Preparatning savdo nomi
Metakartin
Ta'sir etuvchi modda (XPN) levokarnitin

Dori shakli
ichga qabul qilish uchun eritma

Tarkibi

Bir flakon preparat quyidagilarni saqlanadi
faol modda 1,0 g yoki 2,0 g levokarnitin;
yordamchi moddalar olma kislotasi, natriy benzoati, natriy saxarini, “Apelsin” aromatizatori, tozalangan suv.
Ta'rifi tiniq rangsiz yoki och sariq rangli eritma.

Farmakoterapevtik guruhi
metabolik jarayonlarni muvofiqlashtiruvchi vosita.
ATX kodi A16AA01

Farmakologik hususiyatlari

Farmakodinamika
si
Metakartin – metabolik jarayonlarni muvofiqlashtiruvchi preparat.
Levokarnitin – V guruh vitaminlariga yaqin bo‘lgan tabiiy vositadir. Preparat yog‘ kislotalarini sitoplazmadan mitoxondriyalarga hujayra membranalari orqali tashuvchi sifatida moddalar almashinuvi jarayonlarida ishtirok etadi, u yerda ushbu kislotalar β-oksidlanish jarayoniga uchrab, katta miqdorda energiya (ATF holida) hosil qiladi. Levokarnitin koenzim A ni ozod qilib, metabolitlarni Krebs sikliga kirishishini kuchaytiradi. Shu mexanizm orqali levokarnitin suyak mushaklarida piruvatdegidrogenazaning faolligini va turli bog‘larga ega bo‘lgan aminokislotalarni oksidlanishini rag‘batlantiradi. Preparat oqsil va yog‘ almashinuvini normallashtiradi, qonning ishqoriy zahirasini tiklaydi, ketokislotalarni hosil bo‘lishini va anaerob glikolizni susaytiradi, laktatsidozning darajasini kamaytiradi, shuningdek harakat faolligini oshiradi va jismoniy harakatlarning o‘zlashtirilishini oshiradi, bunda glikogenni kam sarflanishiga va jigarda uning zahirasini oshishiga yordam beradi.

Farmakokinetikasi

Ichga qabul qilinganidan so‘ng levokarnitinning biokiraolishligi 15,9% ni tashkil etadi. Organizmning barcha to‘qimalariga o‘tadi, eng yuqori kontsentratsiyalari jigar, skelet mushaklari va miokardda hosil bo‘ladi. Maksimal kontsentratsiyasiga ichga qabul qilinganidan so‘ng 3,3 soatdan keyin erishiladi, terapevtik kontsentratsiyasi 9 soat davomida saqlanib turadi.
Buyrak orqali asosan atsil efirlari ko‘rinishida chiqariladi.


Qo‘llanilishi

• birlamchi va ikkilamchi karnitin tanqisligida;
• buyrak yetishmovchiligini terminal bosqichi bo‘lgan gemodializdagi patsiyentlarda karnitin tanqisligida;
• YuIK (o‘tkir miokard infarkti, miokard infarktidan keyingi holatlar, kardiogen shokdagi gipoperfuziya) fonida miokardning metabolizmini buzilishlarida;
• sitostatiklar qo‘llanganida kardiotoksiklikni oldini olish uchun;
• ishtahani va ovqatlanish reflekslarini pasayishi, tana vaznini kamayishi, kattalar va bolalarni ozib ketishi (nevrogen anoreksiya, ruhiy kasalliklar, distsirkulyator va travmatik entsefalopatiya; me'daning sekretor faoliyatini pasayishi bilan kechuvchi surunkali gastrit, me'da osti bezini tashqi sekretor faoliyatini yetishmovchiligi bilan kechuvchi surunkali pankreatit; og‘ir kasalliklar va jarrohlik aralashuvlaridan keyingi rekonvalestsentsiya davri; chala tug‘ilgan chaqaloqlar, tug‘ruq jarohatlari, yangi tug‘ilgan chaqaloqlardagi respirator distress sindrom; bolalarda valproat kislotasini qabul qilish fonida rivojlanadigan Reye sindromiga o‘xshash sindromlar kompleksi (gipoglikemiya, gipoketonemiya, koma); bolalarda va 16 yoshgacha bo‘lgan o‘smirlarda tana vaznini yetishmasligi va o‘sishdan orqada qolish) bilan kechuvchi holatlar va kasalliklar;
• bolalar va 16 yoshgacha bo‘lgan o‘smirlarda tireotoksikozning yengil shakli;
• teri kasalliklarida (psoriaz, seboreyali ekzema, o‘choqli sklerodermiya va diskoidli qizil yugurik) majmuaviy davolash tarkibida;
• davomli jadal kechuvchi jismoniy mashqlar yoki boshqa harakatlarni oshishida (anabolik va adaptogen sifatida) qo‘llanadi.


