Klodifen Neyro kaps. №30

Preparatning savdo nomi

Klodifen Neyro
Ta'sir etuvchi moddalar diklofenak + tiamin + piridoksin + sianokobalamin

Dori shakli

Kapsulalar

Tarkibi

Har bir kapsula quyidagilarni saqlaydi
faol moddalar
diklofenak natriy 50 mg;
tiamin gidroxloridi 50 mg;
piridoksin gidroxloridi 50 mg;
sianokobalamin 0,25 mg;
yordamchi moddalar lizin gidroxloridi, mikrokristall sellyuloza, suvsiz kolloid kremniy dioksidi, magniy stearati; kapsula titan dioksidi, temir (II) oksidi, temir (III) oksidi, jelatin.
Ta'rifi oq rangli zarrchalar va aglomeratlari bo‘lgan deyarli oq rangdan och sariq ranggacha bo‘lgan kukun saqlovchi, korpusi tiniq bo‘lmagan zarg‘aldoq-qizil rangli va qopqoqchasi tiniq bo‘lmagan sariq rangli, №0 o‘lchamli qattiq jelatin kapsulalar; kukun pushti tusli va zarrchalar to‘q rangli bo‘lishi mumkin.

Farmakoterapevtik guruhi

Nosteroid yallig‘lanishga qarshi va revmatizmga qarshi vositalar. Sirka kislotasi hosilalari va unga yaqin birikmalar. Diklofenak, majmuasi.
ATX kodi M01AV55
Farmakologik hususiyatlari

Farmakodinamika

Klodifen Neyro – diklofenak va neyrotrop V1, V6 va V12 vitaminlarining majmuasi.
Diklofenak, asosan prostaglandinlar sintezini ingibitsiya qilishi tufayli, revmatizmga qarshi, yallig‘lanishga qarshi, og‘riq qoldiruvchi va isitmani tushiruvchi hususiyatlarga ega va yuqori dozalarda qo‘llanganida eksperimental induktsiyalangan trombotsitlar agregatsiyasini vaqtinchalik ingibitsiya qiladi.
Odamlarda diklofenak yallig‘lanishdagi og‘riq, shish va isitmani kamaytiradi. Bundan tashqari, diklofenak ADF va kollagen tomonidan induktsiyalangan trombotsitlar agregatsiyasini ingibitsiya qiladi.
B1 (tiamin), B6 (piridoksin) va B12 (tsianokobalamin) vitaminlari moddalar almashinuvida, xususan nerv to‘qimasida kofermentlar funktsiyasini bajaradi, bu holat diklofenakning og‘riq qoldiruvchi samarasini kuchaytiradi.
Nerv tizimi kasalliklarida ko‘rsatilgan vitaminlarni terapevtik qo‘llanishi bir tomondan yondosh tanqislik holatlarini kompensatsiya qilish uchun xizmat qilsa (ehtimol, kasallik tomonidan chaqirilgan ehtiyojni oshishi tufayli), boshqa tomondan – tiklanishni tabiiy mexanizmlarini rag‘batlantirish uchun xizmat qiladi.

Farmakokinetikasi

Diklofenak
So‘rilishi. Diklofenak butunlay so‘riladi. Plazmada o‘rtacha cho‘qqi kontsentratsiyalari 
1,5 mkg/ml (5 mkmol/l) ga 50 mg diklofenak yuborilganidan so‘ng o‘rtacha ikki soatdan keyin erishiladi. So‘rilgan va yuborilgan miqdori o‘rtasida proportsional bog‘liqlik mavjud.
Preparat ovqat vaqtida yoki keyin qabul qilinganida me'da orqali so‘rilishi ovqatdan oldin qabul qilingandagiga nisbatan sekinroq amalga oshadi, biroq diklofenakning so‘rilgan miqdori o‘zgarmaydi. Faol modda jigar orqali birinchi marta o‘tganida taxminan yarmi metebolizmga uchraydi.
Taqsimlanishi. Plazma oqsillari bilan bog‘lanishi 99,7%, asosan albuminlar bilan bog‘lanadi. Taxminiy taqsimlanish hajmi 0,12-0,17 l/kg ni tashkil etadi. Diklofenak sinovial suyuqlikka o‘tadi, uning u yerdagi maksimal kontsentratsiyalari plazmada maksimal kontsentratsiyaga erishilganidan so‘ng 2-4 soatdan keyin o‘lchanadi. Sinovial suyuqlikdan taxminiy yarim chiqarilish davri 3-6 soatni tashkil etadi. Plazmada maksimal kontsentratsiyaga erishilganidan so‘ng 2 soat o‘tgach faol moddaning sinovial suyuqlikdagi kontsentratsiyasi plazmadagiga nisbatan yuqori bo‘ladi, va uning qiymati 11 soatgacha bo‘lgan vaqt davomida yuqori qiymatlarda qoladi.
Diklofenak orqa miya suyuqligiga tezda o‘tadi va siklooksigenaza fermentlarini ingibitsiya qilish uchun yetarli kontsentratsiyasi 4 soat davomida saqlanib turadi.
Metabolizmi. Diklofenakning metabolizmi o‘zgarmagan molekulani qisman glyukuronizatsiyasi, ammo shu bilan birga, asosan bir martalik va ko‘p martalik gidroksillanishi va metoksillanishi orqali amalga oshadi, bu holat bir qancha fenol metabolitlarini hosil bo‘lishiga olib keladi, ularning ko‘pchiligi glyukuron kon'yugatlariga aylanadi. Ikkita fenol metaboliti farmakologik jihatdan faol, ammo diklofenakka nisbatan kamroq darajada.
Chiqarilishi. Diklofenakni plazmadan chiqarilishi minutiga 263 ± 56 ml bo‘lgan tizimli klirensi bilan amalga oshadi. Yakuniy yarim chiqarilish davri 1-2 soatni tashkil etadi. To‘rtta metaboliti, shu jumladan ikkita farmakologik jihatdan faol metabolitlarini yarim chiqarilish davri ham davomiy emas va 1-3 soatni tashkil etadi. Metabolitlaridan biri, 3'-gidroksi-4'-metoksidiklofenak yanada davomli yarim chiqarilish davriga ega, biroq ushbu metabolit deyarli faol emas. Preparatning taxminan 60% dozasi siydik bilan o‘zgarmagan faol moddaning glyukuron kon'yugatlari ko‘rinishida, shuningdek ko‘pchiligi glyukuron kon'yugatlari bo‘lgan metabolitlar ko‘rinishida chiqariladi. O‘zgarmagan holda diklofenakning 1% dan kamroq qismi chiqariladi. Preparatning dozasini qolgan qismi safro bilan metabolitlar ko‘rinishida chiqariladi.
Tiamin ichga qabul qilinganidan so‘ng tiamin dozaga bog‘liq transportga uchraydi. Tiaminni plazmadagi yarim parchalanish davri 96 minutni tashkil etadi, biologik yarim parchalanish davri esa – 10 kundan 20 kungacha bo‘lgan muddatni tashkil etadi. Tiamin organizmda katta miqdorlarda to‘planmaydi. Organizm uchun kerak bo‘lmagan ortiqcha qismi organizmdan siydik bilan o‘zgarmagan holda yoki metabolitlar ko‘rinishida chiqariladi.
Piridoksin piridoksin ichakning asosan yuqori bo‘limida tezda so‘riladi. Piridoksinni yarim chiqarilish davri 15 dan 20 kungacha bo‘lgan muddatni tashkil etadi.
Sianokobalamin sianokobalamin me'da-ichak yo‘llaridan quyidagi ikkita mexanizm orqali so‘riladi
• me'da shirasi ta'sirida ajralib chiqadi va ichki omil bilan tez bog‘lanadi;
• ichki omildan qat'iy nazar qonga passiv diffuziya yo‘li bilan so‘riladi.
Vitaminni so‘rilishi ichki omilni yetishmovchiligi, malabsorbtsiya sindromi, me'da-ichak yo‘llarini anomaliyalari bo‘lgan patsiyentlarda, shuningdek gastroektomiyadan keyin izdan chiqadi. Me'da-ichak yo‘llaridan so‘rilishi shuningdek passiv diffuziya hisobiga amalga oshishi mumkin.
B12 vitamini asosan safro bilan chiqariladi va enterogepatik qon aylanishi yordamida ahamiyatli darajada qayta so‘riladi. Sianokobalaminni yarim chiqarilish davri taxminan 6 kunni tashkil etadi.

