Tenikam 20 mg №1 eritma bilan shisha, 1 ampula-2 ml

Preparatning savdo nomi

Tenikam
Ta'sir etuvchi modda (XPN) tenoksikam.

Dori shakli

in'ektsion eritma tayyorlash uchun kukun.

Tarkibi

Har bir flakon saqlaydi
Faol modda tenoksikam 20 mg.
Yordamchi moddalar mannitol, natriy gidroksidi, trometamol, natriy metabisulqfiti, dinatriy edetati.
Xar bir ampula 2 ml in'ektsiya uchun suv saqlaydi.
Ta'rifi
Silindr shaklidagi sariq yoki sarg‘ish-yashil kukun massasi, tiniq shisha flakonda.

Farmakoterapevtik guruhi

nosteroid yallig‘lanishga qarshi vosita.
ATX Kodi M01ASO2.

Farmakologik xususiyatlari

Nosteroid yallig‘lanishga qarshi vosita (NYaQV). Oksikamlar guruhiga mansub.
Tenoksikam yaqqol va davomli og‘riqni qoldiruvchi, yallig‘lanishga qarshi, shuningdek isitmani tushiruvchi ta'sir ko‘rsatadi.
Ta'sir mexanizmi siklooksigenaza fermentini ingibitsiya qilishi bilan bog‘lik (TSOG-1 va SOG-2 faolligini susaytiradi), bu araxidon kislotasining metabolizmini buzilishiga va yallig‘lanish o‘chog‘ida, shuningdek organizmning boshqa to‘qimalarida prostaglandinlar sintezini buzilishiga olib keladi. Bundan tashqari, tenoksikam yallig‘lanish o‘chog‘ida leykotsitlarni yig‘ilishini kamaytiradi.
Revmatik kasalliklarda bo‘g‘imlarda tinch holat va harakatdagi og‘riqlarni susaytiradi, ertalabki tanglik va shishni kamaytiradi.
Tenoksikamning o‘ziga xos farq qiluvchi xususiyati uning katta ta'sir davomiyligidir.
Preparat me'da-ichak yo‘llarida tez va to‘liq so‘riladi. Biokiraolishligi – 100%. Smax ga 2 soat o‘tgach erishiladi. Plazma oqsillari bilan 99% ga bog‘lanadi.
Jigarda gidroksillanadi. Gistogematik to‘siqlardan oson o‘tadi.
Yarim chiqarilish davri - T½ 60-75 soat. Asosiy qismi siydik bilan faol bo‘lmagan metabolitlari ko‘rinishida, qolgani – safro bilan chiqariladi.

Qo‘llanilishi

Tayanch-harakat apparatining quyidagi yallig‘lanishli va degenerativ kasalliklarini
— osteoartroz, revmatoid artrit, ankilozlovchi spondiloartrit
— og‘riq sindromi tendinit, bursit, radikulit, periartrit, miozit;
— osteoxondroz, umurtqa pog‘onasida og‘riq;
— nevralgiya, mialgiya;
— jarohatlarda og‘riq sindromi;
— o‘tkir podagrik artritda og‘riqni bartaraf etish;
— alvgodisminoreyada simptomatik davolash uchun qo‘llaniladi.
 

