Naklofen in'ektsiya uchun eritma 75mg/3ml №5

Naklofen in'ektsiya uchun eritma 75 mg/3 ml
diklofenak natriy
Ushbu preparatni qo‘llashdan oldin ushbu ilova-varaqani diqqat bilan to‘liq o‘qib chiqing, chunki u Siz uchun muhim ma'lumotlar saqlaydi.
-Ushbu ilova-varaqani saqlab qo‘ying. U Siz yana o‘qib chiqishingiz uchun kerak bo‘lishi mumkin.
-Agar Sizda qo‘shimcha savollar paydo bo‘lsa, shifokoringiz yoki farmatsevt bilan maslahatlashing.
-Ushbu preparat aynan Siz uchun buyurilgan. Uni boshqa shaxslarga bermang. Agar Sizda kasallikning o‘xshash belgilari kuzatilsa ham, bu ularga zarar yetkazishi mumkin.
-Agar Sizda nojo‘ya samaralar paydo bo‘lsa shifokoringiz yoki farmatsevt bilan maslahatlashing. Bu ushbu ilova-varaqada ko‘rsatib o‘tilmagan nojo‘ya samaralar uchun ham taalluqlidir. 4-bo‘limga qarang.
Ushbu ilova-varaqada qanday ma'lumot saqlanadi
1. Naklofen preparati o‘zi nima va u nima uchun qo‘llaniladi
2. Naklofen preparatini qabul qilishdan oldin Siz nimani bilishingiz kerak
3. Naklofen preparatini qanday qabul qilish kerak
4. Bo‘lishi mumkin bo‘lgan nojo‘ya samaralar
5. Naklofen preparatini qanday saqlash kerak
6. O‘ram ichidagisi va boshqa ma'lumotlar
1. Naklofen preparati o‘zi nima va u nima uchun qo‘llanadi.
Naklofen – nosteroid yallig‘lanishga qarshi preparatdir. U yallig‘lanishga qarshi va og‘riqsizlantiruvchi xususiyatga ega. Asosiy ta'sir mexanizmi yallig‘lanish, og‘riq va shishni chaqiruvchi molekulalar prostaglandinlar sintezini susayishidan iborat. U revmatik kasalliklarning barcha turlarini davolash uchun va har xil turdagi og‘riqlarni yengillashtirish uchun mo‘ljallangan.
Ushbu preparat yallig‘lanishga qarshi va/yoki og‘riq qoldiruvchi ta'sir talab etiladigan quyidagi kasalliklarni davolash uchun buyuriladi
-yallig‘lanishli revmatik kasalliklar (revmatoid artrit, spondiloartrit, boshqa artritlar),
-bo‘g‘imlar va umurtqa pog‘onasining degenerativ revmatizmi (artroz, spondilez),
-mikrokristall artrit (podagra, soxta podagra),
-bo‘g‘imdan tashqari revmatizm (periartrit, bursit, miozit, tendinit, sinovit),
-boshqa og‘riqli holatlar (jarohatlarda, stomatologik va boshqa jarrohlikamaliyotlaridan keyin, og‘ir darajadagi migrenda, buyrak va jigar sanchiqlarida).
