Keyver in'ektsiya uchun eritma 50 mg/ 2 ml / 2ml dan №10 amp

Preparatning savdo nomi

Keyver
Ta'sir etuvchi modda (XPN) deksketoprofen

Dori shakli

in'ektsiya uchun eritma

Tarkibi

1 ml eritma quyidagilarni saqlaydi
faol modda 100% quruq moddaga qayta hisoblanganda 36,9 mg deksketoprofen trometamoli, bu 25 mg deksketoprofenga ekvivalent;
yordamchi moddalar 96% li etanol, natriy xloridi, natriy gidroksidi, in'ektsiya uchun suv;
Ta'rifi rangsiz tiniq suyuqlik.

Farmakoterapevtik guruhi

Yallig‘lanishga qarshi va revmatizmga qarshi nosteroid vositalar. Propion kislotasi hosilalari.
ATX kodi M01AE17.

Farmakologik xususiyatlari

Farmakodinamika

si
Deksketoprofen trometamoli – propion kislotasining tuzi bo‘lib, u og‘riq qoldiruvchi, yallig‘lanishga qarshi va isitmani tushiruvchi ta'sir ko‘rsatadi hamda nosteroid yallig‘lanishga qarshi vositalar (NYaQV) sinfiga mansub. Uning ta'sir etish mexanizmi siklooksigenazani susaytirishi hisobiga prostaglandinlar sintezini kamaytirishga asoslanadi. Xususan, araxidon kislotasini PGE1, PGE2, PGF2, PGD2 prostaglandinlar, shuningdek PGI2 prostatsiklin hamda TxA2 va TxV2 tromboksanlar hosil bo‘ladigan PGG2 va PGH2 siklik endoperoksidlarga aylanishi tormozlanadi. Bundan tashqari, prostaglandinlar sintezini susaytirish kininlar kabi boshqa yallig‘lanish mediatorlariga ta'sir ko‘rsatishi mumkin, bu shuningdek preparatning asosiy ta'sir etishiga bilvosita ta'sir ko‘rsatadi. Deksketoprofen trometamolini siklooksigenaza-1 va siklooksigenaza-2 faolligiga susaytiruvchi ta'siri aniqlangan. Har xil og‘riq turlarida klinik tadqiqotlar shuni ko‘rsatadiki, deksketoprofen trometamoli yaqqol og‘riq qoldiruvchita'sirni ko‘rsatadi. O‘rtacha va kuchli jadallikdagi og‘riqlari bo‘lgan bemorlarga mushak ichiga va vena ichiga yuborilganida deksketoprofen trometamolining og‘riqsizlantiruvchi ta'siri jarrohlik aralashuvlarida (ortopedik va ginekologik operatsiyalar, qorin bo‘shlig‘idagi operatsiyalar) har xil og‘riq turlarida, shuningdek tayanch-harakatlanish apparatidagi og‘riqda (belda o‘tkir og‘riq) va buyrak sanchiqlarida o‘rganilgan. O‘tkazilgan tadqiqotlar vaqtida preparatning og‘riq qoldiruvchi ta'siri tezda boshlangan va dastlabki 45 minut davomida maksimumga erishgan. 50 mg deksketoprofen trometamoli qo‘llanganidan keyin og‘riq qoldiruvchi ta'sirning davom etishi qoida tariqasida 8 soatni tashkil etgan. Keyver preparatini qo‘llash opiatlarni operatsiyadan keyingi og‘riqni susaytirish maqsadida bir vaqtda qo‘llanganida ulardozasini sezilarli qisqartirishga imkon beradi. Agar operatsiyadan keyingi og‘riqni susaytirishmaqsadida bemor tomonidan nazorat qilinadigan og‘riqsizlantirish pribori yordamida morfiy buyurilgan bemorlarga deksketoprofen trometamoli ham buyurilgan bo‘lsa, u holda ularga platseboni qabul qilgan bemorlarga nisbatan morfiy sezilarli kam miqdorda (35-45% ga) talab qilingan.

Farmakokinetikasi

Deksketoprofen trometamoli mushak ichiga yuborilganidan keyin maksimal kontsentratsiyaga taxminan 20 minut (10-45 minut) o‘tgach erishiladi. Mushak ichiga yoki vena ichiga 25-50 mg preparat bir marta yuborilganida AUC («kontsentratsiya–vaqt») egri chizig‘i ostidagi maydon dozaga proportsional bo‘lishi isbotlangan. Preparatni ko‘p marta qo‘llashga doir farmakokinetik tadqiqotlar shuni isbotlaydiki, oxirgi mushak ichiga va vena ichiga yuborilganidan keyin AUC va Cmax (o‘rtacha maksimal qiymati) bir martalik qo‘llanganidan keyingi ko‘rsatkichlardan farqlanmaydi, bu dori vositasining kumulyatsiyasi mavjud emasligi haqida dalolat beradi. Qon plazmasi oqsillari bilan bog‘lanishi yuqori darajada (99%) bo‘lgan boshqa dori vositalaridagi kabi deksketoprofenning taqsimlanish hajmi o‘rtacha 0,25 l/kg ni tashkil etadi. Taqsimlanish davri taxminan 0,35 soatga, chiqarilish davri esa 1-2,7 soatga teng. Deksketoprofen metabolizmi asosan glyukuron kislotasi bilan kon'yugatsiya yo‘li orqali va buyraklar orqali keyingi chiqarilishi bilan yuz beradi. Deksketoprofen trometamoli yuborilganidan keyin siydikda faqat S – (+) optik izomeri aniqlanadi, bu preparatni
R – (-) optik izomeriga transformatsiyasi mavjud emasligi haqida dalolat beradi. Bir martalik va ko‘p martalik dozalar yuborilganidan keyin tadqiqotlarda ishtirok etgan keksa yoshdagi (65 yoshdan katta) sog‘lom ko‘ngillilarga preparatni ta'sir darajasi yosh ko‘ngillilarga nisbatan sezilarli yuqori (55% gacha) bo‘lgan, biroq maksimal kontsentratsiyasi va unga erishish vaqtida statistik jihatdan sezilarli farq kuzatilmagan. Chiqarilishning o‘rtacha davri ko‘paygan (48% gacha), ma'lum yig‘indi klirensi qisqargan.