Qo‘llash usuli va dozalari

Tenikam mushak ichiga (mi) va vena ichiga (vyi) in'ektsiya qilish uchun eritma tayyorlash uchun mo‘ljallangan.
Podagraning o‘tkir xurujlarida 20 mg dan sutkada 1-2 marta 2-3 kun davomida v/i yoki mm, so‘ngra ichga 20 mg (1 tabletka) dan kuniga 1 marta 5 kun davomida buyuriladi.
Revmatoid artritda yoki biriktiruvchi to‘qimaning yallig‘lanish va degenerativ kasalliklarida preparat 20 mg dan sutkada 1 marta 2 kun davomida v/i yoki mi, so‘ngra ichga 20 mg (1 tabletka) dan kuniga 1 marta bir oy davomida buyuriladi.
Og‘riq sindromida 20-40 mg dan (parenteral yoki ichga) sutkada 1 marta og‘riqlar to‘xtagunicha buyuriladi.
Al'godismenoreyada - 20 mg (1 tabletka) dan kuniga 1 marta hayz ko‘rish sikli boshlangunicha yoki hayz ko‘rish sikli vaqtida buyuriladi.
Tayanch-harakat apparatining o‘tkir kasalliklarini davolash odatda 7 kundan oshmaydi. Kamdan-kam hollarda davolash davomiyligi 14 kungacha uzaytirilishi mumkin.
Nojo‘ya ta'sirlari
Ovqat hazm qilish tizimi tomonidan tez-tez — me'da-ichak yo‘llarini eroziv-yarali shikastlanishlari (shu jumladan me'da shilliq qavatida prostaglandinlar sintezini buzilishi bilan bog‘liq bo‘lgan ul'tserogen ta'siri), diareya, qorinda og‘riqlar, ko‘ngil aynishi, qusish, meteorizm, gastrit, ezofagit, eroziyalar, yaralardan qon ketishi, shuningdek rektal va gemorroidal qon ketishlari.
Markaziy nerv tizimi tomonidan bosh og‘rig‘i, bosh aylanishi, tremor, qo‘zg‘alish, uyqusizlik yoki uyquchanlik yuz berishi mumkin.
Ko‘rish a'zosi tomonidan ko‘zlarni ta'sirlanishi va shishi kuzatilishi mumkin
Allergik reaktsiyalar eshakemi, qichishish, krapivnitsa. Layell sindromi. Stivens-Djonson sindromi bo‘lishi mumkin.
Dermatologik reakuiyalar alopetsiya, fotosensibilizatsiya, tirnoqlarni o‘zgarishi kuzatilishi mumkin.

