratsiyalari muvozanat holatida, bir martalik dozasi qo‘llanganidan keyingi kontsentratsiyalariga nisbatan 6 barobar yuqori bo‘lgan. Taqsimlanishi 20 mg tenoksikam vena ichiga yuborilganida dastlabki 2 soat davomida plazmada dori vositasining kontsentratsiyasini tezda pasayishi kuzatiladi; shu qisqa vaqtdan keyin plazmadagi kontsentratsiyalarida vena ichiga yuborilishi va peroral qabul qilinishi o‘rtasida farqlar kuzatilmaydi. O‘rtacha taqsimlanish hajmi muvozanat holatida 10-12 l ni tashkil etadi. Qonda preparatning 99% dan ko‘proq qismi albumin bilan bog‘lanadi. Tenoksikam sinovial suyuqlikka yaxshi o‘tadi, biroq cho‘qqi kontsentratsiyasiga plazmadagiga nisbatan kechroq erishadi. Preparatning bir martalik dozasini o‘rganish yuzasidan o‘tkazilgan tadqiqot vaqtida, tenoksikamni juda kichik miqdorlarda ko‘krak sutiga ajralib chiqishi aniqlangan. Metabolizmi va chiqarilishi Tenoksikam asosan metabolik yo‘l bilan chiqariladi. Yuborilgan dozaning taxminan 2/3 qismi siydik bilan, farmakologik jihatdan nofaol 5-gidroksipiridil-metabolit shaklida chiqariladi; qolgan miqdori safro bilan, asosan gidroksi-metabolitlarning glyukuronid kon'yugatlari shaklida chiqariladi. Yuborilgan dozaning 1% dan kamroq qismi siydik bilan o‘zgarmagan holda chiqariladi. Tenoksikamning o‘rtacha yarim chiqarilish davri 72 soatni (59 soatdan 74 soatgacha bo‘lgan muddatni) tashkil etadi. Plazmadagi umumiy klirensi minutiga 2 ml ni tashkil etadi. Proportsionalligi/noproportsionalligi Tenoksikamning farmakokinetikasi 10-100 mg dozalar diapazonida proportsionaldir. Patsiyentlarning maxsus guruhlari Buyrak yoki jigar yetishmovchiligi bo‘lgan patsiyentlar Buyrak yoki jigar yetishmovchiligi bo‘lgan patsiyentlarda o‘tkazilgan tadqiqotlar, plazmada sog‘lom ko‘ngillilarda kuzatiladigan kontsentratsiyalarga o‘xshash kontsentratsiyalarga erishishi uchun dozaga tuzatish kiritish talab etilmasligidan dalolat beradi. Keksa yoshdagi patsiyentlar Keksa yoshdagi patsiyentlarda o‘tkazilgan tadqiqotlar, plazmada sog‘lom ko‘ngillilarda kuzatiladigan kontsentratsiyalarga o‘xshash kontsentratsiyalarga erishishi uchun dozaga tuzatish kiritish talab etilmasligidan dalolat beradi. Keksa yoshdagi patsiyentlarda sog‘lom ko‘ngillilar bilan bir xil kinetik profilga egaligi namoyish etilgan. Boshqa patsiyentlar Revmatik kasalliklari bo‘lgan patsiyentlarda sog‘lom ko‘ngillilar bilan bir xil kinetik profilga egaligi namoyish etilgan. Tenoksikamni plazma oqsillari bilan bog‘lanish darajasi yuqori bo‘lganligi tufayli qon plazmasida albuminning kontsentratsiyasi sezilarli pasayganida ehtiyotkorlikka rioya qilish kerak.

Qo‘llanilishi

Preparat osteoartritda, revmatoid artritda, ankilozlanuvchi spondilitda, podagra zo‘rayganidagi bo‘g‘im sindromida og‘riq va yallig‘lanishni yengillashtirish uchun ko‘rsatilgan. Shuningdek tayanch-harakat apparatining o‘tkir kasalliklarida, shu jumladan paylarni cho‘zilishi, suyaklarni chiqishi va yumshoq to‘qimalarning boshqa shikastlanishlari, algodismenoreyadagi og‘riq sindromini, operatsiyadan keyingi og‘riqni qisqa muddatli davolash uchun qo‘llanadi.

