Talliton tabletkalar 25mg №28

1.Talliton tabletkalari preparati nima va u nima uchun qo‘llanadi
Talliton preparatining faol komponenti – karvedilol – renin-angiotenzin-aldosteron tizimining faolligini tormozlovchi va shuningdek alfa1-adrenergik retseptorlarni blokadasi bilan bog‘liq qon tomirlarni kengaytiruvchi ta'sirga ega beta-blokatorlar sinfiga mansub.
Talliton tabletkalari preparati quyidagilarni uzoq muddatli davolash uchun qo‘llanadi
• Odatda qo‘llanadigan davolashga qo‘shimcha sifatida klinik jihatdan yaqqol surunkali yurak yetishmovchiligi (turg‘un o‘rtacha, o‘rtacha va og‘ir darajali)
• Yuqori arterial bosim
• Stabil stenokardiya (bir xil yuklamada paydo bo‘ladigan va yengillashadigan ko‘krak qafasidagi og‘riq)
• Miokard infarkti o‘tkazgan patsiyentlarda yurak chap qorinchasi faoliyatining aniqlangan buzilishlari (chap qorinchadan otilib chiqayotgan qon hajmi ≤40%)
2.Talliton tabletkalari preparatini qabul qilishni boshlashdan oldin nimalarni bilish kerak
Talliton ni quyidagi holatlarda qabul qilmang
• Agar Sizda ta'sir etuvchi moddaga yoki 8 bo‘limda keltirilgan Talliton tabletkalari preparatining har qanday boshqa komponentiga allergiya bo‘lsa;
• Agar Sizda dekompensatsiyalangan yurak yetishmovchiligi bo‘lsa;
• Agar Sizda klinik jihatdan yaqqol jigar faoliyatini buzilishi bo‘lsa;
• Agar Sizda ritm elektro-kardiostimulyator tomonidan ishonchli ravishda boshqariladigan holatlardan tashqari yurakda qo‘zg‘alishni o‘tkazuvchanligini (yurak blokadasi) 2-chi yoki 3-chi darajali buzilishi bo‘lsa;
• Agar Sizda bradikardiya bo‘lsa (yurak qisqarishlari sonini minutiga 50 zarbdan kamayishi);
• Agar Sizda sinus tugunining zaifligi sindromi (shu jumladan sinus-bo‘lmacha blokadasi) bo‘lsa;
• Agar Sizda og‘ir arterial gipotenziya (sistolik bosim/birinchi raqam/85 mm sim.ust. dan past arterial bosim) bo‘lsa;
• Agar Sizda yurak faoliyatini og‘ir buzilishi bo‘lsa (kardiogen shok);
• Agar Sizda bronxlarni spazmi yoki astma bilan kechuvchi nafas tizimining kasalliklari bo‘lsa;
• Agar Sizning organizmingizda suyuqlikni ko‘p to‘planishi yoki yurakka yuklamani oshishi kuzatilsa, shu sababli Siz yurak mushaklarining qisqaruvchanligini kuchaytiruvchi dori vositalarini vena ichiga yuborishga muhtoj bo‘lsangiz;
• Agar Siz moddalar almashinuvini og‘ir buzilishlari (metabolik atsidoz – organizm suyuqlik va to‘qimalarining kislotaligini patologik oshishi) bo‘lsa;
• Agar Sizning simptomlaringiz alfa-adrenergik blokatorlar bilan samarali nazoratlangan holatlardan tashqari Sizda feoxromatsitoma (arterial bosimni oshishi bilan kechuvchi buyrak usti bezi o‘smalari) bo‘lsa.
Agar yuqori sanab o‘tilganlardan birontasi Sizga taalluqli bo‘lsa (yoki Sizga shubha tug‘dirsa), davolovchi shifokoringizga xabar bering.
Tibbiy qo‘llashdagi ehtiyotkorlik choralari
Talliton tabletkalari preparatini qabul qilishni boshlashdan oldin davolovchi shifokoringiz yoki farmatsevt bilan maslahatlashing.
Agar Sizda quyidagi holatlardan birontasi bo‘lsa, Talliton tabletkalari preparatini qabul qilishni boshlashdan oldin Siz bu haqida shifokorga xabar berishingiz kerak
• Agar Sizda surunkali yurak yetishmovchiligi bo‘lsa, chunki yurak yetishmovchiligi kechishi yomonlashishi yoki organizmda suyuqlikni to‘planishi rivojlanishi mumkin.
• Agar Sizda gipertoniya va surunkali yurak yetishmovchiligi bo‘lsa va ularni davolash uchun Sizga yurak glikozidlari (digitalis preparatlari) buyurilgan bo‘lsa, Talliton tabletkalari preparatini ehtiyotkorlik bilan qabul qilish lozim, chunki yurak glikozidlarini karvedilol bilan birga qo‘llash bo‘lmacha-qorincha o‘tkazuvchanligini sekinlashtirishi mumkin.