Qo‘llanilishi

Yallig‘lanishdagi og‘riq. Revmatik kasalliklarning yallig‘lanish bilan kechuvchi shakllari
• surunkali poliartrit;
• ankilozlanuvchi spondilit (Bexterev kasalligi);
• artroz;
• spondiloartrit;
• servikal sindrom, lyumbago, ishias kabi nevralgiyalarda qo‘llanadi.

Qo‘llash usuli va dozalari

Ichga qabul qilinadi. Kapsulalarni butunligicha, yetarli miqdordagi suyuqlik bilan qabul qilish kerak, ovqatdan oldin qabul qilgan afzal.
Nojo‘ya samaralarni, kasallikning simptomlarini nazorat qilish uchun kerak bo‘ladigan eng kam samarali dozani eng qisqa vaqt davomida qo‘llash orqali minimala darajaga yetkazish mumkin.
Preparatning dozasi kasallikning klinik manzarasiga individual ravishda moslashtirilishi kerak. Sutkalik dozasi ikki yoki uch qabulga bo‘linishi mumkin.
Preparatni qo‘llash davomiyligi masalasini shifokor hal qilishi kerak.

Dozalash tartibi

Kasallikning og‘irligiga qarab preparatning tavsiya etiladigan dozasi sutkada 
1-3 kapsulani tashkil etadi, bu 50-150 mg diklofenak natriyga to‘g‘ri keladi.
18 yoshdan boshlab kattalar
Tavsiya etilgan boshlang‘ich dozasi 100-150 mg diklofenak natriyni tashkil etadi 
(1 kapsuladan kuniga 2-3 marta qabul qilinadi).
Samarani bir maromda ushlab turuvchi doza sifatida odatda kuniga 1-2 kapsuladan qabul qilish yetarlidir. Maksimal sutkalik dozasi 3 kapsuladan oshmasligi lozim.
Buyrak funktsiyasini buzilishlari bo‘lgan patsiyentlar
Buyrak kasalliklari bo‘lgan patsiyentlarda preparatni qo‘llash bo‘yicha maxsus tadqiqotlar o‘tkazilmagan. Buyrak funktsiyasi og‘ir darajada buzilganida diklofenakni qo‘llash mumkin emas.
Jigar funktsiyasini buzilishlari bo‘lgan patsiyentlar
Jigar kasalliklari bo‘lgan patsiyentlarda preparatni qo‘llash bo‘yicha maxsus tadqiqotlar o‘tkazilmagan. Jigar funktsiyasi og‘ir darajada buzilganida diklofenakni qo‘llash mumkin emas.
Keksa yoshdagi (65 yosh va undan katta yoshdagi) patsiyentlar
Keksa yoshdagi patsiyentlarga dozani ehtiyotkorlik bilan tanlash kerak, bu holat bo‘lishi mumkin bo‘lgan yondosh kasalliklari yoki tana vaznini pastligi bilan bog‘liq. Xususan, bunday patsiyentlarda eng kichik samarali dozani qo‘llash tavsiya etiladi.
18 yoshgacha bo‘lgan bolalar va o‘smirlar
Klodifen Neyro preparati 18 yoshgacha bo‘lgan bolalar va o‘smirlarda qo‘llanmaydi.
Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Infektsion va parazitar kasalliklar juda kam hollarda – NYaQVni qo‘llash vaqtida yallig‘lanishni, infektsiya bilan bog‘liq bo‘lgan zo‘rayishi kuzatilgan. Bu holat NYaQVning ta'sir mexanizmi bilan bog‘liq bo‘lishi mumkin.
Qon va limfa tizimlari tomonidan juda kam hollarda – trombotsitopeniya, leykopeniya, anemiya (shu jumladan gemolitik va aplastik anemiya), agranulotsitoz.
Immun tizimi tomonidan kam hollarda – o‘ta yuqori sezuvchanlik reaktsiyalari, anafilaktik va anafilaktoid reaktsiyalar (jumladan gipotenziya va shok); juda kam hollarda – angionevrotik shish (jumladan yuzni shishi).
Ruhiy buzilishlar juda kam hollarda – dezoriyentatsiya, depressiya, uyqusizlik, tungi qo‘rquvlar, ta'sirchanlik, psixotik reaktsiyalar.
Nerv tizimi tomonidan tez-tez – bosh og‘rig‘i, bosh aylanishi, toliqish, uyquchanlik; juda kam hollarda – paresteziyalar, ta'm bilishni buzilishi, xotirani buzilishi, tirishishlar, tremor, havotirlik, aseptik meningit, serebrovaskulyar buzilishlar; uchrash tezligi noma'lum – B6 vitaminini 50 mg dan ortiq sutkalik dozalarda uzoq muddat (6-12 oy davomida) qo‘llash periferik sensor neyropatiyaga olib kelishi mumkin.
Ko‘rish a'zolari tomonidan tez-tez emas – ko‘rishni buzilishi (tasvirlarni noaniqligi, ko‘zlar oldida jismlarni ikkilanishi).
Eshitish a'zolari tomonidan va labirint buzilishlari tez-tez – vertigo; kam hollarda – quloqlarda shovqin, eshitishni o‘tkinchi buzilishlari.
Yurak tomonidan juda kam hollarda – palpitatsiya, ko‘krakda og‘riq, yurak yetishmovchiligi, miokard infarkti.
Qon-tomirlari tomonidan juda kam hollarda – gipertenziya, vaskulit.
Nafas tizimi, ko‘krak qafasi va ko‘ks oralig‘i a'zolari tomonidan kam hollarda – astma (jumladan hansirash); juda kam hollarda – pnevmonit.
Me'da-ichak yo‘llari tomonidan juda tez-tez – ko‘ngil aynishi, qusish, diareya, ahamiyatsiz qon ketishlari; tez-tez – dispepsiya, abdominal og‘riqlar, meteorizm, anoreksiya; kam hollarda – gastrit, qon aralash qusish, me'da-ichak yo‘llaridan qon ketishi, qon aralash ich ketishi, melena, me'da-ichak yaralari (qon ketishi va perforatsiya bilan yoki ularsiz); juda kam hollarda – kolit (shu jumladan gemorragik kolit va yarali kolitni zo‘rayishi yoki Kron kasalligi), qabziyat, stomatit (shu jumladan yarali stomatit), glossit, qizilo‘ngachni shikastlanishi, ichakni diafragmaga o‘xshash strikturalari (peroral dori shakllari qabul qilinganida), pankreatit.
Jigar va o‘t chiqarish yo‘llari tomonidan tez-tez – jigar funktsiyasini buzilishi (qon zardobida transaminazalarning faolligini oshishi); tez-tez emas – gepatit, sariqlik, jigarni shikastlanishi; juda kam hollarda – yashin tezligida kechuvchi gepatit, jigar nekrozi, jigar yetishmovchiligi.
Teri va teri osti to‘qimalari tomonidan tez-tez – teri toshmalari; tez-tez emas – eshakemi; juda kam hollarda – terini bullyoz shikastlanishlari, ekzema, eritema, ko‘p shaklli eritema, Stivens-Djonson sindromi, toksik epidermal nekroliz (Layell sindromi), eksfoliativ dermatit, sochlarni to‘kilishi, fotosensibilizatsiya, purpura, allergik purpura, terini qichishishi.
Buyraklar va siydik chiqarish yo‘llari tomonidan juda kam hollarda – o‘tkir buyrak yetishmovchiligi, gematuriya, proteinuriya, nefrotik sindrom, interstitsial nefrit, papillyar nekroz.
Umumiy buzilishlar va yuborilgan joydagi buzilishlar kam hollarda – shish.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.