Qo‘llash usuli va dozalari

Preparat maksimal qisqa vaqt davomida minimal samarali dozada qo‘llanilganida nojo‘ya reaktsiyalarni yuzaga kelishi minimal darajaga yetkazilishi mumkin. Kattalar Tenoksikamning tavsiya etiladigan dozasi 20 mg ni tashkil etadi va sutkada bir marta aynan bir xil vaqtda yuboriladi. Operatsiyadan keyingi og‘riqlarda tavsiya etiladigan dozasi sutkada 40 mg ni tashkil etadi 5 kun davomida yuboriladi. Podagraning o‘tkir hurujlarida tavsiya etiladigan dozasi 40 mg dan sutkada bir marta 2 kun davomida va navbatdagi 5 kun davomida sutkada 20 mg ni tashkil etadi. Surunkali kasalliklarni davolashda tenoksikamning terapevtik samarasi davolashni boshlanishidanoq kuzatiladi. Olingan javob vaqt o‘tishi bilan oshib boradi. Surunkali kasalliklarni davolashda sutkada 20 mg dan ortiq dozalarni qo‘llash mumkin emas, chunki bunda yanada yaqqol ifodalangan terapevtik samaraga har doim ham erishilmaydi, nojo‘ya reaktsiyalarni rivojlanish havfi esa oshadi. Uzoq muddat davolash talab etilgan holatlarda, samarani bir maromda ushlab turuvchi davolash sifatida peroral qabul qilinadigan sutkalik dozani 10 mg gacha pasaytirish mumkin. Qo‘llash usuli Mushak ichiga yoki vena ichiga bolyus holida yuborish uchun mo‘ljallangan tayyor eritmani tayyorlangan zahoti ishlatish kerak. Zarurat bo‘lganida davolash tenoksikamni dastlabki 1-2 kun davomida vena ichiga yoki mushak ichiga yuborish bilan boshlanib, keyinchalik peroral yoki rektal qo‘llashga o‘tiladi. Cho‘kma hosil bo‘lishi mumkinligi tufayli, preparat infuziya ko‘rinishida yuborilmaydi. In'ektsiya uchun eritma, bevosita yuborishdan oldin, bitta flakonning ichidagi kukun to‘plamda mavjud bo‘lgan 2 mg in'ektsiya uchun suvda eritish orqali tayyorlanadi. Tayyorlangan eritma sarg‘imtir-yashil rangli tiniq eritma bo‘lib, ko‘zga ko‘rinarli kiritmalar bo‘lmasligi lozim. Sifatini buzilish belgilari aniqlanganida preparat mahalliy talablarga muvofiq ravishda utilizatsiya qilinishi kerak. Patsiyentlarning maxsus guruhlari Buyrak funktsiyasini buzilishi Buyrak funktsiyasini yengil yoki o‘rtacha darajada buzilishlari bo‘lgan patsiyentlarda preparatni tavsiya etilgan dozalarda, buyrak funktsiyasini sinchkov nazorati ostida qo‘llash mumkin. Og‘ir darajadagi buyrak yetishmovchiligi bo‘lgan patsiyentlarda preparatni qo‘llash tavsiya etilmagan. Jigar funktsiyasini buzilishi Jigar funktsiyasini yengil yoki o‘rtacha darajada buzilishlari bo‘lgan patsiyentlarda preparatni tavsiya etilgan dozalarda, jigar funktsiyasini sinchkov nazorati ostida qo‘llash mumkin. Og‘ir darajadagi jigar yetishmovchiligi bo‘lgan patsiyentlarda preparatni qo‘llash tavsiya etilmagan. Bolalar Bolalar va o‘smirlarda tenoksikamni klinik qo‘llash tajribasi mavjud emas. Preparat bolalar va o‘smirlarda qo‘llash uchun tavsiya etilmagan. Keksa yoshdagi patsiyentlar Keksa yoshdagi patsiyentlarda jiddiy nojo‘ya reaktsiyalarni rivojlanish havfi oshadi. Nosteroid yallig‘lanishga qarshi preparatlar (NYaQP)ni qo‘llash zarurati tug‘ilganida preparatni maksimal qisqa vaqt davomida minimal samarali dozada qo‘llash kerak. Keksa yoshdagi patsiyentlarda me'da ichak yo‘llaridan, hayot uchun havf tug‘dirishi mumkin bo‘lgan, qon ketishini rivojlanish havfi, me'da-ichak yo‘llarining shilliq qavatida yaralarni hosil bo‘lishi yoki perforatsiyani yuz berish havfi yuqori bo‘ladi. Ushbu toifadagi patsiyentlar guruhlari uchun, shuningdek aspirin yoki me'da-ichak yo‘llarini shikastlanish havfini oshirishi mumkin bo‘lgan boshqa dori vositalarining kichik dozalarini qabul qilayotgan patsiyentlar uchun, Artoksan preparatini shilliq qavatlarni himoyalovchi preparatlar (masalan, mizoprostol yoki proton pompasi ingibitorlari) bilan qo‘llash imkoniyati ko‘rib chiqish kerak. NYaQP bilan davolanish vaqtida me'da-ichak yo‘llaridan qon ketishi simptomlarini erta aniqlash maqsadida patsiyentlarni sinchkovlik bilan kuzatish kerak.

