RELIF ADVANS (RELIEF ADVANCE)
rektal suppozitoriylar


Xalqaro patentlanmagan nomi

Benzokain (Benzocaine).

Umumiy xarakteristikasi
Fizik-kimyoviy xususiyatlari
Tiniq bo‘lmagan, oqdan och-sariq rangligacha bo‘lgan torpedo shaklidagi suppozitoriy.


Tarkibi

Ta'sir etuvchi modda (1 suppozitoriy quyidagilarni saqlaydi) 206 mg benzokain.
Yordamchi moddalar kakao moyi, makkajo‘xori kraxmali, akula jigarining moyi, metilparagidroksibenzoat (E 218), propilparagidroksibenzoat (E 216).


Dori shakli

Rektal suppozitoriylar.


Farmakoterapevtik guruhi

Gemorroyni va anal yoriqlarini mahalliy davolash uchun vositalar. Mahalliy anestetik.

ATS kodi
S05AD03


Farmakologik xususiyatlari

Benzokain mahalliy og‘riqsizlantiruvchita'sir ko‘rsatadi.


Qo‘llanilishi

Gemorroy, anal yoriqlarini kompleks davolashda simptomatik vosita sifatida qo‘llaniladi.


Qo‘llash usuli va dozalari

Preparat gigiyenik muolajalar o‘tkazilganidan so‘ng qo‘llanadi.
Bir suppozitoriydan kuniga 4 martagacha (ertalab, kechasi va ichak har bo‘shaganidan so‘ng) to‘g‘ri ichakka kiritiladi.
Davolash kursining davomiyligi kasallikning o‘ziga xosligi, dori vositasining o‘zlashtirilishi va erishilgan samarani hisobga olgan holda shifokor tomonidan belgilanadi.

Nojo‘ya ta'sirlari
Quyidagi nojo‘ya reaktsiyalar yuz berishi mumkin kontakt dermatit, terining allergik reaktsiyalari (giperemiya, teri toshmasi, qichishish), dori vositasini qo‘llash joyida mahalliy reaktsiyalar.
Dori vositasi qo‘llanganda metgemoglobinemiya (teri, lablar va tirnoq plastinkalarini sianozi, bosh og‘rig‘i, bosh aylanishi, nafas olishni buzilishi, umumiy holsizlik, taxikardiya) rivojlanishi mumkin.
Nojo‘ya reaktsiyalar, shu jumladan qo‘llash bo‘yicha yo‘riqnomada ko‘rsatilmagan paydo bo‘lgan hollarda, dori vositasini qo‘llashni to‘xtatish va shifokorga murojaat qilish zarur.


Qo‘llash mumkin bo‘lmagan holatlar

Preparatning komponentlariga, shuningdek amid turidagi boshqa og‘riqsizlantiruvchi vositalarga yuqori sezuvchanlik, tromboemboliya (shu jumladan ilgari o‘tkazilgan) granulotsitopeniyada qo‘llash mumkin emas.


Dozani oshirib yuborilishi

Tavsiya etilgan dozalar ancha oshirib yuborilgan hollarda giperkoagulyatsiyaga moyillik kuzatilishi mumkin. Dozani oshirib yuborilganda benzokainni tizimli so‘rilishi tufayli, quyidagi buzilishlar rivojlanishi mumkin uyquchanlik, havotirlik, qo‘zg‘aluvchanlik, og‘ir holatlarda-tirishishlar. Davolash simptomatik.
Benzokainni saqlovchi dori vositalar qo‘llanganda metgemoglobinemiyani (teri, lablar va tirnoq plastinkalarini sianozi, bosh og‘rig‘i, bosh aylanishi, nafas olishni buzilishi, umumiy holsizlik, taxikardiya) rivojlanishi haqida habarlar olingan, bu letal holatga olib kelishi mumkin va shoshilinch tibbiy yordamni talab etadi. Qo‘rsatilgan simptomlarni paydo bo‘lishi hollarida darhol kasalxonaning qabul bo‘limiga murojaat qilish lozim.

Ehtiyotkorlik choralari
Arterial gipertenziyasi, yurak ritmini buzilishi, gipertireozi, siyishni buzilishlari (masalan, prostata bezini giperplaziyasi) bo‘lgan patsiyentlarga dori vositasini faqat shifokor maslahatidan so‘ng qo‘llash mumkin.
Samaraga erishish uchun yetarli bo‘lgan dori vositasining eng kichik dozasini qo‘llash zarur.
Orqa chiqarish yo‘lidan ko‘p miqdorda qonli ajralmalar kelganida yoki preparatni qo‘llaganda terapevtik samara bo‘lmasa, shifokorga murojaat qilish zarur.
Benzokainni saqlovchi dori vositalari qo‘llanganda metgemoglobinemiyani (teri, lablar va tirnoq plastinkalarini sianozi, bosh og‘rig‘i, bosh aylanishi, nafas olishni buzilishi, umumiy holsizlik, taxikardiya) rivojlanishi haqida habarlar olingan, bu letal holatga olib kelishi mumkin va tez tibbiy yordamni talab etadi. Qo‘rsatilgan simptomlar paydo bo‘lishi hollarda darhol kasalxonaning qabul bo‘limiga murojaat qilish lozim.
Metgemoglobinemiya rivojlanganida asoratlarni havfi kichik yoshdagi bolalarda, keksa yoshli shaxslarda, nasliy buzilishlari bo‘lgan patsiyentlarda (glyukozo-6-fosfodiesteraza fermentini, piruvatkinaza, NADH-metgemoglobin reduktaza (diaforazol), yetishmovchiligi, M-gemoglobinpatiyada), yurak kasalliklari, nafas yo‘llarining kasalliklari (bronxial astma, bronxit, o‘pka emfizemasi) yoki tamaki chekish hollarida yuqori bo‘ladi.
Metil paragidroksibenzoati va propilparagidroksibenzoatini saqlanganligi tufayli, allergik reaktsiyani, shu jumladan sekin avj oluvchi turdagi reaktsiyalarni chaqirishi mumkin.

Boshqa dori vositalari bilan o‘zaro ta'siri
Preparatni MAO ingibitorlari, antidepressantlar va gipotenziv preparatlar bilan bir vaqtda qo‘llash mumkin emas.

Bolalarda qo‘llanishi
Dori vositasi 12 yoshgacha bo‘lgan bolalarda qo‘llash uchun tavsiya etilmaydi.

Homiladorlik va emizish vaqtida qo‘llanilishi
Dori vositasini homiladorlik va emizish davrida qo‘llash uchun tavsiya etilmaydi.

Transport vositalarini yoki boshqa mexanizmlarni boshqarish qobiliyatiga ta'siri
Avtotransportni haydash va xarakatlanuvchi mexanizmlar bilan ishlash qobiliyatiga dori vositasini qo‘llashni ta'siri haqidagi ma'lumotlar yo‘q.


Saqlash sharoiti

25°C dan yuqori bo‘lmagan, bolalar ololmaydigan joyda.


Yaroqlilik muddati

2 yil. O‘ramda ko‘rsatilgan yaroqlilik muddati tugaganidan keyin ishlatilmasin.

O‘rami
6 suppozitoriydan 2 strip ilova-varaqasi bilan birga karton qutiga joylangan.

Berish tartibi
Retseptsiz.