2. Naklofen preparatini qabul qilishdan oldin Siz nimalarni bilishingiz kerak.
Naklofen preparatini qabul qilmang
-agar Sizda diklofenak natriyga yoki ushbu preparatning har qanday boshqa komponentlariga (6-bo‘limda sanab o‘tilgan), atsetilsalitsil kislotasiga va boshqa nosteroid yallig‘lanishga qarshi preparatlarga allergiya bo‘lsa;
-nosteroid yallig‘lanishga qarshi preparatlar yoki atsetilsalitsil kislotani ilgari qabul qilganda quyidagi simptomlar paydo bo‘lganda nafasni buzilishi (bronxial astma), eshakemi (urtikariya), burun shilliq qavatini yallig‘lanishi (allergik rinit), lablar va yuz, bo‘yin, ehtimol qo‘l barmoqlari va oyoq kaftlarini to‘satdan shishi yoki bo‘g‘ilish belgilari bo‘lganda ovoz xirillab qolishi (angionevrotik shish) bilan kechuvchi yuqori sezuvchanlik reaktsiyasi;
-hozirgi vaqtda yoki ilgari me'da yoki ichak yarasi bo‘lganda, ahlatdagi qon yoki qora ahlat kabi simptomlarini o‘z ichiga oluvchi me'da yoki me'da-ichakdan qon ketishi yoki me'dani teshilishi;
-nosteroid yallig‘lanishga qarshi preparatlarni (NYaQP) qabul qilgandan so‘ng me'dadan qon ketishini, me'da-ichakdan qon ketishini rivojlanishi yoki me'da-ichak teshilishi;
-jigar yoki buyrak faoliyatini og‘ir buzilishlari bo‘lganda;
-homiladorlikning oxirgi uch oyligida;
-tasdiqlangan yurak kasalligi va/yoki yurak-qon tomir kasalligi, masalan, o‘rtacha yoki og‘ir yurak yetishmovchiligida, yurak xurujlarida, insult, mini-insult yoki yurak bosh miya qon tomirlari berkilib qolganda yoki anamnezda blokadani bartaraf qilish shuntlash bo‘yicha operatsiya;
-agar Sizda qon aylanishini buzilishi bo‘lsa yoki avval kuzatilgan bo‘lsa (periferik arteriyalar kasalligi).
In'ektsiyalar bolalar uchun to‘g‘ri kelmaydi.

Maxsus ko‘rsatmalar

Naklofen preparatini qo‘llashdan oldin shifokoringiz yoki farmatsevt bilan maslahatlashing.
-agar Siz qachondir me'da yoki ichak kasalliklari bilan xastalangan bo‘lsangiz, masalan me'da yarasi, qon aralash ahlat yoki qora ahlat,
-anamnezda og‘riqsizlantiruvchi yoki yallig‘lanishga qarshi preparatlarni qabul qilgandan keyin me'dada og‘riq yoki jig‘ildon qaynashi mavjudligi,
-yarali kolit yoki Kron kasalligi bo‘lganda, chunki kasallik qaytalanishi yoki og‘irlashishi mumkin,
-jigar yoki buyrak faoliyatini og‘ir buzilishlari bo‘lganda, yurak-qon tomir kasalliklarida,
-tutqanoq bo‘lganda,
-porfiriya (pigment almashinuvini juda kam hollarda uchraydigan buzilishi) bo‘lganda,
-astma bo‘lganda,
-oyoqlarda shish bo‘lganda,
-og‘riqni kamaytirish uchun boshqa preparatlarni yoki yallig‘lanishga qarshi preparatlarni qabul qilganda,
-qon ivishini buzilishlari bo‘lganda yoki qon ivishiga yo‘l qo‘ymaydigan preparatlarni (antikoagulyantlar, fibrinolitiklar) qabul qilganda,
-agar Siz keksa yoshda bo‘lsangiz.
Agar yuqorida ko‘rsatib o‘tilgan holatlardan birontasi Sizga taalluqli bo‘lsa, Naklofen preparatini qanday qabul qilish kerakligi yuzasidan shifokor yoki farmatsevt bilan maslahatlashing.
Diklofenak qabul qilishni boshlashdan oldin davolovchi shifokoringizga quyidagilar haqida xabar bering
-chekish,
-diabetning mavjudligi,
-stenokardiya, qon quyqalari, arterial bosimni oshishi, xolesterin va triglitseridlar oshishi darajasini.
Samarali eng kam dozani imkoni boricha qisqa muddatda qabul qilganda nojo‘ya samaralarni kamaytirish mumkin.
Preparatlar, shu jumladan Naklofen yurak xurujlari (miokard infarkti) yoki insult xavfini bir oz oshirishi mumkin. Preparatning yuqori dozalarda yoki uzoq vaqt qabul qilganda har qanday xavf kuchayadi. Tavsiya etilgan dozani oshirish yoki davolash muddatini uzaytirish mumkin emas.
