Koledan ichga qabul qilish uchun tomchilar 15000XB/ml 10ml №1

Preparatning savdo nomi

Koledan
Ta'sir etuvchi modda (XPN) Xolekaltsiferol

Dori shakli

Ichga qabul qilish uchun tomchilar.

Tarkibi

1 ml preparat quyidagilarni saqlaydi
faol modda xolekaltsiferol (D3 vitamini) – 0,375 mg (15000 ME ga ekvivalent).
yordamchi moddalar saxaroza, benzil spirti, limon kislotasi monogidrati, suvsiz dinatriy fosfati, polioksil 35, kanakunjut moyi, “Tutti-Frutti” aromatizatori, tozalangan suv.
Ta'rifi rangsiz yoki biroz sarg‘ish rangli bir jinsli tiniq eritma.

Farmakoterapevtik guruhi

Ovqat hazm qilish tizimiga va metabolizmga ta'sir etuvchi vositalar. D vitamini va uning analoglari.
ATX kodi A11CC05
Farmakologik hususiyatlari

Farmakodinamika

Koledan preparatining ta'sir etuvchi moddasi, xolekaltsiyefrol (D3 vitamini), faol antiraxit faktor hisoblanadi. D3 vitaminining eng muhim funktsiyasi kaltsiy va fosfatlar metabolizmini boshqarish hisoblanadi, bu holat skeletni mineralizatsiyasi va o‘sishiga yordam beradi.
D3 vitamini, odam terisida quyosh nurlari ta'siri ostida hosil bo‘ladigan, shuningdek organizmga ovqat bilan tushadigan D vitaminining tabiiy shakli hisoblanadi 
(D2 vitaminiga nisbatan 25% ga yanada faol hisoblanadi).
D3 vitaminining biologik faol shakli ingichka ichakdan kaltsiy ionlari va fosfatlarni so‘rilishini, suyak to‘qimasidan kaltsiyni rezorbtsiyasi va ajralib chiqishini, shuningdek buyraklarda kaltsiy va fosfatlarni naychalar orqali reabsorbtsiyasini rag‘batlantiradi. Xolekaltsiferolning faol metaboliti ta'sirida va ingichka ichakdan kaltsiy ionlari absorbtsiyasini kuchayishi ta'siri ostida qalqonsimon bez oldi bezlari tomonidan paratireoid gormoni sekretsiyasini susayishi kuzatiladi.

Farmakokinetikasi

So‘rilishi
Preparat safro ta'sirida me'da-ichak yo‘llaridan yaxshi so‘riladi, shuning uchun asosiy ovqatga qo‘shib qabul qilish D vitaminini yanada to‘liq so‘rilishiga yordam beradi.
Taqsimlanishi
D vitamini yo‘ldosh to‘sig‘i orqali o‘tadi va ko‘krak suti bilan ajralib chiqadi.
Metabolizmi
Xolekaltsiferol jigarda 25-gidroksixolekaltsiferol (kaltsidol) hosil bo‘lgunigacha gidroksillanadi va keyinchalik buyraklarda 1,25-digidroksixolekaltsiferol (kaltsitriol) – faol metaboliti hosil bo‘lgunigacha gidroksillanadi.
Chiqarilishi
Qonda aylanib yuruvchi metabolitlari spetsifik α-globin bilan bog‘lanadi. D vitamini va uning metabolitlari asosan safro va axlat bilan chiqariladi.
Patsiyentlarning ayrim guruhlaridagi farmakokinetikasi
Buyrak yetishmovchiligi bo‘lgan patsiyentlarda D vitaminining metabolik klirensi sog‘lom ko‘ngillilardagiga nisbatan 57% ga past bo‘ladi.
Malabsorbtsiyasi bo‘lgan patsiyentlarda D vitamini so‘rilishini pasayishi va yanada jadalroq eliminatsiyasi kuzatiladi.
Tana vazni ortiqcha bo‘lgan patsiyentlarda quyosh nurlari ta'siri ostida D vitaminini sintezlanish hususiyati kam, shuning uchun tanqislikni to‘ldirish uchun ularga 
D vitaminining yanada yuqoriroq dozalarini peroral buyurish talab etilishi mumkin.
Farmakokinetika va farmakodinamika o‘rtasidagi bog‘liqlik
D3 vitaminining suvli eritmasi moyli eritmasiga nisbatan ichakda yaxshiroq so‘riladi, va jigarda ko‘proq to‘planadi.
Bolalarda suvli eritma qo‘llanganidan so‘ng, moyli eritmaga nisbatan, D vitaminini yanada tezroq so‘rilishi va qon zardobida kaltsiyni yanada yuqoriroq kontsentratsiyalariga erishishi kuzatiladi.

