Preparatning savdo nomi
Palora®
Ta'sir etuvchi modda (XPN) Passifloraning quruq ekstrakti

Dori shakli
Qobiq bilan qoplangan tabletkalar

Tarkibi

faol modda passifloraning quruq ekstrakti 100 mg.
yordamchi moddalar povidon, krospovidon, natriy kroskarmelloza, aerosil 200, mikrokristallik sellyuloza RN 102, magniy stearati.
qobiq Sepifilm LP 007 (metilgidroksipropiltsellyuloza, mikrokristall sellyuloza, stearin kislotasi); bo‘yovchi modda («Yaltiroq qizil» kandurin - alyumosilikat kaliy, qizil temir oksidi).
Ta'rifi Ochdan to‘q qizil rangligacha bo‘lgan, dumaloq shaklli, ikki yoqlama qavariq, qobiq bilan qoplangan tabletkalar.

Farmakoterapevtik guruhi
Sedativ vositalar.
ATX kodi N05CM


Farmakologik xususiyatlari

Passiflora incarnata o‘simligidan olinadigan passiflora ekstrakti sedativ vositadir. Passiflora ekstrakti garman, garmol, garmalin (gallyutsinogen), garmin, garmalol va aribin kabi alkaloidlar guruhini, viteksin va oriyentin kabi ayrim flavonoidlar, shuningdek spazmolitik faollikka ega bo‘lgan apigenin saqlaydi. Bu moddalar markaziy nerv tizimi (MNT) ga majmuaviy ta'sir ko‘rsatadi va sedativ, uxlatuvchi, og‘riq qoldiruvchi, anksiolitik va spazmolitik xususiyatlarga ega. Tabiiy passiflora ekstrakti qaramlikni va nojo‘ya holatlarni chaqirmasligi tufayli, u trankvilizatorlar va barbituratlarga nisbatan xavfsizroqdir. Abstinentsiya davrida markaziy nerv tizimiga sedativ ta'sir ko‘rsatadi. Preparat alkogolga bo‘lgan ehtiyojni pasaytiradi, nevrotik buzilishlarni yo‘qotadi, kayfiyatni, uyquni yaxshilaydi, ish qobiliyatini oshiradi, bosh aylanishi va quloqlarda shang‘illashni kamaytiradi.

Farmakokinetikasi
Farmakokinetikasi o‘rganilmagan.


Qo‘llanilishi

Preparat quyidagi holatlar
- bosh miya tomirlarining aterosklerozidagi nerv zo‘riqishini va vegetativ buzilishlarini pasaytirish uchun, gipertoniya kasalligida, serebral tomirlari krizlardan keyingi holatda, jarohatdan keyingi entsefalopatiyada, kontuziyadan keyingi sindromda, grippdan keyingi entsefalitlar va araxnoiditlarda, infektsiyalardan keyingi asteniyada;
- uyqusizlikda (engil shaklida);
- surunkali alkogolizmda (majmuaviy davoda);
- me'da-ichak yo‘llarining va yurak-tomir tizimining nerv zo‘riqishi bilan bog‘liq funktsional kasalliklarida;
- menstrual, klimakterik va klimaksdan oldingi davrlardagi ta'sirchanlikda qo‘llaniladi.



Qo‘llash usuli va dozalari

Kun davomida sedativ ta'sirga erishish uchun Kattalar uchun tavsiya qilinadigan doza – 100 mg dan kuniga 3 marta ovqatdan oldin buyuriladi.
Uyquni buzilishlarida Kattalar uchun tavsiya qilinadigan doza - 200-300 mg dan uyqudan bir soat oldin buyuriladi. Davolash kursi 3-4 haftani tashkil etadi.

Nojo‘ya ta'sirlari
Preparat odatda tegishli terapevtik dozalarda buyurilganida nojo‘ya ko‘rinishlari aniqlanmagan, ammo juda kam hollarda tirishishlar, markaziy nerv tizimini susayishi, gipotenziya, gipotermiya, falajlik rivojlanishi mumkin.


Qo‘llash mumkin bo‘lmagan holatlar

Preparatning komponentlariga shaxsiy yuqori sezuvchanlik, 12 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Preparatni markaziy nerv tizimini susaytiruvchi moddalar (alkogol, barbituratlar, trankvilizatorlar) bilan birga qo‘llanganda sedativ va uxlatuvchi ta'sirlari kuchayishi mumkin.


Maxsus ko‘rsatmalar

Me'da-ichak yo‘llarining og‘ir organik kasalliklarida ehtiyotkorlik bilan buyuriladi.
Pediatriya amaliyotida preparatni qo‘llash bo‘yicha ma'lumotlar yo‘q. Bu dori shaklini 12 yoshgacha bo‘lgan bolalarga ko‘llash tavsiya qilinmaydi.
Homiladorlik va laktatsiya davrida preparatni, ona uchun kutilayotgan foyda homila yoki bola uchun bo‘lgan potentsial xavfdan ustun bo‘lgan hollardagina ko‘llash mumkin.
Bemorlarni transport vositalarini boshqarish, mexanik qurilmalarga xizmat ko‘rsatish va boshqa potentsial xavfli faoliyat turlari bilan shug‘ullanish bilan bog‘liq xavf to‘g‘risida xabardor qilish lozim.
Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.


Dozani oshirib yuborilishi

Aniqlanmagan.


Chiqarilish shakli

«Palora®», qobiq bilan qoplangan tabletkalar 100 mg dan, №10, №20, №30, №40 va №50.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.


Ishlab chiqaruvchi

"NOBEL PHARMSANOAT" CHEK
Dori vositasining sifati bo‘yicha iste'molchilarning fikr-mulohazalari, e'tirozlari va dori preparatining nojo‘ya ta'sirlari yoki samarasini yo‘qligi haqidagi xabarlarni quyidagi manzilga yuborish mumkin
O‘zbekiston Respublikasi, Toshkent sh, Mirzo Ulug‘bek tumani, Qorasuvbo‘yi ko‘chasi, 5"A"
Tel (99871) 265 90 99; Faks (99871) 265 91 99; E-mail pv@nobel.uz, www.nobel.uz