Qo‘llanilishi

Preparatni peroral qo‘llash maqsadga muvofiq bo‘lmagan hollarda, masalan jarrohlik operatsiyalardan keyingi og‘riqlar, buyrak sanchiqlari va beldagi og‘riqlarda yengil va yuqori jadallikdagi o‘tkir og‘riqni simptomatik davolash.

Qo‘llash usuli va dozalari

Kattalarda. Tavsiya etiladigan doza 8-12 soat interval bilan 50 mg ni tashkil etadi. Zarurat bo‘lganida takroriy dozani 6 soat o‘tgach yuboriladi. Maksimal sutkalik doza
150 mg dan oshmasligi kerak. Preparat qisqa vaqt ichida qo‘llash uchun mo‘ljallangan bo‘lib, shu sababli uni faqat o‘tkir og‘riq davrida (2 sutkadan ko‘p emas) qo‘llash lozim. Imkon bo‘lganida bemorlarni analgetiklarni peroral qo‘llashga o‘tkazish lozim. Nojo‘ya reaktsiyalarni imkon qadar qisqa vaqt ichida minimal samarali dozalarni qo‘llash hisobiga qisqartirish mumkin. Jarrohlik operatsiyalardan keyingi o‘rtacha yoki kuchli darajadagi og‘riqlarda preparatni ko‘rsatmalar bo‘yicha aynan o‘sha tavsiya etiladigan dozalarda opioid analgetiklar bilan kombinatsiyada qo‘llash mumkin.
Keksa yoshdagi patsiyentlarda. Odatda dozaga tuzatish kiritish talab etilmaydi. Biroq buyraklar faoliyatini fiziologik pasayishi tufayli kichikroq doza tavsiya etiladi, aynan esa buyrak faoliyatini yengil darajali buzilishida maksimal sutkalik doza 50 mg ni tashkil etadi.
Jigar kasalliklarida. Yengil yoki o‘rtacha og‘irlik darajasidagi (Chayld–Pyu shkalasi bo‘yicha 5-9 ball) jigar patologiyasi bo‘lgan bemorlar uchun maksimal sutkalik dozani
50 mg gacha kamaytirish va jigar faoliyatini sinchkovlik bilan nazorat qilish lozim. Jigarning og‘ir kasalliklarida (Chayld–Pyu shkalasi bo‘yicha 10-15 ball) preparatni qo‘llash mumkin emas.
Buyraklar disfunktsiyasida. Yengil darajada buyrak faoliyatini buzilishi (kreatinin klirensi minutiga 50-80 ml) bo‘lgan bemorlar uchun maksimal sutkalik dozani 50 mg gacha kamaytirish lozim. Yengil yoki o‘rtacha og‘irlik darajasidagi buyrak faoliyatini buzilishida (kreatinin klirensi <50 ml/min) preparatni qo‘llash mumkin emas.
Bolalarda. Preparatni uning samaradorligi va xavfsizligi haqidagi ma'lumotlar yo‘qligi sababli qo‘llash mumkin emas.
Mushak ichiga yuborilishi. In'ektsiyalar uchun eritmani chuqurroq qilib mushaklarga asta-sekin yuborilishi lozim.
Vena ichiga infuziya. Infuziyani o‘tkazish uchun 2 ml li ampula ichidagi moddani 30-100 ml 0,9% li natriy xlorid eritmasida, glyukoza eritmasida yoki Ringerning laktat eritmasida eritiladi. Infuziyalar uchun eritmani aseptik sharoitlarda, tabiiy yorug‘lik ta'siriga yo‘l qo‘ymagan holda tayyorlash lozim. Tayyorlangan eritma tiniq bo‘lishi kerak. Infuziyani 10-30 minut davomida o‘tkazish lozim. Tayyorlangan eritmaga nisbatan tabiiy yorug‘lik ta'siriga yo‘l qo‘ymaslik kerak.
100 ml 0,9% li natriy xlorid eritmasida yoki glyukoza eritmasida eritilgan Keyverni dopamin, geparin, gidroksizin, lidokain, morfin, petidin va teofillin bilan aralashtirish mumkin.
Keyverni infuziyalar uchun eritmada prometazin va pentazotsin bilan aralashtirish mumkin emas.
Vena ichiga in'ektsiya (bolyusli yuborish). Zarurat bo‘lganida 1 ampula ichidagi moddani (in'ektsiyalar uchun 2 ml eritma) vena ichiga kamida 15 sekund davomida yuboriladi.
Preparatni kichik hajmlarda (masalan shpritsda) geparin, lidokain, morfin va teofillin bilan in'ektsiyalar uchun eritmalarda aralashtirish mumkin.
Keyverni kichik hajmlarda (masalan shpritsda) oq cho‘kma hosil bo‘lishi sababli dopamin, prometazin, pentazotsin, petidin va gidrokortizon eritmalari bilan aralashtirish mumkin emas.
Preparatni faqat yuqorida ko‘rsatilgan dori vositalari bilan aralashtirish mumkin.
Mushak ichiga yoki vena ichiga in'ektsiyali qo‘llanganida preparatni u ampuladan tortib olinganidan keyin darhol yuborish lozim. Vena ichiga infuziya uchun eritmani u tayyorlanganidan keyin darhol qo‘llash lozim. Bundan keyin saqlash sharoitlari va davomiyligi uchun javobgarlik tibbiyot xodimiga yuklatiladi. Tayyorlangan eritma u tabiiy yorug‘lik ta'siridan himoya qilinishi sharti bilan o‘z xususiyatlarini 25ºS haroratda 24 soat ichida saqlaydi.
Preparatning eritilgan eritmalarini polietilen paketlarda yoki yuborish uchun moslashtirilgan, etilvinilatsetat, sellyuloza propionati, quyi zichlikdagi polietilen va polivinilxloriddan tayyorlangan buyumlarda saqlanganida sorbtsiya oqibatida ta'sir etuvchi moddaning miqdori o‘zgarishi kuzatilmagan.
