Preparatning savdo nomi
Glitsin
Ta'sir etuvchi modda (XPN) glitsin (aminosirka kislotasi)

Dori shakli
til osti tabletkalari

Tarkibi

Bir tabletka quyidagilarni saqlaydi
faol modda glitsin – 100 mg;
yordamchi moddalar suvda eruvchan metiltsellyuloza – 1 mg, magniy stearati – 1 mg.
Ta'rifi oq rangli, marmarlik elementlari bilan, yassi silindrik shaklli, faskali tabletkalar.

Farmakoterapevtik guruhi
metabolik vosita.
ATX kodi N06BX.


Farmakologik xususiyatlari
.
Glitsin moddalar almashinuvining boshqaruvchisi hisoblanadi, markaziy nerv tizimida himoya tormozlanish jarayonlarini normallashtiradi va faollashtiradi, psixoemotsional zo‘riqishni kamaytiradi, aqliy ish qobiliyatini oshiradi. Glitsin glitsin- va GAMK-ergik, alfa1-adrenobloklovchi, antioksidant, antitoksik ta'sirlarga ega; glutamat (NMDA) retseptorlari faoliyatini boshqaradi, shuning hisobiga preparat quyidagi xususiyatlarga ega
• psixoemotsional zo‘riqishni, tajavuzkorlikni, janjalkashlikni kamaytiradi, ijtimoiy moslashuvni oshiradi;
• kayfiyatni yaxshilaydi;
• uyquga ketishni yengillashtiradi va uyquni normallashtiradi;
• aqliy ish qobiliyatini oshiradi;
• vegeto-tomir (shu jumladan, klimakterik davrdagi) buzilishlarni kamaytiradi;
• ishemik insult va bosh miya jarohatida bosh miya buzilishlari yaqqolligini kamaytiradi;
• alkogol va markaziy nerv tizimi faoliyatini susaytiruvchi boshqa dori vositalarining toksik ta'sirini kamaytiradi.

Farmakokinetikasi

Organizmning ko‘pchilik biologik suyuqliklari va to‘qimalariga, shu jumladan bosh miyaga oson kiradi; suv va is gazigacha metabolizmga uchraydi, uni to‘qimalarda to‘planishi kuzatilmaydi.


Qo‘llanilishi

• aqliy ish qobiliyatini pasayishi.
• stress holatlari – psixoemotsional zo‘riqish (imtihonlar davri, janjalli va shunga o‘xshash holatlar).
• bolalar va o‘smirlarda hatti-harakatlarni deviant shakllari.
• yuqori qo‘zg‘alish, emotsional beqarorlik, aqliy ish qobiliyatini va uyquni buzilishi bilan kechuvchi nerv tizimining turli funktsional va organik kasalliklari; nevrozlar, nevrozsimon holatlar va vegeto-tomir distoniya, neyroinfektsiya oqibatlari va bosh miya jarohatlari, perinatal va entsefalopatiyalarning boshqa shakllari (shu jumladan, alkogol genezli).
• ishemik insultda qo‘llanadi.


Qo‘llash usuli va dozalari

Glitsin 100 mg dan (tabletkalarda yoki tabletka maydalangandan keyin kukun ko‘rinishida) til ostiga yoki transbukkal (lab va milk orasiga) qo‘llanadi. Deyarli sog‘lom bolalar, o‘smirlar va kattalarga psixoemotsional zo‘riqishda, xotirani, diqqatni, aqliy ish qobiliyatini pasayishida, aqliy rivojlanishini orqada qolishida, hatti-harakatning deviant shakllarida glitsin 1 tabletkadan kuniga 2-3 marta 14-30 kun davomida qo‘llanadi.
Yuqori qo‘zg‘alish, emotsional labillik va uyquni buzilishi bilan kechuvchi nerv tizimining funktsional va organik shikastlanishlarida uch yoshgacha bo‘lgan bolalarga bir qabulga 0,5 tabletkadan (50 mg) kuniga 2-3 marta 7-14 kun davomida, keyinchalik 50 mg dan kuniga 1 marta 7-10 kun davomida buyuriladi. Sutkalik dozasi – 100-150 mg, kurs dozasi – 2000-2600 mg ni tashkil qiladi. 3 yoshdan oshgan bolalar va kattalarga 1 tabletkadan kuniga 2-3 marta buyuriladi, davolash kursi – 7-14 kunni tashkil etadi. Davolash kursini 30 kungacha oshirish mumkin, zarurati bo‘lganida davolash kursi 30 kundan keyin takrorlanadi.
Uyquni buzilishlarida glitsin uyqudan 20 minut oldin yoki bevosita uyqudan oldin 0,5-1 tabletkadan (yoshga qarab) buyuriladi.
Bosh miyaning ishemik insultida insult rivojlangandan keyin birinchi 3-6 soat davomida 1000 mg transbukkal yoki til ostiga bir choy qoshiq suv bilan, keyinchalik 1-5 sutka davomida sutkada 100 mg dan, so‘ngra keyingi 30 sutka davomida 1-2 tabletkadan sutkada 3 marta buyuriladi.
Narkologiyada glitsin remissiya davrida entsefalopatiya, markaziy va periferik nerv tizimini organik shikastlanishlari ko‘rinishlarida aqliy ish qobiliyatini oshiruvchi va psixoemotsional zo‘riqishni kamaytiruvchi vosita sifatida 1 tabletkadan kuniga 2-3 marta 14-30 kun davomida buyuriladi. Zarurati bo‘lganida davolash kursi bir yilda 4-6 marta takrorlanadi.

Nojo‘ya ta'sirlari
Allergik reaktsiyalar bo‘lishi mumkin.


Qo‘llash mumkin bo‘lmagan holatlar

Preparatning komponentlariga shaxsiy yuqori sezuvchanlikda qo‘llash mumkin emas.

Dorilarning o‘zaro ta'siri
Antipsixotik vositalar (neyroleptiklar), anksiolitiklar, antidepressantlar, uxlatuvchi va tirishishga qarshi vositalarning nojo‘ya samaralari yaqqolligini susaytiradi.


Maxsus ko‘rsatmalar

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Chiqarilish shakli
.
Til osti tabletkalari 100 mg.
50 tabletkadan kontur uyali o‘ramda, tibbiyotda qo‘llash bo‘yicha yo‘riqnomasi bilan karton qutida.


Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda.


Yaroqlilik muddati

3 yil.


Dorixonalardan berish tartibi

Retseptsiz beriladi.


Ishlab chiqaruvchi

«Meditsinskiy nauchno-proizvodstvenniy kompleks «BIOTIKI» MChJ.
Rossiya, 115404, Moskva sh., 6-ya Radialnaya ko‘ch., 24 uy, 14 qur.,
tel. +7(495)327-53-53.