Preparatning savdo nomi

Alleva


Dori shakli

Sirop


Tarkibi

150 ml sirop quyidagilarni saqlaydi
faol moddalar
Jo‘ka gullarining quruq kontsentrati 2,295 g;
Dorivor limono‘tning quruq kontsentrati 2,228 g;
Moychechakning quruq kontsentrati 2,228 g;
Passiflora ekstrakti 1,500 g
Qulmoq ekstrakti 750,0 mg
Apelsin daraxti mevalarining quruq ekstrakti 750,0 mg
Lavanda ekstrakti 750,0 mg
yordamchi moddalar glitserin, maltitol, kaliy sorbati, «Greypfrut» aromatizatori, «Olcha» aromatizatori, sukraloza, tozalangan suv.
Ta'rifi to‘q sariq-jigarrang rangli meva hidli sirop.

Farmakoterapevtik guruhi
Boshqa uyqu va sedativ preparatlar.
ATX kodi N05CM

Farmakologik hususiyatlari

Farmakodinamika

Alleva – majmuaviy fitopreparat bo‘lib, tinchlantiruvchi ta'sirga ega. Ta'sir mexanizmi tarkibiga kiruvchi komponentlari bilan ifodalanadi.
Jo‘ka gullari tinchlantiruvchi, spazmolitik, siydik haydovchi ta'sir ko‘rsatadi.
Tarkibi
da bioflavonoidlar borligi hisobiga yallig‘lanishga qarshi va isitmani tushiruvchi ta'sir ko‘rsatadi. Bezovta harakatlarni kamaytiradi, diqqatni jamlash qobiliyatini oshiradi. Jo‘kaning keng ta'sir doirasi gullarining kimyoviy tarkibi bilan ifodalanadi, uning tarkibiga glikozidlar, oshlovchi moddalar, karotin va askorbin kislotasi (A va S vitaminlari), saponinlar, flavonoidlar, kumarin, shuningdek efir moylari va mikroelementlar kiradi.
Dorivor limono‘t miya faoliyatini yaxshilaydi, bosh og‘rig‘ini bartaraf qiladi, juda yaxshi terlatuvchi va yallig‘lanishga qarshi vosita bo‘lib xizmat qiladi. Bundan tashqari, u nerv tizimini tinchlantiradi va tabiiiy antidepressant hisoblanadi. Ovqat hazm bo‘lishini yaxshilaydi.
Dorivor Moychechak yallig‘lanishga qarshi, qon to‘xtatuvchi, antiseptik, dezinfektsiya qiluvchi, burishtiruvchi, og‘riq qoldiruvchi, sedativ, tirishishga qarshi, terlatuvchi, safro haydovchi hususiyatlarga ega. Moychechakning tarkibiga oqsillar, kamed, shilliq, achchiq ta'mi, efir moylari va boshqa moddalar kiradi. Efir moylarining tarkibiga kiruvchi azulen (xamazulen) yallig‘lanishga qarshi hususiyatlarga ega, moychechakdan ajratib olingan apigenin va apiin – spazmolitik hususiyatga ega.
Passiflora alkaloidlar va flavonoid – viteksin saqlaydi, markaziy nerv tizimiga yengil tinchlantiruvchi ta'sirga ega, uyquni tiklanishiga yordam beradi, bezovtalik va asabiylikni kamaytiradi, silliq mushaklarga spazmolitik ta'sirga ega, yurak ishini yaxshilaydi, sedativ ta'sir ko‘rsatadi.
Qulmoq sedativ, siydik haydovchi, yallig‘lanishga qarshi, me'da-ichak yo‘llarining tonusini oshiruvchi vosita hisoblanadi. Shuningdek ishtahani yaxshilash uchun qo‘llanadi.
Apelsin daraxti mevalari yurak faoliyatini yaxshilaydi.
Lavanda tinchlantiruvchi va uxlatuvchi samaralarga ega, og‘riqni bartaraf qilishga yordam beradi. Lavanda iste'mol qilish ishtahani oshirish, kislotalikni, arterial bosimni normallashtirish imkonini beradi.