Qo‘llash mumkin bo‘lmagan holatlar

• preparatning faol moddalariga yoki yordamchi moddalaridan birortasiga yuqori sezuvchanlik;
• boshqa nosteroid yallig‘lanishga qarshi vositalar (NYaQV) kabi, diklofenakni, aspirin yoki boshva NYaQV qabul qilinganidan keyin astma hurujlari boshlanadigan yoki kuchayadigan yoki eshakemi, yoki o‘tkir rinit paydo bo‘ladigan patsiyentlarga qo‘llash mumkin emas;
• me'da yoki ichakning faol bosqichdagi yarasi, qon ketishi yoki perforatsiya;
• peptik yara yoki qon ketishini qaytalanishi (anamnezida tasdiqlangan yara va qon ketishlarini ikki va undan ortiq epizodlari);
• anamnezida me'da-ichak yo‘llaridan qon ketishlari yoki perforatsiyasi (NYaQV bilan davolash oqibatida);
• gematologik kasalliklar (masalan, qon ketishini buzilishi, suyak ko‘migini shikastlanishi, porfiriya, gemorragik diatez);
• tasdiqlangan yurak yetishmovchiligi (NYHA II-IV);
• yurak ishemik kasalligi;
• periferik arteriyalarning kasalliklari;
• serebrovaskulyar kasallik;
• serebrovaskulyar qon ketishi;
• o‘tkir kuchli qon ketishi;
• og‘ir darajadagi buyrak, jigar yetishmovchiligi;
• homiladorlik;
• 18 yoshgacha bo‘lgan bolalar va o‘smirlarda (V guruhi vitaminlarining miqdori yuqori bo‘lganligi tufayli) preparatni qo‘llash mumkin emas.
Dorilarning o‘zaro ta'siri
Diklofenakni boshqa dori vositalari bilan o‘zaro ta'siri
Atsetilsalitsil kislotasi qon zardobidagi kontsentratsiyasini o‘zaro pasayishi bilan me'da-ichak yo‘llarini qo‘shimcha shikastlanish havfi (majmuada qo‘llash tavsiya etilmaydi).
Alkogol me'da-ichak yo‘llaridan kuzatilishi mumkin bo‘lgan qon ketishini kuchayish havfini oshishi (majmuada qo‘llashdan saqlanish kerak).
Antikoagulyantlar va antiagregantlar ehtiyotkorlik bilan qo‘llash kerak, chunki birga qo‘llash qon ketishi havfini oshirishi mumkin. Koagulyatsiya holatini nazorat qilish tavsiya etiladi.
Peroral diabetga qarshi vositalar qonda qandning darajasi o‘zgarib turishi mumkin (qonda qandning miqdorini yanada tez-tez nazorat qilish tavsiya etiladi).
Yurak glikozidlari (masalan, digoksin) qonda ularning darajasini oshishi – muvofiq ravishda nazorat qilish va zarurat bo‘lganida dozaga tuzatish kiritish tavsiya etiladi.
Siklosporin giperkaliyemiya, me'da-ichak yo‘llarini shikastlanish havfini oshishi, nefrotoksiklik va gepatotoksiklik (majmuada qo‘llashdan saqlanish yoki diklofenakning dozasini pasaytirish kerak; jigar va buyraklar funktsiyasini nazorat qilish tavsiya etiladi).
Kolestiramin, kolestipol diklofenakni so‘rilishi kechikishi yoki kamayishi mumkin; diklofenakni ushbu moddalarni qabul qilishdan 1 soat oldin yoki qabul qilgandan so‘ng 
4-6 soat o‘tgach qabul qilish kerak.
Kortikosteroidlar me'da-ichak yaralarini paydo bo‘lishi yoki qon ketishi havfini oshishi.
CYP2C9 izofentining kuchli ingibitorlari (sulfinpirazon va vorikonazol kabilar) diklofenakning metabolizmi ingibitsiya bo‘lishi tufayli, plazmada diklofenakning darajalarini ahamiyatli darajada oshishi (diklofenakning dozasini pasaytirish va kuzatish tavsiya etiladi).
Diuretiklar yoki gipotenziv vositalar (beta-blokatorlar, AAF ingibitorlari kabilar) siklooksigenazani ingibitsiya bo‘lishi natijasida gipotenziv ta'siri susayishi (arterial bosimni, ayniqsa keksa yoshdagi odamlarda, kuchli nazorat qilish tavsiya etiladi), nefrotoksiklik havfi oshishi mumkin (ayniqsa suvsizlanganda o‘tkir buyrak yetishmovchiligi kuzatilishi mumkin – buyrak funktsiyasini monitoringini o‘tkazish, adekvat gidratatsiya bilan ta'minlash tavsiya etiladi).
Kaliyni tejovchi diuretiklar samarasini kuchayishi va giperkaliyemiya havfi (arterial bosimni va kaliyning darajasini nazorat qilish tavsiya etiladi).
Litiy qonda litiyning darajasini oshishi – nazorat qilish va zarurat bo‘lganida dozasiga muvofiq ravishda tuzatish kiritish tavsiya etiladi.
Moklobemid diklofenakning samarasini kuchayishi.
Metotreksat diklofenak buyrak naychalari ekskretsiyasini ingibitsiya qilishi mumkin. NYaQV metoteksatni qabul qilishdan kamida 24 soat oldin yoki qabul qilgandan so‘ng buyurilganida ehtiyotkorlikka rioya qilish kerak, chunki bunday holatlarda qonda metotreksatning kontsentratsiyasi oshishi va uning toksik ta'siri kuchayishi mumkin.
Boshqa NYaQV nojo‘ya samaralar kuchayishi mumkin, ayniqsa me'da-ichak yaralarini paydo bo‘lishi yoki qon ketishi havfi kuchayishi mumkin (majmuada qo‘llash tavsiya etilmaydi).
Fenitoin plazmada fenitoinning darajasi oshishi mumkinligi tufayli, uning plazmadagi darajasini muvofiq ravishda nazorat qilish tavsiya etiladi. Zarurat bo‘lganida dozaga tuzatish kiritish kerak.
Xinolonlar tirishishlar kuzatilishi mumkin (majmuada qo‘llash tavsiya etilmaydi).
Serotoninni qayta qamrab olinishini selektiv ingibitorlari me'da-ichak yo‘llaridan qon ketishi havfini oshishi.
Takrolimus giperkaliyemiya, buyrak yetishmovchiligi (majmuada qo‘llashdan saqlanish kerak).
Triamteren buyrak yetishmovchiligi.
Trimetoprim giperkaliyemiya (monitoring o‘tkazish tavsiya etiladi).
Zidovudin gematotoksiklik havfi oshishi mumkin.
Tiaminni boshqa dori vositalari bilan o‘zaro ta'siri
Alkogol, qora choy tiaminni so‘rilishi kamayishi mumkin.
Antatsidlar tiaminni so‘rilishi kamayishi mumkin.
Sulfit saqlovchi ichimliklar (masalan, vino) tiaminni parchalanishini tezlashishi.
5-ftoruratsil tiaminni tiaminpirofosfatgacha fosforlanishini raqobatli ingibitsiya bo‘lishi – tiaminni faolsizlanishi.
Xalqali diuretiklar (masalan, furosemid) uzoq muddat davolanganda buyrak naychalari orqali qayta so‘rilishini ingibitsiya bo‘lishi va tiaminni ekskretsiyasi oshishi mumkin (tiaminning darajasini pasayishi mumkin).
Piridoksinni boshqa dori vositalari bilan o‘zaro ta'siri
L-dopa levodopaning samarasi pasayishi mumkin.
Piridoksinning antagonistlari (masalan, izoniazid, gidralazin, D-penitsillamin yoki sikloserin) B6 vitaminiga bo‘lgan ehtiyoj oshishi mumkin.

