Preduktal OD kaps. 80mg №30

Preparatning savdo nomi

Preduktal® MR

Ta‘sir qiluvchi modda

Trimetazidin digidroxloridi

Dori shakli

Ajralib chiqishi modifikatsiyalangan plyonka qobiq bilan qoplangan tabletka.

Tarkibi

Har bir tabletka quyidagilarni saqlaydi
Faol modda 35 mg trimetazidin digidroxloridi.
Yordamchi moddalar
Tabletkaning markaziy qismi kaltsiy gidrofosfati digidrati, gipromelloza, povidon, suvsiz kolloid kremniy dioksidi, magniy stearati.
Plyonka qobig‘i titan dioksidi (E171), glitserol, gipromelloza, makrogol 6000, temir III oksidi (E 172), magniy stearati.
Ta'rifi
Yasmiqsimon, pushti rangli plyonka qobiq bilan qoplangan tabletkalar.

Farmakoterapevtik guruhi

Stenokardiyaga qarshi boshqa yurak-qon tomir preparatlari.ATX kodi S01EV15.

Farmakologik xususiyatlari

Farmakodinamika

si
Ta'sir mexanizmi Preduktal® MR gipoksiya yoki ishemiyaga uchragan hujayralarda energiya almashinuvini saqlab turadi. Trimetazidin yog‘ kislotalarining beta-oksidlanishini ingibitsiya qilib, glyukoza oksidlanishini kuchaytiradi. Glyukozani oksidlanishi uchun yog' kislotalari oksidlanishiga nisbatan kamroq kislorod talab qilinadi. Bu jarayon hujayradagi energetik jarayonlarni uyg‘unlashtirib, ishemiya paytida energiya metabolizmini tutib turadi.
Preparatning ishemiyaga qarshi samaradorligi gemodinamik ko‘rsatkichlarni o‘zgartirmagan holda erishiladi.

Farmakokinetikasi

Ichga qabul qilinganda maksimal konsentratsiyasi o'rtacha 5 soatdan keyin kuzatiladi. Muvozanatli konsentratsiyaga preparatni qabul qilgandan keyin 60 soatdan so'ng erishiladi.Yarim chiqarilish davri yosh sog‘lom ko‘ngillilarda o'rtacha 7 soat, 65 yoshdan oshgan shaxslarda esa 12 soatni tashkil qiladi.
Trimetazidin asosan siydik bilan, ko'proq qismi o'zgarmagan holda chiqariladi. Preparatning umumiy klirensi buyrak va jigar klirensi bilan bog'liq.
Keksa patsiyentlar 75 yoshdan oshgan bemorlarda buyrak faoliyatining yomonlashuvi tufayli trimetazidinning organizmdagi darajasi (ekspozitsiyasi) ortishi mumkin.
Buyrak faoliyati buzilgan bemorlar o'rtacha darajadagi buyrak yetishmovchiligi bo'lgan bemorlarda ekspozitsiya 2.4 marta, og'ir buyrak yetishmovchiligida esa 4 marta ortadi.
Bolalar 18 yoshgacha bo'lgan bolalarda trimetazidinning farmakokinetik xususiyatlari o'rganilmagan.

Qo‘llanilishi

Boshqa preparatlar bilan birgalikda stenokardiyani (yurak ishemik kasalligi chaqirgan ko‘krakda og‘riqni) davolash uchun mo‘ljallangan.