Nojo‘ya ta'sir

lari
Tenoksikam qo‘llanganida nojo‘ya reaktsiyalar asosan yengil va tranzitor bo‘lgan. Ayrim patsiyentlar nojo‘ya reaktsiyalar rivojlanganligi tufayli davolashni to‘xtatishgan. Preparat parenteral qo‘llanganida yaxshi o‘zlashtiriladi. Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlarga asoslanib baholash mumkin emas). Qon va limfa tizimlari tomonidan uchrash tezligi noma'lum – anemiya, agranulotsitoz, leykopeniya, trombotsitopeniya. Immun tizimi tomonidan uchrash tezligi noma'lum – hansirash, astma, anafilaksiya, angionevrotik shish kabi o‘ta yuqori sezuvchanlik reaktsiyalari. Moddalar alamashinuvi va oziqlantirish tomonidan tez-tez emas – ishtahani yo‘qolishi. Ruhiyatni buzilishlari tez-tez emas – uyquni buzilishi, uchrash tezligi noma'lum – ongni chalkashishi, gallyutsinatsiyalar. Nerv tizimi tomonidan tez-tez – bosh aylanishi, bosh og‘rig‘i; uchrash tezligi noma'lum – paresteziya, uyquchanlik. Ko‘rish a'zolari tomonidan uchrash tezligi noma'lum – ko‘rishni buzilishi (ko‘rish o‘tkirligini pasayishi va ko‘rish aniqlishini buzilishi kabilar). Eshitish va muvozanat a'zolari tomonidan tez-tez emas – vertigo. Yurak tomonidan tez-tez emas – palpitatsiya; uchrash tezligi noma'lum – yurak yetishmovchiligi. Qon-tomirlari tomonidan uchrash tezligi noma'lum – vaskulit. Klinik tadqiqotlar va epidemiologik ma'lumotlar, SOG-2ning selektiv ingibitorlari va ayrim NYaQPni (ayniqsa yuqori dozalarda va uzoq muddat qo‘llanganida) qo‘llash arterial trombotik asoratlarni (masalan, miokard infarkti yoki insultni) rivojlanish havfini biroz oshishi bilan bog‘liq bo‘lishi mumkinligidan dalolat beradi. Tenoksikam miokard infarkti kabi trombotik asoratlarni oshishini ko‘rsatmagan. Tenoksikam uchun bunday havfni istisno qilish imkonini beruvchi ma'lumotlar yetarli emas. Me'da-ichak yo‘llari tomonidan tez-tez emas – epigastriy, me'da va qorin sohasida diskomfort, dispepsiya, ko‘ngil aynishi, jig‘ildon qaynashi, me'da-ichak yo‘llari perforatsiyasi; tez-tez emas – me'da-ichak yo‘llaridan qon ketishi, shu jumladan gematemezis va melena, me'da-ichak yaralari, qabziyatlar, diareya, stomatit, gastrit, qusish, og‘izni qurishi; juda kam hollarda – pankreatit; uchrash tezligi noma'lum – kolitni zo‘rayishi va Kron kasalligi. Jigar va safro chiqarish yo‘llari tomonidan uchrash tezligi noma'lum – gepatit. Teri va teri osti to‘qimalari tomonidan tez-tez emas – qichishish (anal sohasida rektal qo‘llanganidan keyingi qichishish), eritema, ekzantema, teri toshmalari, eshakemi; juda kam hollarda – og‘ir darajadagi teri reaktsiyalari Stivens-Djonson sindromi, toksik epidermal nekroliz(Layell sindromi), yorug‘likka sezuvchanlik reaktsiyalari. Jinsiy a'zolar va sut bezlari tomonidan uchrash tezligi noma'lum – prostaglandinlar/ SOG sintezini ingibitsiya qiluvchi preparatlar, shu jumladan tenoksikamni qabul qilganda ayollar bepushtligi kuzatilganligini ayrim holatlari xaqida xabar berilgan. Umumiy buzilishlar va yuborilgan joydagi buzilishlar tez-tez emas – toliqish, shish. Laborator va instrumental tekshiruvlarning natijalariga ta'siri tez-tez emas – jigar fermentlarining darajasini oshishi, qon mochevina azoti va kreatininning darajasini oshishi; uchrash tezligi noma'lum – ayniqsa yurak-qon tomir preparatlarini qabul qilayotgan patsiyentlarda arterial bosimni oshishi. Shubha qilingan nojo‘ya reaktsiyalar xaqida xabarlar Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.