• Agar Sizda surunkali obstruktiv o‘pka kasalligi (SOO‘K) bo‘lsa va u tufayli Siz peroral va ingalyatsion dori preparatlari bilan davolanayotgan bo‘lsangiz.
• Agar Sizda qandli diabet bo‘lsa, chunki Talliton gipoglikemiya (qonda qand darajasini pasayishi) ning erta simptomlarini niqoblashi mumkin. Talliton preparati bilan davolashning boshida yoki uning dozasi oshirilganida qonda qand darajasini muntazam nazorat qilish va muvofiq ravishda diabetga qarshi dori vositasining dozasini tanlash lozim, chunki karvedilol qonda qand darajasining nazoratini yomonlashtirishi mumkin.
• Agar Sizda surunkali yurak yetishmovchiligi va past arterial bosim (sistolik bosim <100 mm sim.ust.), yurak ishemik kasalligi, diffuz qon tomir kasalliklari va/yoki yondosh buyrak kasalligi bo‘lsa. Bunday kasalliklarda Talliton preparatining dozasi oshirilganda buyrak faoliyatini muntazam ravishda nazorat qilishi lozim, uning faoliyatini yomonlashganida esa ushbu preparat bilan davolashni bekor qilish yoki uning dozasini kamaytirish tavsiya etiladi.
• Agar Siz kontakt linzalar taqsangiz. Patsiyentlar ko‘z yoshi ajralishini kamayishini e'tiborga olishlari kerak.
• Agar Sizda qon tomirlarning periferik kasalliklari bo‘lsa, chunki beta-adrenergik blokatorlarni qo‘llash qon tomir yetishmovchiligi rivojlanish xavfini oshirishi yoki simptomlarini yomonlashtirishi mumkin. Ammo karvedilolning alfa-1 adrenergik retseptorlarni bloklash qobiliyati ushbu samaralarni ahamiyatli darajada kompensatsiyalaydi.
• Agar Sizda periferik qon aylanishini buzilishi va Reyno fenomeni bo‘lsa; bunday patsiyentlarda karvedilol bilan davolash fonida periferik qon aylanishini buzilishi simptomlari va belgilari yomonlashishi mumkin.
• Agar Sizda beta-blokatorlarni qo‘llash bilan bog‘liq psoriaz bo‘lsa. Davolovchi shifokor Talliton® tabletkalari preparatini qo‘llashning foydasi va bo‘lishi mumkin bo‘lgan xavfni baholashi kerak.
• Agar Sizda qalqonsimon bezi kasalliklari (tireotoksikoz) bo‘lsa, chunki karvedilol tireotoksikozning belgilari va simptomlarini niqoblashi mumkin.
• Agar Sizda ilgari og‘ir allergik reaktsiyalar bo‘lgan bo‘lsa yoki Siz desensibilizatsion davolash (allergik reaktsiya chaqirgan ma'lum moddaning samarasini susaytirish usuli) olayotgan bo‘lsangiz, Talliton tabletkalari preparati allergenlarga sezuvchanlikni va anafilaktik reaktsiyalarning og‘irligini oshirishi mumkin.
• Agar Sizda feoxromatsitoma (arterial bosimni oshishi bilan kechuvchi buyrak usti bezlari o‘smasi) bo‘lsa. Siz shifokorning ko‘rsatmalariga aniq rioya qilishingiz kerak, Talliton tabletkalari preparati bilan davolashdan oldin esa davolovchi shifokor Sizga alfa-blokatorlar buyuradi.
• Agar Sizda ko‘krakdagi og‘riqning alohida turi (Printsmetal nostabil stenokardiyasi deb nomlanuvchi) aniqlangan bo‘lsa, chunki beta-adrenergik retseptorlarining blokatorlarini qo‘llash stenokardiya rivojlanish xavfini oshirishi mumkin. Ammo karvedilolning alfa-1 adrenergik retseptorlarni bloklash qobiliyati ushbu samaralarni ahamiyatli darajada kompensatsiyalashi mumkin.
• Agar Sizda bronxospazmga moyillik bo‘lsa. Agar Talliton preparati bilan davolash vaqtida Sizda bronxial spazm belgilari va simptomlari rivojlansa, albatta davolovchi shifokoringizga xabar bering.
• Agar Sizda o‘tkazilgan miokard infarktidan keyin yurak chap qorinchasi faoliyatini buzilishi bo‘lsa. Karvedilol bilan davolashni boshlashdan oldin patsiyent klinik jihatdan turg‘un bo‘lishi va kamida 48 soat davomida, turg‘un dozada esa – kamida 24 soat davomida angiotenzinga-aylantiruvchi ferment ingibitorini (AAFi) qabul qilishi kerak.