Qo‘llanilishi

• bolalarda raxitni va kattalarda osteomalyatsiyani oldini olish;
• chala tug‘ilgan chaqaloqlarda raxitni oldini olish;
• yuqori havf guruhiga mansub kattalar va bolalarda D3 vitamini tanqisligini oldini olish;
• malbsorbtsiya bo‘lgan kattalar va bolalarda D3 vitamini tanqisligini oldini olish;
• bolalarda raxit va kattalarda osteomalyatsiyani davolash;
• kattalarda osteoporozni qo‘llab-quvvatlovchi davolash;
• kattalarda gipoparatireozni davolash uchun qo‘llanadi.

Qo‘llash usuli va dozalari

Dozalash tartibi
Dozalash tartibi davolovchi shifokor tomonidan individual ravishda kasallikning xarakteri va og‘irligiga qarab belgilanadi.
Preparat 1000 XB (2 tomchi) dan ortiq dozada har kuni qabul qilish bilan uzoq muddat davolanganda qon zardobidagi kaltsiyning darajasini nazorat qilish kerak.

Qo‘llanilishi

D3 vitaminining dozasi, sutkada XB
Preparatning sutkadagi tomchilar miqdori
Bolalarda raxitni va kattalarda osteomalyatsiyani oldini olish
500
1
Chala tug‘ilgan chaqaloqlarda raxitni oldini olish
1000
2
Yuqori havf guruhiga mansub kattalar va bolalarda D3 vitamini tanqisligini oldini olish
500
1
Malbsorbtsiya bo‘lgan kattalar va bolalarda D3 vitamini tanqisligini oldini olish
3000-5000
6-10
Raxitni davolash
- yangi tug‘ilgan chaqaloqlar, bir yoshgacha bo‘lgan bolalar va kichik yoshdagi bolalar (0 dan 5 yoshgacha)
- 5 yoshdan oshgan bolalar va 18 yoshgacha bo‘lgan o‘smirlar
1000-2000
2000-5000
2-4
4-10
Kattalarda osteomalyatsiyani davolash
1000-5000
2-10
Osteoporozni qo‘llab-quvvatlovchi davolash
1000
2
Kattalarda gipoparatireozni davolash
10000-200000
20-40
Sutkalik doza korrektsiya qilingan postkontseptual yosh 40 haftalikkacha erishilgunigacha qo‘llanadi keyinchalik profilaktik dozasi kamaytiriladi. Dozalash tartibi davolovchi shifokor tomonidan individual ravishda belgilanadi.
Preparatning tavsiya etilgan sutkalik dozasi qon zardobidagi kaltsiyning darajasiga bog‘liq. Davolashni boshlanishida zardobdagi kaltsiyning darajasini har 4-6 haftada va keyinchalik har 3-6 oyda nazorat qilish kerak. Zarurat bo‘lganida kaltsiyning zardobdagi darajasiga qarab dozaga tuzatish kiritish kerak.
Bolalar
Preparat hayotining 2-haftasidan boshlab qo‘llanadi.
Davolashning davomiyligi
Raxitni oldini olish
Yangi tug‘ilgan chaqaloqlarga va bir yoshgacha bo‘lgan bolalarga preparat hayotining 2-chi haftasidan boshlab 1 yoshgacha buyuriladi. Preparatni bola hayotining ikkinchi yilida, ayniqsa yilning qishki oylarida qabul qilishni davom ettirish tavsiya etiladi.
Raxitni va osteomalyatsiyani davolash
Davolashning davomiyligi 6 haftani tashkil etadi keyinchalik profilaktik dozalari buyuriladi. Preparatning terapevtik dozalarini, dozani oshirib yuborilish havfi borligi tufayli, 1 yil davomida qo‘llash tavsiya etilmaydi.
Boshqa ko‘rsatmalar bo‘yicha qo‘llanilishi
Davolashning davomiyligi kasallikning kechishiga bog‘liq.
