Milgamma mushak ichiga yuborish uchun eritma 2ml №5

Bu preparatni qabul qilishni boshlashdan oldin ushbu yo‘riqnomani diqqat bilan o‘qib chiqing.
• Yo‘riqnomani saqlab qo‘ying, u yana kerak bo‘lishi mumkin.
• Agar Sizda savollar tug‘ilsa, shifokorga murojaat qiling.
• Bu dori shaxsan sizga buyurilgan va uni boshqa shaxslarga berish mumkin emas, chunki u hatto ularda Sizdagiga o‘xshash simptomlar bo‘lsa ham, ularga zarar yetkazishi mumkin.

Preparatning savdo nomi

Milgamma
Ta'sir etuvchi moddalar (XPN) piridoksin +tiamin + sianokobalamin + lidokain

Dori shakli

mushak ichiga yuborish uchun eritma.

Tarkibi

Mushak ichiga yuborish uchun 2 ml eritma quyidagilarni saqlaydi
faol moddalar 100,0 mg tiamin gidroxloridi, 100,0 mg piridoksin gidroxloridi,
1,0 mg sianokobalamin, 20,0 mg lidokain gidroxloridi;
yordamchi moddalar 40,0 mg benzil spirti, 20,0 mg natriy polifosfati, 0,20 mg kaliy geksatsianoferrati, 12,0 mg natriy gidroksidi, in'ektsiya uchun suv 2 ml gacha.
Ta'rifi qizil rangli tiniq eritma.

Farmakoterapevtik guruhi

V guruhi vitaminlari majmuada.
ATX kodi A11DB/N07X

Farmakologik xususiyatlari

V guruhi neyrotrop vitaminlari nervlar va harakat apparatining yallig‘lanish va degenerativ kasalliklariga ijobiy ta'sir ko‘rsatadi. Qon oqimini kuchayishiga yordam beradi va nerv tizimining ishini yaxshilaydi.
Tiamin keyinchalik uglevolarning metabolizmida, shuningdek TPF (tiamin pirofosfat) va ATF (adenozin trifosfat) sintezida ishtiroki bilan Krebs siklida asosiy rol o‘ynaydi.
Piridoksin protein metabolizmida, va qisman, uglevodlar va yog‘lar metabolizmida ishtirok etadi. Ikkala vitaminlarning fiziologik funktsiyasi, bir-birining ta'sirini potentsiyalashi hisobiga nerv, nerv-mushak va yurak-qon tomir tizimiga ijobiy ta'siri bilan ifodalanadi. Keng tarqalgan V6 vitaminining tanqisligi holatlari bu vitaminlar yuborilganidan keyin tez bartaraf qilinadi.
Sianokobalamin miyelin qobig‘ining sintezida ishtirok etadi, gemopoezni rag‘batlantiradi, periferik nerv tizimini shikastlanishi bilan bog‘liq bo‘lgan og‘riq tuyg‘ularini kamaytiradi, folat kislotasini faollashishi orqali nuklein almashinuvini rag‘batlantiradi.
Lidokain – mahalliy og‘riqsizlantiruvchi vosita, mahalliy anasteziyaning barcha turlarini terminal, infiltratsion, o‘tkazuvchi anasteziyani chaqiradi.

Farmakokinetikasi

Mushak ichiga yuborilganidan keyin tiamin in'ektsiya joyidan tez so‘riladi va qonga tushadi (birinchi kuni 50 mg doza yuborilganidan keyin 15 minut o‘tgach 484 ng/ml) va uning leykotsitlarda 15%, eritrotsitlarda 75% va plazmada 10% miqdori bilan organizmda notekis taqsimlanadi. Organizmda vitaminning ahamiyatli zahiralarining yo‘qligi tufayli, u organizmga xar kuni tushishi kerak. Tiamin gematoentsefalik va yo‘ldosh to‘siqlari orqali o‘tadi va ona sutida aniqlanadi. Tiamin siydik bilan alfa-fazada 0,15 soat o‘tgach, beta-fazada – 1 soat o‘tgach va terminal fazada – 2 kun davomida chiqariladi. Asosiy metabolitlari tiaminkarbon kislotasi, piramin va ayrim noma'lum metabolitlaridir. Hamma vitaminlar orasida tiamin organizmda eng kam miqdorlarda saqlanadi. Katta odamning organizmi taxminan 30 mg tiaminni 80% tiamin pirofosfati, 10% tiamin trifosfati ko‘rinishida va qolgan miqdorini tiamin monofosfati ko‘rinishida saqlaydi.
Mushak ichiga yuborilgan in'ektsiyadan keyin piridoksin qon havzasiga tez so‘riladi va CH2OH guruhining 5-nchi holatda fosfat kislotasini qoldig‘ini organik moddalar molekulasiga qo‘shilishidan keyin koenzim rolini o‘ynab, organizmda taqsimlanadi. Vitaminning taxminan 80% qon plazmasi oqsillari bilan bog‘lanadi. Piridoksin butun organizm bo‘ylab taqsimlanadi va yo‘ldosh orqali o‘tadi va ona sutida aniqlanadi, jigarda to‘planadi va 4-piridoksin kislotasigacha oksidlanadi, u so‘rilganidan keyin maksimum 2-5 soat o‘tgach siydik bilan chiqariladi. Odam organizmida 40-150 mg V6 vitamini saqlanadi va uning har kungi chiqarilishi 2,2-2,4% o‘rnini qoplash tezligida taxminan 1,7-3,6 mg ni tashkil qiladi.

