Fanigan tab. №10, blister

Preparatning savdo nomi

Fanigan®
Ta'sir etuvchi modda (XPN) Paratsetamol, diklofenak natriy

Dori shakli

tabletkalar

Tarkibi

Har bir tabletka quyidagilarni saqlaydi
Faol modda Paratsetamol500 mg,
Diklofenak natriy50 mg.
Yordamchi moddalar makkajo‘xori kraxmali, povidon K-30(PVPK-30), natriy kroskarmelloza, mikrokristallik sellyuloza, magniy stearati, sariq shafaq bo‘yovchisi FCF (E110),tozalangan suv.
Ta'rifi to‘q-sariq rangli, kiritmali, kapsulasimon shaklli tabletkalar.

Farmakoterapevtik guruhi

boshqa analgetiklar va antipiretiklar. Anilidlar. Paratsetamol boshqa preparatlar (psixoleptiklardan tashqari) bilan majmuasi.
ATX kodi N02BE51

Farmakologik xususiyatlari

Fanigan® tabletkalari – yaqqol yallig‘lanishga qarshi, og‘riqni qoldiruvchi va isitmani tushiruvchi ta'sirga majmuaviy preparatdir. Bu preparatning farmakologik faolligi Fanigan® tabletkalari tarkibiga kiruvchi paratsetamol va diklofenak natriyning xususiyatlariga bog‘liq.
Ta'sir mexanizmi
Paratsetamol Qon tomirlarni kengaytirib va qon oqimini, ter ajralishini va teri orqali issiqlikni yo‘qotilishini kuchaytirib, gipotalamusdagi issiqlikni hosil bo‘lish markaziga isitmani tushiruvchi ta'sirga ega deb hisoblanadi. Uning asosiy ta'siri gipotalamusda prostaglandinlar sintezini susaytirish deb hisoblanadi.
Diklofenak Diklofenak natriy yaqqol og‘riqni qoldiruvchi va yallig‘lanishga qarshi samaraga ega nosteroid vosita hisoblanadi. U prostaglandinlar (tsiklooksigenazalar) sintezining ingibitori sifatida ta'sir qiladi. Diklofenak natriy in vitro sharoitda odamda erishiladigan kontsentratsiyalarga ekvivalent kontsentratsiyalarda tog‘ay to‘qimasining proteoglikanlari biosintezini susaytirmaydi.

Farmakokinetikasi

So‘rilishi
Paratsetamol me'da-ichak yo‘llaridan to‘liq so‘riladi va uning plazmadagi maksimal kontsentratsiyasiga qo‘llanilgandan 30 minutdan 2 soatgacha bo‘lgan vaqtdan keyin erishiladi. U jigarda metabolizmga uchraydi va asosan glyukuronid va sulfat kon'yugatlari ko‘rinishida siydik bilan chiqariladi. 5% dan kamrog‘i o‘zgarmagan paratsetamol ko‘rinishida chiqariladi. Yarim chiqarilish davri 1 dan 4 soatgachani tashkil etadi. Terapevtik kontsentratsiyalarda plazma oqsillari bilan bog‘lanishi ahamiyatsiz, lekin kontsentratsiyasi oshgan sari oshadi.
Diklofenak natriy me'daga tushganidan keyin to‘liq so‘rilib, me'dadan o‘tish vaqtida sekinlashishi mumkin. Bu ovqatni me'dani bo‘shashish jarayoniga ta'siri natijasida yuzaga kelishi mumkin. Diklofenakning plazmadagi asosiy cho‘qqi kontsentratsiyasiga taxminan 2 soatdan keyin erishiladi (50 mg doza 1,48±0,65 mkg/ml beradi (1,5 mkg/ml=5 mkg/ml)).
Taqsimlanishi
Paratsetamol 99,7% oqsillar, asosan albumin (99,4%) bilan bog‘lanadi.
Diklofenak natriy sinovial suyuqlikka kiradi, u yerda uning maksimal kontsentratsiyasiga qon plazmadagidan 2-4 soat kechroq erishadi. Sinovial suyuqlikdan yarim chiqarilish davri 3-6 soatni tashkil qiladi. Plazmada cho‘qqiga erishilgandan 2 soatdan keyin faol moddaning kontsentratsiyasi plazmadagiga nisbatan sinovial suyuqlikda yuqori bo‘ladi va shunday 12 soat davomida qoladi.
Metabolizmi
Paratsetamol jigarda metabolizmga uchraydi va asosan glyukuronid va sulfat kon'yugatlari ko‘rinishida siydik bilan chiqariladi.
Diklofenak natriyning biotransformatsiyasi intakt molekulaning glyukuronizatsiyasi yo‘li bilan qisman, lekin asosan bir marta va ko‘p marta gidroksillanish va metoksillanish yo‘li bilan amalga oshadi, bu bir nechta fenol metabolitlarini hosil bo‘lishiga olib keladi, ularning ko‘pchiligi glyukuronid kon'yugatiga aylanadi. Bu fenol metabolitlarining ikkitasi biologik faol, lekin ularning ta'siri diklofenak natriyga nisbatan sezilarli darajada past.
Chiqarilishi
Paratsetamolning 5% dan kamrog‘i o‘zgarmagan ko‘rinishda chiqariladi. Yarim chiqarilish davri 1 dan 4 soatgachani tashkil qiladi. Terapevtik kontsentratsiyalarda plazma oqsillari bilan bog‘lanishi ahamiyatsiz, lekin kontsentratsiyasi oshgan sari oshadi.
Diklofenakning umumiy plazmadagi klirensi minutiga 263±56 ml (o‘rtacha ko‘rsatkich±standart og‘ish) ni tashkil qiladi. Oxirgi yarim chiqarilish davri 1-2 soatga teng. 4 faol metabolitlarining, shu jumladan 2 ta faol metabolitlarining yarim chiqarilish davri qisqa hisoblanadi va 1-3 soatni tashkil etadi.