Qo‘llash mumkin bo‘lmagan holatlar

• tenoksikamga yoki yordamchi moddalaridan birortasiga o‘ta yuqori sezuvchanlik. Artoksan shuningdek tenoksikamga kesishgan sezuvchanlik ehtimoli mavjud bo‘lganligi tufayli, ilgari boshqa NYaQP, jumladan aspiringa yuqori sezuvchanlik reaktsiyalari (astma, rinit, angionevrotik shish yoki eshakemiya simptomlari bilan) kuzatilgan patsiyentlarga qo‘llash mumkin emas. • anamnezida me'da-ichak yo‘llaridan, NYaQPni qo‘llash bilan bog‘liq bo‘lgan qon ketishlari yoki perforatsiyani mavjudligi; • faol peptik yara/qon ketishi yoki anamnezida qaytalanuvchi peptik yara/qon ketishini (tasdiqlangan yara yoki qon ketishini ikki yoki undan ortiq holatlari) mavjudligi; • og‘ir darajadagi yurak, jigar va buyrak yetishmovchiligi; • homiladorlikning III uch oyligida preparatni qo‘llash mumkin emas.

Dorilarning o‘zaro ta'siri

Atsetilsalitsil kislotasi va salitsilatlar Salitsilatlar tenoksikamni oqsillar bilan bog‘langan joyidan siqib chiqarishi mumkin, shunday qilib tenoksikamning klirensi va taqsimdlanish hajmi oshadi. Nojo‘ya reaktsiyalarni (ayniqsa me'da-ichak yo‘llari tomonidan) rivojlanish havfi yuqori bo‘lganligi tufayli, salitsilatlar yoki boshqa NYaQPni Artoksan bilan bir vaqtda qo‘llashdan saqlanish kerak. Antiagregant vositalar va serotoninni qayta qamrab olinishini selektiv ingibitorlari Antiagregant vositalar va serotoninni qayta qamrab olinishini selektiv ingibitorlari NYaQP bilan bir vaqtda qo‘llanganida me'da-ichak yo‘llaridan qon ketishi havfi oshadi. Metotreksat Metotreksat bilan bir vaqtda qo‘llanganida ehtiyotkorlikka rioya qilish kerak, chunki NYaQP metotreksatni eliminatsiyasini pasaytirib, shu orqali uning toksikligini oshiradi. Zidovudin NYaQP va zidovudin bir vaqtda qo‘llanganida gematologik toksiklikni rivojlanish havfi oshadi. NYaQP bilan davolash boshlanganidan so‘ng ikki haftadan keyin qonning ko‘rsatkichlarini nazorat qilish kerak. Mifepriston Mifepriston qabul qilinganidan so‘ng 8-12 kun davomida NYaQPni qo‘llash mumkin emas, chunki NYaQP uning samaradorligini pasaytirishi mumkin. Litiy NYaQP litiyni chiqarilishini pasaytirishi xaqida xabarlar bor. Bir vaqtda qo‘llash plazmada litiyning kontsentratsiyasini va uning toksikligini oshishiga olib kelishi mumkin. Litiy preparatlari bilan davolanayotgan patsiyentlarga tenoksikam buyurilganida plazmadagi litiyning darajasini sinchkov monitoringini o‘tkazish kerak. Siklosporin va takrolimus Siklosporin yoki takrolimus bir vaqtda qo‘llanganida ehtiyotkorlikka rioya qilish tavsiya etiladi, chunki bunday holatda nefrotoksiklikni rivojlanish havfi oshadi. Xinolonlar NYaQP va xinolonlarni qabul qilayotgan patsiyentlarda tirishishlarni rivojlanish havfi yuqori bo‘lishi mumkin. Diuretiklar va antigipertenziv vositalar Kaliyni tejovchi diuretiklarni NYaQP bilan bir vaqtda qo‘llash mumkin emas. Giperkaliyemiya va buyrak yetishmovchiligiga olib keladigan dori vositalarning ikki sinfi o‘rtasida ma'lum o‘zaro ta'sirlar mavjud. Tenoksikam va furosemid o‘rtasida klinik ahamiyatli o‘zaro ta'sirlar kuzatilmagan, ammo tenoksikam gidroxlortiazidning antigipertenziv samarasini susaytiradi. Ma'lumki, tenoksikam, boshqa NYaQP kabi, alfa-adrenergik blokatorlarning va angiotenzinga aylantiruvchi fermenti ingibitorlarining antigipertenziv samarasini susaytirishi mumkin. Tenoksikam va markaziy ta'sirga ega alfa-agonistlar yoki kaltsiy kanallarining blokatorlari o‘rtasida o‘zaro ta'sirlar aniqlanmagan. Tenoksikam va atenolol bir vaqtda qo‘llanganida klinik ahamiyatli o‘zaro ta'sirlar aniqlanmagan. Yurak glikozidlari Yurak yetishmovchiligi kuchayishi mumkin, kalavalar filtratsiyasi indeksi pasayishi va qon plazmasida yurak glikozidlarining darajasi oshishi mumkin. Tenoksikamni digoksin va angishvonagul preparatlari bilan klinik ahamiyatli o‘zaro ta'siri qayd etilmagan. Antatsidlar va N2-retseptorlarining antagonistlari Simetidin va antatsid bilan tavsiya etilgan dozalarda bir vaqtda qo‘llanganida o‘zaro ta'siri kuzatilmagan. Probenetsid Probenetsid va tenoksikam bir vaqtda qo‘llanganida tenoksikamning plazmadagi kontsentratsiyasi oshishi mumkin. Ushbu ko‘rinishning klinik ahamiyati aniqlanmagan. Antikoagulyantlar Tenoksikam tavsiya etilgan dozalarda varfarin va fenprokumon yoki past molekulyar geparin bilan bir vaqtda qo‘llanganida klinik ahamiyatli o‘zaro ta'sirlari aniqlanmagan. Biroq antikoagulyantlar bilan davolanayotgan patsiyentlarga boshqa NYaQPni ehtiyotkorlik bilan qo‘llash kerak. Peroral antidiabetik vositalar Tenoksikam glibornurid, glibenklamid, tolbutaminning klinik samarasiga ahamiyatli darajada ta'sir qilmaydi. Shunday bo‘lsa-da, boshqa NYaQP uchun bo‘lgani kabi, peroral antidiabetik vositalarni bir vaqtda qabul qilayotgan patsiyentlarning ahvolini sinchkov monitoringini o‘tkazish tavsiya etiladi. Alkogol Alkogol bilan birga qabul qilinganida tenoksikamni me'daning shilliq qavatiga shikastlovchi ta'siri kuchayadi. Oltin/penitsillamin saqlovchi preparatlar Penitsillamin yoki oltin saqlovchi preparatlarni qabul qilgan patsiyentlarda klinik ahamiyatli o‘zaro ta'siri kuzatilmagan.

