FDP Medlac vena ichiga yuborish uchun eritma tayyorlash uchun liofilizatsiya qilingan kukun 5 g 50 ml №1

Preparatning savdo nomi

FDP Medlac
Ta'sir etuvchi modda (XPN) fruktozo-1,6-difosfat

Dori shakli

vena ichiga yuborish uchun eritma tayyorlash uchun liofilizatsiya qilingan kukun.

Tarkibi

5 g kukun quyidagilarni saqlaydi
faol modda 5 g D-fruktozo-1,6-difosfatning natriyli tuzi (3,75 g fruktozo-1,6-difosfor kislotasiga ekvivalent, steril kukun).
Erituvchining bir flakoni quyidagilarni saqlaydi steril in'ektsiya uchun suv, 50 ml.
Ta'rifi oq yoki biroz sarg‘ish rangli kristall kukun.

Farmakoterapevtik guruhi

Yurak-qon tomir tizimi kasalliklarini davolash uchun preparatlar. Boshqa kardiotonik preparatlar.
ATX kodi S01EV07

Farmakologik xususiyatlari

Farmakodinamika

Preparatning asosiy ta'sir mexanizmi - hujayra devori bilan o‘zaro ta'sir qilib, fosfofruktokinaza, piruvatkinaza va laktatkinazaning faolligini rag‘batlantirib, hujayra ichida yuqori energetik fosfatli to‘plami (puli) ni oshishiga olib keladi. Uning hujayra ichidagi kontsentratsiyasi xujayraning “ixtisosligi” ga bog‘liq holda o‘zgarib turadi. FDP ning kontsentratsiyasi inson eritrotsitlarida 6-10 mg/l hujayrani tashkil qiladi.
Hujayraning yuzasi bilan o‘zaro ta'siri ham xujayra ichi fosfatlar to‘plami (puli) va 2.3-difosfoglitseratni to‘yinishini rag‘batlantirib, hujayra ichidagi kaliy ionlarining kuchaygan diffuziyasi holida namoyon bo‘ladi.
FDP giperkaliyemiyaning salbiy oqibatlariga qarshi ta'sir ko‘rsatadi, yurak mushaklarida adenozintrifosfat (ATF) zahiralarini kamayishiga to‘sqinlik qiladi va yurakni to‘xtab qolishini oldini olib, uning faoliyatini quvvatlab turadi.
FDP mexanik jarohatlar chaqirgan eritrotsitlar gemolizini kamaytiradi, neytrofillarda erkin kislorod radikallarini kimyoviy rag‘batlantirilgan maxsulotlarini ingibitsiya qiladi, miokard ishemiyasida ATF va kreatinfosfat zahiralarini tutib turib, FDP kardiorespirator reanimatsiyaga yordam beradi, koronar arteriyalarining o‘tkir okklyuziyasi oqibatidagi nekroz sohasini chegaralaydi; miokardning katta sohasini infarkti bo‘lgan patsiyentlarga, ayniqsa ilk bosqichlarida ijobiy kardiotsirkulyator samara beradi va gemodinamikani yaxshilaydi.
FDP gemorragik va jarohat shoklarda sezilarli protektiv faollikni namoyon etadi va reanimatsiyani muvaffaqiyatli kechishiga yordam beradi. Shuningdek, FDP bosh miya to‘qimasiga yaqqol protektiv samara ko‘rsatadi, gipoksik stress oqibatlarini kamaytiradi.
Surunkali yurak ishemik kasalligi bo‘lgan patsiyentlarda FDP ish qobiliyatini va yuklamada yurak faoliyatini yaxshilaydi; sitostatiklarning yurakka zaharli ta'sirini biokimyoviy va elektrokardiografik ko‘rinishlarni kamaytiradi. FDP davomli ishemik kardioplegiyadan keyin yurak faoliyatini yetarli darajada tiklanishini tezlashtiradi.
FDP jigar va buyrakni ishemiyadan va post-ishemik reperfuziya oqibatidagi funktsional va organik shikastlanishlardan himoya qilishi aniqlangan.
FDP periferik qon tomirlar kasalliklari bilan aziyat kechuvchi patsiyentlarda, qonning reologik ko‘rsatkichlarini yaxshilaydi. Ko‘p marta qon quyilganida FDP eritrotsitar ichidagi energetik pulini oshiradi, quyilgan plazmadagi kaliy kontsentratsiyasini kamaytiradi, hujayra ichida kaliy va natriy normal nisbatini tiklaydi, eritrotsitlarning tarangligini va gemolitik chidamliligini yaxshilaydi.
FDP kattalardagi respirator distress-sindromini davolashda foydali bo‘lishi mumkin. Ushbu sindromda FDP semiz hujayralaridan gistaminni ajralib chiqishini susaytirish va neytrofillarda erkin kislorod radikallarini (perekisli va superoksidli) hosil bo‘lishini oldini olish yo‘li bilan o‘pkaning mikrovaskulyar shikastlanishlarini susayishiga yordam beradi.
Bundan tashqari, FDP azot muvozanatiga ijobiy ta'sir ko‘rsatadi va umumiy parenteral oziqlanishda glyukozani utilizatsiyaga yordam beradi.