• Agar Sizga umumiy anesteziyani talab etuvchi jarroxlik aralashuvi rejalashtirilgan bo‘lsa.
• Verapamil yoki diltiazem kabi kaltsiy kanallarining blokatorlarini, shuningdek boshqa antiaritmik vositalarni bir vaqtda qo‘llanganida.
• Agar karvedilol bradikardiya (yurak qisqarishlari tez-tezligi minutiga 55 zarbdan kam) chaqirsa, shifokor bilan maslahatlashing, chunki shifokor dozani kamaytirish haqida qaror qabul qilishi mumkin.
Karvedilolni qo‘llashni to‘satdan bekor qilish mumkin emas, ayniqsa yurak ishemik kasalligi bo‘lgan patsiyetlarda. Preparatni ikki haftadan ko‘proq vaqt davomida, bosqichma-bosqich bekor qilish kerak.
Bolalar va 18 yoshgacha bo‘lgan o‘smirlar
Talliton preparatini bolalar va 18 yoshgacha bo‘lgan o‘smirlarni davolash tavsiya etilmaydi.
Boshqa dori vositalari va Talliton tabletkalari preparati
Siz qabul qilayotgan, yaqinda qabul qilgan yoki qabul qilishni rejalashtirgan har qanday dori vositalari haqida davolovchi shifokoringizga xabar bering.
Ayniqsa quyidagi dori vositalarini qabul qilayotganligingiz haqida shifokorga xabar berish muhim
• yurak yetishmovchiligini davolash uchun qo‘llanilayotgan digoksin, chunki Talliton tabletkalari bilan bir vaqtda qo‘llanilganida shifokoringiz uning dozasini o‘zgartirishi mumkin;
• siklosporin (uni, masalan, a'zolar transplantatsiyasidan keyin uni ko‘chishini oldini olish uchun qo‘llanadi), chunki Talliton siklosporinning samarasini kuchaytirishi mumkin;
• rifampitsin (tuberkulyozni davolash uchun antibiotik), chunki u Talliton tabletkalari samarasini kamaytirishi mumkin;
• simetidin (me'dada kislota hosil bo‘lishini ingibitsiya qiluvchi preparat), chunki u Talliton ning samarasini kuchaytirishi mumkin;
• fluoksetin (depressiyani davolash uchun preparat);
• insulin yoki qandli diabetni davolash uchun ichga qabul qilish uchun vositalar, chunki Talliton ularning samarasini kuchaytirishi mumkin;
• rezerpin (arterial bosimni pasaytiruvchi preparat) va monoamin oksidaza ingibitorlari (antidepressantlarning bir turi), chunki bu dori vositalari yurak qisqarishlari tez-tezligi va/yoki arterial bosimni keyingi pasayishiga olib kelishi mumkin;
• verapamil, diltiazem, amiodaron va boshqa aritmiyaga qarshi preparatlar. Shifokoringiz Siznng arterial bosimingizni va EKG ni muntazam nazorat qiladi;
• klonidin (arterial bosimni pasaytirish va migrenni davolash uchun preparat);
• gipertoniyaga qarshi boshqa dori vositalari. Talliton arterial bosimni pasaytiruvchi (masalan, alfa-adrenergik retseptorlarning blokatorlari) yoki nojo‘ya reaktsiya sifatida arterial bosimni pasaytirish qobiliyatiga ega preparatlar (masalan, tutqanoqni davolash uchun barbituratlar, psixozlarni davolash uchun fenotiazinlar, depressiyani davolash uchun tritsiklik antidepressantlar, qon tomirlarni kengaytiruvchi preparatlar va alkogol) ning antigipertenziv samarasini kuchaytirishi mumkin;
• anestetiklar (jarrohlik operatsiyasi va narkozdan oldin Siz Talliton tabletka preparatini qabul qilishingizni shifokorga xabar berish juda muhim;
• Talliton tabletkalari samarasini pasaytirishi mumkin bo‘lgan nosteroid yallig‘lanishga qarshi preparatlar;
• bronxlarni kengaytiruvchi dori preparatlari.
Talliton tabletkalari preparatini ovqat va alkogol bilan qabul qilish
Talliton tabletkalari preparati ovqatlanishdan qat'iy nazar qabul qilish mumkin. Surunkali yurak yetishmovchigi bo‘lgan patsiyentlarga arterial bosimni tez pasayishi va bosh aylanishi xavfini kamaytirish uchun bu tabletkalarni ovqat bilan qabul qilish tavsiya etiladi.
Talliton preparati alkogolning samarasini kuchaytirishi mumkin.
Fertillik, homiladorlik va emizish davri
Agar Siz homilador bo‘lsangiz, bola emizsangiz, homiladorman deb taxmin qilsangiz yoki homilador bo‘lishni rejalashtirsangiz, bu haqida davolovchi shifokoringizga yoki farmatsevtga xabar bering.