Qo‘llanilishi

• Yallig‘lanish kasalliklari va degenerativ revmatizmdagi (revmatoid artrit, ankilozlovchi spondilit, osteoartrit, spondiloartrit) og‘riq sindromi;
• Umurtqa pog‘onasi kasalliklarida og‘riq sindromi;
• Podagraning o‘tkir xuruji;
• Yallig‘lanish va shish bilan kechuvchi jarohatdan keyingi va operatsiyadan keyin og‘riq sindromi;
• Migrenning o‘tkir xuruji;
• Buyrak va o‘t qopi sanchig‘i;
• Og‘riq sindromi va yallig‘lanish bilan kechuvchi ginekologik kasalliklar (birlamchi algodismenoreya, adneksit va boshqalar);
• Og‘riq bilan kechuvchi quloq, tomoq, burunni o‘tkir yallig‘lanishli kasalliklari (faringit, tonzillit, otit va boshqalar);
• Tish og‘rig‘ida qo‘llanadi.

Qo‘llash usuli va dozalari

Doza patsiyentning yoshi, kasallikning xarakteri, dori vositasini o‘zlashtiraolinishi va uning samaradorligiga qarab har bir patsiyent uchun shaxsiy ravishda belgilanadi.
Davolashni boshida kattalar va tana vazni 60 kg dan yuqori bo‘lgan o‘smirlar uchun kuniga Fanigan®ni 2-3 tabletkadan buyurish tavsiya etiladi. Kasallikning simptomlari o‘rtacha yaqqollikda bo‘lganida, shuningdek uzoq muddat davolaganda, odatda preparatni sutkada 2 marta – ertalab va kechqurun bittadan qabul qilish yetarli bo‘ladi. Bunday holatlarda Fanigan®ning maksimal sutkalik dozasi uchta tabletkadan oshmasligi kerak. birlamchi algodismenoreyada preparatning boshlang‘ich dozasi - 1 tadan 3 tabletkagachani tashkil qiladi, lekin zarurati bo‘lganida bir sutka davomida dozani sutkada 4 tabletkagacha oshirish mumkin. Preparatni qo‘llash muddati 5-7 kunni tashkil qiladi va simptomlarning dinamikasiga bog‘liq. Fanigan®ning maksimal dozasi kuniga 3 tabletkani tashkil qiladi. 6 yoshdan 12 yoshgacha bo‘lgan bolalar uchun Fanigan®ning sutkalik dozasi tana vazniga 0,5-2 mg/kg dan oshmasligi kerak, u 2-3 qabulga bo‘linadi.
Yuvenil revmatoid artritni davolaganda diklofenakning dozasi 3 mg/kg gacha oshirilishi mumkin, bu bolalar uchun maksimal sutkalik doza hisoblanadi. 6 yoshdan oshgan bolalarni davolaganda paratsetamolning sutkalik dozasi 2 g dan oshmasligi kerak.
Nojo‘ya ta'sirlari umuman olganda preparat yaxshi o‘zlashtiriladi. Diklofenak va paratsetamolga yuqori sezuvchanlikda ayrim patsiyentlarda quyidagi simptomlar paydo bo‘lishi mumkin
Me'da-ichak yo‘llari ba'zida – ko‘ngil aynishi, qusish, diareya; ayrim hollarda – qabziyatlar, gemorragik kolit, nospetsifik yarali kolitni zo‘rayishi.
Markaziy nerv tizimi ba'zida – bosh og‘rig‘i, bosh aylanishi; kam xollarda – uyquchanlik; ayrim xollarda – sezuvchanlikni buzilishi, uyqusizlik, ta'sirchanlik.
Sezgi a'zolari ayrim hollarda – ko‘rishni va ta'm bilishni noaniqligi.
Dermatologik reaktsiyalar ba'zida – teri toshmasi; kam hollarda – eshakemi.
Jigar plazmada aminotransferazalar darajasini oshishi.
O‘ta yuqori sezuvchanlik reaktsiyalari kam hollarda – bronxospazm, tizimli anafilaktik reaktsiyalar, shu jumladan gipotenziya.
Yurak-qon tomir tizimi ayrim hollarda – taxikardiya, ko‘krakda og‘riq, arterial gipertenziya, dimlangan yurak yetishmovchiligi.