Farmakokinetikasi

250 mg/kg dozada infuziyadan keyin 5 minutdan so‘ng o‘lchangan plazmadagi FDP kontsentratsiyasi 770 mg/l ni tashkil qilgan. Infuziya tugaganidan so‘ng 80 minutdan keyin plazmada FDP aniq miqdorlarda aniqlanmadi. Qon plazmasidan yarim chiqarilish davri 10 minutdan 15 minutgacha tebranadi.
FDP qon tomirlari havzasidan tashqaridagi to‘qimalarda tarqalishi hamda eritrotsitar va plazmatik fosfatazalar ta'siri ostida anorganik fosfat va fruktozagacha gidrolizlanishi tufayli plazmada aniqlanmaydi.

Qo‘llanilishi

- o‘tkir miokard infarkti
- miokard infarkti, jarohatlar, qon ketishlar, insulьtlarda va og‘ir infektsiyalardagi shok holatlari
- surunkali yurak yetishmovchiligi
- miokardning intraoperatsion ishemiyasi
- turli sohalardagi ishemiya (shu jumladan oyoqlarning og‘ir ishemiyasi)
- miya qon aylanishini o‘tkir buzilishi
- metabolizm buzilishi oqibatidagi gipofasfatemiya (alkogolli qaramlik, ozib ketish, nafas yetishmovchiligi, qon oksigenatsiyasini pasayishi, neyroleptiklar bilan dozani oshirib yuborilishi).
- massiv transfuziya (ko‘p miqdorda qon quyish) oqibatidagi va yurakdagi operatsiyalarda, parenteral oziqlanishda, jigardagi operatsiyalar, og‘ir kuyishlarda ekstrakorporal qon aylanishida difosfoglitseratning zahiralari tugaganda
- gipotenziya yoki to‘qimalar oksigenatsiyasini pasayishi, a'zolarni ko‘chirib o‘tkazish (buyrak, jigar) kabi jarroxlik aralashuvlarda asoratlarni oldini olish uchun
- sport tibbiyotida jadal yuklamadan keyin sarf etilgan energiyani tiklash uchun
- jismoniy o‘ta zo‘riqish sindromini rivojlanishini oldini olish, ekstremal jismoniy yuklamalarga ko‘nikishni yaxshilash.

Qo‘llash usuli va dozalari

FDP faqat vena ichiga yuborish uchun mo‘ljallangan.
Vena ichiga tez quyish uchun (taxminan minutiga 1 g tezlikda, bu minutiga 10 ml ga muvofiq keladi) 5 g FDP, 10% li eritma olish uchun solib qo‘yilgan 50 ml erituvchida eritiladi. Tavsiya etilgan sutkalik doza va davolash davomiyligi holatining og‘irligiga qarab aniqlanadi.
O‘tkir holatlarda preparatni odatda 125-175 mg/kg (sutkada 2 flakonga mos keladi) hisobidan yuboriladi, maksimal 250 mg/kg yuboriladi. Yuqoriroq dozalarni yuborish zarurati tug‘ilganda, umumiy sutkalik dozani 2 marta yuborishga bo‘lish kerak.
Surunkali holatlarda – tana vaznining kg ga 75 mg dan to 160 mg gacha yuboriladi (sutkada FDP 5 g ning 1-2 flakoniga mos keladi).
Intraoperatsion miokard ishemiyasida aynan yuborishdan oldin preparatni kardioplegik eritma tarkibiga qo‘shiladi. Jarrohlik aralashuvlaridan oldin va operatsiyadan keyin 1-2 kun davomida sutkada 1 flakondan 3-5 kun davomida yuborib infuziyaning profilaktik kursini o‘tkazish tavsiya etiladi.
Gipofosfatemiyani davolash uchun, fosforni keragidan ortiq hosil bo‘lishidan saqlanish uchun, buyuriladigan modda miqdori tanqislikning yaqqolligiga bog‘liq bo‘lishi kerak.
Bolalar uchun dozalash tana vazniga muvofiq tarzda belgilanadi.
Bir gramm FDP 4,6-4,8 mmolь noorganik fosfat saqlaydi.
Muhim!
Tayyorlangan eritmani faqat bir marta ishlatish mumkin. Qo‘llashdan keyin har qanday qolgan modda miqdori tashlab yuborilishi kerak.
Nojo‘ya ta'sirlari
Juda kam hollarda turli og‘irlik darajasidagi allergik reaktsiyalar.
Minutiga 10 ml tezlikda quyish hollarida yuzni qizarishi, yurakni tez-tez urishi, oyoq-qo‘l barmoqlarini uvishishi kuzatilishi mumkin.
Preparatniqo‘llash vaqtida har qanday nojo‘ya samaralar paydo bo‘lganida darhol davolovchi shifokorga murojaat qilish lozim.