Qo‘llash usuli
Preparat ichga qabul qilish uchun mo‘ljallangan.
Preparatning dozasini aniq o‘lchash uchun tomchilarni hisoblashda flakonni 45° burchak ostida ushlash kerak.
Yangi tug‘ilgan chaqaloqlar, bir yoshgacha bo‘lgan bolalar va kichik yoshdagi (0 dan 2 yoshgacha) bolalar
Qabul qilishdan oldin preparatning kerakli miqdorini bir choy qoshiq sut yoki suv bilan suyultirish tavsiya etiladi. Tomchilar bolalar oziqasi solingan butilkaga yoki ovqat solingan qoshiqqa qo‘shilganida ovqat butunlay iste'mol qilinganiga ishonch hosil qilish kerak, aks holda preparatning barcha dozasi qabul qilinganiga kafolat berish mumkin emas. Tomchilarni sovutitgan ovqatga iste'mol qilishdan oldin qo‘shish kerak.
2 yoshdan oshgan bolalar, 18 yoshgacha bo‘lgan o‘smirlar va kattalar
Preparat bir osh qoshiq suyuqlik bilan qabul qilinadi.
Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Preparat tavsiya etilgan dozalarda qo‘llanganida noxush reaktsiyalarni rivojlanish havfi deyarli kuzatilmaydi. Kam hollarda D3 vitaminiga yuqori sezuvchanlik yoki juda katta dozalarda uzoq muddat qo‘llanganida, D vitamini gipervitaminozi deb nomlangan, dozani oshirib yuborilishi rivojlanishi mumkin.
Noxush reaktsiyalar va gipervitaminozning simptomlari quyidagilardan iborat
Moddalar almashinuvi va oziqlantirish tomonidan uchrash tezligi noma'lum - giperxolesterinemiya, polidipsiya, ishtahani pasayishi.
Ruhiyatni buzilishlari uchrash tezligi noma'lum- libidoni pasayishi, depressiya, psixotik buzilishlar.
Nerv tizimi tomonidan uchrash tezligi noma'lum – bosh og‘rig‘i, uyquchanlik.
Ko‘rish a'zolari tomonidan uchrash tezligi noma'lum- kon'yunktivit, yorug‘likdan qo‘rqish.
Yurak tomonidan uchrash tezligi noma'lum – yurak aritmiyalari.
Qon-tomirlari tomonidan uchrash tezligi noma'lum – arterial gipertenziya.
Nafas tizimi, ko‘krak qafasi va ko‘ks oralig‘i a'zolari tomonidan uchrash tezligi noma'lum – rinoreya.
Me'da-ichak yo‘llari tomonidan kam hollarda – qabziyat, meteorizm, ko‘ngil aynishi, qorinda og‘riq yoki diareya; uchrash tezligi noma'lum – kserostomiya, qusish, pankreatit.
Teri va teri osti to‘qimalari tomonidan kam hollarda – kuchli terlash, terini qichishishi, toshmasi, eshakemi.
Skelet-mushak va biriktiruvchi to‘qima tomonidan uchrash tezligi noma'lum – mialgiya, artralgiya, mushaklarni zaifligi.
Buyrak va siydik chiqarish yo‘llari tomonidan uchrash tezligi noma'lum – uremiya, poliuriya, nefrolitiaz.
Umumiy buzilishlar va yuborilgan joydagi buzilishlar uchrash tezligi noma'lum – gipertermiya, to‘qimalarni kaltsifikatsiyalanishi.
Laborator va instrumental tekshiruvlarning natijalariga ta'siri tez-tez emas – qon va siydikda kaltsiyning darajasini oshishi; uchrash tezligi noma'lum – tana vaznini pasayishi, aminotransferazalarning faolligi oshishi.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.