Qo‘llash mumkin bo‘lmagan holatlar

— me'da-ichak yo‘llarining eroziv-yarali shikastlanishlari (shu jumladan anamnezdagi);
— me'da-ichakdan qon ketishlari (shu jumladan anamnezdagi);
— og‘ir kechuvchi gastrit;
— bronxial astma, burunning va burun oldi bo‘shliqlarining qaytalanuvchi polipozi va atsetilsalitsil kislotasini yoki boshqa nosteroid yallig‘lanishga qarshi vositalarini o‘zlashtiraolmaslikni to‘liq yoki to‘liq bo‘lmagan qo‘shilishi (shu jumladan anamnezdagi);
— gemofiliya;
— gipokoagulyatsiya;
— buyrak yetishmovchiligi;
— jigar yetishmovchiligi;
— buyrakning avj olib boruvchi kasalliklari, jigarning faol kasalligi;
— aorta-koronar shuntlash o‘tkazilganidan keyingi holat;
— tasdiqlangan giperkal'tsiyemiya;
— eshitishni pasayishi, vestibulyar apparatining patologiyasi;
— homiladorlik, laktatsiya davri;
— tenoksikamga va boshqa nosteroid yallig‘lanishga qarshi vositalariga yuqori sezuvchanlikda qo‘llash mumkin emas.
Dorilarning o‘zaro ta'siri
Antatsidlar tenoksikamning so‘rilish tezligini pasaytiradi, lekin uning so‘rilish darajasiga ta'sir qilmaydi.
Simetidin, pastmolekulyar geparin, parenteral penitsillinlar va oltin preparatlari bilan bir vaqtda qo‘llanganida klinik ahamiyatli o‘zaro ta'siri aniqlanmagan.
Tenoksikam zardob al'bumini bilan yaxshi bog‘lanadi va boshqa NYaQV kabi, varfarin va boshqa antikoagulyantlarning samarasini kuchaytirishi mumkin. Tenoksikam bilan davolash antikoagulyantlar va peroral gipoglikemik preparatlar bilan birga o‘tkazilganida, ayniqsa boshlang‘ich davrida, patsiyentlarni sinchiklab kuzatish tavsiya qilinadi.
Digoksin bilan o‘zaro ta'siri aniqlanmagan.
Tenoksikam boshqa NYaQV kabi, antigipertenziv preparatlarning samaradorligini pasaytiradi. Yurak glikozidlari bilan birga qo‘llanganida NYaQV yurak yetishmovchiligini yomonlashtirishi, buyrak kalavasi fil'tratsiyasi tezligini pasaytirishi, plazmada yurak glikozidlarining darajasini oshirishi mumkin.
Preparatni quyidagilar bilan birga ehtiyotkorlik bilan kabul qilish kerak
- siklosporin bilan (nefrotoksiklik xavfi oshadi);
- futorxinolonlar bilan (tirishishlarni rivojlanish xavfi oshadi);
- litiy preparatlari bilan (litiy bilan intoksikatsiya xavfi oshadi), biroq agar tenoksikamni bunday majmuani qo‘llash lozim bo‘lsa, unda organizmda litiy kontsentratsiyasini nazorati tez-tezligini oshirish va patsiyentni organizmga yetarli miqdorda suyuqlik kiritilishi kerakligi va intoksikatsiya simptomlari haqida ogohlantirish kerak;
- diuretiklar bilan (diuretiklarning samarasi pasayadi. NYaQV nefrotoksiklik xavfi oshadi);
- metotreksat bilan (intoksikatsiya xavfi oshadi, chunki NYaQV metotreksatning eliminatsiyasini pasaytiradi);
- kortikosteroidlar bilan (me'da-ichakdan qon ketishlari xavfi oshadi).
Nojo‘ya reaktsiyalari (ayniqsa me'da-ichak yo‘llari tomonidan) xavfini oshishi tufayli, bir vaqtda ikki va ko‘proq NYaQV qo‘llashdan saqlanish kerak.
Tenikamni salitsilatlar bilan qo‘llash, ularni oqsillar bilan bog‘lanishda tenoksikamning o‘rnini bosish qobiliyatiga ega ekanliklari va shu bilan tenoksikamning klirensi va taqsimlanish hajmini oshirishlari, shuningdek nojo‘ya reaktsiyalarining xavfini yuqoriligi tufayli (ayniqsa me'da-ichak yo‘llari tomonidan) maqsadga muvofiq emas.
Mifepriston qabul qilgandan keyin 8-12 kun davomida NYaQV ni ishlatmaslik kerak, chunki ular mifepristonning samaradorligini pasaytirishi mumkin.
Ehtiyotkorlik choralari
Tenikamni qo‘llaganda ovqat hazm qilish tizimining holatini sinchiklab kuzatish kerak. Ul'tserogenezning yoki me'da-ichakdan qon ketishining birinchi belgilari aniqlanganida, preparatni darhol bekor qilish kerak.
Buyrak faoliyatini buzilishlari bo‘lgan patsiyentlarda (shu jumladan diabetik nefropatida) va jigar faoliyatini buzilishlari, nefrotik sindromi, dimlangan yurak yetishmovchiligi bo‘lgan patsiyentlarda, diuretiklar yoki potentsial nefrotoksik preparatlarni qabul qilayotgan patsiyentlarda, shuningdek bevosita jarrohlik aralashuvlaridan keyin ehtiyotkorlik bilan qo‘llash kerak.
Buyrak yetishmovchiligida kreatinin klirensi minutiga 25 ml dan ortiq patsiyentlarda dozalash tartibiga tuzatish kiritmasdan sinchkov shifokor nazorati kerak. Kreatinin klirensi minutiga 25 ml dan kamroq patsiyentlarda, bunday patsiyentlarda tenoksikamni ishlatish bo‘yicha yetarli ma'lumot yo‘qligi tufayli, ehtiyotkorlik bilan qo‘llash kerak.
Jigar faoliyatini buzilishlari bo‘lgan patsiyentlarda tenoksikam ehtiyotkorlik bilan qo‘llanadi.
Tenikam organizmda kaliy, natriy, litiy ionlarini, shuningdek suvni tutib qolish xususiyatiga ega, bu shish chaqiradi. Shu boisdan arterial gipertenziyasi yoki yurak yetishmovchiligi bo‘lgan shaxslarda, tenoksikam ko‘rsatilgan kasalliklarni kechishini yomonlashtirishi mumkin.
Tenoksikamii buyurganda nazorat qilib bo‘lmaydigan gipertenziyasi, yurak yetishmovchiligi, yurak ishemik kasalligi, periferik arteriyalarning kasalliklari va yoki serebrovaskulyar kasalliklari bo‘lgan patsiyentlarni, shuningdek arterial gipertenziya, giperlipidemiya, qandli diabet, chekish kabi kardiovaskulyar kasalliklarning xavf omillari bo‘lgan patsiyentlarning holatini uzoq muddatli davolashni boshlashdan oldin nazorat qilish lozim.
Tenikam trombotsitlar agregatsiyasini pasaytiradi va qon ketishi vaqtini oshiradi, buni o‘tkazilmoqchi bo‘lgan operativ aralashuvlarda ko‘zda tutish kerak.
Tenikamni ayniqsa keksa yoshli shaxslarda ehtiyotkorlik bilan qo‘llash kerak. Chunki yo‘ldosh davolash yoki buyrak, jigar yoki yurak-qon tomir tizimining faoliyatini buzilishlari fonida, yoshroq patsiyentlar bilan solishtirganda, nojo‘ya samaralarini paydo bo‘lish ehtimoli oshadi.
Tenoksikamni salitsilatlar bilan majmuada qo‘llash tavsiya qilinmaydi.
Pediatriyada preparatni, tenoksikamni bolalarda qo‘llash to‘g‘risida yetarli ma'lumotlar yo‘qligi tufapyli, ehtiyotkorlik bilan buyurish kerak.
Avtotransportni haydash va mexanizmlarni boshqarish qobiliyatiga ta'siri
Tenoksikam avtotransportni haydash va boshqa potentsial xavfli faoliyat turlarini bajarish qobiliyatiga ta'sir qilmaydi.
Homiladorlik va laktatsiya
Preparatni homiladorlik davrida qo‘llash mumkin emas, chunki homiladorlik muddatini uzayishi, tug‘ruqni kechikishi va tug‘ruq faoliyati kuchsiz (miometriyning ritmik qisqaruvchanlik faolligini rag‘batlantiruvchi prostaglandinlarning sintezini pasayishi natijasida) bo‘lishi mumkin.
Preparatni laktatsiya davrida qo‘llash zarurati bo‘lganida emizishni to‘xtatish kerak.