Keyver preparati bir martalik qo‘llash uchun mo‘ljallangan bo‘lib, shu sababli tayyor eritma qoldiqlarini to‘kib tashlash lozim. Preparatni yuborishdan oldin eritma tiniq va rangsiz ekanligiga ishonch hosil qilish lozim. Qattiq zarrachalarni saqlaydigan eritmani qo‘llash mumkin emas.
Nojo‘ya ta'sirlari
Quyidagi jadvalda a'zolar va a'zolar tizimi, shuningdek yuzaga kelishi tez-tezligi bo‘yicha taqsimlangan nojo‘ya ta'sirlar ko‘rsatilgan bo‘lib, ularning deksketoprofen trometamoli bilan bog‘liqligi klinik tadqiqotlarning ma'lumotlariga ko‘ra eng kamida bo‘lishi ehtimol deb e'tirof etilgan, shuningdek preparat bozorga chiqarilganidan keyin xabar berilgan nojo‘ya reaktsiyalar ham ko‘rsatilgan.
A'zolar va a'zolar tizimiTez-tez (1/100 dan 1/10 gacha)Tez-tez emas (1/1000 dan 1/100 gacha)Kam hollarda (1/10000 dan 1/1000 gacha)Juda kam hollarda (1/10000 dan kam)
Qon/limfa tizimi tomonidan buzilishlar–Anemiya–Neytropeniya, trombotsitopeniya
Immun tizimi tomonidan buzilishlar–––Anafilaktik reaktsiyalar, shu jumladan anafilaktik shok
Ovqatlanish va modda almashinuvi tomonidan buzilishlar––Giperglikemiya gipoglikemiya, gipertriglitse-ridemiya, anorak-siya
Ruhiy buzilishlar–Uyqusizlik––
Nerv tizimi tomonidan buzilishlar–Bosh og‘rig‘i, bosh aylanishi, uyquchanlikParesteziyalar, hushsizlik–
Ko‘rish a'zolari tomonidan buzilishlar–Ko‘rishni noaniqligi––
Eshitish organlari tomonidan buzilishlar––Quloqlarda jaranglash–
Yurak tomonidan buzilishlar––Ekstrasistoliya, taxikardiya–
Qon tomirlari tizimi tomonidan buzilishlar–Arterial gipotenziya, yuz va bo‘yinni qizarishiArterial viper-tenziya, yuza venalarning tromboflebiti–
Nafas yo‘llari, ko‘krak qafasi va ko‘ks oralig‘i a'zolari tomonidan buzilishlar––BradipnoeBronxospazm, hansirash
Ovqat hazm qilish yo‘llari tomonidan buzilishlarKo‘ngil aynishi, qusishQorinda og‘riq, dispepsiya, dia-reya, qabziyat, qon aralash qusish, og‘iz qurishiMe'da va ichak yara kasalligi, qon ketishi yoki perforatsiyaPankreatit
Gepatobiliar tizim tomonidan buzilishlar––Sariq kasalligiGepatotsellyulyar
patologiya
Teri va teri osti to‘qimalari tomoni-dan buzilishlar–Dermatitlar, qichishish, toshma, yuqori darajada terlashEshakemi, husnbuzarlarStivens-Djonson sindromi, toksik epidermal nekro-liz (Layell sind-romi), angionev-rotik shish, yuzni shishi, fotosensi-bilizatsiya
Tayanch-harakat appara-ti va biriktiruvchi to‘qima tomonidan buzilishlar––Mushaklar rigidligi, bo‘g‘imlarda tanglik, mushak tirishishlari, belda og‘riq–
Buyrak va siydik chiqarish yo‘llari tomonidan buzilishlar––Poliuriya, buyrak sanchishi, ketonuriya, proteinuriyaNefrit, nefrotik sindrom
Reproduktiv tizim tomonidan buzilishlar––Hayz sikloni buzilishi, prostata bezi faoliyatini buzilishi–
Umumiy va mahalliy buzilishlarIn'ektsiya joyida og‘-riq, in'ektsiya joyida reak-tsiyalar, shu jumladan yallig‘lanish, gematoma, qon ketishiQaltirash, yuqori darajada charchoq, og‘riqlar, titroqTremor, periferik shishlar–
Tadqiqotning qo‘shimcha usullari––Jigar sinama-larida siljish-lar–
Gohida o‘lim bilan yakunlanadigan, ayniqsa keksa yoshdagi bemorlarda me'da-ichak yara kasalligi, perforatsiyalar yoki qon ketishi rivojlanishi mumkin. Mavjud ma'lumotlarga ko‘ra, preparatni qo‘llash fonida ko‘ngil aynishi, qusish, diareya, meteorizm, qabziyat, dispeptik holatlar, qorinda og‘riq, melena, qon aralash qusish, yarali stomatit, kolitni qo‘zg‘alishi, Kron kasalligi yuzaga kelishi mumkin. Gastrit kamroq kuzatiladi. Shuningdek NYaQV ni qabul qilishdan kelib chiqishi mumkin bo‘lgan shishlar, arterial gipertenziya, yurak yetishmovchiligi yuz berishi mumkin. Boshqa NYaQV lar qo‘llanganida eng avvalo tizimli qizil yugurik yoki biriktiruvchi to‘qimalarning aralash kasalliklari bilan og‘rigan bemorlarda yuzaga keladigan aseptik meningit va qon tomonidan reaktsiyalar (purpura, aplastik va gemolitik anemiya, kam hollarda – agranulotsitoz va suyak ko‘migining gipoplaziyasi) rivojlanishi mumkin. Bullyoz reaktsiyalar, shu jumladan Stivens–Djonson sindromi va toksik epidermal nekroz (juda kam hollarda) yuz berishi mumkin.
Klinik tadqiqotlarning natijalariga va epidemiologik ma'lumotlarga ko‘ra ayrim NYaQV larni, ayniqsa, yuqori dozalarda va uzoq vaqt davomida qo‘llash arteriyalar trombozi keltirib chiqargan patologiya, masalan, miokard infarkti va insult rivojlanishi xavfini bir muncha oshiradi.