NYaQP ni qabul qilish fonida kam hollarda keskin teri reaktsiyalarini rivojlanishi (ayrim hollarda o‘lim bilan yakunlanadigan), terini qipiqlanishi bilan kechuvchi yallig‘lanishi, toksik epidermal nekroliz (ko‘p pufakchalar hosil bo‘lishi, qizarish va qipiqlanish bilan kechadigan og‘ir teri toshmasi) va Stivens-Djonson sindromi (terida, ko‘z sohasida, og‘iz bo‘shlig‘ida va jinsiy a'zolarda pufakchalar hosil bo‘lishi bilan kechadigan og‘ir holat) haqida xabar qilingan. Davolashning dastlabki bosqichlarida bemorlarning bu kabi reaktsiyalarni boshdan o‘tkazish xavfi yuqori, shu sababli bunday reaktsiyalarning birinchi belgilari (teri toshmasi, teridagi o‘zgarishlar, yuqori ta'sirchanlikning boshqa belgilari) paydo bo‘lganda davolashni to‘xtatish lozim.
Naklofen infektsiya simptomlarini (masalan, bosh og‘rig‘ini, haroratni ko‘tarilishini) susaytirishi va shu sababli ularni aniqlashni qiyinlashtirishi mumkin. Loxaslikda va shifokor bilan maslahatlashish zarur bo‘lganda unga albatta Naklofen preparatini qabul qilish haqida ma'lum qiling.
Keksa yoshdagi patsiyentlarda qo‘llanishi
Nojo‘ya samaralar, ayniqsa me'da-ichak yo‘llari tomonidan keksa yoshdagi bemorlarda ko‘proq uchraydi.
Naklofen preparati bilan boshqa preparatlarning o‘zaro ta'siri
Agar Siz boshqa preparatlarni qabul qilayotgan, yaqinda qabul qilgan bo‘lsangiz yoki qabul qilishni rejalashtirayotgan bo‘lsangiz shifokoringizga yoki farmatsevtga bu haqida ma'lum qiling.
Naklofen boshqa preparatlar bilan o‘zaro ta'sirga kirishishi va Naklofen preparatining yoki boshqa preparatlarning ta'siri kuchayishi yoki susayishi mumkin. Bu quyidagilarga taalluqli bo‘lishi mumkin
-ruhiy kasalliklarni davolash uchun preparatlar (litiy preparatlari),
-siydik haydovchi preparatlar (diuretiklar)
-yurak kasalliklarini davolash uchun preparatlar (digoksin)
-og‘riqni kamaytiruvchi preparatlar (atsetilsalitsil kislota va boshqa nosteroid yallig‘lanishga qarshi preparatlar),
-immun javobni pasaytiruvchi preparatlar (tsiklosporin),
-rakni davolash uchun preparatlar (metotreksat),
-yuqori arterial bosimni pasaytirish uchun preparatlar (gipotenziv preparatlar),
-yallig‘lanishni kamaytirish uchun preparatlar (kortikosteroidlar),
-qon quyqasini hosil bo‘lishini oldini olish uchun preparatlar (antikoagulyantlar va antiagregantlar),
-depressiyani davolash uchun preparatlar (serotoninni qayta qamrab olishining selektiv ingibitorlari deb nomlanuvchi antidepressantlar guruhi),
-diabetni davolash uchun preparatlar (diabetga qarshi preparatlar),
-infektsiyalarni davolash uchun ayrim preparatlar (xinolonlar guruhiga mansub antibiotiklar),
-tutqanoqni davolash uchun preparatlar (fenitoin),
-xolesterin darajasini tartibga solish uchun preparatlar (kolestipol va xolestiramin),
-zamburug‘li infektsiyalarni davolash uchun preparatlar (vorikonazol),
-podagrani davolash uchun preparatlar (sulfinpirazon).
Homiladorlikda va emizish davrida qo‘llanishi, fertillikka ta'siri
Agar siz homilador yoki emizsangiz, homiladorman deb taxmin qilayotgan bo‘lsangiz, homilador bo‘lishni rejalashtirayotgan bo‘lsangiz ushbu dori preparatini qabul qilishdan oldin shifokor yoki farmatsevt bilan maslahatlashing.
