Preparatning savdo nomi
Efferalgan
Ta'sir etuvchi modda (XPN) paratsetamol

Dori shakli
ichga qabul qilish uchun eritma

Tarkibi

1,0 ml preparat quyidagilarni saqlaydi
faol modda paratsetamol 30 mg;
yordamchi moddalar makrogol-6000, qandli sirop, natriy saxarini Ye954, kaliy sorbati, suvsiz limon kislotasi, karamel-vanilli xushbo‘yi*, tozalangan suv.
*tarkibi gamma-oktalangon, gamma-geksalakton, diatsetil, atsetilmetilkarbinol, izoammil sinnamat, gamma-geptalakton, vanilin, propilenglikol, triatsetin, karamel bo‘yovchisi.
Ta'rifi biroz qovushqoq, karamel-vanil hidli jigarrang rangli eritma.

Farmakoterapevtik guruhi
Boshqa analgetik-antipiretiklar. Anilidlar.
ATX kodi N02BE01.


Farmakologik xususiyatlari


Farmakodinamika
si
Efferalgan tarkibida og‘riqni qoldiruvchi va isitmani tushiruvchi ta'sirga ega bo‘lgan paratsetamol saqlaydi.

Farmakokinetikasi

Peroral qabul qilinganida paratsetamolni so‘rilishi tez va to‘liq yuz beradi. Plazmadagi cho‘qqi kontsentratsiyalarga qabul qilingandan so‘ng 30-60 minut o‘tgach erishiladi.
Paratsetamol barcha to‘qimalarga tez tarqaladi. Qon, so‘lak va plazmadagi kontsentratsiyalari bir xil bo‘ladi. Plazma oqsillari bilan kuchsiz bog‘lanadi. Paratsetamol asosan jigarda metabolizmga uchraydi va siydik bilan chiqariladi. Qabul qilingan dozaning 90% buyraklar orqali 24 soat davomida, asosan glyukuronidli kon'yugatlar (60-80%), shuningdek sulfatli kon'yugatlar (20-30%) shaklida chiqariladi. 5% dan kamroq qismi o‘zgarmagan holda chiqariladi. Yarim chiqarilish shakli - 2 soat.
Paratsetamolning ahamiyatsiz qismi sitoxrom R450 ishtirokida glutation bilan birikma hosil qiluvchi metabolitga aylanadi va siydik bilan chiqariladi. Doza oshirib yuborilganda bu metabolitning miqdori oshadi.
Og‘ir darajadagi buyrak yetishmovchiligida (kreatinin klirensi minutiga 10 ml dan kam) paratsetamol va uning metabolitlarini organizmdan chiqarilishi sekinlashadi.


Qo‘llanilishi

U yengil darajadan o‘rtacha darajagacha bo‘lgan og‘riq va/yoki isitmani ko‘tarilishi bilan kechuvchi holatlarni simptomatik davolash uchun qo‘llanadi.