Qo‘llash mumkin bo‘lmagan holatlar

Preparatga ma'lum o‘ta yuqori sezuvchanlik, giperfosfatemiya, buyrak yetishmovchiligi.
Dorilarning o‘zaro ta'siri
FDP ning boshqa dori preparatlari bilan o‘zaro ta'siri aniqlanmagan.
Mutanosibligi FDP ni pH 5,5 da erimaydigan boshqa preparatlar, shuningdek kalьtsiy tuzlarining ishqoriy eritmalari bilan aralashtirish mumkin emas.

Maxsus ko‘rsatmalar

Kreatinin klirensi minutiga 50 ml dan kam bo‘lgan patsiyentlarda, qonda fosfatlar darajasini doimo nazorat qilish lozim. Ilk yoshdagi bolalarda preparat faqat zarurati bo‘lgan hollarda va jiddiy tibbiy nazorat ostida ishlatilishi lozim.
Homiladorlik va laktatsiya
Homiladorlikning uchinchi uch oyligida homilador ayollarni FDP bilan davolash hech qanday nojo‘ya samaralar kuzatilmagan.
Transport vositalarini yoki potentsial xavfli mexanizmlarni boshqarish qobiliyatiga ta'sirining o‘ziga xosligi
Avtomobilni yoki boshqa mexanizmlarni boshqarish qobiliyatiga ta'sir ko‘rsatmaydi. FDP ni yuborishda eritmani teri osti to‘qimasiga tushishi mahalliy kuchli og‘riqni chaqiradi.
Preparat bolalar ololmaydigan joyda saqlansin va o‘ramda ko‘rsatilgan yaroqlilik muddati o‘tgach ishlatilmasin.
Ehtiyotkorlik choralari
Infuziya jarayonida FDP eritmasini teri ostiga tushishi kuchsiz mahalliy og‘riq va yengil mahalliy ta'sirlanishni chaqiradi.
Ogohlantirish parenteral ishlatish uchun preparatlar yuborilishidan oldin zarrachalarni borligi yoki rangini o‘zgarmaganligini aniqlash uchun, agar konteyner yoki eritmani ko‘rish imkoni bo‘lsa) vizual ravishda tekshirilishi lozim. Agar u xiralashgan bo‘lsa yoki cho‘kmasi bo‘lsa, preparatni ishlatmang. Och-sariq bo‘yalishni normal deb hisoblash mumkin.

Dozani oshirib yuborilishi

Dozani oshirib yuborish holatlari xaqida xabar berilmagan.

Chiqarilish shakli

5 g preparat 100 ml hajmli, rezina qopqoq bilan mustahkamlangan va “flip-off” xalqali alyumin qopqoq bilan o‘ralgan II tur rangsiz shishali flakonda.
50 ml erituvchi rezina qopqoq bilan mustahkamlangan va “flip-off” xalqali alyumin qopqoq bilan o‘ralgan II tur rangsiz shishali flakonda.
Preparatli 1 flakon, erituvchili 1 flakon, steril polietilen paketda vena ichiga yuborish uchun tizimcha bilan to‘plamda, davlat va rus tillaridagi tibbiyotda qo‘llash bo‘yicha yo‘riqnoma bilan birga taxlanadigan karton qutiga joylanadi.

Saqlash sharoiti

25°C dan yuqori bo‘lmagan hona haroratida saqlansin.
Shikastlangan o‘ramdagi preparat ishlatilmasin.

Yaroqlilik muddati

To‘g‘ri saqlash sharoitida 3 yil.

Dorixonalardan berish tartibi

Retsept bo‘yicha.

Ishlab chiqaruvchi

Medlac PharmaItaly Company Ltd.