Seftriakson in'ektsiya uchun eritma tayyorlash uchun kukun 1000mg №1(Borsh'agovskiy XFZ)

Preparatning savdo nomi

Seftriakson-BXFZ
Ta'sir etuvchi modda (XPN) seftriakson

Dori shakli

in'ektsiya uchun eritma tayyorlash uchun kukun.

Tarkibi

1 flakon 500 mg yoki 1000 mg seftriakson (steril seftriakson natriyli tuzi ko‘rinishida) saqlaydi.
Ta'rifi deyarli oq yoki sarg‘ish rangli kristall kukun, biroz gigroskopik.

Farmakoterapevtik guruhi

Tizimli qo‘llash uchun mikroblarga qarshi vositalar. sefalosporinlar. Seftriakson.
ATX kodi J01DD04.

Farmakologik xususiyatlari

.

Farmakodinamika

si
Seftriakson beta-laktamlar guruhi yarimsintetik antibiotigi, III avlod sefalosporini, bakteritsid ta'sirga ega, uning ta'sir mexanizmi transpeptidaza fermenti faolligini susaytirilishi, mikroorganizmlar xujayra devorining peptidoglikanining biosintezini buzilishi bilan bog‘liq; keng ta'sir doirasiga ega.
Grammusbat aeroblarga nisbatan faol Staphylococcus aureus (shu jumladan penitsillinaza hosil qiluvchi shtammlari), S. epidermidis, Streptococcus pneumoniae, A guruhi beta-gemolitik streptokokklari (S. pyogenes), V guruhi streptokokklari (S. agalactiae), Viridans guruhi, D guruhi noenterokokk streptokokklari; grammanfiy aeroblar E. coli, Haemophilus influenzae, H. parainfluenzae, Klebsiella spp. (shu jumladan K. pneumoniae), Morganella morganii, Neisseria gonorrhoeae (penitsillinaza hosil qiluvchi shtammlarini ham qo‘shib), N. meningitidis, Proteus mirabilis, P. vulgaris, Providencia spp., Pseudomonas aeruginosa, Salmonella spp. (shu jumladan S. thyphi), Serratina spp. (shu jumladan S. marcencens), Shigella spp., Yersinia spp. (shu jumladan Y. enterocolitica), Treponema pallidum; anaeroblar Bacteroides spp. (shu jumladan B. fragilis ning ayrim shtammlari), Clostridium spp. (biroq Sl. difficile ning ko‘pchilik shtammlari rezistentlikka ega), Peptococcus spp., Peptostreptococcus spp., Fusobacterium spp. (F. mortiferum va F. varium dan tashqari). Preparat penitsillinlar, birinchi avlod sefalosporinlari, aminoglikozidlarga chidamli mikroorganizmlarga nisbatan faol.
Preparatning ta'siriga chidamli metitsillinga rezistent stafilokokklar; enterokokklarning ko‘pchilik shtammlari (shu jumladan St. faecalis) va D guruhi streptokokklari; beta-laktamaza hosil qiluvchi Bacteroides spp. (B. fragilis) ning ko‘pchilik shtammlari.

Farmakokinetikasi

Mushak ichiga yuborilganidan keyin seftriaksonning biokiraolishligi 100% ni tashkil qiladi, uning qon plazmasidagi maksimal kontsentratsiyasi esa 2-3 soat o‘tgach kuzatiladi. Vena ichiga yuborilganidan keyin preparat tez to‘qima suyuqligiga o‘tadi, u yerda sezgir mikroorganizmlarga nisbatan bakteritsid kontsentratsiyasi 24 soat davomida tutib turiladi. Plazma oqsillari bilan 85%-95% ga bog‘lanadi, bunda bog‘lanish darajasi kontsentratsiya oshishi bilan kamayadi. Seftriakson organizmning a'zolari va suyuqliklariga (peritoneal, plevral, orqa miya, sinovial), suyak to‘qimasiga yaxshi o‘tadi, yo‘ldosh orqali o‘tadi, ko‘p bo‘lmagan miqdorda (3-4%) ko‘krak suti bilan chiqariladi. Bolalarda meningitda, shu jumladan yangi tug‘ilgan chaqaloqlarda, preparat yallig‘langan miya pardalari orqali o‘tadi, bunda uning orqa miya suyuqligidagi kontsentratsiyasi plazmadagi kontsentratsiyasining 17% ni tashkil qiladi.
Preparat o‘zgarmagan holda 50-60% buyraklar orqali va 40-50% o‘t-safro bilan chiqariladi. Buyrak yetishmovchiligida preparatning farmakokinetikasi deyarli o‘zgarmaydi, faqat yarimchiqarilish davrining biroz oshishi aniqlanadi. Sog‘lom kattalarda yarimchiqarilish davri taxminan 8 soatni tashkil qiladi. 8 kunlikkacha bo‘lgan yangi tug‘ilgan chaqaloqlarda va 75 yoshdan oshgan keksa odamlarda ikki-uch marta oshadi.