Qo‘llanilishi

Kelib chiqishi turlicha bo‘lgan nerv tizimining kasalliklari va sindromlarini nevralgiya, nevrit, yuz nervining parezi, retrobulbar nevrit, ganglionitlar (shu jumladan o‘rab oluvchi temiratki), pleksopatiya, neyropatiya, polineyropatiya (diabetik, alkogolli va boshq.), tungi mushak tirishishlari, ayniqsa keksa yosh guruhlaridagi, umurtqa pog‘onasi osteoxondrozini nevrologik ko‘rinishlari radikulopatiya, lyumboishalgiya, mushak-tonik sindromlarini majmuaviy davolash tarkibida patogenetik va simptomatik vosita sifatida qo‘llanadi.

Qo‘llash usuli va dozalari

In'ektsiya mushak ichiga chuqur qilinadi.
Yaqqol og‘riq sindromi hollarida qonda preparatning yuqori darajasiga tez erishish uchun davolashni 5-10 kun davomida har kuni 2,0 ml dan boshlash maqsadga muvofiq. Keyinchalik og‘riq sindromi kamayganidan keyin va kasallikning yengil shakllarida yoki ichga qabul qilish uchun dori shakli (masalan, Milgamma® kompozitum preparati) bilan davolashga yoki mumkin davolashni ichga qabul qilish uchun dori shakli (masalan, Milgamma® kompozitum preparati) bilan davom ettirish bilan in'ektsiyalar kamaytiriladi (haftada 2-3 marta 2-3 hafta davomida). Shifokor tomonidan davolashni har haftada nazorat qilish tavsiya etiladi. Ichga qabul qilish uchun dori shakli (masalan, Milgamma® kompozitum preparati) bilan davolashga o‘tishni mumkin bo‘lgan eng qisqa muddatda amalga oshirish tavsiya etiladi.
Nojo‘ya ta'sirlari
Noxush nojo‘ya reaktsiyalarning paydo bo‘lishini tez-tezligi JSST tasnifiga muvofiq keltirilgan
Juda tez-tez10 nafar davolanayotganlardan 1 tadan ko‘proq
Tez-tez10 nafar davolanayotganlardan 1 tadan kamroq, lekin 100 nafaridan 1 tadan ko‘proq
Tez-tez emas100 nafar davolanayotganlardan 1 tadan kamroq, lekin 1000 nafaridan 1 tadan ko‘proq
Kam hollarda1000 nafar davolanayotganlardan 1 tadan kamroq, lekin 10000 nafaridan 1 tadan ko‘proq
Juda kam hollarda10000 nafardan 1 tadan kamroq, shu jumladan alohida hollar ham
alohida hollarda – simptomlari noma'lum tez-tezlik bilan namoyon bo‘ladi.
Immun tizimi tomonidan
Kam hollarda allergik reaktsiyalar (teri toshmasi, nafasni qiyinlashishi, anafilaktik
shok, Kvinke shishi).
Nerv tizimi tomonidan
Alohida hollarda bosh aylanishi, ongni chalkashishi;
Yurak-tomir tizimi tomonidan
Juda kam taxikardiya;
Alohida hollarda bradikardiya, aritmiya;
Me'da-ichak yo‘llari tomonidan
Alohida hollarda qusish;
Teri va teri osti kletchatkasi tomonidan
Juda kam hollarda ko‘p terlash,akne, qichishish, eshakemi;
Suyak-mushak va biriktiruvchi to‘qima tomonidan
Alohida hollarda tirishishlar;
Umumiy buzilishlar va yuborish joyidagi buzilishlar
Alohida hollarda preparat yuborilgan joyda ta'sirlanish paydo bo‘lishi mumkin;
Tez yuborilganida va doza oshirib yuborilganida tizimli reaktsiyalar kuzatilishi mumkin. Agar yo‘riqnomada ko‘rsatilgan nojo‘ya samaralaridan birontasi yomonlashsa, yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Qo‘llash mumkin bo‘lmagan holatlar