Qo‘llash mumkin bo‘lmagan holatlar

-Deksketoprofenga, har qanday boshqa nosteroid yallig‘lanishga qarshi vositaga (NYaQV) yoki preparatning yordamchi moddalariga yuqori sezuvchanlik;
-bunday ta'sirga ega moddalar, masalan atsetilsalitsil kislotasi va boshqa NYaQV lar astma, bronxospazm, o‘tkir rinit xurujlari rivojlanishini keltirib chiqarsa yoki burunda poliplar rivojlanishiga, eshakemi yoki angionevrotik shish paydo bo‘lishiga olib kelsa, preparatni qo‘llash mumkin emas;
-ovqat hazm qilish yo‘llarida yara kasalligining faol bosqichi yoki qon ketishi, ularning mavjudligiga shubha qilish, anamnezda ovqat hazm qilish yo‘llarida yara kasalligini yoki qon ketishini takrorlangan holda kechishi (kamida 2 tasdiqlangan yara yoki qon ketishi holati);
-me'da-ichakdan qon ketishi, faol bosqichda boshqa qon ketishlari yoki yuqori darajada qon oqib turish;
-anamnezda ilgari NYaQV bilan davolash bilan bog‘liq me'da-ichakdan qon ketishi yoki perforatsiya;
-Kron kasalligi yoki nospetsifik yarali kolit;
-anamnezda bronxial astma;
-og‘ir yurak yetishmovchiligi;
-buyrak faoliyatini o‘rtacha yoki og‘ir darajada buzilishi (kreatinin klirensi
<50 ml/min);
-jigar faoliyatini og‘ir buzilishi (Chayld–Pyu shkalasi bo‘yicha 10-15 ball);
-gemorragik diatez yoki qon ivishini boshqa buzilishlari;
-neyroaksial (intratekal yoki epidural) yuborish maqsadida (etanol saqlagani tufayli) qo‘llash.
Dorilarning o‘zaro ta'siri
Quyida keltirilgan dori vositalarini NYaQV bilan bir vaqtda qo‘llash tavsiya etilmaydi
-yuqori dozalarda (sutkada ≥ 3 g) boshqa NYaQV lar, shu jumladan salitsilatlar. Bir nechta NYaQV bir vaqtda qo‘llanganida ularning o‘zaro ta'sirini kuchayishi oqibatida ovqat hazm qilish yo‘llarida yaralar va me'da-ichakdan qon ketishi yuzaga kelishi xavfi oshadi;
-antikoagulyantlar deksketoprofenni qon plazmasi oqsillari bilan yuqori darajada bog‘lanishi, shuningdek trombotsitlar faoliyatini so‘ndirish va me'da va o‘n ikki barmoq ichak shilliq qavatini shikastlanishi tufayli NYaQV antikoagulyantlar, masalan, varfarin ta'sirini kuchaytiradi. Agar bir vaqtda qo‘llash zarur bo‘lsa, u tegishli laboratoriya ko‘rsatkichlarini nazorat qilgan holda shifokorning sinchkov kuzatuvi ostida o‘tkazilishi kerak;
-geparin qon ketishi xavfi (trombotsitlar faoliyatini so‘ndirishi hamda me'da va o‘n ikki barmoq ichak shilliq qavatini shikastlanishi tufayli) oshadi. Agar bir vaqtda qo‘llash zarur bo‘lsa, u tegishli laboratoriya ko‘rsatkichlarini nazorat qilgan holda shifokorning sinchkov kuzatuvi ostida o‘tkazilishi kerak;
-kortikosteroid vositalar ovqat hazm qilish yo‘llarida yaralar rivojlanishi va me'da-ichakdan qon ketish xavfi oshadi;
-litiy (bir nechta NYaQVga nisbatan xabarlar bo‘lgan) NYaQV qonda litiy darajasini oshiradi, bu intoksikatsiyaga olib kelishi mumkin (buyraklar orqali litiyni ajratilishi pasayadi). Shu sababli deksketoprofenni qo‘llash boshlanishida, dozaga tuzatish kiritish yoki preparatni qo‘llashni bekor qilishda qonda litiy darajasini nazorat qilish zarur;
-metotreksat yuqori (haftasiga kamida 15 mg) dozalarda qo‘llanganida. NYaQV qo‘llanilishi fonida metotreksatning buyrak klirensi kamayishi hisobiga uning qon tizimiga salbiy ta'siri kuchayadi.
-gidantoin hosilalari va sulfonamidlar ushbu moddalarning toksikligi kuchayishi mumkin.