Qo‘llanilishi

Preparatga sezgir mikroorganizmlar chaqirgan quyidagi infektsion-yallig‘lanish kasalliklarda qo‘llanadi
• LOR-a'zolarining infektsiyalari;
• nafas yo‘llarining infektsiyalari, ayniqsa pnevmoniya;
• buyraklar va siydik-chiqarish yo‘llarining infektsiyalari;
• jinsiy a'zolarning infektsiyalari, shu jumladan gonoreya;
• sepsis;
• jarohat infektsiyalari, teri va yumshoq to‘qimalarning infektsion kasalliklari;
• meningit;
• suyaklar va bo‘g‘imlarning infektsiyalari;
• peritonit, o‘t-safro chiqarish yo‘llarining, me'da-ichak yo‘llarining infektsiyalari.
Xirurgik operatsiyalardan keyin paydo bo‘lishi mumkin bo‘lgan infektsiyalarni oldini olish.

Qo‘llash usuli va dozalari

Seftriakson-BXFZ mushak ichiga va vena ichiga yuboriladi.
Yuborish oldidan preparatni o‘zlashtirilishiga va lidokainni (mushak ichiga yuborishda), teri ichki sinamasini o‘tkazishga qarshi ko‘rsatmalar bo‘lmagan hollarda uni o‘tkazish kerak.
Eritmani bevosita ularni qo‘llash oldidan tayyorlash kerak.
Mushak ichiga yuborish uchun in'ektsiya joyidagi og‘riqni yo‘qotish maqsadida preparat 1% lidokain eritmasida quyidagi nisbatda eritiladi 0,5 g flakon ichidagisi 2 ml 1% lidokain eritmasida, 1 g - 3-5 ml 1% lidokain eritmasida eritiladi. Dumba mushagiga chuqur qilib yuboriladi. Bitta dumbaga 1 g dan ko‘p bo‘lmaganni yuborish tavsiya qilinadi.
Lidokain saqlovchi eritmani vena ichiga yuborish mumkin emas!
Vena ichiga oqim bilan yuborish uchun preparat steril in'ektsiya uchun suvda quyidagi nisbatda eritiladi 0,5 g flakon ichidagisi 5 ml erituvchida, 1 g flakon ichidagisi 10 ml da eritiladi. Asta-sekin 2-4 minut davomida yuboriladi.
Vena ichiga infuziya uchun eritma tayyorlash uchun 2 g Seftriakson-BXFZ kaltsiy ionlardan holi bo‘lgan 40 ml erituvchilardan birida eritiladi 0,9% natriy xloridining eritmasi, 0,45% natriy xloridi eritmasi + 2,5% glyukoza eritmasi, 5% glyukoza eritmasi, 10% glyukoza eritmasi,glyukoza eritmasidagi 6% dekstran eritmasi, steril in'ektsiya uchun suv.
- 50 mg/kg dozadagi infuziyaning davomiyligi kamida 30 minut.
Kattalar va 12 yoshdan oshgan bolalarga 1-2 g sutkalik dozada buyuriladi (sutkada 1 marta yoki yarim dozada sutkada 2 marta yuboriladi). Og‘ir hollarda sutkalik dozani 4 g gacha oshirish mumkin va bu doza 2 qabulda 12 soatlik interval bilan yuboriladi.
Bolalar.
• Yangi tug‘ilgan chaqaloqlar (14 kunlikkacha bo‘lgan yoshdagi) va chala tug‘ilgan chaqaloqlar (to‘g‘rilangan yoshdan boshlab 41 haftalik) Seftriakson-BXFZ ning sutkalik dozasi 20-50 mg/kg tana vaznigani tashkil qiladi, sutkada 1 marta kamida 60 minut, bilirubinni qon albuminlari bog‘idan surib chiqarilishini oldini olish va bilirubinli entsefaldopotiyaning potentsial xavfini kamaytirish uchun yuboriladi.
• 15 kundan 12 yoshdagacha bo‘lgan yoshdagi bollalar uchun – 20-80 mg/kg sutkada 1 marta.
80 mg/kg dan yuqori dozalaridan, o‘t-safro pretsipitatlirining yuqori rivojlanishi havfi tufayli (meningitdan tashqari) saqlanish lozim.