Homiladorlik va emizish davri («Homiladorlik va emizish davrida qo‘llanishi» bo‘limiga qarang). Bolalar. Dekompensatsiyalangan yurak yetishmovchiligi. Preparatning komponentlariga shaxsiy yuqori sezuvchanlikda qo‘llash mumkin emas.
Dorilarning o‘zaro ta'siri
Sulfitlarni saqlovchi eritmalarda tiamin butunlay parchalanadi. Va oqibatda, tiaminni parchalanishini mahsulotlari boshqa vitaminlarning ta'sirini faolsizlantiradi. Tiamin oksidlovchi-qaytaruvchi birikmalar bilan nomutanosib, shu jumladan yoditlar, karbonatlar, atsetatlar, tanin kaslotasi, ammoniy temir sitrati, fenobarbital, riboflavin, benzilpenitsillin, dekstroza, desulfitlar va boshq., mis tiaminni parchalanishini tezlashtiradi; bundan tashqari tiamin rN qiymati oshganida (3 dan ko‘proq) o‘zining samaradorligini yo‘qotadi. Piridoksinning terapevtik dozalari bir vaqtda qabul qilinganida levodopaning samarasini susaytiradi (levodopaning antiparkinsonik ta'siri yo‘qoladi). Shuningdek sikloserin, penitsillam, izoniazin bilan o‘zaro ta'siri kuzatiladi. Lidokain parenteral qo‘llanganida norepinefrin qo‘shimcha ishlatilganida, yurakka nojo‘ya ta'siri kuchayishi mumkin. Shuningdek sulfonamidlar bilan o‘zaro ta'siri kuzatiladi. Sianokobalamin og‘ir metall tuzlari bilan nomutanosib. Riboflavin shuningdek destruktiv ta'sir ko‘rsatadi, ayniqsa yorug‘lik bir vaqtda ta'sir qilganida; nikotinamid fotolizni tezlashtiradi, antioksidantlar esa ingibirlovchi ta'sir ko‘rsatadilar.

Maxsus ko‘rsatmalar

Tasodifan vena ichiga yuborilganida bemor shifokor nazorati ostida bo‘lishi yoki simptomlarining og‘irligiga qarab, gospitalizatsiya qilinishi kerak.
Homiladorlik va emizish davrida qo‘llanishi
Preparatni homiladorlik va emizish davrida qo‘llash mumkin emas («

Qo‘llash mumkin bo‘lmagan holatlar

» bo‘limiga qarang).
Avtotransportni yoki boshqa mexanizmlarni boshqarishda reaktsiya tezligiga ta'sir qilish qobiliyati
Transport vositalarini haydovchilari va potentsial xavfli mexanizmlar bilan ishlovchi shaxslar tomonidan preparatni qo‘llashga nisbatan ogohlantirishlar bo‘yicha ma'lumot yo‘q.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirib borilishini davolash preparatni bekor qilish va simptomatik davolashdan iborat.

Chiqarilish shakli

Mushak ichiga yuborish uchun eritma.
2 ml dan 1 tur jigarrang yorug‘likdan himoyalovchi gidrolitik shisha ampulalarda, ampulalarga etiketka yopishtiriladi, bo‘yoq bilan oq nuqta qo‘yiladi.
5 ampuladan PVX kontur uyali o‘ramda.
5 ampuladan bo‘luvchilari bo‘lgan karton taglikda.
10 ampuladan bo‘luvchilari bo‘lgan karton taglikda. 1, 2, 5 dan PVX kontur uyali o‘ramlar yoki 1, 5 dan karton tagliklar (taglikda 5 ampuladan) yoki 1 karton taglik (taglikda 10 ampuladan) qo‘llash bo‘yicha yo‘riqnomasi bilan birga karton qutiga joylanadi.

Saqlash sharoiti

Yorug‘likdan himoyalangan joyda, 2-8°С yuqori bo‘lmagan haroratda saqlansin. Muzlatilmasin.

Yaroqlilik muddati

3 yil.

Dorixonalardan berish tartibi

Retsept bo‘yicha.
Qayd qilish guvohnomasining egasi
Vyorvag Farma GmbX i Ko.KG,
Kalver shtrasse, 7, 71034 Byoblingen, Germaniya

Ishlab chiqaruvchi

Solyufarm Farmatsoytishe Ertsoygnisse GmbX,
Industrishtrasse 3, 34212 Melzungen, Germaniya