NYaQV bilan quyidagi preparatlarni bir vaqtda qo‘llash ehtiyotkorlikni talab etadi
-diuretik vositalar, angiotenzinga aylantiruvchi ferment (APF) ingibitorlari va angiotenzin II retseptorlari antagonistlari. Deksketoprofen diuretik vositalar va boshqa antigipertenziv vositalar ta'sirini pasaytiradi. Buyrak faoliyati buzilishi bo‘lgan ayrim bemorlarda (masalan, suvsizlanganda yoki keksa yoshdagi patsiyentlarda) siklooksigenaza ta'sirini susaytiruvchivositalarni APF ingibitorlari yoki angiotenzin II retseptorlari antagonistlari bilan bir vaqtda qo‘llash buyraklar holatini yomonlashtirishi mumkin, bu qoidaga ko‘ra qaytar jarayon hisoblanadi. Deksketoprofenni har qanday diuretik vositalar bilan bir vaqtda qo‘llanganida bemorda suvsizlanish holati yo‘qligiga ishonch hosil qilish, davolashni boshlanishida esa buyrak faoliyatini nazorat qilib borish kerak;
-metotreksatni kichik dozalarda (haftada 15 mg dan kam) qo‘llanganida NYaQV qo‘llanilishi fonida metotreksatning buyrak klirensi kamayishi hisobiga uning umuman qon tizimiga salbiy ta'siri kuchayadi. Bir vaqtda qo‘llashning birinchi haftalarida qon tahlilini har hafta o‘tkazish zarur. Buyrak faoliyati hatto sezilarli bo‘lmagan darajada buzilishida, shuningdek keksa yoshdagi bemorlarda davolashni shifokorning qat'iy nazorati ostida olib borish zarur;
-pentoksifillin qon ketishi xavfi oshadi. Nazoratni kuchaytirish va qon ketishi vaqti ko‘rsatkichini ko‘proq tekshirish zarur;
-zidovudin retikulotsitlarga ta'sir ko‘rsatish hisobiga eritrotsitlarga toksik ta'sirini kuchayishi xavfi mavjud, bu NYaQVni qo‘llashning 1-haftasidan keyin og‘ir anemiyaga olib keladi. NYaQV bilan davolash boshlanishidan keyin birinchi 1-2 haftada qon tahlilini o‘tkazish va retikulotsitlar miqdorini tekshirish lozim;
-sulfonilmochevina preparatlari NYaQV sulfonilmochevina preparatlarining gipoglikemik ta'sirini ularni qon oqsillari birikmalarida o‘rin olish hisobiga kuchaytirishi mumkin.
Quyidagi vositalar qo‘llanganida o‘zaro ta'sirlar ehtimolini inobatga olish lozim
-beta-blokatorlar NYaQVlar prostaglandinlar sintezini susaytirishhisobiga beta-adrenoblokatorlarning gipotenziv ta'sirini kuchsizlantirishga qodir;
-siklosporin va takrolimus NYaQV ni buyrak prostaglandinlariga ta'siri hisobiga buyraklarga toksik ta'sirini kuchayishi mumkin. Kombinatsiyalangan davolashda esa buyraklar faoliyatini nazorat qilish lozim;
-trombolitik preparatlar qon ketishining xavfi oshadi;
-trombotsitlar agregatsiyasining ingibitorlari va serotoninni qayta egallab olish selektiv ingibitorlari me'da-ichakda qon ketishlari xavfi oshadi;
-probenetsid qon plazmasida deksketoprofen kontsentratsiyasi oshishi mumkin, bu preparatning kanal sekretsiyasi susaytirilishi va glyukuron kislotasi bilan kon'yugatsiyasidan kelib chiqadi hamda deksketoprofen dozasiga tuzatish kiritishni talab etadi;
-yurak glikozidlari NYaQV qon plazmasida glikozidlar kontsentratsiyasini oshirishga qodir;
-mifepriston prostaglandinsintetazasi ingibitorlari ta'siri ostida mifepriston ta'siri pasayishi nazariy ehtimoli tufayli, NYaQV ni mifepriston bilan davolashdan keyin faqat 8-12 sutka o‘tgach buyurish lozim;
-xinolon hayvonlarda o‘tkazilgan tadqiqotlarning natijalari shuni ko‘rsatadiki, xinolon hosilalarini yuqori dozalarda NYaQV bilan kombinatsiyada qo‘llanganda tirishishlar rivojlanishi xavfi oshadi.

