Natriy gidrokarbonat infuziya uchun eritma 40mg/ml 100ml

Preparatning savdo nomi

Natriy gidrokarbonat
Ta'sir etuvchi modda (XPN) Natriy gidrokarbonati

Dori shakli

Infuziya uchun eritma

Tarkibi

1 ml eritma saqlaydi
faol modda 40 mg natriy gidrokarbonati;
yordamchi moddalar dinatriy edetati,in'ektsiya uchun suv.
Ta'rifi rangsiz tiniq eritma.
Ion tarkibi (mmol/l) natriy-ion – 477, gidrokarbonat-ion – 477.

Farmakoterapevtik guruhi

qon o‘rnini bosuvchi va vena ichiga qo‘llash uchun eritmalar. Elektrolitlar eritmasi
ATX kodi V05XA02

Farmakologik xususiyatlari

Farmakodinamika

Qonni ishqoriy holatini tiklovchi va metabolik jarayonlarni moslovchi vositadir. Natriy bikarbonatining dissotsiatsiyalanishida bikarbonat anioni ajralib chiqadi, u vodorod ionini bog‘lab, karbon kislotasini hosil qiladi, keyinchalik bu birikma suv va nafas bilan chiqariladigan karbonat angidrid gaziga parchalanadi. Natijada qondagi rN ishqoriy tomonga siljib, qonning buferli sig‘imi oshadi.
Preparat shuningdek organizmdan natriy va xlor ionlarini chiqishini kuchaytiradi, osmotik diurezni kuchaytiradi, siydikni ishqoriylashtiradi, siydik chiqarish yo‘llarida siydik kislotasini cho‘kma hosil qilishini oldini oladi. Bikarbonat anion hujayralar ichiga o‘tmaydi.

Farmakokinetikasi

O‘rganilmagan.

Qo‘llanilishi

Turli etiologiyali intoksikatsiyalarda yuzaga keladigan kompensatsiyalanmagan metabolik atsidoz, operatsiyadan keyingi davrni og‘ir kechishi, yuzasi katta bo‘lgan kuyishlar, shok, diabetik koma, uzoq davomli diareya, tinimsiz qusish, o‘tkir massiv qon ketishi, buyrak va jigarning og‘ir shikastlanishlari, davomli isitma holatlarda, yangi tug‘ilgan chaqaloqlarning og‘ir gipoksiyasi. Mutloq ko‘rsatmalar qon rN ni 7,2 dan pasayishi (me'yori 7,37 -7,42) hisoblanadi.

Qo‘llash usuli va dozalari

Eritmani qonning kislota-ishqor muvozanatini nazorati ostida qo‘llaniladi. Kattalarga vena ichiga yoki rektal yo‘l bilan tomchilab, bolalarga – vena ichiga tomchilab buyuriladi. Atsidozni namoyon bo‘lishi darajasiga qarab preparat suyultirilmasdan yoki 5% glyukoza eritmasi bilan 11 nisbatida suyultirilib qo‘llaniladi.
Kattalarga vena ichiga minutiga 60 tomchi tezligida, sutkada 200 ml gacha yuboriladi. Preparatni qo‘llash soni kislota–ishqor muvozanatining ko‘rsatkichlariga bog‘liq.
Yangi tug‘ilgan chaqaloqlarga vena ichiga 1 kg tana vazniga 4-5 ml dozada, boshqa yoshdagi bolalarga 1 kg tana vazniga nisbatan 5-7 ml dozada yuboriladi.
Preparatning keyingi yuborilishi kislota–ishqor muvozanati ko‘rsatkichlariga ko‘ra aniqlanadi. Kattalar uchun sutkada maksimal dozasi 200 ml gachani tashkil qiladi. Davolash muddati shifokor tomonidan kislota-ishqor muvozanatiga qarab aniqlanadi.
Nomutanosiblik
Natriy gidrokarbonati eritmasidanordon moddalarni (askorbin, nikotin va boshqakislotalar), alkoloidlar (atropin, apomorfin, kofein, teobromin, papaverin va b.), yurak glikozidlari, kaltsiy, magniy tuzlari, og‘ir metallarni (temir, mis, rux) eritish mumkin emas, chunki bunda cho‘kma hosil bo‘lishi yoki organik birikmalarining gidrolizlanishi mumkin. Fosfat saqlovchi eritmalari bilan aralashtirib bo‘lmaydi.
Nojo‘ya ta'sirlari
Ko‘ngil aynishi, qusish, anoreksiya, qorinda og‘riq, bosh og‘rig‘i, bezovtalik. Arterial gipertenziya. Alkaloz, tirishishlar.

Qo‘llash mumkin bo‘lmagan holatlar

Metabolik yoki respirator alkaloz, gipokaliyemiya, gipernatriyemiyada qo‘llash mumkin emas.
Dorilarning o‘zaro ta'siri
Rezerpinning antigipertenziv samarasi kuchayishi mumkin.

Maxsus ko‘rsatmalar

Qonning kislota-ishqor holatini nazorat qilish lozim. Yurak yoki buyrakning yondosh kasalligi bo‘lgan bemorlarda yurak yetishmovchiligi va shishlar rivojlanishi mumkin.
Homiladorlik va laktatsiya davrida qo‘llanishi
Homiladorlik va emizish davrida qo‘llash bo‘yicha ma'lumotlar yo‘q, ammo bunday hollarda preparatni ehtiyotkorlik bilan, hayotiy ko‘rsatmalarga muvofiq, kislota-ishqor muvozanatini nazorati ostida yuborish zarur.
Bolalar.
Preparatni pediatriya amaliyotida qo‘llash mumkin.
Avtomobilni va murakkab mexanizmlarni boshqarish qobiliyatiga ta'siri
Ma'lumotlar yo‘q.

Dozani oshirib yuborilishi

Doza oshirilib yuborilganida giperalkaloz, tetanik tirishishlar kuzatilishi mumkin. Giperalkaloz rivojlanganida preparatni yuborish to‘xtatiladi, tirishish (tetaniya) xavfida kattalarga vena ichiga 1-3 g kaltsiy glyukonati yuboriladi.

Chiqarilish shakli

100 ml yoki 200 ml dan shisha butilkalarda.

Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Saqlash sharoiti

2 yil.

Yaroqlilik muddati

o‘tgach qo‘llanilmasin.

Dorixonalardan berish tartibi

Retsept bo‘yicha.