Farmakokinetikasi

Alleva preparatining ta'siri uning komponentlarini umumiy hususiyatlari bilan ifodalanadi, shuning uchun kinetik kuzatishlarni o‘tkazish imkoni yo‘q hisoblanadi.


Qo‘llanilishi

Alleva preparati harakat va asab-ruhiy qo‘zg‘aluvchanligini oshishi bilan kechuvchi nevrotik buzilishlari (shu jumladan neyrotsirkulyator distoniya, gipertenzion-gidrotsefal sindromi fonida va boshqalar) bo‘lgan bolalarda tinchlantiruvchi vosita sifatida qo‘llash uchun ko‘rsatilgan.


Qo‘llash usuli va dozalari

Alleva siropi ichga ovqatdan keyin qabul qilinadi. Qabul qilishdan oldin siropni chayqatish kerak. Zarurat bo‘lganida siropni suvda, mevali sharbatda, bolalar ozuqasida suyultirish mumkin.
1 yoshgacha bo‘lgan bolalarga preparat 2,5 ml dan sutkada 1-3 marta buyuriladi.
1 yoshdan 3 yoshgacha bo‘lgan bolalarga – 5 ml dan sutkada 1-2 marta buyuriladi.
3 yoshdan 6 yoshgacha bo‘lgan bolalarga – 5 ml dan sutkada 2-3 marta buyuriladi.
6 yoshdan katta bolalarga – 5 ml dan sutkada 3-4 marta buyuriladi.
Siropni dozalash uchun qutisida mavjud bo‘lgan o‘lchov stakani ishlatiladi.
Davolash kursi va davomiyligi shifokor tomonidan belgilanadi.

Nojo‘ya ta'sirlari
Preparat bemorlar tomonidan yaxshi o‘zlashtiriladi. Tavsiya etilgan dozalardan ortiq dozalarda ishlatilganida ko‘ngil aynishi, allergik reaktsiyalar bo‘lishi mumkin.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.


Qo‘llash mumkin bo‘lmagan holatlar

Preparatni individual o‘zlashtirolmaslik yoki preparatning komponentlariga yuqori sezuvchanlikda qo‘llash mumkin emas.

Dorilarning o‘zaro ta'siri
Barbituratlar, trankvilizatorlar kabi, markaziy nerv tizimining faoliyatini susaytiruvchi preparatlar bilan bir vaqtda qo‘llanganida preparatning sedativ va uxlatuvchi samaralari kuchayadi.


Maxsus ko‘rsatmalar

Preparatning tarkibida o‘simliklardan olinadigan komponentlar borligi tufayli, cho‘kma hosil bo‘lishi mumkin, flakon chayqatilganida u darrov yo‘qoladi.
Homiladorlik va laktatsiya davrida qo‘llanishi
Homiladorlik va laktatsiya davrida preparatni qo‘llash yuzasidan tadqiqotlar o‘tkazilmagan.
Avtotransportni haydash va mexanizmlarni boshqarish qobiliyatiga ta'siri
Preparat bolalarda qo‘llash uchun mo‘ljallangan. Avtotransportni haydash va mexanizmlarni boshqarish qobiliyatiga ta'siri o‘rganilmagan.


Dozani oshirib yuborilishi

Alleva preparatining dozasini oshirib yuborilish holatlari xaqida xabar berilmagan. Dozasi oshirib yuborilganida me'dani yuvish va simptomatik davolash o‘tkazish tavsiya etiladi.


Chiqarilish shakli

Ichga qabul qilish uchun sirop 150 ml dan sariq rangli shisha flakonlarda, buraladigan himoya qopqog‘i yopilgan, va himoya xalqasi bilan ta'minlangan.
1 flakon tibbiyotda qo‘llanilishiga doir yo‘riqnomasi va o‘lchov stakani bilan birga karton qutiga joylangan.


Saqlash sharoiti

Yorug‘likdan himoyalangan joyda, 25oS dan yuqori bo‘lmagan haroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retseptsiz.