Homiladorlik
Talliton tabletkalari preparatini homiladorlikda, kutilayotgan foyda bo‘lishi mumkin bo‘lgan xavfdan yuqori bo‘lgan holatlardan tashqari hollarda qo‘llash mumkin emas.
Emizish davri
Talliton tabletkalari preparatini emizish davrida, kutilayotgan foyda bo‘lishi mumkin bo‘lgan xavfdan yuqori bo‘lgan holatlardan tashqari qo‘llash mumkin emas.
Har qanday dori vositalarini qabul qilishdan oldin davolovchi shifokoringiz yoki farmatsevt bilan maslahatlashing.
Transport vositalarini boshqarish va mexanizmlar bilan ishlash qobiliyatiga ta'siri
Yuqori arterial bosimni davolash uchun ko‘pgina boshqa preparatlar kabi, bosh aylanishi yoki shunga o‘xshash simptomlar rivojlanganida transport vositalarini boshqarish va mexanizmlar bilan ishlash mumkin emasligini e'tiborga olish lozim. Ayniqsa buni davolashni boshida yoki davolash o‘zgartirilganida, shuningdek alkogolni bir vaqtda iste'mol qilganda hisobga olish kerak.
Talliton tabletkalari preparatining ayrim komponentlari haqida muhim ma'lumot
Har bir tabletka 50 mg laktoza va 12,5 mg saxaroza saqlaydi. Agar davolovchi shifokoringiz Siz ba'zi qandlarni o‘zlashtiraolmasligingiz haqida Sizni ogohlantirgan bo‘lsa, unga maslahat uchun murojaat eting.
Talliton tabletkalari 6,5 mg ariavit xinolin sariq C.I. 47005 (E 104) bo‘yovchisi, Talliton tabletka 12,5 mg esa ariavit sanset sariq C.I. 15985 (E 110) bo‘yovchisi saqlaydi, ular allergik reaktsiya chaqirishi mumkin.
3.Talliton tabletkalari preparatini qanday qabul qilish kerak
Talliton tabletkalari preparatini har doim qat'iy shifokor yoki farmatsevt buyurganidek qabul qiling. Biron-bir shubha bo‘lgan hollarda, albatt shifokor yoki farmatsevt bilan maslahatlashing.

Dozalash tartibi

Yuqori arterial bosim
Preparatni kuniga bir marta qabul qilish tavsiya etiladi.
Kattalar
Arterial bosim oshganida odatdagi doza birinchi ikki kun davomida kuniga bir marta 12,5 mg ni tashkil etadi. So‘ngra dozani kuniga bir marta 25 mg gacha oshirish tavsiya etiladi. Ko‘pgina patsiyentlar uchun bu doza yetarli bo‘ladi. Yetarli samara kuzatilmaganida shifokor dozani kamida 14 kunlik intervallar bilan kuniga bir marta 50 mg yoki qabul qilishni ikkiga bo‘lib 25 mg dan ertalab va kechqurun maksimal dozagacha oshirishi mumkin.
Keksa patsiyentlar
Tavsiya etiladigan boshlang‘ich doza 12,5 mg ni tashkil etadi. Ko‘pgina holatlarda bu doza arterial bosimni nazorat qilishni ta'minlaydi. Yetarli samara kuzatilmaganida shifokor dozani kuniga bir marta 50 mg yoki kuniga ikki marta 25 mg dan maksimal dozagacha bosqichma-bosqich oshirishi mumkin.
Stenokardiya (ko‘krakda og‘riq)
Kattalar
Stenokardiyada tavsiya etiladigan boshlang‘ich doza birinchi ikki kun davomida kuniga ikki marta 12,5 mg ni tashkil etadi. Tavsiya etiladigan samarani bir maromda ushlab turuvchi doza kuniga 2 marta 25 mg ni tashkil etadi.
Keksalar
Tavsiya etiladigan maksimal dozasi 25 mg dan ertalab va kechqurun ikki qabulga bo‘lingan 50 mg ni tashkil etadi.
Surunkali yurak yetishmovchiligi
Doza shifokor tomonidan shaxsiy ravishda tanlanadi.
Doza tanlangunigacha yurak yetishmovchiligi bo‘lgan bemorlarni davolash tajribasiga ega mutaxassis patsiyentning klinik holatini baholash maqsadida unda klinik tekshirish o‘tkazishi kerak. Klinik holatni baholash natijasiga qarab preparat ambulator yoki statsionar sharoitda buyuriladi.
