Ringer infuziya uchun eritma 200ml Radiks

Preparatning savdo nomi

Rastvor Ringera
Ta'sir etuvchi moddalari (XPN) Natriy xloridi, kaliy xloridi, kaltsiy xloridi geksagidrati yoki kaltsiy xloridi digidrati.

Dori shakli

Infuziya uchun eritma.

Tarkibi

1 l eritma saqlaydi
faol moddalar natriy xloridi 8,6 g, kaltsiy xloridi geksagidrati 0,49 g yoki kaltsiy xloridi digidrati – 0,33 g, kaliy xloridi 0,3 g .
yordamchi modda in'ektsiya uchun suv.

Farmakoterapevtik guruhi

Tuzli eritmalar.

Farmakologik xususiyatlari

Ringer eritmasi yo‘qotilgan ekstratsellyular suyuqlikning va asosiy elektrolitlar (natriy, kaliy, kaltsiy) va xloridlarning o‘rnini to‘ldiradi.
Regidratatsiyalovchi va dezintoksikatsiyalovchi ta'sir ko‘rsatadi.

Farmakokinetikasi

Aylanayotgan qon hajmini to‘ldiruvchi vosita sifatida qo‘llanganida, qon tomir xavzasidan tashqaridagi bo‘shliqqa tez chiqishi sababli, samarasi faqat 30-40 minut davomida saqlanadi (shuning uchun eritma aylanayotgan qon hajmini faqat qisqa muddatli to‘ldirish uchun yaroqlidir).

Qo‘llanilishi

Eritrotsitlar o‘rnini to‘ldirishning zarurati bo‘lmagan hollarda plazma o‘rnini bosuvchi vosita sifatida shok, kollaps, kuyish, davomli qayt qilish va diareyada qo‘llanadi. Preparat turli genezli degidratatsiyada, giponatriyemiyada, gipovolemik shokda (yordamchi davolash sifatida), suyuqlikni yo‘qotilishi bilan bog‘lik bo‘lgan metabolik atsidozda qo‘llanadi.

Qo‘llash usuli va dozalari

Eritma faqat vena ichiga (v/i) yuborish uchun mo‘ljallangan.
Doza patsiyentning yoshiga, tana vazniga, klinik holatiga va laborator ko‘rsatkichlariga qarab, shifokor tomonidan buyuriladi. V/i tomchilab sutkada 500 ml dan 1000 ml gacha yuboriladi, yuborishning o‘rtacha tezligi tana vazniga – 3,0 ml/kg yoki minutiga 70 tomchini yoki soatiga 250 ml ni tashkil qiladi.
Eritmani buyurish, har bir patsiyent uchun suyuqlikni tutib turuvchi yoki ehtiyojini o‘rnini bosuvchi hajmini nazarda tutilgani hisobiga asoslangan bo‘lishi kerak.
Umumiy sutkalik doza tana vaznining 2-6% ni tashkil qiladi.
Parenteral preparatlarni ishlatishdan avval zarrachalar borligini tekshirish va rangini o‘zgarishishini vizual tekshirish lozim.
Nojo‘ya ta'sirlari
Suyuqlikning katta hajmi yuborilganda atsidoz rivojlanishi mumkin.
Noadekvat yuqori dozada suv-elektrolit balansi buzilishi, shu jumladan gipovolemiya, gipernatriyemiya, giperkaliyemiya, giperkaltsiyemiya, giperxloremiya bo‘lishi mumkin.

Qo‘llash mumkin bo‘lmagan holatlar

-preparatning komponentlariga o‘ta yuqori sezuvchanlik;
-dekompensatsiyalangan yurak yetishmovchiligi;
-giperkaliyemiya;
-oliguriya va anuriya;
-o‘tkir buyrak yetishmovchiligi;
-o‘pka shishi;
-miya shishi;
-giperkoagulyatsiya;
-gipergidratatsiya;
-tromboflebit;
-metabolik alkaloz;
-giperkaltsiyemiya
Dorilarning o‘zaro ta'siri
Quyidagi dori vositalari bilan bir vaqtda qo‘llanganida organizmda natriyni tutilishi oshishi mumkin nosteroid yallig‘lanishga qarshi preparatlar, androgenlar, anabolik gormonlar, estrogenlar, kortikotropin, mineralokortikoidlar, vazodilatatorlar yoki ganglioblokatorlar.
Kaliyni tejovchi diuretiklar, AAF ingibitorlari va kaliy preparatlari bilan qabul qilinganida giperkaliyemiyani rivojlanish xavfi kuchayadi.
Yurak glikozidlari bilan majmuada qo‘llanganda, ularning zaharli samaralarining ehtimoli oshadi.

Maxsus ko‘rsatmalar

Katta hajmda tez yuborilgan hollarda kislota-ishqor muvozanatini va elektrolitlarning darajasini nazorat qilish kerak. Qon rN ning o‘zgarishi kislotali bo‘lishi K+ ionlarini qayta taqsimlanishiga olib keladi (rN ni pasayishi zardobda K+ ionlarining miqdorini oshishiga olib keladi).
Uzoq muddat qo‘llanganida plazmadagi elektrolitlarning kontsentratsiyasini va sutkalik diurezni nazorat qilish kerak.
Xlor ionlarining darajasini yuqoriligi tufayli, preparatni uzoq muddat qo‘llash tavsiya qilinmaydi.
Preparat bolalar olaolmaydigan joyda saqlansin va o‘ramida ko‘rsatilgan yaroqlilik muddati o‘tganidan keyin ishlatilmasin.

Dozani oshirib yuborilishi

Doza sezilarli oshirib yuborilganida, alkaloz va gipergidratatsiya ko‘rinishlari kuzatilishi mumkin. Bunday hollarda preparatni yuborishni darhol to‘xtatish kerak. Simptomatik davolash o‘tkaziladi.

Chiqarilish shakli

Infuziya uchun eritma, 200 ml, 400 ml, 500 ml, 1000 ml dan flakonlarda.

Saqlash sharoiti

Yorug‘likdan himoyalangan joyda, 250S dan yuqori bo‘lmagan haroratda.
Transportirovka vaqtida muzlatishga ruxsat beriladi.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

IIChK “RADIKS”,
O‘zbekiston Respublikasi, Toshkent sh., 100054, Lutfiy ko‘ch, 50
tel 273-92-31, faks 273-80-58