Maxsus ko‘rsatmalar

Sinergik samaralari va kuzatilishi mumkin bo‘lgan qo‘shimcha noxush samaralari yuzasidan ma'lumotlarning miqdori yetarli bo‘lmaganligi tufayli, diklofenakni NYaQV, shu jumladan siklooksigenaza-2 ning selektiv ingibitorlari bilan majmuada qo‘llashdan saqlanish kerak.
Me'da-ichak yo‘llariga ta'siri
Barcha NYaQV uchun, o‘limga olib kelishi mumkin bo‘lgan me'da-ichak yo‘llaridan qon ketishlari, yaralar va perforatsiyalarni rivojlanganligi xaqida xabarlar tushgan. Ular davolanish vaqtida istalgan vaqtda ogohlantiruvchi simptomlar bilan yoki ularsiz yoki anamnezida jiddiy me'da-ichak ko‘rinishlari bor-yo‘qligidan qat'iy nazar rivojlanadi. Umuman olganda bunday ko‘rinishlar keksa yoshdagi patsiyentlarda yanada jiddiy oqibatlarga olib keladi. Agar diklofenak qabul qilayotgan patsiyentlarda me'da-ichak tizimidan qon ketishi kuzatilsa yoki yara paydo bo‘lsa, davolash bekor qilinishi kerak.
Barcha NYaQV uchun bo‘lgani kabi, me'da-ichak yo‘llarining kasalliklaridan dalolat beruvchi simptomlar bo‘lgan, yoki anamnezida me'da yoki ichak yarasi, qon ketishi yoki perforatsiyasi bo‘lgan patsiyentlarda diklofenak qo‘llanganida sinchkov tibbiy kuzatuv va alohida ehtiyotkorlik talab etiladi.
Me'da-ichak yo‘llaridan qon ketishi, yaralar yoki perforatsiyani yuz berish havfi anamnezida yara kasalligi bo‘lgan, ayniqsa qon ketishi yoki perforatsiya bilan asoratlangan patsiyentlarda, shuningdek keksa odamlarda NYaQVning dozasi oshirilganida yuqori bo‘ladi. Bunday patsiyentlar davolashni minimal doza bilan boshlashlari kerak. Bunday patsiyentlar uchun va me'da-ichak yo‘llari tomonidan noxush ko‘rinishlarni rivolanish havfini oshirishi mumkin bo‘lgan atsetilsalitsil kislotasi yoki boshqa dori vositalarining kichik dozalari bilan yondosh davolanishga muhtoj bo‘lgan patsiyentlar uchun himoya vositalarini qo‘llash bilan (masalan, mizoprostol yoki proton nasosi ingibitorlari) majmuaviy davolash o‘tkazish masalasini ko‘rib chiqish kerak.
Anamnezida me'da-ichak yo‘llarining toksik shikastlanishlari bo‘lgan patsiyentlar, ayniqsa keksa odamlar, ayniqsa davolashni boshlanishida odatda kuzatilmaydigan har qanday abdominal simptomlar (eng avvalo me'da-ichak yo‘llaridan qon ketishlari) xaqida xabar berishlari kerak.
Agar patsiyentlar yara hosil bo‘lish yoki qon ketishi havfini oshirishi mumkin bo‘lgan dori vositalar, masalan, peroral kortikosteroidlar, varfarin kabi antikoagulyantlar, serotoninni qayta qamrab olinishini selektiv ingibitorlari yoki atsetilsalitsil kislotasi kabi antitrombotsitar vositalarni bir vaqtda qabul qilayotgan bo‘lsalar, ehtiyotkorlikka rioya qilish tavsiya etiladi.
Anamnezida me'da-ichak yo‘llari kasalliklari (yarali kolit, Kron kasalligi) bo‘lgan patsiyentlarda NYaQVni ehtiyotkorlik bilan qo‘llash kerak, chunki bu ushbu holatlarni og‘irlashtirishi mumkin.
Keksa yoshdagi (65 yoshdan oshgan) patsiyentlar
NYaQVni qabul qilayotgan keksa odamlarda nojo‘ya reaktsiyalar, eng avvalo o‘limga olib kelishi mumkin bo‘lgan, me'da-ichak yo‘llaridan qon ketishlari va perforatsiya ko‘proq kuzatiladi. Umumiy tibbiy mulohazalardan kelib chiqib, keksa yoshdagi odamlarda ehtiyotkorlikka rioya qilish maqsadga muvofiqdir. Xususan, zaif holatdagi keksa odamlarda va tana vazni yetarli bo‘lmagan patsiyentlarda eng kichik samarali dozani qo‘llash tavsiya etiladi.
Yurak-qon tomir va serebrovaskulyar samaralari
Anamnezida yengil darajadan o‘rtacha og‘ir darajagacha gipertenziya va/yoki dimlangan yurak yetishmovchiligi bo‘lgan patsiyentlarni majburish kuzatish va maslahatlar berish talab etiladi, chunki NYaQV bilan davolanganda organizmda suyuqlikni ushlanib qolganligi va shishlar hosil bo‘lganligi xaqida xabarlar tushgan.
Klinik tadqiqotlar va epidemiologik ma'lumotlar, diklofenakni ayniqsa katta dozalarda (sutkada 150 mg) va uzoq vaqt davomida qo‘llash bilan bog‘liq bo‘lgan arterial trombotik asoratlar (masalan, miokard infarkti yoki insult) ni rivojlanish havfi yuqori ekanligini ko‘rsatadi. Preparatning eng kichik samarali dozasini eng qisqa vaqt davomida qo‘llash kerak.