Kattalar
Tavsiya etiladigan boshlang‘ich doza birinchi ikki hafta davomida kuniga ikki marta 3,125 mg. Agar bu doza yaxshi o‘zlashtirilsa, shifokoringiz uni kamida ikki haftalik interval bilan kuniga ikki marta 6,25 mg dan qabul qilinguncha, so‘ngra 12,5 mg dan kuniga ikki marta va 25 mg dan kuniga ikki martagacha oshirishi mumkin. Dozani patsiyent o‘zlashtiraoladigan maksimal darajagacha oshirish kerak. Patsiyentlar ular tomonidan o‘zlashtiraolinadigan maksimal samarani bir maromda ushlab turuvchi dozani qabul qilishlari lozim.
Tavsiya etiladigan maksimal dozasi surunkali yurak yetishmovchiligi bo‘lgan barcha patsiyentlar va tana vazni 85 kg dan kam bo‘lgan yengil yoki o‘rtacha darajali surunkali yurak yetishmovchiligi bo‘lgan patsiyentlar uchun 25 mg dan kuniga ikki marta. Tana vazni 85 kg dan ortiq bo‘lgan yengil yoki o‘rtacha darajali surunkali yurak yetishmovchiligi bo‘lgan patsiyentlar uchun maksimal tavsiya etiladigan doza 50 mg dan kuniga ikki martani tashkil etadi.
Sistolik arterial bosimi <100 mm sim.ust. bo‘lgan patsiyentlarda dozani har bir oshirishdan oldin buyrak yoki yurak faoliyati yomonlashishi mumkin. Shunday qilib, dozani har bir oshirishdan oldin shifokoringiz yurak yetishmovchiligi simptomlarini, buyrak faoliyati va/yoki qon tomirlarni kengayishi belgilarini (arterial bosimni pasayishi, bosh aylanishi) oshishini aniqlash maqsadida tekshirish o‘tkazadi.
Preparatni ikki haftadan ortiq qabul qilish zarurati bo‘lganida uni qabul qilishni eng past tavsiya etilgan dozadan, ya'ni karvedilolni kuniga ikki marta 3,125 mg dan boshlash, so‘ngra dozalarni ko‘rsatilgan titrlashga muvofiq aniqlash lozim.
Keksalar
Dozalar kattalarga mo‘ljallangan dozaga mos keladi.
Miokard infarktidan keyin yurak chap qorinchasi faoliyatini buzilishi
Kattalar
Miokard infarktini o‘tkazgan yurak chap qorinchasi faoliyatini buzilishi bo‘lgan patsiyentlar uchun karvedilolning boshlang‘ich tavsiya etilgan boshlang‘ich dozasi kuniga ikki marta 6,25 mg ni tashkil etadi. Birinchi doza qabul qilinganidan keyin patsiyent 3 soat davomida tibbiy kuzatuv ostida bo‘lishlari lozim. So‘ngra har 3-10 kundan keyin dozani kuniga ikki marta 12,5 mg gacha va kuniga ikki marta 25 mg gacha oshirish lozim. Agar patsiyent kuniga ikki marta 6,25 mg boshlang‘ich dozani o‘zlashtiraolmasa, shifokor dozani 3-10 kun davomida kuniga ikki marta 3,125 mg gacha pasaytiradi. Agar patsiyent bu dozani o‘zlashtiraolsa, uni yana kuniga ikki marta 6,25 mg gacha va bosqichma-bosqich – kuniga ikki marta 25 mg gacha oshirish mumkin. Dozani patsiyent o‘zlashtiraoladigan maksimal dozaga oshirish lozim.
Keksalar
Dozalar kattalarga mo‘ljallangan dozaga mos keladi.
Patsiyentlarning alohida guruhlari
Buyrak faoliyatini buzilishi bo‘lgan patsiyentlar
Sistolik arterial bosimi 100 mm sim.ust. dan yuqori bo‘lsa, o‘rtacha yoki og‘ir buyrak faoliyatini buzilishlarida karvedilolning dozani o‘zgartirish zarurati yo‘q.
Jigar faoliyatini buzilishi bo‘lgan patsiyentlar
Jigar faoliyatini buzilishi bo‘lgan patsiyentlarda karvedilolni qo‘llash mumkin emas.
Bolalar va 18 yoshgacha bo‘lgan o‘smirlar
Talliton ning xavfsizligi va samaradorligi haqida ma'lumotlar yetarli bo‘lmaganligi tufayli, uni bolalar va 18 yoshgacha bo‘lgan o‘smirlarga buyurish tavsiya etilmaydi.
Qo‘llash usuli
Ichga qabul qilish uchun preparat.
Bu tabletkalarni kamida yarim stakan suv bilan, chaynamasdan, ovqatlanishdan qat'iy nazar qabul qiling.
Agar Sizda surunkali yurak yetishmovchiligi bo‘lsa, arterial bosimni to‘satdan pasayishi xavfini kamaytirish uchun bu preparatni ovqat bilan birga qabul qiling.