Qo‘llash usuli va dozalari

Ushbu dori shakli - tana vazni 4 kg dan 32 kg gacha (taxminan 1 oylikdan - 12 yoshgacha) bo‘lgan bolalarni davolash uchun mo‘ljallangan.
Eritmani ichga suyultirilmagan holda yoki oz miqdordagi suyuqlikda (masalan, suv, sut, sharbat) suyultirib qabul qilish mumkin.
Bolalarda, bolaning tana vazniga muvofiq ravishda dozalashga rioya qilish kerak. Yosh va unga muvofiq keluvchi tana vazni taxminan keltiriladi.
Paratsetamolning tavsiya etilgan sutkalik dozasi taxminan kuniga 60 mg/kg ni tashkil etadi. O‘rtacha bir martalik dozasi bolaning tana vazniga bog‘liq va tana vazniga
10-15 mg/kg ni tashkil qiladi, har 6 soatda sutkada 4 marta.
Dozalash qulay va aniq bo‘lishi uchun preparat bilan taqdim etilgan darajalarga bo‘lingan o‘lchov qoshiqchasidan foydalanish kerak. O‘lchov qoshig‘iga bolaning tana vazniga 4, 6, 8, 10, 12, 14, 16 kg muvofiq keluvchi bir martalik dozani anglatuvchi belgilar qo‘yilgan Belgilanmagan bo‘linmalar oraliq tana vazniga 3, 5, 7, 9, 11, 13, 15 kg muvofiq keladi.
O‘lchov qoshiqchasi bolaning tana vazniga muvofiq to‘ldiriladi va bo‘linmalarga qarab suyuqlik miqdori to‘g‘rilanadi.
Tana vazni 4 kg dan 16 kg gacha bo‘lgan bolalar uchun o‘lchov qoshig‘ini bolaning tana vazniga to‘g‘ri keladigan bo‘linma bo‘yicha to‘ldirish, yoki bolaning tana vazniga yaqin bo‘lgan bo‘linmadan foydalanish kerak.
Masalan, bolaning tana vazni 4 kg dan 5 kg gacha bo‘lganda o‘lchov qoshig‘i 4 kg ga mos keladigan bo‘linmagacha to‘ldiriladi. Zarurati bo‘lganida 6 soatdan keyin preparatni qabul qilishni takrorlash mumkin.
Tana vazni 16 kg dan 32 kg gacha bo‘lgan bolalar uchun avval o‘lchov qoshig‘ini ma'lum bo‘linmagacha to‘ldirish, so‘ngra esa o‘lchov qoshig‘ini bolaning kerakli tana vazniga yetishi uchun kerak bo‘lgan bo‘linmagacha qayta to‘ldirish kerak.
Masalan, bolaning tana vazni 18 kg dan 19 kg gacha bo‘lganda avval o‘lchov qoshig‘i 10 kg bo‘linmagacha to‘ldiriladi, so‘ngra esa ikkinchi marta 8 kg bo‘linmagacha to‘ldiriladi. Zarurati bo‘lganda 6 soatdan keyin preparatni qabul qilishni takrorlash mumkin.
Muntazam ravishda qo‘llash og‘riqning jadalligi va haroratning darajasini tebranishlaridan saqlanish imkoniyatini beradi. Bolalarda kunduzgi va tungi qabullar orasida 6 soatlik intervalga muntazam ravishda rioya qilish kerak.
Og‘ir darajadagi buyrak yetishmovchiligida (kreatinin klirensi minutiga 10 ml dan past), preparatni qabul qilishlar orasidagi interval kamida 8 soatni tashkil etishi kerak.
Davolash davomiyligi 3 kun - haroratni tushiruvchi sifatida, 5 kun - og‘riqni qoldiruvchi sifatida.

Nojo‘ya ta'sirlari
-anafilaktik shok, Kvinke shishi, eritema, eshakemi, teri toshmasi.
-Kam hollarda
-trombotsitopeniya, leykopeniya va neytropeniya.
Nojo‘ya reaktsiyalari paydo bo‘lganida ushbu dori vositasi va unga yaqin preparatlarni qabul qilishni zudlik bilan to‘xtatish kerak.

Qo‘llashmumkin bo‘lmagan xolatlar
-paratsetamolga yoki preparatning boshqa komponentlariga yuqori sezuvchanlik;
-jigar, buyraklar faoliyatini og‘ir darajadagi buzilishlari;
-qon kasalliklari;
-glyukoza-6-fosfatdegidrogenaza fermentining tanqisligi;
-1 oylikkacha bo‘lgan bolalar.

Dorilarning o‘zaro ta'siri
Peroral antikoagulyantlar
Paratsetamol peroral antikoagulyantlarning ta'sirini kuchaytiradi va maksimal dozalarda (kuniga 4 g) kamida 4 kun davomida qabul qilinganida qon ketishini rivojlanish xavfi oshadi, shuning uchun protrombin indeksini muntazam ravishda nazorat qilish kerak.
Zarurat bo‘lganida paratsetamolni qo‘llash vaqtida va u bekor qilinganidan so‘ng antikoagulyantlarni dozalash tartibiga tuzatish kiritish kerak.
Laborator testlarining natijalariga ta'siri
Paratsetamolni anomal yuqori kontsentratsiyalarda qabul qilish, glyukozooksidaza-peroksidaza reaktsiyasi orqali qonda glyukozani aniqlash natijalariga ta'sir qilishi mumkin.
Paratsetamolni qo‘llash fosforvolfram kislotasi usuli yordamida qonda mochevinani aniqlash natijalariga ta'sir qilishi mumkin.