Diklofenak nazorat qilish bo‘lmaydigan gipertenziya, ilgari yurak ishemik kasalligi mavjud bo‘lgan dimlangan yurak yetishmovchiligi, periferik arteriyalarning kasalliklari va/yoki serebrovaskulyar kasalliklari bo‘lgan patsiyentlarga sinchkovlab ko‘rib chiqilgandan keyin qo‘llanishi mumkin. Yurak-qon tomir tizimi kasalliklarini rivojlanish havf omillari (masalan, gipertoniya, giperlipidemiya, qandli diabet, chekish) bo‘lgan patsiyentlarni diklofenak bilan uzoq muddat davolash zarurati bo‘lganida ehtiyotkorlikka rioya qilish kerak. Bunday patsiyentlarni davolash faqat sinchkov klinik baholash o‘tkazilganidan keyin amalga oshirilishi kerak.
Teri reaktsiyalari
NYaQVni qo‘llash bilan bog‘liq bo‘lgan jiddiy, hatto o‘lim bilan yakunlangan, teri reaktsiyalari, jumladan eksfoliativ dermatit, Stivens-Djonson sindromi va toksik epidermal nekroliz (Layell sindromi) xaqida juda kam xabarlar tushgan. Ushbu reaktsiyalarni eng yuqori rivojlanish havfi davolashni boshlanishida kuzatiladi, ularni rivojlanishi esa ko‘pchilik holatlarda davolashni dastlabki oyida kuzatiladi. Teri toshmalari, shilliq qavatlarni shikastlanishini dastlabki belgilari yoki yuqori sezuvchanlikning har qanday boshqa belgilari paydo bo‘lganida preparatni qo‘llashni bekor qilish kerak.
Boshqa NYaQVni qo‘llash bilan bog‘liq bo‘lgan anafilaktik/anafilaktoid reaktsiyalar, shuningdek allergik reaktsiyalar diklofenak bilan oldindan davolanmasdan rivojlanishi mumkin.
Jigarga ta'siri
Jigar funktsiyasini buzilishi bo‘lgan patsiyentlarni sinchkov tibbiy kuzatuvini o‘tkazish talab etiladi, chunki kasallik zo‘rayishi mumkin. Boshqa NYaQV kabi, diklofenak bir yoki bir qancha jigar fermentlarining faolligini oshishiga olib kelishi mumkin. Diklofenak uzoq muddat qo‘llanganida ehtiyotkorlik chorasi sifatida jigar funktsiyasini monitoringini o‘tkazish tavsiya etiladi. Jigarning funktsional ko‘rsatkichlarini normadan siljishi saqlanib turganida yoki yomonlashganida va jigar kasalliklaridan dalolat beruvchi klinik belgilar va simptomlar, yoki boshqa ko‘rinishlar (masalan, eozinofiliya, teri toshmalari va boshqalar) rivojlanganida, diklofenakni bekor qilish kerak. Gepatit prodromal simptomlarsiz rivojlanishi mumkin.
Diklofenak jigar porfiriyasi bo‘lgan patsiyentlarda qo‘llanganida ehtiyotkorlik talab etiladi, chunki huruj rivojlanishi mumkin.
Qon aylanishi, buyraklar, suv-elektrolitlar muvozanati
NYaQVni qo‘llash bilan bog‘liq suyuqlikni organizmda ushlanib qolishi va shishlarni yuzaga kelishi qayd etilganligi tufayli, preparat yurak yoki buyrak funktsiyasini buzilishlari bo‘lgan patsiyentlarda, anamnezida gipertoniyasi bo‘lgan patsiyentlarda, keksa yoshdagi patsiyentlarda, bir vaqtda diuretiklar yoki buyrak funktsiyasiga ahamiyatli ta'sir ko‘rsatishi mumkin bo‘lgan boshqa preparatlarni qabul qilayotgan patsiyentlarda qo‘llanganida ehtiyotkorlikka rioya qilish kerak.
Hujayradan tashqari bo‘shliqda suyuqlikni, har qanday sabab oqibatida yuzaga kelgan yetishmovchiligi bo‘lgan patsiyentlarda, masalan, yirik jarrohlik aralashuvlarini o‘tkazishdan oldingi va keyingi davrda, qon ketishi, suv-elektrolitlar muvozanatini buzilishlari ko‘rinishida asoratlar kuzatilishi mumkinligi tufayli, ayniqsa ehtiyotkorlikka rioya qilish kerak. Diklofenak shunday holatlarda qo‘llanganida ehtiyotkorlik chorasi sifatida buyrak funktsiyasini nazorat qilish tavsiya etiladi.
Buyraklar tomonidan nojo‘ya reaktsiyalarni rivojlanish havfi diklofenak va AAF ingibitorlari bir vaqtda qo‘llanganida oshadi.
Gematologik samaralari
Boshqa NYaQV uchun bo‘lgani kabi, diklofenak bilan uzoq muddat davolanish vaqtida qon manzarasini monitoringini o‘tkazish tavsiya etiladi.
Qonning koagulyatsiyasi izdan chiqqanida va trombotsitopeniyada ayniqsa ehtiyotkorlikka rioya qilish kerak. Diklofenak yuqori dozalarda qo‘llanganida trombotsitlar agregatsiyasi vaqtinchalik susayishi mumkin.