Homiladorlik va emizish
Naklofen homiladorlikni kechishiga va/yoki embrion/homilani rivojlanishiga salbiy ta'sir ko‘rsatishi mumkin. Ba'zi ma'lumotlarga ko‘ra homiladorlikning erta davrlarida bola tushishi yoki rivojlanish nuqsonlari paydo bo‘lishi mumkin. Homiladorlikning dastlabki olti oyida shifokor Sizga ushbu preparatni faqat o‘ta zarur bo‘lgandagina buyurishi mumkin. Bu holda agar Siz Naklofen preparati bilan davolash vaqtida homiladorlikni rejalashtirayotgan bo‘lsangiz doza va davolash muddati minimal bo‘lishi lozim.
Naklofen preparatini himladorlikning oxirgi uch oyida qabul qilish nuqsonlariga yoki turli a'zolar (yurak va qon tomirlari, buyrak, ivishni buzilishi, rivojlanishning tug‘ma nuqsonlari) faoliyatini buzilishiga olib kelishi mumkin. Shunday qilib, Naklofenni homiladorlikning oxirgi uch oyi davomida qabul qilish mumkin emas (“Naklofenni qabul qilmang” bo‘limiga qarang).
Naklofen preparati bilan davolash vaqtida emizish mumkin emas.
Fertillik
Boshqa NYaQP kabi Naklofen preparatining ta'sir etuvchi moddasi diklofenak homilador bo‘lishga to‘sqinlik qilish mumkin. Preparatni qabul qilishto‘xtatilgandan so‘ng ushbu samara qaytuvchan. Agar homiladorlikni rejalashtirayotgan bo‘lsangiz yoki homilador bo‘lish bilan bog‘liq muammolar bo‘lsa shifokorni xabardor qilish kerak.
Transport vositalarini boshqarish va mexanizmlar bilan ishlash
Naklofen preparati transport vositalarini boshqarish qobiliyatiga va mexanizmlar bilan ishlashga ahamiyatsiz yoki o‘rtacha ta'sir ko‘rsatadi. Bosh aylanishi, ko‘rish yomonlashishi, uyquchanlik va/yoki markaziy nerv tizimida buzilishlar bo‘lganda transport vositalarini boshqarish va xavfli mexanizmlar bilash ishlash tavsiya etilmaydi.
Naklofen benzil spirti, natriy va natriy metabisulfiti saqlaydi
Naklofen preparatining 3 ml (1 ampula) eritmasi 120 mg benzil spirti saqlaydi. Naklofenni chala tug‘ilgan va yangi tug‘ilgan chaqaloqlarda qo‘llash mumkin emas. U 3 yoshdan kichik bolalarda toksik va allergik reaktsiyalar chaqirishi mumkin.
Metabisulfitlar kam hollarda jiddiy o‘ta yuqori sezuvchanlik reaktsiyalari va bronxospazm chaqiradi.
Ushbu dori preparati bir dozada 1 mmol (23 mg) dan kamroq natriy saqlaydi, ya'ni deyarli natriy saqlamaydi.
3. Naklofen preparatini qanday qabul qilish kerak
Preparatni sizga shifokor yoki hamshira yuboradi.
Preparatning kattalar uchun standart dozasi sutkada 1 ampuladan 1-2 marta; samarani bir maromda ushlab turuvchi doza ham xuddi shuni tashkil qiladi. In'ektsiyani mushakka chuqur amalga oshirish kerak.
Buyrak sanchiqlarida birinchi in'ektsiyadan 30 minutdan keyin ikkinchi in'ektsiyani amalga oshirish mumkin.
In'ektsiya o‘tkir holatlarni davolash uchun qo‘llanadi. Imkoniyat tug‘ilishi bilan davolashni tabletkalar, kapsulalar yoki suppozitoriylar ko‘rinishiga o‘tkazish kerak.
Preparatni buyrak yetishmovchiligi yoki jigar faoliyatini buzilishi bo‘lgan patsiyentlarda ehtiyotkorlik bilan qo‘llash kerak. Diklofenakni minimal samarali dozada qabul qilish tavsiya etiladi.
Agar Siz preparatning samarasi haddan tashqari kuchli yoki haddan tashqari kuchsiz deb hisoblasangiz, shifokoringiz bilan maslahatlashing.