Qo‘llash usuli va dozalari

Faqat ichga qabul qilish uchun mo‘ljallangan.
Metakartin preparatini suvga yoki mevali sharbatga qo‘shib qabul qilish mumkin.
Preparatni ovqatlanishdan qat'iy nazar, teng vaqtlar oralig‘ida sutkada 2-4 marta qabul qilish mumkin.
Kattalar va 12 yoshdan oshgan bolalarga preparat sutkada 2-6 g dozada buyuriladi.
Metakartin preparatini tavsiya etilgan dozasi 50 kg tana vazniga 1 g dan sutkada 2-3 marta qabul qilishdan iborat.
Metakartin preparatini boshlang‘ich dozasi sutkada tana vazniga 50 mg/kg ni tashkil etadi, 2-3 marta qabul qilishga bo‘linadi. Keyinchalik dozasi preparatni o‘zlashtirilishi va davolashga nisbatan javob reaktsiyasiga qarab, shuningdek davolanish vaqtidagi jismoniy yuklamalarni hisobga olib, asta-sekin oshirilishi mumkin.
12 yoshgacha bo‘lgan bolalarga va yangi tug‘ilgan chaqaloqlarga sutkada tana vazniga 50-
100 mg/kg, ammo sutkada 3 g dan oshmasligi kerak.
Birlamchi va ikkilamchi karnitin tanqisligida sutkalik dozasi moddalar almashinuvini tug‘ma buzilishlariga va davolanish vaqtidagi yaqqollik darajasiga bog‘liq. Ko‘pchilik hollarda ichga qabul qilish uchun tavsiya etilgan dozasi sutkada 100-200 mg/kg ni tashkil etadi, 2-4 marta qabul qilinadi. Agar klinik va biokimyoviy ko‘rsatkichlar yaxshilanmasa, dozasi qisqa vaqtga oshirilishi mumkin.
O‘tkir metabolik dekompensatsiyada preparat yuqori dozalarda – sutkada 400 mg/kg dozalarda buyuriladi.
Gemodializdagi patsiyentlarda karnitin tanqisligida preparat sutkada 1 g samarasini tutib turuvchi dozada ichga qabul qilishga buyuriladi. Gemodializ o‘tkaziladigan kunda preparat gemodializ seansidan so‘ng qabul qilinadi.
Kattalarga asabiylashish oqibatidagi anoreksiya sindromida, shuningdek o‘tkazilgan kasalliklar va jarrohlik aralashuvlaridan keyingi tiklanish davrida – 2 g dan sutkada 2 marta qabul qilinadi. Davolash davomiyligi 1-2 oyni tashkil etadi.
Davomli jismoniy harakatlarda – 1-2 g dan sutkada 2-3 marta qabul qilinadi.
Me'daning sekretor faoliyati pasayishi bilan kechuvchi surunkali gastrit va me'da osti bezining tashqi sekretor faoliyatini yetishmovchiligi bilan kechuvchi surunkali pankreatiti bo‘lgan patsiyentlarda ishtahani qo‘zg‘atish va tana vaznini oshirish uchun preparat 500 mg bir martalik dozada sutkada 2 marta qabul qilinadi. Davolash davomiyligi 1-1,5 oyni tashkil etadi.
Teri kasalliklarini davolashda bir martalik dozasi 1 g ni tashkil etadi sutkada 2 marta qabul qilinadi. Davolash davomiyligi 2-4 haftani tashkil etadi.
O‘sishdan orqada qolganda va gipertireozda bir martalik dozasi 250 mg ni tashkil etadi, sutkada 2-3 marta 20 kun davomida qabul qilinadi. Davolash kursi 1-2 oylik tanaffusdan so‘ng takrorlanadi yoki 3 oy davomida uzluksiz qo‘llanadi.
Bosh miyani tomirli, toksik va travmatik genezli shikastlanishlarida sutkada 0,5-1,0 g dan 3-5 kun davomida qabul qilinadi. Zarurat bo‘lganida 12-14 kundan keyin takroriy davolash kursi buyuriladi.
Davolash davomiyligi 1 oydan 12 oygacha bo‘lgan vaqtni tashkil etadi. Zarurat bo‘lganida butun hayoti davomida davolanish mumkin. Monitoring qonning biokimyoviy tahlilini vaqti-vaqti bilan o‘tkazish, organizmning hayotiy muhim a'zolari faoliyati ko‘rsatkichlarini baholash, plazmadagi karnitinning kontsentratsiyasini aniqlash va patsiyentning umumiy klinik holatini baholashdan iborat bo‘lishi kerak. Preparatning adekvat dozasini aniqlash uchun plazmada va siydikda erkin va atsillangan levokarnitinning kontsentratsiyasini o‘lchab, davolashni nazorat qilish tavsiya etiladi. Plazmada karnitinning kontsentratsiyasi 35-60 mkmol/l ni tashkil etadi. Plazmada atsillangan va erkin levokarnitinning nisbati normada 0,35 ni tashkil etadi.