Qo‘llash mumkin bo‘lmagan holatlar

• preparatning faol moddasiga yoki yordamchi moddalaridan birortasiga yuqori sezuvchanlik;
• giperkaltsiyemiya va/yoki giperkaltsiuriya;
• nefrolitiaz va/yoki nefrokaltsinoz;
• og‘ir buyrak yetishmovchiligi;
• D vitamini gipervitaminozi;
• psevdogipoparatireozda qo‘llash mumkin emas (D vitaminiga sezuvchanlik normal bo‘lgan davrlarda, preparatning dozasini uzoq muddat oshirib yuborilish havfi borligi tufayli, D vitaminining dozasini pasaytirish zarurati tug‘ilishi mumkin. Bunday holatda ta'sir profili yanada nazorat qilinadigan D vitamini hosilalari qo‘llanadi).
Dorilarning o‘zaro ta'siri
Tirishishga qarshi preparatlar (fenition kabi) yoki barbituratlar (va ehtimol, jigar fermentlarini induktsiya qiluvchi boshqa dori vositalar) ni bir vaqtda qo‘llash, u metabolik jihatdan faolsizlanganligi tufayli, D3 vitaminining samaradorligi pasayishi mumkin.
Siydik bilan kaltsiyni ekskretsiyasini kamaytiradigan tiazid diuretiklar bilan birga qo‘llanganida, qon zardobidagi kaltsiyning kontsentratsiyasini nazorat qilish tavsiya etiladi.
Glyukokortikoidlarni bir vaqtda qo‘llash D vitaminining samaradorligini pasaytirishi mumkin. Angishvonagul glikozidlarini saqlovchi preparatlar yoki boshqa yurak glikozidlari bilan davolanish vaqtida, Koledan preparatini qo‘llash yurak glikozidlarining toksiklik havfini (aritmiyalarni rivojlanishi havfini) oshirishi mumkin. Zarurat bo‘lganida qon zardobidagi kaltsiyning darajasini va EKGni muntazam monitoringi bilan sinchkov tibbiy kuzatuv o‘tkazish kerak.
Kolestiramin, kolestipol gidroxloridi, orlistat kabi ion almashinuvchi qatronlar, yoki parafin moyi kabi surgi vositalari bilan yondosh davolash, me'da-ichak yo‘llaridan 
D vitaminini so‘rilishini kamaytirishi mumkin.
Rifampitsin va izoniazidni bir vaqtda qo‘llash D vitaminining samaradorligini pasaytirishi mumkin.
Preparat giperkaltsiyemiyada buyuriladigan, kaltsitonin, etidronat va pamidronat kabi dori vositalarining ta'sirini pasaytirishi mumkin.
D vitamini va tarkibida magniy saqlovchi antatsid vositalarni birga qo‘llash gipermagniyemiyani chaqirishi mumkin.
Preparatni tarkibida alyuminiy saqlovchi antatsid vositalar bilan bir vaqtda qo‘llash qon zardobida alyumiyning darajasini oshirib, alyuminiyni suyaklarga nisbatan toksik ta'sir qilish havfini oshirishi mumkin.
D vitaminining analoglari bilan birga qo‘llash dozani oshirib yuborilish havfini oshiradi.