Riska (sindirish uchun o‘yiqcha) yordamida tabletkalarni teng ikki dozaga bo‘lish mumkin.
Agar Siz haddan tashqari ko‘p Talliton tabletkalarini qabul qilgan bo‘lsangiz
Agar Siz buyurilgandan ko‘proq Talliton tabletkalarini qabul qilgan bo‘lsangiz, darhol shifokorga yoki yaqindagi shifoxonaning shoshilinch bo‘limiga murojaat eting.
Tabletkalarni haddan tashqari ko‘p miqdori qabul qilingandan keyin (dozani ahamiyatli darajada oshirib yuborilganda) arterial bosim va puls tez-tezligini ahamiyatli darajada pasayishi, yurak yetishmovchiligi, kardiogen shok (yurak yetishmovchiligi oqibatida to‘qimalar va a'zolarni qon bilan ta'minlanishini yetishmovchiligi) va yurak to‘xtatishi mumkin. Bundan tashqari, nafasni buzilishi, bronxospazm (nafas chiqarishni buzilishi), ko‘ngil aynishi, ongni chalkashishi va tirishishlar kuzatilgan.
Davolash shoshilinch tibbiy yordamsiz hushdan ketish, tirishish xuruji, qon aylanishi tizimi kollapsi va yurakni to‘xtashi yuzaga kelishi mumkin. Umumiy qabul qilingan choralardan tashqari, hayotiy zarur faoliyatlarni nazorat qilish va simptomatik davolashni o‘tkazish lozim. Ba'zida buni jadal davolash bo‘limida o‘tkazish zarur.
Agar Siz Talliton tabletkalari preparatini qabul qilishni unutgan bo‘lsangiz
Yoddan chiqarilgan tabletkaning o‘rniga ikki barobar dozani qabul qilmang, chunki bu o‘tkazib yuborilgan dozani kompensatsiya qilmaydi, balki dozani oshirib yuborilishiga olib keladi. Preparatni qabul qilishni shifokor buyurganidek davom ettiring.
Agar Siz Talliton tabletkalari preparatini qabul qilishni to‘xtatgan bo‘lsangiz
Talliton tabletkalari preparati uzoq muddat qabul qilish uchun mo‘ljallangan. Ushbu preparatni qabul qilishni muddatidan oldin to‘xtatmang, chunki bu kasallikning qaytalanishini chaqirishi mumkin. Ushbu preparatni qabul qilishni to‘satdan to‘xtatish, ayniqsa stenokardiyasi bo‘lgan patsiyentlarda ko‘krakda og‘riq va arterial bosimni pasayishini chaqirishi mumkin. Shuning uchun preparatni qabul qilishni shifokor tavsiyalariga muvofiq bosqichma-bosqich to‘xtatish kerak.
Agar Siz Talliton tabletkalari preparatini klonidin saqlovchi preparat bilan bir vaqtda qabul qilgan bo‘lsangiz, bularning hech birini shifokor maslahatisiz qabul qilishni to‘xtatmang, chunki bu arterial bosimni haddan tashqari oshishini chaqirishi mumkin. Bu preparatlarni qabul qilishni faqat shifokor ko‘rsatmasi va uning yo‘riqnomalariga aniq rioya qilgan holda to‘xtatish lozim.
Agar Sizda ushbu preparatni qo‘llash bo‘yicha qo‘shimcha savollar tug‘ilsa, shifokor yoki farmatsevtga murojaat eting.
4.Tibbiyotda qo‘llanganida bo‘lishi mumkin bo‘lgan nojo‘ya ta'sirlari
Barcha dori vositalari kabi, ushbu preparat ham nojo‘ya reaktsiyalar chaqirishi mumkin, lekin ular hammada patsiyentlarda paydo bo‘lavermaydi.
Nojo‘ya samaralarni uchrash tez-tezligi (paydo bo‘lishi ehtimoli) quyida a'zolar sinfi bo‘yicha keltirilgan va quyidagicha tasniflangan
Juda tez-tez 10 patsiyentdan 1 tadan ko‘proq uchraydi.
Tez-tez 100 patsiyentdan 1-10 tada uchraydi.
Tez-tez emas 1000 patsiyentdan 1-10 tada uchraydi.
Kam hollarda 10000 patsiyentdan 1-10 tada uchraydi.
Juda kam hollarda 10000 patsiyentdan 1tadan kamroq uchraydi.
Tez-tezligi noma'lum mavjud bo‘lgan ma'lumotlar asosida baholab bo‘lmaydi.