Qo‘llash mumkin bo‘lmagan holatlar

Faniganni quyidagi holatlarda qo‘llash mumkin emas
Diklofenakka, paratsetamolga yoki preparatning yordamchi moddalaridan birontasiga allergiyada;
Avval aspirin yoki boshqa NYaQP larni qabul qilganda astma, eshakemi yoki allergiyaning boshqa simptomlari paydo bo‘lgan patsiyentlarga diklofenakni buyurish mumkin emas. Bunday patsiyentlarda kam hollarda o‘lim bilan yakunlanuvchi diklofenakka og‘ir anafilaktik reaktsiyalar holatlari ma'lum.
Faniganni qo‘llash mumkin emas
• Zo‘rayish bosqichidagi me'da yoki o‘n ikki barmoq ichak yara kasalligi bo‘lgan patsiyentlarda yoki me'da-ichakdan o‘tkir qon ketishlari yoki serebro-vaskulyar kabi boshqa qon ketishlari bo‘lgan patsiyentlarda.
• Homiladorlikning oxirgi uch oyligi
• Diklofenakka, aspiringa, boshqa NYAQP larga, mizoprostol va boshqa prostaglandinlarga yoki preparatning boshqa yordamchi moddalariga o‘ta yuqori sezuvchanligi ma'lum patsiyentlarda
• Aspirin yoki boshqa nosteroid yallig‘lanishga qarshi preparatlar qo‘zg‘atgan astma xurujlari, eshakemi yoki o‘tkir riniti bo‘lgan patsiyentlarda.
• Og‘ir yurak yetishmovchiligi bo‘lgan patsiyentlarda qo‘llash mumkin emas.
Dorilarning o‘zaro ta'siri
Xolestiramin Paratsetamolning so‘rilish tezligi xolestiramin tomonidan sekinlashtiriladi. Shuning uchun maksimal og‘riqni qoldirish zarur bo‘lgan vaqtda xolestiraminni bir soat davomida qabul qilish mumkin emas.
Metoklopramid va domperidon Metoklopramid va domperidon paratsetamolning so‘rilish tezligini oshiradi. Ammo ularni bir vaqtda qo‘llashdan saqlanish zarurati yo‘q.
Varfarin Paratsetamolni uzoq vaqt muntazam qabul qilish qon ketishi xavfini oshirib, varfarin va boshqa kumarinlarning antikoagulyant samarasini oshiradi; ba'zida ahamiyatli samaraga ega emas.
Xloramfenikol Xloramfenikolning plazmadagi kontsentratsiyasi oshadi.
Diklofenak natriy
Litiy va digoksin Fanigan litiy va digoksinning qon plazmasidagi kontsentratsiyasini oshirishi mumkin.
Antikoagulyantlar Garchi klinik tadqiqotlar diklofenak natriyni antikoagulyantlarning samarasiga ta'sir qilishini ko‘rsatmasada, diklofenak va antikoagulyantlarni bir vaqtda qabul qilgan patsiyentlarda qon ketishi xavfini oshirishi haqida alohida xabarlar mavjud. Antikoagulyantlarning dozasini o‘zgartirish zaruratiga ishonch hosil qilish uchun bunday patsiyentlar kuzatiladi. Boshqa nosteroid yallig‘lanishga qarshi preparatlar bilan bo‘lgandagi kabi diklofenak yuqori dozalarda trombotsitlar agregatsiyasini qaytuvchan tarzda tormozlashi mumkin.