Maxsus ko‘rsatmalar

Buyrak yetishmovchiligi bo‘lgan patsiyentlarga preparatni ehtiyotkorlik bilan qo‘llash va qondagi kaltsiy va fosfatlarning darajasini nazorat qilish kerak. Yumshoq to‘qimalarni kaltsifikatsiyalanish havfini inobatga olish kerak.
Yurak-qon tomir kasalliklari bo‘lgan patsiyentlarga yurak glikozidlari qo‘llanganida ehtiyotkorlikka rioya qilish kerak.
Sarkoidoz bilan xastalangan patsiyentlarga, D vitaminini uning faol shakliga metabolizm tezligi kuchayishi mumkinligi tufayli, preparatni ehtiyotkorlik bilan buyurish kerak. Bunday patsiyentlarda kaltsiyning kon zardobi va siydikdagi darajasini nazorat qilish kerak.
Preparatning umumiy sutkalik dozasini aniqlashda tarkibida D vitamini saqlovchi boshqa dori vositalarni qabul qilishni, D vitaminiga boy ozuqa mahsulotlarni (jumladan sut) iste'mol qilishni, patsiyentni quyosh ostida bo‘lishini inobatga olish kerak.
D vitaminini qabul qilish va buyraklarda konkrementlarni hosil bo‘lishi o‘rtasida bevosita sabab-oqibat bog‘liqligi yuzasidan dalillar yo‘q, biroq bunday havfni paydo bo‘lishi ayniqsa kaltsiy qo‘shimcha qabul qilingan holatlarda mumkin. Kaltsiyni qo‘shimcha buyurish zarurati shifokor tomonidan individual ravishda belgilanadi. Kaltsiyni yondosh qo‘llanishi sinchkov tibbiy kuzatuv ostida o‘tkazilishi kerak.
Preparatning 1000 XB dan ortiq sutkalik dozasi uzoq muddat qo‘llanganida, ayniqsa yurak glikozidlari yoki diuretiklar bilan yondosh davolanayotgan keksa yoshdagi patsiyentlarda, va konkrementlarni hosil bo‘lish havfi yuqori bo‘lgan patsiyentlarda, qon zardobidagi kaltsiy va kreatininning darajasini (buyrak funktsiyasini monitoringini) nazorat qilish kerak. Giperkaltsiuriyada (siydikda kaltsiyning darajasi sutkada 300 mg (7,5 mmol) dan ortiq qiymatni tashkil etadi) yoki buyrak yetishmovchiligining belgilari paydo bo‘lganida preparatning dozasini pasaytirish yoki davolashni to‘xtatish kerak.
D vitaminining katta dozalari (500000 XB yilda 1 marta) keksa yoshdagi patsiyentlarda qo‘llanganida, ayniqsa qo‘llanganidan so‘ng dastlabki 3 oyda, suyaklarni sinishlari havfi oshganligi xaqida xabar berilgan.
Yordamchi moddalar
Saxaroza
Preparat tarkibida saxaroza saqlaydi. Fruktozani kam uchraydigan nasliy o‘zlashtira olmaydigan muammolari, glyukoza-galaktoza malabsorbtsiyasi yoki saxaraza-izomaltaza tanqisligi bo‘lgan patsiyentlar preparatni qabul qilishlari mumkin emas.
Benzil spirti
Preparat tarkibida, anafilaktik reaktsiyalarni chaqirishi mumkin bo‘lgan benzil spirtini saqlaydi.
Homiladorlikda va laktatsiya davrida qo‘llanishi
Homiladorlik
Homilador ayollarda xolekaltsiferolni qo‘llash yuzasidan ma'lumotlar yo‘q yoki cheklangan. Hayvonlarda o‘tkazilgan tadqiqotlarda reproduktiv toksiklik kuzatilgan.
Homiladorlar uchun sutkalik doza 500 XB ni tashkil etadi, biroq D vitaminini tanqisligiga taxmin qilingan ayollarga yanada yuqoriroq sutkalik dozani (2000 XB gacha) qo‘llash talab etilishi mumkin.
Ayollar homiladorlik vaqtida shifokorning tavsiyalariga rioya qilishlari kerak, dozasi esa kasallikning og‘irlik darajasi va davolashga nisbatan javob reaktsiyasiga qarab o‘zgarishi mumkin.
Homiladorlikda preparatning dozasini oshirib yuborilishidan saqlanish kerak, chunki giperkaltsiyemiya jismoniy va aqliy rivojlanishini orqada qolishiga, homilada aortal stenoz va retinopatiyani o‘ziga xos shaklda shakllanishiga olib kelishi mumkin.
Laktatsiya
Preparat zarurat bo‘lganida emizish davrida qo‘llanishi mumkin.
D3 vitaminini laktatsiya davrida qabul qilish emadigan bola uchun preparatni qabul qilish o‘rnini bosmaydi.
D3 vitamini va uning metabolitlari ko‘krak suti bilan chiqariladi. Emadigan bolalarda, preparatni ona tomonidan qabul qilish bilan bog‘liq bo‘lgan dozani oshirib yuborilish holatlari, ta'riflanmagan. Shunday bo‘lsa-da, preparat emadigan bolalarga buyurilganida shifokor ona tomonidan qabul qilinayotgan D3 vitaminining dozasini e'tiborga olish kerak.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni haydash va mexanizmlarni boshqarish qobiliyatiga ta'sir qilmaydi.

Dozani oshirib yuborilishi

Simptomlari
Ergokaltsiferol (D2 vitamini) va xolekaltsiferol (D3 vitamini) nisbatan past terapevtik indeksga ega. D vitaminini intoksikatsiya bo‘sag‘asi qalqonsimon bez oldi bezlarining funktsiyasi normal bo‘lgan kattalarda sutkada 40000-100000 XB dan 1-2 oy davomida qabul qilishni tashkil etadi. Yangi tug‘ilgan chaqaloqlarda va kichik yoshdagi bolalarda ancha past kontsentratsiyalarga sezuvchanlik kuzatilishi mumkin. Shunday qilib, preparatni tibbiy kuzatuvsiz qo‘llash mumkin emas.