Agar Siz Naklofen preparatini keragidan ortiq qabul qilgan bo‘lsangiz
Preparatni in'ektsiya ko‘rinishida yuborilganda dozani oshirib yuborilishi ehtimoli kam.
Shifokoringiz dozaning kattaligi va davolash davomiyligini belgilaydi.
Agar siz Naklofen preparatini keragidan ortiq qabul qilgan bo‘lsangiz, odatda bu me'da-ichak yo‘llari, buyrak, jigar va markaziy nerv tizimi tomonidan nojo‘ya samaralarga olib keladi.
Naklofen preparati dozasini qabul qilishni o‘tkazib yuborish
Shifokoringiz in'ektsiyalarning tez-tezligi haqida qaror qabul qiladi. Agar Siz biron-bir sabab tufayli rejalashtirilgan in'ektsiyani o‘tkazib yuborgan bo‘lsangiz, bu haqida shifokorga darhol xabar bering.
Agar Sizda ushbu preparatni qabul qilish yuzasidan qo‘shimcha savollar paydo bo‘lsa shifokoringiz yoki farmatsevt bilan maslahatlashing.
4. Bo‘lishi mumkin bo‘lgan nojo‘ya samaralar
Boshqa dori preparatlari kabi ushbu preparat, garchi barchada bo‘lmasa ham, nojo‘ya ta'sirlarni keltirib chiqarishi mumkin.
Eng ko‘p tarqalgan nojo‘ya ta'sirlar me'da-ichak yo‘llari tomonidan buzilishlari bilan bog‘liq.
Tez-tez (ko‘pi bilan 10 odamdan birida paydo bo‘lishi mumkin)
-ko‘ngil aynishi, qusish
-diareya,
-qorinda og‘riq,
-ovqat iste'mol qilgandan so‘ng hazm qilishni buzilishi (dispepsiya),
-meteorizm (qorin dam bo‘lishi),
-ishtahani yo‘qolishi,
-bosh og‘rig‘i, vertigo, bosh aylanishi,
-jigar fermentlari darajasini oshishi,
-terida toshmalar
-yuborish joyida reaktsiyalar, og‘riq, induratsiya (zichlashish).
Tez-tez emas (ko‘pi bilan 100 odamdan birida paydo bo‘lishi mumkin)
-qabziyat
Kam hollarda (ko‘pi bilan 1000 odamdan birida paydo bo‘lishi mumkin)
-yuqori sezuvchanlik reaktsiyasi (nafas olishni qiyinlashishi, yutishni qiyinlashishi (bronxospazm), arterial bosimni pasayishi, shok),
-uyquchanlik, charchoqlik,
-astma (shu jumladan nafas olishini qiyinlashishi),
-me'da shilliq qavatini yallig‘lanishi (gastrit), qora tusli ich kelishi (melena), me'da yoki qizilo‘ngachdan qon aralash qusish (gematemezis), qon bilan qusish, yaralar yoki me'da-ichak yo‘lini teshilishi,
-sariqlik,
-jigar faoliyatini muayyan buzilishlari, jigar hujayralarini nobud bo‘lishi (gepatotsellyulyar nekroz)
-o‘t chiqarish yo‘llari obstruktsiyasi (xolestaz)
-eshakemi
-suyuqlikni tutilishi yoki shishlar,
-yuborish joyida nekroz (to‘qimalarni o‘lishi).
Juda kam hollarda (ko‘pi bilan 10 000 odamdan birida paydo bo‘lishi mumkin)
-qon hujayralari sonini o‘zgarishi (anemiya, trombotsitopeniya, leykopeniya va agranulotsitoz),
-mahalliy shish, yuzning 24 soat davomida yo‘q bo‘lib ketadigan shishi (angionevrotik shish),
-dezoriyentatsiya, depressiya, uyqusizlik, dahshatli tush ko‘rish, ta'sirchanlik, ruxiy reaktsiyalar,
-sanchish, xotirani buzilishi, tirishishlar, bezovtalik, tremor, bosh miya qobig‘ini yallig‘lanishi, ta'm sezgisini buzilishi, miyadagi o‘zgarishlar,
-ko‘rishni buzilishi, ko‘rish noaniqligi yoki ko‘zga ikkita bo‘lib ko‘rinishlar,
-quloqdagi shang‘illash, eshitishni buzilishi,
-yurak urishi tezlashganining noxush sezgisi (yurak urishini sezish), ko‘krakdagi og‘riq, yurak yetishmovchiligi, yurak xuruji, arterial bosimni ko‘tarilishi, qon tomirlarini yallig‘lanishi,
-pnevmoniya,
-ichaklarni yallig‘lanishi (nospetsifik gemorragik kolit, yarali kolit yoki Kron kasalligini qaytalanishi yoki kechishini og‘irlashishi),
-og‘iz bo‘shlig‘i shilliq qavatini yallig‘lanishi (yarali stomatit), tilni yallig‘lanishi (glossit), qizilo‘ngach yaralari, ichaklarning diafragmasimon strikturasi,
-me'da osti bezini yallig‘lanishi (pankreatit),
-o‘tkir jigar yetishmovchiligi (fulminant gepatit) va jigar yetishmovchiligi,
-bullyoz reaktsiyalar, shu jumladan Stivens-Djonson sindromi (pufaklar hosil bo‘lishi bilan teri, og‘iz bo‘shlig‘i, ko‘zlar va jinsiy a'zolarga shikast yetkazadigan og‘irroq toshmalar) va toksik epidermal nekroliz (qavariqlar hosil bo‘lishi, qizarish va terini qipiqlanishi bilan kechadigan og‘ir yirik teri toshmasi),
-ekzema, terini qizarishi, yallig‘lanishi (dermatit), soch to‘kilishi, yorug‘likka yuqori sezuvchanlik (fotosezuvchanlik), teriga va uning ostiga qon quyulishi (purpura, allergik purpura), qichishish,
-surunkali jigar yetishmovchiligi, siydikda qon bo‘lishi (gematuriya), siydik chiqarish yo‘llari tomonidan buzilishlar (interstitsial nefrit, nefrotik sindrom, papillyar nekroz, proteinuriya),
-yuborish joyida abstsess.
Preparatlar, shu jumladan Naklofen yurak xurujlari (miokard infarkti) yoki insult xavfini bir oz oshirishi mumkin.
5. Naklofen preparatini qanday saqlash kerak
Ushbu preparatni bolalar ololmaydigan joyda saqlash kerak.
Ushbu preparatni o‘ramda ko‘rsatilgan yaroqlilik muddati tugagandan so‘ng qabul qilmang.

Yaroqlilik muddati

5 yil.
25°S dan yuqori bo‘lmagan haroratda saqlansin.
Dori preparatlarini kanalizatsiyaga yoki maishiy chiqindilar bilan birga tashlash mumkin emas. Siz endi qabul qilmaydigan dori preparatlarini qanday utilizatsiya qilish kerakligini farmatsevtdan so‘rang. Ushbu choralar atrof-muhitni muhofaza qilishga yordam beradi.
6.O‘ram ichidagisi va boshqa ma'lumot
Naklofen preparatining tarkibi
-Ta'sir etuvchi modda – diklofenak natriy. 1 ml in'ektsiya uchun eritma 25 mg diklofenak natriy saqlaydi. 3 ml in'ektsiya uchun eritma (1 ampula) 75 mg diklofenak natriy saqlaydi.
-Yordamchi moddalar benzil spirti, propilenglikol, natriy metabisulfiti, natriy gidroksidi, in'ektsiya uchun suv.
Naklofen preparati qanday ko‘rinishga ega va o‘ram ichidagisi
In'ektsiya uchun eritma – tiniq, rangsiz yoki biroz sarg‘ish rangli, ko‘rinarsiz mexanik kiritmalarsiz eritma.
75 mg in'ektsiya uchun eritma 3 ml dan neytral shisha ampulalarda. 5 ampuladan plastik poddonda. 1 plastik poddon ilova-varaqa bilan karton qutida.
Berish tartibi
Faqat shifokor retsepti bo‘yicha

Ishlab chiqaruvchi

KRKA,d.d., Novo mesto, Shmaryeshka sesta 6, 8501 Novo mesto, Sloveniya