Maxsus ko‘rsatmalar


Dozani oshirib yuborilishi
dan saqlanish uchun, preparatni ishlatishdan oldin birga qo‘llanadigan boshqa dorilar tarkibida paratsetamol saqlamasligini tekshirish kerak.
Tavsiya etilgan maksimal dozalar
- tana vazni 37 kg gacha bo‘lgan bolalarda paratsetamolning umumiy dozasi kuniga 80 mg/kg dan oshmasligi kerak;
- tana vazni 38 kg dan 50 kg gacha bo‘lgan bolalarda paratsetamolning umumiy dozasi kuniga 3 g dan oshmasligi kerak;
- kattalarda va tana vazni 50 kg dan ortiq bo‘lgan bolalarda paratsetamolning umumiy dozasi kuniga 4 g dan oshmasligi kerak.
Ehtiyotkorlik choralari
Bolani kuniga 60 mg/kg doza paratsetamol bilan davolashda, boshqa isitmani tushiruvchi vositani qo‘llash, paratsetamolning samarasi bo‘lmagan holdagina oqlangan.
Qandli diabet bilan xastalangan yoki uglevodlarning miqdori cheklangan parxezga rioya qiluvchi patsiyentlarga, qandning sutkalik iste'molini xisoblashda, preparatda tarkibida saqlangan qandning miqdorini xisobga olishlari kerak o‘lchov qoshig‘idagi bo‘linmaga muvofiq xar 4 kg tana vazniga to‘g‘ri keluvchi preparatning dozasida 0,67 g qand bor.
Homiladorlik va laktatsiya davri
Paratsetamol yo‘ldosh to‘sig‘i orqali o‘tadi va ko‘krak suti bilan chiqariladi. Paratsetamol homiladorlikda va laktatsiya davrida qo‘llanganida, ona uchun davolashdan kutilayotgan foyda va homila hamda bola uchun potentsial xavfni sinchiklab baxolash kerak.
Dori vositasini transport vositalari va potentsial xavfli mexanizmlarni boshqarish qobiliyatiga ta'siri
Ta'sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Keksa yoshdagi shaxslarda va ayniqsa kichik yoshdagi bolalarda o‘limga olib kelishi mumkin bo‘lgan zaharlanish havfi mavjud.
Simptomlari ko‘ngil aynishi, qusish, anoreksiya, teri rangini oqarishi, qorinda og‘riq, ular odatda birinchi sutkalarda namoyon bo‘ladi.
Kattalar paratsetamolni 10 g dan ortiq dozada bir marta qabul qilishi va bolalar paratsetamolni 1 kg tana vazniga 150 mg dan ortiq dozada bir marta qabul qilishi gepatotsitlarning, gepatotsellyulyar yetishmovchiligi, metabolik atsidoz, entsefalopatiya va o‘limga olib keladigan, nekrozini chaqirishi mumkin.
Dozasi oshirib yuborilganidan so‘ng 12-48 soatdan keyin jigar transaminazalari, laktatdegidrogenaza va bilirubinning darajasini oshishi, shuningdek protrombinning darajasini pasayishi kuzatilishi mumkin.
Davolash zaharlanish belgilari namoyon bo‘lganida zudlik bilan shifokorga murojaat qilish kerak. Plazmada paratsetamolning darajasini aniqlash uchun qonni tahlil qilish, me'dani yuvish (ichga qabul qilinganida), dori vositasi qo‘llanganidan so‘ng 10 soat davomida N-atsetiltsistein antidotini vena ichiga yuborish yoki peroral qabul qilish, simptomatik davolash o‘tkazish tavsiya etiladi.


Chiqarilish shakli

Ichga qabul qilish uchun 90 ml eritma bolalardan ximoya qiluvchi past zichlikdagi polietilen tizimli qopqoq bilan berkitilgan polietilan tereftalat flakonda.
1 flakon polisterol o‘lchov qoshig‘i va tibbiyotda qo‘llash bo‘yicha yo‘riqnomasi bilan birga karton qutiga joylanadi.


Saqlash sharoiti

25oS dan yuqori bo‘lmagan haroratda saqlansin.


Yaroqlilik muddati

3 yil.
Flakonni birinchi marta ochilgandan keyin qo‘llash vaqti - 3 oy


Dorixonalardan berish tartibi

Retseptsiz.


Ishlab chiqaruvchi

UPSA SAS,
304 avenyu dyu Doktor Jan Bryu, 47000 Ajen, Fransiya.

Ro‘yxatdan o‘tkazish guvohnomasining egasi
UPSA SAS,
3 ryu Jozef Mone, 92500 Ryuey-Malmezon, Fransiya.