Maxsus ko‘rsatmalar

Tenoksikam buyrak prostaglandinlari sintezini pasaytirishi mumkin, bu holat buyrak gemodinamikasiga va suv-tuz muvozanatiga salbiy ta'sir qilishiga olib kelishi mumkin. Anamnezida buyrak kasalliklari bo‘lgan patsiyentlarda, diabet bilan xastalangan va buyrak yetishmovchiligi bo‘lgan patsiyentlarda, jigar sirrozi, dimlangan yurak yetishmovchiligi, gipovolemiya bo‘lgan patsiyentlarda, bir vaqtda diuretiklar, kortikosteroidlar yoki nefrotoksiklik potentsiali ma'lum bo‘lgan dori preparatlarini qabul qilayotgan patsiyentlarda buyrak yetishmovchiligini rivojlanish havfi oshishi mumkin. Yurak va buyraklar funktsiyasini (qonda kreatinin, mochevina azotining darajasini, shishlarni hosil bo‘lishini, tana vaznini oshishini va boshq.) sinchkov nazoratini amalga oshirish kerak. Jiddiy qon yo‘qotilishi mumkinligi tufayli, operatsiyadan oldingi va operatsiyadan keyingi davrlarda ushbu patsiyentlar guruhi alohida havfga duchor bo‘ladilar. Shuning uchun operatsiyadan keyingi davrda va tiklanish davrida bunday patsiyentlarga sinchkov kuzatuv talab etiladi. Tenoksikam plazma oqsillari bilan ahamiyatli darajada bog‘langanligi tufayli, plazmada albuminning kontsentratsiyasi ahamiyatli darajada pasayganida ehtiyotkorlikka rioya qilish kerak. Tenoksikam va NYaQP, jumladan SOG-2 ning selektiv ingibitorlarini bilan bir vaqtda qo‘llashdan saqlanish kerak. Preparat, simptomlarni nazorat qilish uchun kerak bo‘ladigan minimal samarali dozada maksimal qisqa vaqt davomida qo‘llanganida nojo‘ya reaktsiyalarni rivojlanishini minimal darajaga yetkazish mumkin. Me'da-ichak yo‘llaridan qon ketishi, yaralarni hosil bo‘lishi va perforatsiya Barcha NYaQP qo‘llanganida, me'da-ichak yo‘llari tomonidan ilgari o‘tkazilgan jiddiy ko‘rinishlar yoki ogohlantiruvchi simptomlar mavjudligidan va mavjud emasligidan qat'iy nazar davolanish davomida istalgan vaqt rivolanishi mumkin bo‘lgan me'da-ichak yo‘llaridan qon ketishi, yaralarni hosil bo‘lishi yoki perforatsiya, shu jumladan o‘lim bilan yakunlangan holatlar xaqida xabar berilgan. O‘tkazilgan tadqiqotlarda, yarani hosil bo‘lish va qon ketishi havfi past hisoblangan patsiyentlar guruhi aniqlanmagan. Anamnezida me'da-ichak yarasi bo‘lgan, ayniqsa qon ketishi yoki perforatsiya bilan asoratlangan patsiyentlarda, va keksa yoshdagi patsiyentlarda NYaQPning dozasi oshirilganida me'da-ichak yo‘llaridan qon ketishi, yaralarni hosil bo‘lishi yoki perforatsiya havfi oshadi. Bunday patsiyentlarni davolashni eng kichik doza bilan boshlash kerak. Ushbu patsiyentlar guruhi uchun, shuningdek aspirinning kichik dozalarini yoki me'da-ichak yo‘llarini shikastlanish havfini oshirishi mumkin bo‘lgan boshqa dori vositalarni qabul qilayotgan patsiyentlar uchun Artoksanni himoya preparatlari (masalan, mizoprostol yoki proton pompasi ingibitorlari) bilan birga qo‘llash ehtimolini ko‘rib chiqish kerak. Anamnezida me'da-ichak yo‘llarining kasalliklari (yarali kolit, Kron kasalligi) bo‘lgan patsiyentlarda NYaQPni ehtiyotkorlik bilan qo‘llash kerak, chunki NYaQP kasallikni zo‘rayishini chaqirishi mumkin. Anamnezida me'da-ichak yo‘llarini toksik shikastlanishi bo‘lgan patsiyentlar, ayniqsa keksa yoshdagi patsiyentlar qorin bo‘shlig‘i a'zolari tomonidan, ayniqsa davolashning boshlang‘ich bosqichlarida