Nojo‘ya samaralarning tez-tezligi
Juda tez-tez
-bosh aylanishi va bosh og‘rig‘i, ayniqsa davolash kursini boshida
-holsizlik
-gipotoniya (arterial bosimni pasayishi)
-asteniya (toliqish)
-yurak yetishmovchiligi
Tez-tez
-tana vaznini oshishi
-qonda xolesterin darajasini oshishi
-diabeti bo‘lgan patsiyentlarda qonda qand darajasini oshishi yoki kamayishi va glyukozani o‘zlashtiraolinishini yomonlashishi
-yurak qisqarishlari tez-tezligini kamayishi (bradikardiya)
-tana holatini o‘zgartirganda arterial bosimni pasayishi
-shishlar (shu jumladan, tarqalgan, periferik va qo‘l va oyoq, jinsiy a'zolarni shishlari), gipervolemiya (aylanib yuruvchi qon xajmini oshishi), organizm to‘qimalarida suyuqlikni to‘planishi
-buyrak yetishmovchiligi va buyrak faoliyatini buzilishi ,ayniqsa qon tomirlarning diffuz kasalliklari va/yoki yondosh buyrak kasalliklari bo‘lgan patsiyentlarda
-og‘riq
-bronxit, pnevmoniya, yuqori nafas yo‘llarining infektsiyalari
-siydik chiqarish yo‘llarining infektsiyalari
-siyishni buzilishi
-anemiya
-depressiya, kayfiyatni tushishi
-periferik qon aylanishini buzilishi [(qo‘l va oyoqlarni sovushi, qon tomirlarning periferik kasalliklari, vaqti-vaqti bilan paydo bo‘luvchi oqsoqlikni (qon aylanishini yetarli bo‘lmasligi oqibatida ma'lum masofaga harakatlanganda oyoq mushaklarida to‘satdan og‘riqni paydo bo‘lishi) yomonlashishi va reyno fenomeni (qon tomirlar spazmi, buning natijasida barmoqlar, burun va quloqlar oqaradi yoki ko‘kimtir bo‘lib qoladi) ]
-nafas olishni buzilishi, o‘pka shishi va sezuvchan patsiyentlarda astma
-me'da-ichak yo‘llari tomonidan buzilishlar – ko‘ngil aynishi, dispepsiya (ovqat hazm qilishni buzilishi), qorinda og‘riq, ich ketishi va ko‘ngil aynishi
-oyoqlarda og‘riq
-ko‘rishni buzilishi
-ko‘z yoshi ajralishini kamayishi (quruq ko‘zlar sindromi), ko‘zlarni ta'sirlanishi
Tez-tez emas
-bo‘lmacha-qorincha bloki (yurak mushagida impulsni o‘tkazilishini buzilishi)
-uyquni buzilishi
-paresteziyalar (qo‘l va oyoqlarda sanchish va uvishish)
-xushdan ketishlar, xushdan ketishdan oldingi holat
-arterial gipotoniya
-stenokardiya (ko‘krakda og‘riq)
-qabziyat
-teri tomonidan allergik reaktsiyalar (allergik ekzantema, dermatit, eshakemi, qichishish, yassi temiratkini eslatuvchi o‘zgarishlar, terini psoriatik shikastlanishi (psoriaz – kepaklanuvchi qizil dog‘larni paydo bo‘lishi bilan kechuvchi surunkali kasallik))
-soch to‘kilishi
-erektil faoliyatni buzilishi, impotentsiya
-dermatit
-terlash
Kam hollarda
-trombotsitopeniya (qonda qon plastinkalari miqdorini kamayishi)
-burunni bitishi
-og‘izni qurishi
Juda kam hollarda
-allergik reaktsiyalar
-jigar faoliyatining testlari natijalarini o‘zgarishi (jigar fermentlari – alanin-aminotransferaza, aspartat-aminotransferaza va gamma glutamiltransferaza faolligini oshishi)
-leykopeniya (oq qon tanachalari miqdorini kamayishi)
-ayollarda siydikni tutib tura olmaslik
Dimlangan yurak yetishmovchiligi bo‘lgan patsiyentlarda karvedilolning dozasi oshirilganida yurak yetishmovchiligini yomonlashishi va suyuqlikni tutilishi kuzatilishi mumkin.
Karvedilol bilan davolash fonida surunkali yurak yetishmovchiligi va past arterial bosim, yurak ishemik kasalligi va yondosh buyrak faoliyatini buzilishi bo‘lgan patsiyentlarda buyrak faoliyatini qaytuvchan yomonlashishi kuzatilgan.
Nojo‘ya reaktsiyalarning tez-tezligi bosh aylanishi, ko‘rishni buzilishi va yurak qisqarishlari sonini kamayishidan tashqari dozaga bog‘liq bo‘lmagan.
Karvedilol qabul qilgan gipertoniya va stenokardiyasi bo‘lgan patsiyentlarda nojo‘ya reaktsiyalarning profili yurak yetishmovchiligi bo‘lgan bemorlarda kuzatiladigan kabi bir xil bo‘lgan, ammo reaktsiyalarning tez-tezligi pastroq bo‘lgan.