Maxsus ko‘rsatmalar

Keyverni anamnezda allergik holatlari bo‘lgan bemorlarga ehtiyotkorlik bilan qo‘llash kerak. Keyver preparatini boshqa NYaQV lar, shu jumladan siklooksigenaza-2 ingibitorlari bilan bir vaqtda qo‘llashdan saqlanish lozim. Holatni yaxshilash uchun zarur bo‘lgan imkon qadar qisqa vaqt ichida minimal samara beruvchi dozani qo‘llash yo‘li bilan nojo‘ya reaktsiyalarni minimal holatga keltirish mumkin.
Davolashning turli bosqichlarida NYaQV qo‘llanganida oldindan ogoh beruvchi simptomlar mavjudligidan yoki anamnezda ovqat hazm qilish yo‘llari tomonidan jiddiy buzilishlar mavjudligidan qat'iy nazar me'da-ichakdan qon ketishlar, yara hosil bo‘lishi yoki perforatsiyasi, ayrim hollarda o‘lim bilan yakun topishi kuzatilgan. Me'da-ichakdan qon ketishi rivojlanganda preparat bilan davolashni darhol to‘xtatish lozim. Me'da-ichakdan qon ketishi, yaraning hosil bo‘lishi yoki perforatsiya yuzaga kelishi xavfi NYaQV dozasi ko‘payishi bilan anamnezda me'da yoki o‘n ikki barmoq ichak yarasi bo‘lgan, ayniqsa qon ketishi yoki perforatsiya bilan asoratlangan bemorlarda, shuningdek keksa yoshdagi bemorlarda oshadi. Keksa yoshdagi bemorlarda NYaQV bilan, ayniqsa me'da-ichakdan qon ketishi va perforatsiya, gohida o‘lim bilan bog‘liq nojo‘ya reaktsiyalar tez-tezligi yuqori bo‘ladi. Bunday bemorlarni davolash eng kichik mumkin bo‘lgan dozadan boshlash lozim. NYaQV ni anamnezda ovqat hazm qilish yo‘llarida kasalliklari (nospetsifik yarali kolit, Kron kasalligi) bo‘lgan bemorlarga ehtiyotkorlik bilan buyurish lozim, chunki ularning qo‘zg‘ashi ehtimoli mavjud. Deksketoprofen trometamolini anamnezda ezofagit, gastrit va/yoki yara kasalligi bo‘lgan bemorlarda qo‘llashni boshlashdan oldin ushbu kasalliklar remissiya bosqichida ekanligiga ishonch hosil qilish lozim. Ovqat hazm qilish yo‘llari patologiyasi simptomlari va anamnezda ovqat hazm qilish yo‘llari kasalliklari bo‘lgan bemorlarda preparatni qo‘llash davomida ovqat hazm qilish yo‘llari holatini ularda buzilishlar, ayniqsa me'da-ichakdan qon ketishi yuzaga kelishi ehtimoliga doir nazoratni olib borish zarur.
Bunday bemorlar va atsetilsalitsil kislotasini kichik dozalarda yoki ovqatni hazm qilish yo‘llari tomonidan nojo‘ya reaktsiyalar yuzaga kelishi xavfini oshiruvchi boshqa vositalarni qabul qiluvchi bemorlar uchun protektor-preparatlar, masalan mizoprostol yoki proton pompasi ingibitorlari bilan kombinatsiyalangan davolash imkoniyatini ko‘rib chiqish lozim.
Anamnezda ovqat hazm qilish yo‘llari tomonidan nojo‘ya reaktsiyalari mavjud bo‘lgan bemorlar, ayniqsa keksa yoshdagi bemorlar ovqat hazm qilish tizimi bilan bog‘liq barcha noodatiy simptomlar, xususan me'da-ichakdan qon ketishlar haqida, ayniqsa davolashning dastlabki bosqichlarida shifokorga xabar qilishlari zarur.
Preparatni yara yuzaga kelishi yoki qon ketishi xavfini oshiruvchi vositalar, aynan esa peroral kortikosteroid vositalar, antikoagulyant vositalar (masalan varfarin), serotoninni qayta qamrab oluvchi selektiv ingibitorlarini yoki aspirin kabi antiagregant vositalarni bir vaqtda qabul qilayotgan bemorlarga ehtiyotkorlik bilan buyurish lozim.
Noselektiv NYaQV lar trombotsitlar agregatsiyasini kamaytirishga va prostaglandinlar sintezini susaytirishi hisobiga qon ketishi vaqtini ko‘paytirishga qodir. Deksketoprofen trometamolni va quyi molekulyar geparinni operatsiyadan keyingi davrda profilaktik dozalarda bir vaqtda qabul qilinishi klinik tadqiqotlarda o‘rganilgan hamda koagulyatsiya ko‘rsatkichlariga ta'siri aniqlanmagan. Biroq deksketoprofen trometamolni gemostazga ta'sir ko‘rsatuvchi preparatlar, masalan varfarin, boshqa kumarin preparatlari yoki geparin bilan bir vaqtda qabul qilayotgan bemorlar shifokorning sinchkov kuzatuvi ostida bo‘lishlari kerak.
Arterial gipertenziyali va/yoki yengil yoki o‘rta darajadagi turg‘un yurak yetishmovchiligi bo‘lgan bemorlar organizmda suyuqlik ushlanib qolishi va periferik shishlar paydo bo‘lishi ehtimoli tufayli shifokorning sinchkov kuzatuvi ostida bo‘lishlari kerak.