• Tana vazni 50 kg dan ko‘proq bo‘lgan bolalarga xuddi kattalarniki kabi dozalarda buyuriladi.
Keksa yoshli patsiyentlar uchun dozalari jigar va buyraklarning faoliyati qoniqarli bo‘lgan sharoitdagi kattalar uchun dozalar mos tushadi.
Buyraklar faoliyatini buzilishlari bo‘lgan patsiyentlarga - agarda jigar faoliyati me'yorda qolsa dozani kamaytirishning zarurati yo‘q. Faqat buyraklar faoliyatining yetishmovchiligi hollarida (kreatinin klirensi 10 ml/min kamroq) seftriaksonning sutkalik dozasi 2 g dan oshmasligi kerak.
Jigar faoliyatini buzilishlari bo‘lgan patsiyentlarga – agarda buyraklar faoliyati me'yorida qolsa dozani kamaytirishning hojati yo‘q.
Bir vaqtda og‘ir buyrak va jigar yetishmovchiligida seftriaksonni qon plazmasidagi kontsentratsiyasini muntazam aniqlash lozim.
Gemodializda bo‘lgan patsiyentlarga dializdan keyin preparatni qo‘shimcha yuborishni zarurati yo‘q. Seftriaksonning qon zardobidagi kontsentratsiyasini, dozalarni mumkin bo‘lgan to‘g‘rilash uchun nazorat qilish lozim, chunki bu patsiyentlarda uning chiqarilish tezligi pasayishi mumkin.
Alohida hollarda dozalash
Operatsiyadan keyingi asoratlarni oldini olish uchun bir marta 1-2 g dan (yuqish havfi darajasiga qarab) operatsiyani boshlashdan 30-90 minut oldin yuboriladi.
Asoratlanmagan gonoreyada 0,25 g preparat bir marta vena ichiga/mushak ichiga yuboriladi.
Emizikli bolalar va 15 kunlikdan 12 yoshgacha bo‘lgan bolalardagi bakterial meningitda davolash sutkada 1 marta 100 mg/kg dozadan (ammo 4 g dan ko‘p emas) boshlanadi. Qo‘zg‘atuvchi ajratib olinganidan va uning sezgirli aniqlanganidan keyin dozani muvofiq ravishda kamaytirish mumkin. 2 haftalikkacha bo‘lgan chaqaloqlar uchun doza sutkada 50 mg/kg dan oshmasligi kerak.
Eng yaxshi natijalarga davolashni bunday davomiyligida erishilgan.
Neisseria meninginidis
Haemophilus influenzae
Streptococcus pneumoniae4 kun
6 kun
7kun
Seftriakson-BXFZ bilan davolash davomiyligi patologik jarayonning xarakteri va og‘irlik darajasiga, bakteriologik tekshirishning ma'lumotlariga bog‘liq va u odatda 4-14 sutkani tashkil qiladi, ammo og‘ir infektsion kasallarda yanada uzoqroq davolash talab qilinishi mumkin. Preparatni qo‘llash kasallik belgilari yo‘qolganidan va bakteriologik tahlil natijalari bilan samaralar tasdiqlangandan keyin yana kamida 48-72 soat (har qanday antibiotikoterapiya) davom ettirilishi kerak.
Nojo‘ya ta'sirlari
Vena ichiga seftriakson va kaltsiy preparatlarini olgan chala tug‘ilgan va muddatida tug‘ilgan chaqaloqlarda (28 kunlik) yakka uchraydigan og‘ir, ayrim hollarda esa fatal nojo‘ya reaktsiyalari qayd etilgan. O‘pkalar va buyraklarda seftriakson va kaltsiy pretsipitatlari aniqlangan. Chaqaloqlardagi pretsipitatsiyaning yuqori havf qonning kam xajmi va kattalar bilan solishtirganda seftriaksonning yarimchiqarilish davrini yanada uzoqroqligi bilan bog‘liq.
Quyidagi berilgan nojo‘ya samaralari to‘g‘risidagi ma'lumotlar a'zolar va tizimlar va ularni paydo bo‘lishi tez-tezligi bo‘yicha tasniflangan juda tez-tez (-10%); tez-tez (-1% va 10%); tez-tez emas (-0,1% va 1%); yakka (-0,01% va 0,1%); juda kam (0,01%).