Diabetga qarshi vositalar Klinik tadqiqotlar diklofenak natriyni diabetga qarshi vositalar bilan ularning klinik ta'sirini o‘zgartirmasdan birga qo‘llash mumkinligini ko‘rsatdi. Ammo gipoglikemiya va giperglikemiyaning alohida holatlari ma'lum, bu gipoglikemik vositalarning dozasiga tuzatish kiritishni talab etadi.
Metotreksat Metotreksat diklofenak saqlovchi NYaQV lar bilan 24 soatdan kamroq vaqt orasida qabul qilinganda kuchli toksik ta'siri holatlari ma'lum. Bunday holatlarda NYaQV lar mavjudligida buyrak ekskretsiyasini kamayishi oqibatida metotreksatning kontsentratsiyasi oshishi mumkin.
Xinolon guruhiga mansub antimikrob preparatlar Xinolon va NYaQV larning o‘zaro ta'sirini natijasida tirishishlar bo‘lishi mumkin. Tirishishlar anamnezida tirishishlar va tutqanoq xurujlari bo‘lgan patsiyentlarda paydo bo‘lishi mumkin. Shuning uchun NYaQV larni qabul qilayotgan patsiyentlarga xinolonlarni buyurishda ehtiyotkorlikka rioya qilish lozim.
Boshqa NYAQV lar, shu jumladan SOG-2 selektiv ingibitorlari va kortikosteroidlar
Diklofenak natriyni aspirin yoki kortikosteroidlar bilan bir vaqtda qo‘llash me'da-ichak yo‘llaridan qon ketishi yoki yara paydo bo‘lishi xavfini oshiradi. 2 va undan ko‘p NYAQV larni parallel qo‘llashdan saqlanish kerak. Antiagregant preparatlar va serotoninni qayta qamrab olinishining selektiv ingibitorlari (SQQOSI) tizimli NYAQV larni, shu jumladan diklofenakni birga buyurish me'da-ichak yo‘llaridan qon ketishi xavfini oshirishi mumkin.
Diuretik vositalar Boshqa NYaQV lar kabi diklofenak diuretiklarning faolligini kamaytirishi mumkin. Kaliy tejovchi diuretiklarni bir vaqtda qo‘llash qonda kaliy darajasini oshishiga olib kelishi mumkin, buni doimo kuztish kerak.
Yurak glikozidlari Yurak glikozidlarini NYaQV lar bilan bir vaqtda qo‘llash yurak yetishmovchiligini zo‘rayishiga, kalavachalar filtratsiyasi tezligini pasayishiga va qon plazmasida yurak glikozidlarining kontsentratsiyasiga olib kelishi mumkin.
Mifepriston Mifepristonni buyurilgandan keyin 8-12 kun davomida NYAQV larni qo‘llash mumkin emas, chunki NYAQV lar mifepristonning samaradorligini kamayishiga olib kelishi mumkin.
Gipertoniyaga qarshi vositalar NYAQV larni gipertoniyaga qarshi vositalar (beta-blokatorlar, angiotenzinga aylantiruvchi ferment (AAF) ingibitorlari, diuretiklar) bilan bir vaqtda buyurish qon tomirlarni kengaytiruvchi prostaglandinlarning sintezini ingibitsiya qilish hisobiga gipertoniyaga qarshi samarani kamaytirishi mumkin.
Siklosporin va takrolimus Siklosporinni diklofenak natriy saqlovchi NYAQV lar bilan bir vaqtda qabul qilayotgan patsiyentlarda nefrotoksiklik haqida xabarlar mavjud. Takrolimusni NYAQV lar bilan buyurilganda nefrotoksiklik xavfi oshishi mumkin. Bu NYAQV larning buyrak antiprostaglandin samaralari va kaltsionevrin ingibitori bilan tushuntiriladi.