g‘ayrioddiy simptomlar (ayniqsa me'da-ichak yo‘llaridan qon ketishi) rivojlanganligi xaqida patsiyentlar xabar berishlari kerak. Peptik yara rivojlanganida yoki me'da-ichak yo‘llaridan qon ketishi kuzatilganida preparatni qo‘llashni zudlik bilan to‘xtatish kerak. Me'da-ichak yaralarini rivojlanish yoki qon ketishi havfini kuchaytirishi mumkin bo‘lgan, peroral kortikosteroidlar, antikoagulyantlar (varfarin kabilar), serotoninni qayta qamrab olinishini selektiv ingibitorlari yoki antiagregant vositalar (aspirin kabilar) kabi dori vositalarni qabul qilayotgan patsiyentlarni davolashda ehtiyotkorlikka rioya qilish kerak. Teri tomonidan reaktsiyalar NYaQP qo‘llanganida juda kam hollarda eksfoliativ dermatit, Stivens-Djonson sindromi va toksik epidermal nekroliz (Layell sindromi) dan iborat bo‘lgan jiddiy teri reaktsiyalari, shu jumladan o‘lim bilan yakunlangan holatlar rivojlanganligi xaqida xabar berilgan. Bunday reaktsiyalarni rivojlanish havfi davolashning boshlanishida eng yuqori bo‘ladi. Ko‘pgina holatlarda dastlabki ko‘rinishlar davolashning birinchi oylari davomida kuzatilgan. Og‘ir darajadagi teri reaktsiyalarini dastlabki ko‘rinishlar paydo bo‘lganida Artoksan preparatini qo‘llashni zudlik bilan to‘xtatish kerak. Gematologik samaralari Tenoksikam trombotsitlar agregatsiyasini pasaytiradi va gemostazga ta'sir qilishi mumkin, biroq qonni ivish faktorlariga, koagulyatsiya vaqtiga, protrombin va tromboplastin vaqtiga ahamiyatli darajada ta'sir ko‘rsatmaydi. Artoksan bilan davolanish vaqtida qon ivishini buzilishi bo‘lgan yoki gemostazga ta'sir qiluvchi preparatlarni qabul qilayotgan patsiyentlarning ahvolini yaxshilab kuzatish kerak. Yurak-qon tomir tizimiga va serebrovaskulyar samaralarga ta'siri Artoksan bilan davolanish vaqtida anamnezida gepertenziyasi va/yoki yengil yoki o‘rtacha og‘irlik darajadagi dimlangan yurak yetishmovchiligi bo‘lgan patsiyentlarni sinchkov monitoringini o‘tkazish va konsultatsiya o‘tkazish tavsiya etiladi, chunki NYaQP qo‘llanganida suyuqlikni ushlanib qolishi va shishlarni rivojlanishi kuzatilgan. Klinik tadqiqotlarning natijalari va epidemiologik ma'lumotlar, SOG-2 ning selektiv ingibitorlari va ayrim NYaQP (xususan, yuqori dozalarda va uzoq muddat davolanganda) birga qo‘llash arterial trombotik asoratlar (masalan, infarkt yoki insult)ni rivojlanish havfini biroz oshishi bilan bog‘liq bo‘lishi mumkinligini ko‘rsatadi. Nazorat qilib bo‘lmaydigan gipertenziya, dimlangan yurak yetishmovchiligi, tasdiqlangan yurak ishemik kasalligi, periferik arteriyalarning kasalliklariva/yoki serebrovaskulyar kasalliklari bo‘lgan patsiyentlarda tenoksikamni har bir holat yaxshilab ko‘rib chiqilgandan keyingina qo‘llash kerak. Shunga o‘xshash tavsiyalar yurak-qon tomir kasalliklarini rivojlanish havf omillari (masalan, gipertenziya, giperlipidemiya, qandli diabet, chekish) bo‘lgan patsiyentlarni uzoq muddatli davolashni boshlashdan avval e'tiborga olinishi kerak. Ko‘rish a'zolariga ta'siri NYaQP qo‘llanganida ko‘zlar tomonidan nojo‘ya reaktsiyalarni rivojlanganligi xaqida xabarlar berilgan. Shu sababli, tenoksikam bilan davolanganda ko‘rishni buzilishlari kuzatilgan patsiyentlarda oftalmologik tekshiruvlarni o‘tkazish kerak. Isitmani tushiruvchi samarasi Boshqa NYaQP kabi, tenoksikam