Ovqat hazm qilish yo‘llari
tez-tez emas – suyuq ahlat/diareya, disbioz, dispepsiya, ko‘ngil aynishi, qusish, stomatit, glossit, ta'mni buzilishi, qorin og‘rig‘i, ishtahani pasayishi (odatda o‘rtacha ifodalangan, davolash to‘xtatilgandan keyin o‘tib ketadi);
juda kam – soxtamembranoz enterokolit, pankreatitlar (mumkin, o‘t-safro yo‘llarining obstruktsiyasi tufayli).
Gepatobiliar tizimi
juda tez-tez – bolalarada o‘t pufagida seftriaksonning kaltsiy tuzlarining pretsipitatsiyasi/muvofiq belgilari bo‘lgan bolalarda qaytuvchi xolelitiaz (kattalarda u juda kam, odatda tavsiya qilinganidan yuqori dozalarda qo‘llanganida uchraydi);
tez-tez – qon plazmasida jigar transaminazalari, ishqoriy fosfataza, bilirubinning faolligini oshishi, jigar disfunktsiyasi, sariqlik.
Qon yaratitsh tizimi tomonidan
tez-tez – eozinofiliya, leykopeniya, neytropeniya, limfopeniya, trombotsitopeniya, granulotsitopeniya, anemiya, gemolitik anemiya, protrombin vaqtini uzayishini ham qo‘shib;
juda kam – agranulotsitoz (odatda 10 kun davolangandan va seftriaksonning - 20 g yig‘indi dozasidan keyin, qon ivishini buzilishlari, plazmadagi qonni ivishining omillari (II, VII, IX, X) darajasini pasayishi.
Markaziy nerv tizimi
tez-tez emas – bosh og‘rig‘i, bosh aylanishi, vertigo, tirishish xurujlari bo‘lishi mumkin.
Siydik-jinsiy tizimi
yakka – kreatinin darajasini oshishi, silindrlarni paydo bo‘lishi, glyukozuriya, gematuriya, oliguriya;
juda kam – buyraklarda seftriaksonning konkrementlarini (odatda qaytuvchi) hosil bo‘lishi, ayniqsa preparatning katta sutkalik dozalarini olgan (sutkada - 80 mg/kg) yoki 10 g dan katta kumulyativ dozada qo‘shimcha havf omillari bo‘lgan (suyuqlikni cheklangan iste'mol qilish, degidratatsiya, yotoq tartib) 3 yoshdan katta bolalarda, anuriya, buyrak yetishmovchiligi.
Immun tizimi
tez-tez – allergik teri reaktsiyalari (shu jumladan dermatitlar, eshakemi, makulopapulez toshma yoki ekzantema), qichishish, teri va bo‘g‘imlarni shishi;
yakka – anafilaktik (shu jumladan bronxospazm, anafilaktik shok) yoki anafilaktoid reaktsiyalar; zardob kasalligi, allergik pnevmoniyalar, ko‘pshaklli eritema, toksik epidermal nekroliz (Layell sindromi), Stivens-Djonson sindromi.
Mahalliy reaktsiyalar
tez-tez – yuborish joyida og‘riq, infiltrat;
yakka – vena ichiga yuborilganida flebit yoki tromboflebit, ulardan in'ektsiyani sekin qo‘llab saqlanish mumkin (2-4 minut).
Biologik ta'siri bilan bog‘liq samaralari rezistent mikroorganizmlar chaqirgan superinfektsiya rivojlanishi mumkin (shu jumladan kandidomikoz, jinsiy a'zolarning mikoz).
Boshqalar burundan qon ketishi, etni uvishishi, isitma, yurak urishini xis qilish, aretmiyalar, ko‘p terlash, oqib kelishlar, ko‘rishni buzilishlari, giperazotemiya.
Laboratoriya tahlillarining natijalariga ta'siri Kumbs reaktsiyasini galaktozemiyaga sinamani, siydikdagi glyukoza nofermentativ usullar bilan aniqlanganida soxta musbat natijalar aniqlanishi mumkin.