Markaziy nerv tizimiga ta'siri
Og‘ir darajadagi ruhiy buzilishlarda, tutqanoq va parkinsonizmda ehtiyotkorlikka rioya qilish kerak.
B6 vitamini 50 mg dan yuqori bo‘lgan sutkalik dozalarda uzoq muddat (taxminan 6-12 oy) davomida qo‘llanganida, shuningdek 1 g dan yuqori bo‘lgan sutkalik dozalarda ichga qisqa muddat (2 oydan ortiq) qabul qilinganida neyropatiya kuzatilgan. Periferik sensor neyropatiya (paresteziya) ning belgilari paydo bo‘lganida preparatning dozasini tekshirish va zarurat bo‘lganida davolashni to‘xtatish kerak.
Anamnezida astma/yuqori sezuvchanlik reaktsiyalari/immun tizimi
Bronxial astma, mavsumiy allergik rinit, burunning shilliq qavatini shishi (burun poliplari), o‘pkaning surunkali obstruktiv kasalligi yoki surunkali respirator infektsiyalari (ayniqsa allergik rinit turidagi simptomlar bilan birga kechganida) bo‘lgan patsiyentlarda NYaQVga nisbatan, astmani zo‘rayishi (analgetiklarni o‘zlashtirolmaslik deb nomlangan yoki analgetik astma), angionevrotik shish yoki eshakemi kabi reaktsiyalar boshqa patsiyentlarga nisbatan ko‘proq rivojlanadi. Shunday qilib, bunday patsiyentlarga alohida ehtiyotkorlik choralariga rioya qilish (favquloddagi holatlarga tayyorgarlik) tavsiya etiladi. Bu shuningdek boshqa dori vositalariga allergik reaktsiyalari (teri reaktsiyalari, qichishish yoki eshakemi) bo‘lgan patsiyentlarga tegishli.
Boshqa NYaQV qabul qilinganida bo‘lgani kabi, allergik reaktsiyalar, jumladan anafilaktik/anafilaktoid reaktsiyalar, hatto preparat ilgari qo‘llanilmagan bo‘lsa ham, kuzatilishi mumkin. Patsiyentlar yuzni shishi, nafas yo‘llarini shishi (masalan, xiqildoqni shishi), hansirash, astma, yurak qisqarishlari sonini oshishi, teri reaktsiyalari (eritema, ekzantema, eshakemi, qichishish) va/yoki arterial bosimni tushishi kabi yuqori sezuvchanlik reaktsiyalari rivojlanganida preparatni qabul qilishni to‘xtatish va zudlik bilan tibbiy yordamga murojaat qilishi kerakligi xaqida xabardor bo‘lishlari kerak.
Tizimli qizil yugurikda va biriktiruvchi to‘qimalarning aralash kasalliklarida alohida ehtiyotkorlikka rioya qilish kerak. Aynan ushbu asosiy kasalliklarda NYaQV bilan davolanganda encha mushaklari rigidligi, bosh og‘rig‘i, ko‘ngil aynishi, qusish, isitma va ongni xiralashishi bilan kechuvchi aseptik meningitning simptomlari yuzaga kelganligi xaqida xabar berilgan.
Umumiy ma'lumotlar
Diklofenakning o‘ziga xos farmakodinamik hususiyatlari tufayli infektsiyaning simptomlarini (masalan, og‘riqni) yashirishi mumkin. Agar davolanish vaqtida og‘riq saqlanib tursa yoki kuchaysa yoki yallig‘lanishning, umumiy holatni og‘irlashishi va tana xaroratini oshishi kabi boshqa belgilari kuzatilsa, zudlik bilan shifokorga murojaat qilish kerakligi xaqida patsiyentlar xabardor bo‘lishlari kerak.
Analgetiklar tomonidan chaqirilgan bosh og‘rig‘i
Analgetiklar yuqori dozalarda uzoq muddat qo‘llanganida, noto‘g‘ri ishlatilganida preparat yanada yuqoriroq dozalarda qabul qilinganida o‘tib ketmaydigan bosh og‘rig‘i rivojlanishi mumkin. Zarurat bo‘lganida patsiyentlar bu xaqida ogohlantirilgan bo‘lishlari kerak.
Nefropatiya
Og‘riq qoldiruvchi preparatlarni doimiy ravishda qo‘llash (ayniqsa bir qancha analgetik moddalar majmuada qo‘llanganida) buyrak yetishmovchiligini rivojlanish havfi bo‘lgan buyraklarni qaytmas shikastlanishiga olib kelishi mumkin. Zarurat bo‘lganida patsiyentlar bu xaqida ogohlantirilgan bo‘lishlari kerak.
Laborator sinamalar
Diklofenak bilan davolanish davomiyligiga qarab qon zardobining ionogrammasini, kislota-ishqor muvozanatiniva suv muvozanatini, shuningdek zardobdagi fermentlarning faolligini, buyrak funktsiyasini, umumiy qon tahlilini, qon ivishini, gemokulturaga qon tahlili o‘tkazishni nazorat qilish kerak.
Peroral antidiabetik vositalar bilan bir vaqtda qo‘llanganida qondagi glyukozaning darajasini nazorat qilish kerak.