infektsiyaning belgilarini yashirishi mumkin. Laborator sinamalar NYaQP buyrak prostaglandinlari sintezini ingibitsiya qilishi mumkin, buning oqibatida buyrak gemodinamikasiga va suv-tuz muvozanatiga salbiy ta'sir ko‘rsatishi mumkin. Tenoksikam buyurilganida anamnezida buyrak kasalliklari bo‘lgan patsiyentlarda, qandli diabet oqibatida buyrak funktsiyasini buzilishi bo‘lgan patsiyentlarda, jigar sirrozi, dimlangan yurak yetishmovchiligi bo‘lgan patsiyentlarda, gipovolemiyada va potentsial nefrotoksik vositalar, diuretiklar va kortikosteroidlar bilan yondosh davolanganda patsiyentning ahvolini, ayniqsa buyrak va yurak funktsiyasini (qonda mochevina azoti, kreatininning darajasi, shishni rivojlanishi, tana vaznini oshishi va boshq.) yaxshilab nazorat qilish kerak. Yirik jarrohlik aralashuvlarida, jiddiy qon yo‘qolishi mumkinligi tufayli, operatsiyadan oldin va operatsiyadan keyingi davrlarda ushbu patsiyentlar guruhi alohida havfga duchor bo‘ladilar. Plazma oqsillari bilan bog‘lanish darajasi yuqori bo‘lganligi tufayli, qon plazmasida albuminning kontsentratsiyasi ahamiyatli darajada pasayganida tenoksikamni ehtiyotkorlik bilan qo‘llash kerak. Yordamchi moddalar Ushbu preparat bir flakonida 1 mmol (23 mg) dan kamroq natriy saqlaydi, ya'ni umuman olganda “natriy saqlamaydi. Fertillik, homiladorlikda va laktatsiya davrida qo‘llanilishi Fertillik Tenoksikam SOG/prostaglandinlar sintezini ingibitsiya qiladi, bu holat fertillikka salbiy ta'sir qilishi mumkin, va shu boisdan homiladorlikni rejalashtirayotgan ayollarga qo‘llash tavsiya etilmaydi. Homilador bo‘lishda qiyinchilikni boshdan kechirayotgan yoki bepushtlik yuzasidan tekshiruvdan o‘tayotgan ayollarda preparatni bekor qilish masalasini ko‘rib chiqish kerak. Homiladorlik Homiladorlikni kechishiga tenoksikamni ta'siri yuzasidan klinik ma'lumotlar yo‘q. Prostaglandinlar sintezini ingibitsiya bo‘lishi homiladorlikka va/yoki homila/ embrionni rivojlanishiga salbiy ta'sir qilishi mumkin. Ayollarda homiladorlikning birinchi va ikkinchi uch oyliklari davomida tenoksikamni ehtiyotkorlik bilan qo‘llash kerak. Homiladorlikning uchinchi uch oyligida qo‘llanadigan prostaglandinlar sintezi ingibitorlari homilada yurak-o‘pka toksikligini (arterial qon oqimini muddatidan avval bekilishini) chaqirishi mumkin. Homiladorlikning kechki muddatlarida prostaglandinlar sintezi ingibitorlari qon ketishi vaqtini uzaytirib va bachadonning qisqaruvchanligini pasaytirib, onaga va homilaga ta'sir qilishi, bu tug‘ruqni kechikishiga olib kelishi mumkin. Shunday qilib, homiladorlikning uchinchi uch oyligi davomida tenoksikamni qo‘llash mumkin emas. Laktatsiya Bir martalik dozani qo‘llash bilan o‘tkazilgan tadqiqotlar vaqtida, tenoksikamni juda kichik miqdorlarda ko‘krak sutiga ajralishi aniqlangan. Laktatsiya davrida tenoksikamni qo‘llash tavsiya etilmaydi. Emizikli ayol tomonidan tenoksikamni qabul qilish zarurati bo‘lganida emizishni (nojo‘ya reaktsiyalarni rivojlanishi yuzasidan ma'lumotlar yo‘qligiga qaramay) to‘xtatish kerak. Avtotransportni haydash va mexanizmlarni boshqarish qobiliyatiga ta'siri Vertigo, bosh aylanishi yoki ko‘rishni buzilishi kabi nojo‘ya reaktsiyalar rivojlanganida avtotransport yoki boshqa mexanizmlarni boshqarishdan saqlanish tavsiya etiladi.