Qo‘llash mumkin bo‘lmagan holatlar

.
• Anamnezdagi sefalosporinlar qatori antibiotiklariga va boshqa beta-laktam antibiotiklariga, lidokainga (mushak ichiga yuborish) o‘ta yuqori sezuvchanlik.
• 41 haftalikka yetkazilgan chala tug‘ilgan chaqaloqlar (homiladorlik davri + hayotining 1 haftasi).
• Muddatida tug‘ilgan chaqaloqlar (hayotining 28 kunigacha)
-sariqlik bilan yoki gipoalbuminemiya, atsidoz bilan tug‘ilganlarda (bunday holatlarda bilirubinni qon plazmasi oqsillari bilan bog‘lanishi pasayadi) bilirubinli entsefalopotiyaning havfi oshadi;
-kaltsiy preparatlari yoki kaltsiy saqlovchi eritmalarni vena ichiga yuborishni zarurati bo‘lganida o‘pka va buyraklarda kaltsiy pritsipitlarni hosil bo‘lishini xavfi tufayli.
• Hamma patsiyentlar uchun kaltsiy saqlovchi preparatlar va eritmalar bilan (Ringer eritmasi va shunga o‘xshashlar), hatto turli infuzion yo‘llar orqali qo‘llash. Kaltsiy saqlovchi eritmalarni seftrakson oxirgi yuborilganidan keyin 48 soat davomida buyurish mumkin emas.
Dorilarning o‘zaro ta'siri
Seftriaksoning kaltsiyli tuzlarining pretsipitatlarini paydo bo‘lish havfi tufayli, seftriaksonni hech qachon kaltsiy saqlovchi eritmalar (Ringer, Gartman va shunga o‘xshashlar) bilan qo‘llash mumkin emas.
Kaltsiy saqlovchi eritmalarni seftriaksonni oxiri yuborishdan keyin 48 soat davomida buyurish mumkin emas.
Yangi tug‘ilgan chaqaloqlar va chala tug‘ilgan bolalarda seftriakson va kaltsiy saqlovchi preparatlar bir vaqtda yuborilganida o‘pka va buyraklarda o‘lim bilan yakunlangan pretsipitatlarni paydo bo‘lish hollari ta'riflangan.
Aminoglikozidlar Sinergizm oqibatida grammanfiy mikroorganizmlarga nisbatan samaradorligi oshdi, ammo oto – va nefrotoksikligi ham oshadi. Preparatlarning dozasini boshqarish kerak va majmuaviy davolashning zarurati bo‘lganida, ularning turli joylarga alohida yuborish va bir shpritsda yoki infuziya uchun eritmada fizik-kimyoviy nomutanosibligi sababli aralashtirmaslik kerak.
Nosteroid yallig‘lanishga qarshi vositalar, antiagregantlar, K vitamini antiangonistlari (varfarin kabi) qon ketishi ehtimolini oshishi.
Halqali diuretiklar va nefrotoksik preparatlar – nefrotoksiklik xavfi oshadi.
Bakteriostatik antibiotiklar (xloramfenikol, tetratsiklinlar) Seftriaksonning bakteritsid samarasini pasaytiradi.
Gormonal kontratseptivlar Gormonal kontratseptivlarning samaradorligi pasayadi, shuning uchun davolanish vaqtida va u tugagandan keyin 1 oy davomida qo‘shimcha (nogormonal) kontratseptsiya usullarini ishlatish tavsiya qilinadi.
Boshqa beta-laktam antibiotiklar qarama-qarshi allergik reaktsiyalar rivojlanishi mumkin.
Seftriaksonni qabul qilinganidan keyin darhol etanol qo‘llanganidan keyin disulfiramning ta'siriga o‘xshash samaralar kuzatilmagan.
Seftriakson N-metiltiotetrazol guruhini saqlamaydi, u etanolni o‘zlashtiraolmaslikni yoki qon ketishni chaqirishi mumkin, bu ayrim boshqa sefalosporinlarga xos.
Probenitsid seftriaksonning naychalar sekretsiyasiga (boshqa sefalosporinlardan farqli ravshda) ta'sir qilmaydi.
Boshqa antibiotiklarga o‘xshab seftriakson tifga qarshi vaktsinalarning terapevtik samarasi pasaytirishi mumkin, ammo bunday samara faqat kuchsizlangan Tu 21 shtammlariga tegishli.