Qo‘llash usuli va dozalari

Tavsiya etilgan doza 1 tabletkadan kuniga ikki marta, ertalab va kechqurun, ovqatlanish vaqtida buyuriladi.
Buyrak faoliyati buzilgan yoki 75 yoshdan oshgan bemorlar uchun shifokor dozani o'zgartirishi mumkin.
Qabul qilish usuli tabletkalarni ovqat qabul qilish vaqtida suv bilan ichish kerak.
Agar preparat qabul qilish esdan chiqib qolsa, o'tkazib yuborilgan dozani o'rnini qoplash uchun ikki barobar dozani qabul qilmang.
Nojo‘ya ta'sirlari
Tez-tez uchraydigan bosh aylanishi, bosh og‘rig‘i, qorinda og‘riq, diareya, ovqat hazm bo‘lishini buzilishi, ko‘ngil aynishi, qusish, toshma, qichishish, eshakemi va holsizlik hissi.Kam hollarda yurakni tez yoki nomuntazam urishi, ekstrasistoliya, yurakni tez-tez urishi, qon bosimining pasayishi, bu hushdan ketishga olib kelishi mumkin.Tez-tezligi noma'lum
Ekstrapiramid simptomlar (tremor, qotib qolish, harakatlarning sekinlashishi, qadam tashlashning qiyinlashishi). Bu simptomlar odatda davolash tugaganidan keyin yo'qoladi.
Uyquning buzilishi, qabziyat.
Terida pufakchalar hosil bo'lishi bilan kechuvchi og'ir qizil toshmalar.
Yuz, lablar, til yoki tomoqning shishishi (bu nafas olishda qiyinchilik tug'dirishi mumkin).
Leykotsitlar va trombotsitlar sonining keskin kamayishi.
Jigar kasalliklari (ko'ngil aynishi, qusish, ishtahaning yo'qolishi, sarg'ayish, siydik rangining o'zgarishi).

Qo‘llash mumkin bo‘lmagan holatlar

Trimetazidinga yoki preparatning boshqa komponentlariga allergiya.
Parkinson kasalligi yoki shu kabi harakat buzilishlari (tremor, rigidlik, harakatlarning sekinlashuvi).
Buyrak faoliyatining og‘ir darajada buzilishi.
Dorilarning o‘zaro ta'siri
Ma'lumotlar mavjud emas. Boshqa preparatlarni (shu jumladan retseptsiz beriladigan) qabul qilayotgan bo'lsangiz, bu haqida shifokoringizga xabar bering.

Maxsus ko‘rsatmalar

Preduktal® MR stenokardiya xurujlarini bartaraf etish yoki miokard infarktini davolash uchun mo'ljallanmagan.
Stenokardiya xuruji yuz berganda shifokorga murojaat qilish kerak.
Preparat ayniqsa keksa bemorlarda tremor, harakatlarning sekinlashuvi va qiyinlashgan qadam tashlash kabi simptomlarni keltirib chiqarishi mumkin. Bunday hollarda shifokorga xabar bering.
Qon bosimi keskin pasayishi yoki muvozanat buzilishi natijasida yiqilishlar kuzatilishi mumkin.
Homiladorlik va laktatsiya davrida qo‘llanishi
Homiladorlik Homiladorlik vaqtida ushbu preparatni qabul qilmaslik tavsiya etiladi. Davolash vaqtida homilador bo'lganingizni aniqlasangiz, shifokor bilan maslahatlashing.
Laktatsiya Preparatning ona sutiga o'tishi haqida ma'lumotlar yo'qligi sababli, emizish davrida qo'llash tavsiya qilinmaydi.
Bolalar va o‘smirlar
18 yoshdan kichik bolalar va o‘smirlarga qo‘llash tavsiya etilmaydi.
Avtomobilni va murakkab mexanizmlarni boshqarish qobiliyatiga ta'siri
Preduktal® MR mashina haydash yoki mexanizmlarni boshqarish qobiliyatiga ta'sir qilishi mumkin. Agar preparat ko'ngil aynishi, bosh aylanishi, holsizlik, charchoq yoki bosh og'rig'ini keltirib chiqarsa, rulga o'tirmang va uskunalarni ishlatmang.

Dozani oshirib yuborilishi

Trimetazidin dozasini oshirib yuborish haqida ma'lumotlar cheklangan. Bunday holatda simptomatik davolash kerak.

Chiqarilish shakli

Har bir karton quti 60 tabletka va bemor uchun qo'llanmani saqlaydi.

Saqlash sharoiti

30°S dan yuqori bo'lmagan haroratda, bolalar ololmaydigan joyda saqlansin.

Yaroqlilik muddati

3 yil. O'ramda ko'rsatilgan yaroqlilik muddati tugagandan so'ng qo'llanilmasin.

Dorixonalardan berish tartibi

Retsepti bo‘yicha.

Ishlab chiqaruvchi

Les Laboratoires Servier Industrie, Fransiya.