Dozani oshirib yuborilishi

Simptomlari Tenoksikamning dozasini jiddiy oshirib yuborilishi yuzasidan xabarlar mavjud emas. Dozasi oshirib yuborilganida nojo‘ya reaktsiyalar og‘irlashishi, me'da-ichak yo‘llaridan qon ketishi kuzatilishi mumkin. Kam hollarda NYaQP qabul qilinganidan so‘ng gipertoniya, o‘tkir buyrak yetishmovchiligi, nafas faoliyatini susayishi va koma kuzatilgan. NYaQP terapevtik dozalarda qo‘llanganida, dozasi oshirib yuborilganida kuzatilishi mumkin bo‘lgan anafilaktik reaktsiyalar xaqida xabar berilgan. Davolash Spetsifik antidoti mavjud emas. NYaQP ning dozasi oshirib yuborilganida so‘rilishini pasaytirishga (masalan, me'dani yuvish yoki faollashtirilgan ko‘mir qabul qilishga) va chiqarilish tezligini oshirishga (masalan kolestiramin qabul qilishga) qaratilgan simptomatik va qo‘llab-quvvatlovchi davolash buyuriladi. Dializ NYaQPni qon oqimidan sezilarli darajada chiqarmaydi.

Chiqarilish shakli

In'ektsiya uchun eritma tayyorlash uchun liofilizatsiya qilingan kukun rangsiz shisha flakonlarda, brombutil tiqin yopilgan va Flip off turidagi qalpoqcha bilan himoyalangan. Liofilizatsiya qilingan kukunli 3 flakon va 2 ml dan erituvchi solingan 3 ampula kontur uyali o‘ramlarda. 1 kontur uyali o‘ram tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan haroratda saqlansin. Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.