Seftriakson BXFZ eritmasini boshqa mikroblarga qarshi preparatlar bilan farmatsevtik nomutanosibligi sababli aralashtirish yoki bir vaqtda yuborish mumkin emas.
Amzakrin, vankomitsin, va aminoglikozidlar bilan seftriakson nomutanosib va uni aralashtirish mumkin emas.
Nomutanosiblik.
Boshqa mikroblarga qarshi vositalari bilan farmatsevtik nomutanosib. Preparatning eritmasini bir idishda boshqa antibiotiklar bilan, kaltsiy saqlovchi eritmalar (Gartman va Ringer eritmalari) bilan aralashtirishga yo‘l qo‘yilmaydi. Etanol, amsakrin, vankomitsin, flukonazol, labetalol bilan nomutanosib.
Alohida xavfsizlik choralari
Seftriakson bilan har bir yangi davolash kursini boshlashdan avval patsiyentdansefalosporinlarga, penitsillinlarga, boshqa beta-laktam antibiotiklariga, dori vositalariga oldingi reaktsiyalar to‘g‘risida so‘rash lozim. Anamnezida allergiyaning har qanday shakli bo‘lgan, ayniqsa IgE- orqali, penitsillinlarga yoki boshqa beta-laktam antibiotiklariga o‘ta yuqori sezuvchanlikning har qanday turi bo‘lgan patsiyentlarga ehtiyotkorlik bilan buyuriladi. Boshqa sefalosporinlar qo‘llangandagi kabi anafilaktik shok ehtimolini, hatto agarda to‘liq anamnezida muvofiq ko‘rsatmalar bo‘lmasa ham, istisno qilish mumkin emas. Anafilaktik shok rivojlanganida adrenalin (epinefrin) va glyukokortikoidlarni vena ichiga yuborish kerak.
Bugunga kunda patsiyentlarda (chaqaloqlardan tashqari) seftriakson va kaltsiy saqlovchi preparatlar bir vaqtda qo‘llanganida tomir ichida pretsipitatlarini paydo bo‘lishi to‘g‘risida ishonchli ilmiy ma'lumotlar yo‘q. Ammo kaltsiy saqlovchi erituvchilarni (masalan, Ringer yoki Gartman eritmasi) qo‘llash, aralashtirish yoki bir vaqtda seftriakson va kaltsiy saqlovchi preparatlarni hamma toifadagi patsiyentlarga yuborish mumkin emas. Kaltsiy saqlovchi eritmani seftriakson oxirgi yuborilganidan keyin 48 soat davomida buyurish mumkin emas.
Antibakterial preparatlar bilan keksa yoshli odamlarda, hamda holsizlangan patsiyentlarda, ayniqsa og‘ir kasalliklarni davolash, antibiotik bilan assotsiatsiyalangan diareyalarni, kolitlarni, shu jumladan soxtamembranoz kolitni paydo bo‘lishga olib kelishi mumkin. Shuning uchun diareya paydo bo‘lganida seftriakson bilan davolash vaqtida yoki undan keyin bu tashxislarni, shu jumladan soxtamembranoz kolitini istisno qilish kerak. Seftriaksonni qo‘llashni og‘ir va/yoki qon bilan ich ketgan hollarda to‘xtatish va muvofiq davolashni o‘tkazish kerak. Kerakli davolash bo‘lmaganida toksik megakolon, peritonit, shok rivojlanishi mumkin.
Antibiotik bilan induktsiyalangan immun gemalitik anemiyani, (shu jumladan o‘lim bilan yakunlangan) sefalosporinlarni, shu jumladan seftriaksonni olgan patsiyentlarda rivojlanishi to‘g‘risida habar qilingan.
Seftriakson bilan davolash vaqtida anemiya rivojlanganida, anemiyani kelib chiqishi sababi aniqlanmagunicha antibiotikni bekor qilish kerak.
Preparat bilan uzoq vaqt davolashda qon manzarasini, jigar va buyraklarning funktsional holatining ko‘rsatkichlarini muntazam nazorat qilish tavsiya qilinadi.

