Viferon sirtga va mahalliy qo‘llash uchun surtma 40000 XB/12g

Preparatning savdo nomi

VIFERON
Ta'sir etuvchi modda (XPN) interferon alfa-2b

Dori shakli

sirtga va mahalliy qo‘llash uchun surtma

Tarkibi

1 g surtma quyidagilarni saqlaydi
faol modda odam rekombinant alfa-2 interferoni 40 000 XB;
yordamchi moddalar 0,02 g alfa-tokoferol atsetati, 0,34 g suvsiz lanolin, 0,45 g tibbiy vazelin, 0,12 g shaftoli moyi, 1 g gacha tozalangan suv.
Ta'rifi oq-sariqdan sariq ranggacha o‘ziga xos lanolin hidli surtma.

Farmakoterapevtik guruhi

viruslarga qarshi vosita (tsitokinlar).
ATX kodi L03AB04

Farmakologik xususiyatlari

Immunomodulyatsiya qiluvchi va viruslarga qarshi preparat. Odam rekombinant alfa-2 interferoni yaqqol viruslarga qarshi, antiproliferativ va immunomodulyatsiya qiluvchi xususiyatga ega. Preparatning tarkibiga kiruvchi yordamchi moddalar (antioksidant alfa-tokoferol atsetati) mavjudligida odam rekombinant alfa-2 interferonining viruslarga karshi spetsifik faolligi oshadi, uning immunomodulyatsiya qiluvchi ta'siri kuchayadi (jarohatlangan o‘choqda neytrofillarning fagotsitar funktsiyasini rag‘batlantirilishi).
Sirtga va mahalliy qo‘llanganida interferonning tizimli so‘rilishi past.

Qo‘llanilishi

Turli lokalizatsiyali teri va shilliq qavatlarning gerpetik infektsiyalarini (Herpes simplex 1 va 2 tip) davolash uchun qo‘llanadi.
1 yoshdan boshlab bolalarda gripp va boshqa O‘RVI ni majmuaviy davolash tarkibida qo‘llanadi.

Qo‘llash usuli va dozalari

Gerpetik infektsiyada surtma shikastlanish o‘chog‘iga yupqa qavat qilib sutkada 3- 4 marta surtiladi, davolash davomiyligi 5-7 kunni tashkil qiladi.
Teri va shilliq qavatlarini shikastlanishining birinchi belgilari paydo bo‘lganda (qichishish, achishish, qizarish) darhol davolashni boshlash tavsiya qilinadi. Qaytalanuvchi gerpesni davolaganda davolashni prodromal davrida yoki kasallikni qaytalanishining belgilari paydo bo‘lishini eng boshida boshlagan ma'qul.
Gripp va boshqa O‘RVI ni davolash uchun kasallikning butun davrida surtma burun yo‘llarining shilliq qavatiga yupqa qavat qilib sutkada 3-4 marta surtiladi Bolalarga 1 yoshdan 2 yoshgacha 2500 XB (diametri 0,5 sm bo‘lgan 1 qism) sutkada 3 marta, 2 yoshdan 12 yoshgacha bo‘lgan bolalarga 2500 XB (diametri 0,5 sm bo‘lgan 1 qism) sutkada 4 marta, 12 yoshdan 18 yoshgacha bo‘lgan bolalarga 5000 XB (diametri 1 sm bo‘lgan 1 qism) sutkada 4 marta. Davolash davomiyligi 5 kunni tashkil qiladi.
Ochilgan alyumin tuba 1 oy sovutgichda saqlanadi.
Nojo‘ya ta'sirlari
Ko‘pchilik hollarda VIFERON preparati, sirtga va mahalliy qo‘llash uchun surtma yaxshi o‘zlashtiriladi. Burun shilliq qavatiga surtilganida nojo‘ya samaralari (rinoreya, aksirish, burun shilliq qavatini achishishi) kuchsiz va o‘tkinchi xarakterga ega va preparat bekor qilingandan keyin mustaqil o‘tib ketadi.

Qo‘llash mumkin bo‘lmagan holatlar

Preparat komponentlarini individual o‘zlashtiraolmaslik.
1 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
VIFERON preparati, sirtga va mahalliy qo‘llash uchun surtma O‘RVI, shu jumladan gripp, teri va shilliq qavatlarning virusli shikastlanishlarini (gerpetik) davolash uchun qo‘llanadigan barcha dori preparatlari bilan mutanosib.

Maxsus ko‘rsatmalar

Homiladorlik va emizish davrida qo‘llanishi
Sirtga va mahalliy qo‘llanilganda interferonni tizimli so‘rilishi pastligi va preparat faqat shikastlanish o‘chog‘iga ta'sir ko‘rsatishi tufayli, VIFERON surtmasi preparatini homiladorlik va emizish davrida qo‘llanishi mumkin.
Transport vositalarini boshqarish va boshqa faoliyat turlari bilan shug‘ullanish qobiliyatiga ta'siri
Aniqlanmagan.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Aniqlanmagan.

Chiqarilish shakli

Sirtga va mahalliy qo‘llash uchun surtma 40000 XB/g. 12g dan alyumin tubada.
1 tuba davlat va rus tillaridagi qo‘llash bo‘yicha yo‘riqnomasi bilan karton qutida.

Saqlash sharoiti

2°C dan 8°C gacha bo‘lgan haroratda.

Yaroqlilik muddati

1 yil.

Dorixonalardan berish tartibi

Shifokor retseptisiz beriladi.

Ishlab chiqaruvchi

/e'tirozlarni qabul qiluvchi tashkilot
«FERON» MChJ, Rossiya. 123098, Moskva sh., Gamalei ko‘ch., 18 uy