Talliton preparatining beta-retseptorlarni bloklash qobiliyati tufayli, yashirin qandli diabet namoyon bo‘lishi, qondagi glyukozaning kontsentratsiyasiga qarab uning darajasini nazorat qilish va glyukoza darajasini muvofiqlashtirish yomonlashishi mumkin.
Talliton preparatini qabul qilayotgan ayrim patsiyentlarda boshqa nojo‘ya reaktsiyalar paydo bo‘lishi mumkin.
Har qanday nojo‘ya samaralar aniqlanganida yoki ushbu yo‘riqnomada ko‘rsatilmagan samaralar paydo bo‘lganida, shifokor yoki farmatsevtga murojaat eting.
Nojo‘ya samaralar haqida xabar berib, Siz bu preparatning xavfsizligi haqida qo‘shimcha ma'lumot olishingiz mumkin.
5.Talliton tabletkalari preparati qanday saqlash kerak
15-25°C haroratda, yorug‘likdan va namlikdan himoya qilingan joyda saqlansin!
Bolalar olaolmaydigan joyda saqlansin!
Preparatning ko‘rinadigan shikastlanishi belgilari aniqlanganida, Talliton tabletkalarini qabul qilmang.
6. Yaroqlilik muddati
Yaroqlilik muddati o‘ramida ko‘rsatilgan.
O‘ramida ko‘rsatilgan yaroqlilik muddati o‘tganidan keyin Talliton tabletkalarini preparatini ishlatmang. Yaroqlilik muddatining o‘tish sanasi ko‘rsatilgan oyning oxirgi kuni hisoblanadi.
Dori vositalarini maishiy chiqindilar yoki oqava suvlarga tashlash mumkin emas. Agar kerak bo‘lmagan preparatni chiqindilarga tashlash kerak bo‘lsa, farmatsevt bilan maslahatlashing. Bu choralar atrof-muhitni ifloslanishini oldin olishga yordam beradi.
7.

Dorixonalardan berish tartibi

Shifokor retsepti bo‘yicha beriladi.
8. O‘ram ichidagisi va boshqa ma'lumot
Talliton tabletkalari preparati nimalarni saqlaydi
Ta'sir etuvchi modda har bir tabletkada muvofiq 6,25 mg, 12,5 mg yoki 25 mg karvedilol.
Yordamchi moddalar
Laktoza monogidrati, krospovidon, saxaroza, suvsiz kremniy dioksidi, povidon K-25, magniy stearati. Ko‘rsatib o‘tilgan komponentlardan tashqari bo‘yovchi sifatida Talliton 6,25 mg tabletkasi xinolin sariq C.I. 47005, Talliton 12,5 mg tabletkasi esa sanset sariq C.I. 15985 saqlaydi.
Talliton tabletkalari preparatining tashqi ko‘rinishi va o‘ram ichidagisi
Ta'rifi
Talliton 6,25 mg tabletkasi Och-sariq rangli, yassi, uzunchoq, faskali, bir tomonida riskali va tabletkaning boshqa tomonida Ye xarfi va 341 raqami gravirovkali, hidsiz yoki deyarli hidsiz tabletkalar.
Talliton 12,5 mg tabletkasi Och-to‘q-sariq rangli (to‘qroq rangli kiritmalar bo‘lishi mumkin), yassi, dumaloq, faskali, bir tomonida riskali va tabletkaning boshqa tomonida Ye xarfi va 342 raqami gravirovkali, hidsiz yoki deyarli hidsiz tabletkalar.
Talliton 25 mg tabletkasi Oq yoki deyarli oq rangli, yassi, dumaloq, faskali, bir tomonida riskali va tabletkaning boshqa tomonida Ye xarfi va 343 raqami gravirovkali, hidsiz yoki deyarli hidsiz tabletkalar.
O‘rami
Talliton 6,25 mg tabletkasi 7 tabletkalar blisterda. 2 yoki 4 blister qo‘llash bo‘yicha yo‘riqnomasi bilan karton qutiga joylangan.
Talliton 12,5 mg, 25 mgtabletkalari 14 tabletkadan blisterda. 1 yoki 2 blister qo‘llash bo‘yicha yo‘riqnomasi bilan karton qutiga joylangan.
O‘ramlarning ayrim turlari savdoga chiqarilmasligi mumkin.
MARKETINGGA LITSENZIYA EGASI VA ISHLAB CHIQARUVCHI
“Farmatsevticheskiy zavod EGIS” YOAJ
1106 Budapesht, Keresturi ko‘ch., 30-38
VENGRIYA
Ishlab chiqarish maydonchasi
“Farmatsevticheskiy zavod EGIS” YOAJ
1165 Budapesht, Byokenfyoldi ko‘ch., 118-120
VENGRIYA