Maxsus ko‘rsatmalar

Katta dumba mushagining yuqori tashqi kvadrantiga mushak ichiga in'ektsiyalar chuqur bo‘lishi kerak. Preparat eritmasini yuborishdan oldin igna tomirdan tashqarida ekanligiga ishonch hosil qilish kerak.
Antibakterial preparatlarni qo‘llash sezgir bo‘lmagan mikroorganizmlarni, shu jumladan zamburug‘larni haddan ziyod o‘sishiga va superinfektsiyani rivojlanishiga olib kelishi mumkin, bu muvofiq choralarni ko‘rishni talab qiladi.
Buyrak yetishmovchiligi bo‘lgan patsiyentlar uchun odatda dozani to‘g‘rilashning hojati yo‘q – seftriaksonni ikkiyoqlama chiqarilish yo‘li hisobiga (buyraklar va jigar orqali). Kreatinin klirensi minutiga 10 ml bo‘lganida antibiotikning sutkalik dozasi 2 g dan oshmasligi kerak.
Gemodializda bo‘lgan bemorlarga preparatni dializdan keyin qo‘shimcha yuborishning zarurati yo‘q. Ammo seftriaksonning qon zardobidagi kontsentratsiyasini dozani to‘g‘rilash mumkinligi bo‘lishi uchun nazorat qilish lozim, chunki bu bemorlarda chiqarilish tezligi pasayishi mumkin.
Bu a'zolarning faoliyatini og‘ir buzilishlari bilan bo‘lgan, bir vaqtda jigar va buyrak yetishmovchiligida, preparatning dozasi seftriaksonning qon plazmasidagi kontsentratsiyasini muntazam nazoratisiz 2 g dan oshmasligi kerak.
Yakka hollarda odatda seftriakson tavsiya qilinganidan yuqori dozalarda qo‘llanganidan keyin, o‘t pufagining exogrammasida qorong‘ilashuv kuzatilishi mumkin (tseftriaksonning kaltsiy tuzlarini preptsipitatlari, ular davolash bekor qilinganidan/tugaganidan keyin yo‘qoladi). Agarda bu holatlar klinik belgilar bilan kechsa , preparatni bekor qilish to‘g‘risida qaror qabul qilinadi.
Seftriakson safro yo‘llarida dimlanish xavfi omillari bo‘lgan bemorlarda qo‘llanganida pankreatitning yakka hollari ta'riflangan, bu extimol o‘t-safro yo‘llarining obstruktsiyasini oqibatida bo‘lishi mumkin (bunda seftriaksonning ta'siri ostida hosil bo‘lgan pretsipitatlarning rolini istisno qilish mumkin emas).
K vitaminining sintezini buzilishi yoki yetishmovchiligi bo‘lgan patsiyentlarda (masalan, jigarning surunkali kasalliklari, keksa yoshli shaxslar, yetarli ovqatlanmaslik) protrombin vaqtini nazorat qilish va u oshganida seftriakson bilan davolashni boshlashdan oldin va davolash vaqtida K vitaminini (haftada 10 mg) buyurish lozim.
Anamnezdagi qon ketishlar va ovqat hazm qilish yo‘llarining kasalliklari, ayniqsa yarali nospetsifik kolit yoki enteritda ehtiyotkorlik bilan buyurilishi kerak.
Seftriakson boshqa ayrim sefalosporinlar kabi zardobdagi albumin bog‘idan bilirubinni surib chiqarishi mumkin, shuning uchun preparatni gipebilirubinemiyali yangi tug‘ilgan chaqaloqlarga ehtiyotkorlik bilan buyurish kerak. Seftraksonni yangi tug‘ilgan chaqaloqlarda, ayniqsa bilirubinli entsefalopotiya rivojlanishi xavfi bo‘lgan chala tug‘ilganlarda qo‘llash mumkin emas.
Arterial gipertenziya va suv-elektrolit muvozanatini buzilishlarida qon plazmasida natriyning darajasini nazorat qilish lozim.
Seftriakson bilan davolash o‘tayotgan patsiyentlarda Kumbs reaktsiyasining soxta musbat natijalarini yakka hollari qayd qilingan. Seftriakson boshqa antibiotiklarga o‘xshab siydikda glyukoza nofermentativ usullar bilan aniqlanganida, galaktozemiyaga sinamalarda soxta musbat natijalarni chiqarishi mumkin. Shuning uchun seftriakson bilan davolash vaqtida glyukozuriyani faqat fermentativ usul bilan aniqlash lozim.
Homiladorlik va emizish davrida qo‘llanishi.
Seftriakson yo‘ldosh to‘sig‘i orqali o‘tadi. Ayollar uchun homiladorlik davrida seftriaksonni qo‘llashning xavfsizligi o‘rganilmagan. Seftriakson kichik kontsentratsiyalarda ko‘krak suti bilan chiqariladi. Shuning uchun preparat buyurilganida emizishni to‘xtatish lozim.
Bolalar.
Preparat bolalarda “