Kaliyni tejovchi diuretiklar bilan yondosh qo‘llanganida zardobdagi kaliyning darajasini nazorat qilish kerak. Bir vaqtda antikoagulyantlar yuborilganida qon ivishini nazorat qilish kerak.
V12 vitamini yuborilganida funikulyar miyeloz yoki pernitsioz anemiyaning klinik manzarasi, shuningdek laborator tahlillari o‘ziga xosligini yo‘qotishlari mumkin.
Homiladorlikda va laktatsiya davrida qo‘llanishi
Homiladorlik
Diklofenak
Prostaglandinlar sintezini susayishi homiladorlikka va/yoki embriofetal rivojlanishga salbiy ta'sir qilishi mumkin. Epidemiologik tadqiqotlarning natijalari, homiladorlikning erta muddatlarida prostaglandinlar sintezi ingibitorlari qo‘llanganidan so‘ng homilani tushishi, shuningdek yurak nuqsonlari va gastroshizisni rivojlanish havfini oshishini ko‘rsatadi. Yurak nuqsonlarini mutloq rivojlanish havfi kamida 1% dan taxminan 1,5% gacha oshgan. Bunday havf preparatning dozasi oshirilganida va davolash davomiyligi uzaytirilganida oshadi.
Hayvonlarda prostaglandinlar sintezi ingibitorlarini qo‘llash embrionni implantatsiyadan oldingi va keyingi nobud bo‘lishiga va embriofetal o‘limga olib kelgan. Bundan tashqari, organogenez davrida prostaglandinlar sintezi ingibitorini qabul qilgan hayvonlarda turli rivojlanish nuqsonlari, shu jumladan yurak-qon tomir tizimi nuqsonlarini rivojlanish tezligini oshishi kuzatilgan. Homiladorlikning birinchi va ikkinchi uch oyliklarida diklofenakni, ona uchun davolashdan kutiladigan foyda, homila uchun havfdan ustun bo‘lgan holatdagina qo‘llash mumkin. Preparat homilador bo‘lishga harakat qilayotgan ayollar tomonidan yoki homiladorlikning birinchi yoki ikkinchi uch oyliklarida qabul qilinganida juda qisqa vaqt davomida minimal dozada qo‘llash kerak.
Homiladorlikning uchinchi uch oyligida prostaglandinlar sintezini barcha ingibitorlari homilada yurak-o‘pka tizimini zaharlanish havfiga (arterial qon oqimini muddatidan oldin bekilishiga va o‘pka gipertenziyasiga); oligogidroamnion bilan kechuvchi buyrak yetishmovchiligigacha zo‘rayishi mumkin bo‘lgan buyrak disfunktsiyasiga; homiladorlikni oxiriga kelib onada va yangi tug‘ilgan chaqaloqda qon ketishi vaqtini kuzatilishi mumkin bo‘lgan uzayishi havfiga, shuningdek hatto kichik dozalarda ham namoyon bo‘lishi mumkin bo‘lgan antiagregatsion samarasini kuzatilishiga; bachadonni qisqarishini, kechikkan yoki davomli tug‘ruqlarga olib keluvchi susayishiga sabab bo‘lishi mumkin.
Shunday qilib, homiladorlikning uchinchi uch oyligida diklofenakni qo‘llash mumkin emas.
B1, B6 va B12 vitaminlar
Ushbu majmuadagi vitaminlarning dozalari homilador ayollar uchun tavsiya etilgan sutkalik dozadan ahamiyatli darajada oshadi, shuning uchun homiladorlik davrida preparatni qabul qilish mumkin emas.
Laktatsiya
B1, B6 va B12 vitaminlari, shuningdek diklofenakning katta bo‘lmagan miqdori organizmdan sut bilan ajralib chiqadi, shuning uchun ko‘krak yoshidagi bolalarda noxush reaktsiyalarni bartaraf qilish uchun laktatsiya davrida Klodifen Neyro preparatini qo‘llash mumkin emas.
Fertillik
Diklofenak
Prostaglandinlar ovulyatsiya, yo‘ldoshni implantatsiyasi va vaskulyarizatsiyasi vaqtida muhim rol o‘ynaydilar. Boshqa NYaQV kabi, diklofenak ham ayollar vertilligiga salbiy ta'sir ko‘rsatishi mumkin, shuning uchun homilador bo‘lishga harakat qilayotgan ayollar uchun uni qo‘llash tavsiya etilmaydi. Homilador bo‘lishda muammolarga duch kelayotgan yoki ushbu muammolar tufayli davolanayotgan ayollar diklofenakni qabul qilishni to‘xtatish masalasini ko‘rib chiqishlari kerak.
B1, B6 va B12 vitaminlar
Fertillikka ta'siri yuzasidan klinik ma'lumotlar yo‘q.
Avtotransportni haydash va mexanizmlarni boshqarish qobiliyatiga ta'siri
Klodifen Neyro avtotransportni haydash va mexanizmlarni boshqarish qobiliyatiga ahamiyatsiz ta'sir ko‘rsatadi.
Agar patsiyentlarda ko‘rishni buzilishi, bosh aylanishi, toliqish hissi kabi noxush reaktsiyalar yoki markaziy nerv tizimining boshqa buzilishlari kuzatilsa, ular transport vositalari yoki mexanizmlarni boshqarishlari mumkin emas.