Mavjud klinik va epidemiologik ma'lumotlarga ko‘ra ayrim NYaQV larni ayniqsa yuqori dozalarda va uzoq vaqt davomida qo‘llash arteriyalar trombozi keltirib chiqaradigan holatlar, masalan miokard infarkti yoki insult yuzaga kelishi xavfini bir muncha ortiradi. Deksketoprofen trometamolini qo‘llashdan yuzaga keladigan bunday xavfni istisno etish uchun ma'lumotlar yetarli emas.
Nazorat qilinmaydigan arterial gipertenziyada, turg‘un yurak yetishmovchiligida, yurakning tasdiqlangan ishemik kasalligida, periferik arteriyalar va/yoki bosh miya tomirlari kasalligida deksketoprofen trometamolni faqat bemor holati sinchkovlik bilan baholangandan keyin qo‘llash lozim. Bunday baholashni arterial gipertenziya, giperlipidemiya, qandli diabet, chekish kabi yurak-qon tomir kasalliklari xavfi omillari bo‘lgan bemorlarni uzoq muddat davomida davolashni boshlashdan oldin o‘tkazish lozim.
NYaQV larni qabul qilish fonida kam uchraydigan jiddiy teri reaktsiyalari (ayrimlari o‘lim bilan yakunlanuvchi), shu jumladan eksfoliativ dermatit, Stivens–Djonson sindromi va toksik epidermal nekroliz rivojlanishi hollari to‘g‘risida xabarlar mavjud. Ularni yuzaga kelishining eng katta xavfi bemorlarda davolashni boshida kuzatiladi, bemorlarning ko‘pchiligida ular davolashning birinchi oyi davomida yuzaga kelgan. Teri toshmasi, shilliq qavatlar shikastlanishi belgilari yoki yuqori sezuvchanlikning boshqa simptomlari paydo bo‘lganida Keyver preparatini qo‘llashni bekor qilish lozim.
Barcha NYaQV lar kabi preparat mochevina azoti va qon plazmasida kreatinin darajasini oshirishga qodir. Prostaglandinlar sintezining boshqa ingibitorlari kabi u buyraklar tomonidan nojo‘ya reaktsiyalarni keltirib chiqarishi mumkin, bu esa glomerulonefrit, interstitsial nefrit, papillyar nekroz, nefrotik sindrom va o‘tkir buyrak yetishmovchiligiga olib kelishi mumkin.
Boshqa NYaQV lar kabi preparat ayrim jigar sinamalari ko‘rsatkichlarini vaqtincha uncha katta bo‘lmagan oshishini, shuningdek AST va ALT darajasining sezilarli oshishini keltirib chiqarishi mumkin. Ushbu ko‘rsatkichlar oshganida davolashni to‘xtatish lozim.
Preparatni jigar va/yoki buyrak faoliyatini buzilishlari bo‘lgan bemorlarga, shuningdek arterial gipertenziyali va/yoki turg‘un yurak yetishmovchiligi bo‘lgan bemorlarga ehtiyotkorlik bilan buyurish lozim, chunki ularda NYaQV ni qo‘llash fonida buyrak faoliyatini yomonlashishi, organizmda suyuqlikni ushlanib qolishi va periferik shishlar paydo bo‘lishi ehtimoli bo‘lishi mumkin. Yuqori nefrotoksiklik xavfi tufayli, preparatni diuretik vositalar bilan davolashda, shuningdek gipovolemiya rivojlanishi mumkin bo‘lgan bemorlarda ehtiyotkorlik bilan qo‘llash lozim.
Anamnezda yurak kasalliklari bo‘lgan, shu jumladan yurak yetishmovchiligining dastlabki epizodlari bo‘lgan bemorlarni davolashda alohida ehtiyotkorlikka rioya etish lozim, chunki preparatni qo‘llash fonida yurak yetishmovchiligi yuzaga kelishi xavfi oshadi. Buyrak, yurak-qon tomir va jigar faoliyatini buzilishlari ko‘proq keksa yoshdagi bemorlarda yuzaga keladi.
Keyverni qon hosil bo‘lishi buzilishlari, tizimli qizil yugurik va biriktiruvchi to‘qimalarning aralash kasalliklari bo‘lgan bemorlarga ehtiyotkorlik bilan yuborish lozim.
Boshqa NYaQV lar kabi deksketoprofen trometamoli uni qo‘llash vaqtida infektsion kasalliklar simptomlarini niqoblashga qodir. NYaQV lar qo‘llanganida yumshoq to‘qimalarda chegaralangan infektsion jarayonlarni faollashishi to‘g‘risidagi xabarlar berilgan. Shunday qilib, agar ularni qo‘llashda bakterial infektsiya simptomlari paydo bo‘lsa yoki kuchaysa, bemorlarga darhol shifokorga murojaat qilish tavsiya etiladi.
Boshqa NYaQV lar kabi deksketoprofen trometamoli ayollar fertilligini pasaytirishi mumkin, shuning uchun uni homiladorlikni rejalashtirayotgan ayollarga qo‘llash tavsiya etilmaydi. Agar ayolda homilador bo‘lish muammolari mavjud bo‘lsa yoki u bepushtlik predmetiga tekshiruvdan o‘tayotgan bo‘lsa, preparatni qo‘llashni bekor qilish imkoniyatini ko‘rib chiqish lozim. Preparatni o‘ta zarur bo‘lgan hollarda homiladorlikning I va II uchoyligida buyurish mumkin.
