Preparatning savdo nomi
Immunomodulin

Dori shakli
in'ektsiya uchun eritma.

Tarkibi

faol modda immunomodulin - 0,1 g;
yordamchi moddalar natriy xloridi 9 g, in'ektsiya uchun suv 1 litrgacha.
Ta'rifi tiniq, yashil-sariq rangli eritma.

Farmakoterapevtik guruhi
Immunomodulyatsiyalovchi vosita.
ATX kodi L03


Farmakologik xususiyatlari

Preparat timusning tabiiy yuqori tozalangan 1-6 kDa molekulyar og‘irlikka ega peptidlari majmuasidan tashkil topgan. Odamda va hayvonlarda immun tizimining buzilgan faoliyatini tuzatadi. Immun tanqisligi va autoimmun jarayonlarida u qonda T-limfotsitlar, T-supressorlar, T-xelperlar, fagotsitlar miqdorini tiklaydi va xususiy a'zo va to‘qimalarga qarshi yo‘naltirilgan hujayraviy immun reaktsiyalari jadalligini pasaytiradi, infektsion agentlarga (viruslar, bakteriyalar, zamburug‘lar, parazitlar) qarshi immun javobini, monooksigenazlarni rag‘batlantirishi orqali jigardagi detoksikatsiyani, xamda organizm to‘qimalarining regeneratsiyasini rag‘batlantiradi. Bolalar va kattalarda vaktsinatsiya samaradorligini oshiradi. Virusli gepatiti bo‘lgan bemorlar qonidan HBs antigenini chiqaradi. Biorag‘batlantiruvchi va gemorag‘batlantiruvchi xususiyatlariga ega. Immunomodulinning klinik samaradorligi holatni yaxshilanishida, kasallikning asosiy belgilari og‘riq, dispeptik xolatlar, intoksikatsiyani tezda yo‘qolishi va sog‘ayishi muddatlarini keskin qisqarishida va kasallik qaytallanishlari sonining kamayishida namoyon bo‘ladi.


Farmakokinetikasi

Tadqiqotlar o‘tkazilmagan. Ma'lumotlar yo‘q.


Qo‘llanilishi

Immuntanqis kasalliklar va xolatlarida, shu jumladan gripp, virusli gepatitlar, kollagenozlar (revmatizm, revmatoid artrit, tizimli sklerodermiya), yiringli-septik kasalliklar (destruktiv pnevmoniya, osteomiyelit, saramas yallig‘lanishi), surunkali bronxit va pnevmoniya, piyelonefrit, prostatit, qandli diabet, gastroduodenit, o‘n ikki barmoq ichak yara kasalligi, teri va tanosil kasalliklari bo‘lgan bemorlarda, o‘smalarni kimyo va nur davosida, homiladorlikda, vaktsinatsiya qilinganlarda, xamda ekologik noqulay sharoitlarda yashovchi va ishlovchilarda immun tizimining buzilishlarini oldini olish, tuzatish va rag‘batlantirish uchun qo‘llanadi.


Qo‘llash usuli va dozalari

Preparatni bolalar va kattalarga asosiy davolash fonida 5-7 in'ektsiya kurslari, har kuni bir in'ektsiyadan yoki 1-3 kunda (9-28 kun), yaxshisi kechqurun 1,0-1,5 mkg/kg tana vazniga sutkalik dozada teri ostiga yoki mushak ichiga buyurish tavsiya qilinadi. Surunkali kasalliklarda qo‘shimcha tutib turuvchi kurslar bir in'ektsiyadan 2-7 kun oralig‘ida 2-16 hafta davomida o‘tkaziladi.
Preparat bolalarga tana vazni hisobidan 10 kg gacha - 0,1 ml; 10-30 kg - 0,3 ml; 30-50 kg - 0,5 ml; 50 kg va undan yuqoriga - 1,0 ml dan yuboriladi.
Yuborishga bo‘lgan reaktsiya
Preparatni yuborishga bo‘lgan reaktsiya kuzatilmagan.

Nojo‘ya ta'sirlari
Kuzatilmagan. Allergik reaktsiyalar yuz berishi mumkin.


Qo‘llash mumkin bo‘lmagan holatlar

Aniqlanmagan.

Dorilarning o‘zaro ta'siri
Antibiotiklar va boshqa asosiy davolash preparatlari bilan mutanosib.

Mahsus ko‘rsatmalar
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi
Dozani oshirib yuborilishi xususida ma'lumotlar kelib tushmagan. Doza oshirib yuborilgan xollarda simptomatik davolash buyuriladi.


Chiqarilish shakli

0,01% in'ektsiya uchun eritma, 1 ml dan (100 mkg) ampulalarda.


Saqlash sharoiti

Quruq, yorug‘likdan himoyalangan joyda, xona haroratida saqlansin.
Transportirovka Dav.Stan. 17768-90 Ye ga muvofik amalga oshiriladi.


Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

«IMMUNOMED» MChJ,
O‘zbekiston Respublikasi, Toshkent sh., massiv Xumoyun ZA, tel 261-36-26