Dozani oshirib yuborilishi

Preparatning dozasini oshirib yuborilishi bo‘yicha klinik tajriba yo‘kq.
Zarurat tug‘ilgan hollarda preparpatni qabul qilishni to‘xtatish, samarani bir maromda ushlab turuvchi va simptomatik davolashni o‘tkazish kerak.

Chiqarilish shakli

In'ektsiya uchun eritma tayyorlash uchun liofilizatsiya qilingan kukun 20 mg dan flakonlarda; 1 flakon va 1 ampula – 2 ml erituvchi — in'ektsiya uchun suv, tibbiyotda qo‘llash bo‘yicha yo‘riqnomasi bilan birga karton qutida.
Saqlash sharoitlari
15-25°C haroratda, yorug‘likdan himoyalangan joyda saqlansin.
Bolalar olaolmaydigan joyda saqlansin!

Yaroqlilik muddati

3 yil.
Preparatni yaroqlilik muddati o‘tganidan so‘ng ishlatish mumkin emas.

Dorixonalardan berish tartibi

Shifokor retsepti bo‘yicha

Ishlab chiqaruvchi

GM Pharmaceuticals Ltd.
Gruziya, Tbilisi sh., Ponichala 65
Tel. +995 32 2404801/02; Faks +995 32 2404803
Balk mahsulotni ishlab chiqaruvchi
ANFARM NELLAS S.A. (Gretsiya)