Nojo‘ya ta'sirlari
Ovqat hazm qilish tizimi tomonidan epigastral sohada og‘riq hislari, dispeptik buzilishlar bo‘lishi mumkin.
Boshqalar badandan o‘ziga xos hidni kelishi, anamnezida tirishish sindromi bo‘lgan patsiyentlarda tirishishlarni paydo bo‘lishi yoki ularni rivojlanish tezligini ortishi kuzatilgan.


Qo‘llash mumkin bo‘lmagan holatlar

Preparatning komponentlariga yuqori sezuvchanlikda qo‘llash mumkin emas.

Dorilarning o‘zaro ta'siri
Metakartin preparati bilan dorilarning o‘zaro ta'siri ta'riflanmagan.


Maxsus ko‘rsatmalar

Qandli diabeti bo‘lgan patsiyentlarga Metakartin preparatini buyurish glyukozani o‘zlashtirilishini yaxshilanishi natijasida gipoglikemiyani rivojlanishiga olib kelishi mumkin. Shu sababli, preparatni qabul qilish vaqtida qonda glyukozaning darajasini muntazam ravishda nazorat qilish va zarurat bo‘lganida gipoglikemik preparatlar va insulinning dozasiga tuzatish kiritish kerak.
Homiladorlik va laktatsiya davrida qo‘llanishi
Homiladorlik va laktatsiya davrida Metakartin preparatini ona uchun davolashdan kutilgan foyda homila yoki go‘dak uchun potentsial havfdan ustun bo‘lgan holdagina qo‘llash mumkin.
Pediatriyada qo‘llanishi
Preparat pediatriya amaliyotida qo‘llanadi.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni haydash va mexanizmlarni boshqarish qobiliyatiga ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Levokarnitinning dozasi oshirib yuborilganida organizmni zaharlanishi yuzasidan ma'lumotlar yo‘q.


Chiqarilish shakli

Ichga qabul qilish uchun eritma 10 ml dan oq rangli plastik qalpoqcha bilan berkitilgan sariq rangli shisha flakonlarda. 10 flakon qo‘llash bo‘yicha yo‘riqnomasi bilan birga karton qutiga joylangan.


Saqlash sharoiti

25oS dan yuqori bo‘lmagan haroratda saqlansin.








Yaroqlilik muddati

4 yil.


Dorixonalardan berish tartibi

Retseptsiz beriladi.


Ishlab chiqaruvchi

«Uorld Meditsin Ilach San. ve Tidj. A.Sh.», Turkiya
(Bagdjilar Ilchesi, Gyuneshli, Evren Maxallesi, Djami Yolu Djad. №50 K. 1V Zemin 4-5-6, Istambul)
“World Medicine Ilaç San. ve Tic. A.Ş.”, Turkey
(Bağcılar İlçesi, Güneşli, Evren Mahallesi, Cami Yolu Cad. No50 K. 1B Zemin 4-5-6, İstanbul).