Qo‘llash usuli va dozalari

” bo‘limida ko‘rsatilgan dozalarga muvofiq qo‘llanadi.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati.
Patsiyentni preparatga shaxsiy reaktsiyasi aniqlanmagunicha avtotransportni yoki boshqa mexanizmlarni boshqarishdan, davolash vaqtida nerv tizimi tomonidan ko‘rish faoliyatini buzilishi, bosh aylanishi, tirishish xurujlari kabi buzilishlar kuzatilishi mumkinligini hisobga olib, saqlanish lozim.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Nojo‘ya samaralari kuchayishi mumkin.
Simptomlari isitma, leykopeniya, trombotsitopeniya, o‘tkir gemolitik anemiya, teri, me'da-ichak reaktsiyalari va jigar reaktsiyalari, hansirash, buyrak yetishmovchiligi, stomatit, anoreksiya, eshitishni vaqtinchalik pasayishi, fazoda oriyentatsiyani yo‘qotish.
Davolash Simptomatik va tutib turuvchi davolash o‘tkaziladi. Gemodializ va peritoneal dializ samarasiz. Maxsus antidoti yo‘q.

Chiqarilish shakli

1 flakondan kukun; 1 flakondan qutida; 5 flakondan kassetada, 1 kasetta penalda.

Saqlash sharoiti

Original o‘ramida, 25oS dan yuqori bo‘lmagan haroratda

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

“Borsh'agovskiy ximiko-farmatsevticheskiy zavod” Ilmiy ishlab chiqarish markazi” Jamoa aktsionerlik jamiyati
Ukraina, 03134, Kiyev sh., Mir ko‘ch., 17.