Dozani oshirib yuborilishi

Simptomlari
Diklofenak. Diklofenakning dozasini oshirib yuborilishini aniq klinik manzarasi yo‘q.

Dozani oshirib yuborilishi

ni simptomlari qusish, me'da-ichak yo‘llaridan qon ketishlari, diareya, bosh aylanishi, quloqlarda shovqin va tirishishlar bo‘lishi mumkin. Kuchli zaharlanganda o‘tkir buyrak yetishmovchiligi va jigar shikastlanishi, shuningdek nafas faoliyati susayishi va sianoz bo‘lishi mumkin.
B1 vitamini. Tiamin keng terapevtik ta'sir doirasiga ega. Juda yuqori (10 g dan ortiq) dozalari kuraresimon ta'sir ko‘rsatadi. Ganglioblokator sifatida ta'sir ko‘rsatib, u nerv impulslari o‘tkazuvchanligini bostiradi.
B6 vitamini. Piridoksin juda past toksiklik ko‘rsatadi. Shunday bo‘lsa-da, sutkada 50 mg dan ortiq dozalarda uzoq muddat (6-12 oydan ortiq) qo‘llanganida V6 vitamini periferik sensor neyropatiyani chaqirishi mumkin. V6 vitamini sutkada 1 g dan ortiq dozalarda 
2 oydan uzoq muddat davomida uzluksiz ishlatilganida neyrotoksik nojo‘ya samaralari rivojlanishi mumkin. Ataksiya bilan kechuvchi neyropatiyalar, sezuvchanlikni buzilishi, EEGda o‘zgarishlar bilan kechuvchi serebral tirishishlar, shuningdek ayrim holatlarda gipoxrom anemiya va seboreyali dermatit sutkada 2 g dan ortiq dozalarda yuborilgandan so‘ng kuzatilganligi ta'riflangan.
B12 vitamini. Preparatning yuqori dozalari parenteral yuborilganidan so‘ng (kam holatlarda – peroral qabul qilinganidan so‘ng) allergik reaktsiyalar, terini ekzematoz shikastlanishi va aknening havfsiz shakli kuzatilgan.
Davolash
Diklofenak. Maxsus antidoti mavjud emas.

Dozani oshirib yuborilishi

ni davolash simptomatik bilan hayotiy muhim a'zolar funktsiyasini nazorat qilishdan iborat. Peroral qo‘llash oqibatida zaharlanganda me'dani yuvish, faollashtirilgan ko‘mir va surgi vositalarni yuborish orqali dori vositasining qoldiqlarini me'dadan chiqarib tashlash lozim. Gipotenziya, buyrak yetishmovchiligi, tirishishlar, me'da-ichak yo‘llarini ta'sirlanishi, nafas faoliyatini susayishi kabi asoratlarni davolash qo‘llab-quvvatlovchi ta'sir ko‘rsatish va shuningdek simptomatik davolashdan iborat. Jadallashtirilgan diurez, dializ yoki gemoperfuziya kabi maxsus davolash choralari, ehtimol, nosteroid yallig‘lanishga qarshi vositalarni plazma oqsillari bilan bog‘lanishi yuqori bo‘lganligi va jadal metabolizmga uchraganligi tufayli, samarasiz bo‘lishi mumkin.

Chiqarilish shakli

Kapsulalar. 10 kapsuladan blisterda, 2 yoki 3 blister tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin!

Dorixonalardan berish tartibi

Retsept bo‘yicha.