Keyver preparati 200 mg etanol saqlaydi, bu dozaga nisbatan 5 ml pivo yoki 2,08 ml vinoga mos keladi. Preparat alkogolizmga duchor bo‘lgan shaxslarga salbiy ta'sir ko‘rsatishi mumkin. Etanol miqdorini preparat ayollarga homiladorlikning I va II uchoyligida, bolalarga va xavf guruhidagi bemorlarga, masalan jigar kasalliklarida, shuningdek tutqanog‘i bo‘lgan bemorlarga buyurishda hisobga olish lozim.
Keyver preparati dozaga nisbatan 1 mmoldan kam natriyni saqlaydi, ya'ni u deyarli natriydan ozod bo‘ladi.
Homiladorlik va emizish davrida qo‘llanilishi
Keyverni homiladorlikning III uchoyligida va laktatsiya davrida qo‘llash mumkin emas.
Prostaglandinlar sintezini susaytirish homiladorlikka va/yoki homila rivojlanishiga zararli ta'sir ko‘rsatishi mumkin. Epidemiologik tadqiqotlar natijalariga ko‘ra prostaglandinlar sintezini susaytiruvchi preparatlarni homiladorlikning erta bosqichlarida qo‘llash bola tashlash, homilada yurak poroki va qorin bo‘shlig‘i old devorining o‘sib bitmasligi yuzaga kelishi xavfini oshiradi. Masalan, yurak-qon tomir tizimi anomaliyalarining rivojlanishi mutlaq xavfi <1% dan taxminan 1,5% ga qadar oshgan. Bunday holatlarning yuzaga kelishi xavfi preparat dozasi va davolash muddati ko‘payishi bilan oshib boradi. Deksketoprofen trometamolini homiladorlikning I va II uchoyligida faqat o‘tkir zarurat bo‘lganida qo‘llash mumkin. Deksketoprofen trometamolini homiladorlikni rejalashtirayotgan ayollarga yoki homiladorlikning I va II uchoyligida qo‘llash zarurati bo‘lganida davolash minimal muddatda davom etgani holda minimal ta'sir etuvchi dozani buyurish lozim.
Homiladorlikning III uchoyligida prostaglandinlar sintezining barcha ingibitorlari quyidagi xavflarni keltirib chiqaradi
homila uchun
-kardiopulmonal toksik sindromi (arterial oqim yo‘lini berkilib qolishi va o‘pka gipertenziyasi);
-buyrak faoliyatini buzilishi, u suvsizlik rivojlanishi bilan birga buyrak yetishmovchiligiga qadar rivojlanishi mumkin;
homiladorlikning yakunida ona va go‘dak uchun
-qon ketishi vaqtini uzayishi (trombotsitlar agregatsiyasini susaytiruvchi ta'siri), hatto preparat past dozalarda qo‘llanganida ham;
-bachadon qisqarishini tutilishi, bu tug‘ruq faoliyatini kechikishi va tug‘ruq cho‘zilishiga olib keladi.
Deksketoprofenni ko‘krak sutiga o‘tishi haqidagi ma'lumotlar yo‘q.
Bolalar.
Preparatni uning samaradorligi va xavfsizligi haqidagi ma'lumotlar yo‘qligi munosabati bilan bolalarda qo‘llash mumkin emas.
Avtotransportni boshqarish yoki boshqa mexanizmlar bilan ishlash qobiliyatiga ta'siri.
Keyver preparatini qo‘llash fonida bosh aylanishi va uyquchanlik yuzaga kelishi mumkin, shu sababli avtotransportni boshqarish va boshqa mexanizmlar bilan ishlash qobiliyatiga kuchsiz yoki o‘rtacha ta'sir istisno etilmaydi. Shu sababli bemorlar buni hisobga olishi va bunday ishlarni bajarishga o‘zlarining qobiliyatlarini ob'ektiv baholashlari kerak.
Preparat bolalar ololmaydigan joyda saqlansin va o‘ramda ko‘rsatilgan yaroqlilik muddati o‘tganidan so‘ng ishlatilmasin.
Dozani oshirib yuborilishi
Dozani oshirib yuborilishi simptomatikasi noma'lum. Xuddi shunday dori vositalari ovqat hazm qilish yo‘llari tomonidan (qusish, anoreksiya, qorinda og‘riq) va nerv tizimi tomonidan (uyquchanlik, bosh aylanishi, oriyentatsiyani yo‘qotish, bosh og‘rig‘i) buzilishlarni keltirib chiqaradi. Dozani tasodifan oshirib yuborilganida bemorning holatiga muvofiq simptomatik davolashni darhol boshlash lozim. Deksketoprofen trometamoli organizmdan dializ yordamida chiqariladi.

Chiqarilish shakli

2 ml dan ampulada. 5 yoki 10 ampuladan qutida.

Saqlash sharoiti

25°S dan yuqori bo‘lmagan haroratda original o‘ramida saqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

«Farmak» JAJ
Ukraina, 04080, Kiyev sh., Frunze ko‘ch., 74.