Maxsus ko‘rsatmalar

Faniganni qabul qilgan vaqtda me'da-ichak yo‘llari kasalliklariga shikoyat bildiradigan yoki me'da yoki ichakni yarali shikastlanishiga anamnestik ma'lumotlari bo‘lgan bemorlarni; yoki yarali koliti, Kron kasalligi yoki jigar faoliyatini buzilishi bo‘lgan bemorlarni sinchkovlik bilan tibbiy kuzatuv zarur. Buyrak va jigar yetishmovchiligi bo‘lgan patsiyentlarga paratsetamolni ehtiyotkorlik bilan qabul qilish tavsiya etiladi. Jigarning sirroz bo‘lmagan alkogolli kasalliklari bo‘lgan patsiyentlarda dozani oshirib yuborilishi xavfi yuqori.
• Buyurilgan doza oshirilmasin.
• Paratsetamol saqlovchi boshqa preparatlar bilan birga qabul qilinmasin.
• Agar simptomlar 3 kundan ortiq kuzatilsa yoki og‘irlashsa, davolovchi shifokor bilan maslahatlashish lozim.
• Dozani oshirib yuborilgan hollarda, hatto o‘zini yaxshi his qilganda ham darhol shifokorga murojaat etish lozim.
Preparatni simptomlarni kamaytirish uchun zarur minimal samarali dozada eng qisqa vaqt davrida buyurib, noxush samaralarni minimumga yetkazish mumkin.
Diklofenak natriyni NYAQP, shu jumladan SOG-2 ning selektiv ingibitorlarini bir vaqtda qo‘llashdan saqlanish lozim.
Homiladorlik
Homilador ayollar orasida o‘tkazilgan epidemiologik tadqiqotlar tavsiya etilgan dozalar chegaralarida qabul qilingan paratsetamolning nojo‘ya ta'sirlarini aniqlamadi, lekin patsiyentlar uni qo‘llash bo‘yicha shifokorning ko‘rsatmalariga rioya qilishlari lozim.
Paratsetamol ko‘krak suti bilan ajraladi, lekin klinik ahamiyatsiz miqdorda. Chop etilgan ma'lumotlar preparatni emizish davrida qo‘llashga qarshi ko‘rsatmalarni saqlamaydi.
NYAQV larning ma'lum samaralari, shu jumladan diklofenakni homilaning yurak-qon tomir tizimiga samarasi (masalan, arterial yo‘lni muddatidan oldin berkilishi) va bachadan qisqarishini sustligini e'tiborga olib, homiladorlikning oxirgi uch oyligida preparatni qo‘llash mumkin emas. Tug‘ruq vaqti kechiktirilishi, davomiyligi esa onada ham, bolada ham qon ketishi paydo bo‘lishi ehtimoli bilan uzayishi mumkin. NYAQV larni homiladorlikning birinchi ikkita uch oyligida va tug‘ruq vaqtida qabul qilish mumkin emas, agar faqat davolashdan samara homila uchun potentsial xavfdan ustun bo‘lsa. Bunda eng past dozani qo‘llash kerak va qabul qilish davomiyligi iloji boricha qisqa bo‘lishi kerak.
Laktatsiya
Diklofenak boshqa NYAQV lar kabi kam miqdorda ko‘krak sutiga kiradi. Shuning uchun emizish davrida NYAQV larni qo‘llashdan saqlanish lozim.
O‘ramida ko‘rsatilgan yaroqlilik muddati o‘tgach ishlatilmasin.

Dozani oshirib yuborilishi

10 va undan ortiq paratsetamolni qabul qilish kattalarda jigarni og‘ir shikastlanishiga olib kelishi mumkin. Agar patsiyent xavf guruhida bo‘lsa, 5 g va undan ortiq paratsetamolni qabul qilish quyidagilarga olib kelishi mumkin
Agar patsiyent
A) patsiyent karbamazepin, fenobarbital, fenitoin, primidon, rifampitsin, dalachoy yoki jigar fermentlarini hosil bo‘lishini kuchaytiruvchi boshqa preparatlarni qo‘shimcha qabul qilayotgan bo‘lsa.
B) tavsiya etilgan miqdordan ortiq etil spirtini muntazam qabul qilayotgan bo‘lsa.
V) glutation tanqisligi ehtimoli bo‘lsa, masalan ovqatlanishni buzilishi, mukovistsedoz, OITV-infektsiyasi, och qolish, kaxeksiya.
Diklofenak natriy
Simptomlari bosh og‘rig‘i, ko‘ngil aynishi, epigastral sohada og‘riq, me'da-ichakdan qon ketishi, kam hollarda diareya, dezoriyentatsiya, qo‘zg‘alish, koma, uyquchanlik, quloqda shang‘illash, vaqti-vaqti bilan hushdan ketish va tirishishlarni o‘z ichiga oladi. Kam hollarda zaharlanganda o‘tkir buyrak yetishmovchiligi va jigar shikastlanishi mumkin.

Chiqarilish shakli

10 tabletkadan PVD/PVDX blisterda, 10 blisterdan qo‘llash bo‘yicha yo‘riqnomasi bilan karton qutida.

Saqlash sharoiti

25oS yuqori bo‘lmagan haroratda, yorug‘likdan himoyalanganva bolalar olaolmaydigan joyda saqlansin.

Yaroqlilik muddati

3 yil
Berish tartibi
Retsept bo‘yicha.

Ishlab chiqaruvchi

«KUSUM HEALTHCAREPVT.LTD.»
Manzili
SP 289 (A), RIICO INDL.AREA, CHOPANKI, BHIWADI (Raj.), Hindiston