Dozani oshirib yuborilishi

qon zardobida va siydikda fosforning darajasini oshishiga, shuningdek giperkaltsiyemiya sindromini keyinchalik to‘qimalarda, ayniqsa buyraklarda (nefrolitiaz, nefrokaltsinoz) va qon-tomirlarda kaltsiyni cho‘kishiga olib keladi.
Kaltsiyning qon zardobidagi darajalari 10,6 mg/dl (2,65 mmol/l) dan ortiq bo‘lganida yoki siydikdagi darajalari kattalarda sutkada 300 mg dan ortiq yoki bolalarda sutkada 
4-6 mg/kg dan ortiq bo‘lganida preparatni bekor qilish kerak.
Dozani surunkali oshirib yuborilishi giperkaltsiyemiya oqibatida qon-tomirlar va a'zolarni kaltsifikatsiyasiga olib kelishi mumkin.
Intoksikatsiya simptomlari nospetsifik va ko‘ngil aynishi, qusish, boshlang‘ich bosqichida – diareya, kechki bosqichida – qabziyat, ishtahani pasayishi, toliqish, bosh og‘rig‘i, mialgiya, artralgiya, mushaklarni zaifligi, doimiy zo‘rayib boruvchi uyquchanlik, azotemiya, polidipsiya, poliuriya va terminal bosqichida degidratatsiyadan iborat. Xarakterli biokimyoviy o‘zgarishlari giperkaltsiyemiya, giperkaltsiuriya, shuningdek qon zardobida 25-gidroksixolekaltsiferolning kontsentratsiyasini oshishidan iborat.
Davolash
Preparatning dozasini surunkali oshirib yuborilish simptomlari bo‘lganida jadallashtirilgan diurez o‘tkazish, shuningdek glyukokortikosteroidlar yoki kaltsitoninni buyurish talab etilishi mumkin.

Dozani oshirib yuborilishi

ko‘pincha doimiy zo‘rayib boruvchi xarakterga ega bo‘lgan, va ma'lum vaziyatlarda hayot uchun havf tug‘dirishi mumkin bo‘lgan giperkaltsiyemiyani korrektsiya qilish uchun choralar ko‘rishni talab etadi.
Eng avvalo D vitaminini qabul qilishni to‘xtatish kerak. Preparatning dozasi oshirib yuborilishi oqibatida yuzaga kelgan giperkaltsiyemiyani bartaraf qilish uchun bir qancha hafta talab etiladi. Giperkaltsiyemiyaning darajasiga qarab davolash choralari kaltsiyning miqdori kam yoki kaltsiysiz parhez tutish, katta miqdorda suyuqlik qabul qilish, furosemid yordamida jadallashtirilgan diurez o‘tkazish, shuningdek glyukokortikoidlar va kaltsitoninni buyurishdan iborat bo‘ladi.
Buyrak funktsiyasi normal bo‘lganida kaltsiyning darajasini, natriy xloridining izotonik eritmasiga (24 soat davomida 3-6 l) furosemidni qo‘shish bilan infuziya o‘tkazish, ayrim holatlarda, qon zardobida kaltsiyning darajasini va EKGni doimiy monitoringi orqali natriy edetatini soatiga 15 mg/kg dozada yuborish bilan, pasaytirish mumkin. Oligoanuriyada gemodializ (kaltsiysiz dializat) o‘tkazish kerak.
Spetsifik antidoti mavjud emas.
Preparatning yuqori dozalari uzoq muddat qo‘llanganida kuzatilishi mumkin bo‘lgan dozani oshirib yuborilish simptomlari (ko‘ngil aynishi, qusish, shuningdek dastlab diareya, keyinchalik – qabziyat, anoreksiya, holsizlik, bosh og‘rig‘i, mialgiya, artralgiya, mushaklarni zaifligi, uyquchanlik, azotemiya, polidipsiya va poliuriya) bo‘lgan patsiyentlarga e'tibor berish tavsiya etiladi.

Chiqarilish shakli

Ichga qabul qilish uchun tomchilar 10 ml dan sariq rangli shisha flakonda tiqin-tomchilagich yopilgan va himoya xalqasi bilan ta'minlangan buraladigan himoya qopqoqchasi bilan himoyalangan.
1 flakon tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

Yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin!
Flakon ochilganidan so‘ng preparat 6 oy davomida ishlatilsin.

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz.