Ripronat in'ektsiya uchun eritma 5 ml №10

Preparatning savdo nomi

Ripronat
Ta'sir etuvchi modda (XPN) meldoniy

Dori shakli

in'ektsiya uchun eritma.

Tarkibi

1 ml in'ektsiya uchun eritma quyidagilarni saqlaydi
faol modda meldoniy digidrati – 100 mg.
yordamchi in'ektsiya uchun suv.
Ta'rifi tiniq rangsiz eritma.

Farmakoterapevtik guruhi

Yurak kasalliklarini davolash uchun qo‘llanadigan boshqa preparatlar.
ATX kodi C01EB22
Farmakologik hususiyatlari

Farmakodinamika

Meldoniy karnitinni o‘tmishdoshi, bitta uglerod atomi azot atomiga almashingan 
γ-butirobetainning struktur analogi hisoblanadi.
Karnitin biosinteziga ta'siri
Meldoniy γ-butirobetaingidroksilazani qaytuvchan ingibitsiya qilib, γ-buterobetain (GBB) dan karnitin biosintezini kamaytiradi va uzun zanjirli yog‘ kislotalarini hujayra qobig‘i orqali tashilishiga to‘sqinlik qiladi, shu orqali hujayralarda kuchli detergantlar – yog‘ kislotalarining oksidlanmagan faollashgan shakllarini to‘planishiga to‘sqinlik qiladi. Shunday qilib, hujayra membranalarini shikastlanishini bartaraf qiladi.
Ishemiya sharoitlarida karnitinning kontsentratsiyasi kamayganida yog‘ kislotalarini 
β-oksidlanishi sekinlashadi va hujayralarda kislorodni sarflanishi optimallashadi, glyukozani oksidlanishi rag‘batlanadi va ATFni biosintez joyi (mitoxondriylar) dan sarflanish joyi (tsitozol) gacha tashilishi tiklanadi. Umuman olganda, hujayralar ozuqa moddalari va kislorod bilan ta'minlanadi, shuningdek ushbu moddalarni sarflanishi optimallashadi.
O‘z navbatida, karnitinning o‘tmishdoshi, GBB biosintezi oshganida NO-sintetaza faollashadi, natijada qonning reologik hususiyatlari yaxshilanadi va periferik qon-tomirlarning qarshiligi kamayadi.
Meldoniyning kontsentratsiyasi kamayganida karnitinni biosintezi yana kuchayadi va hujayralarda yog‘ kislotalarining miqdori asta-sekin tiklanadi.
Meldoniyning ta'sirini samaradorligi oqibatida hujayralarni yuklamaga bo‘lgan tolerantligi (hujayralar ichida yog‘ kislotalarining miqdorini pasayishi oqibatida) oshadi.
Yurakka va qon-tomir tizimiga ta'siri
Hayvonlarda o‘tkazilgan tadqiqotlarda, meldoniyni miokardning qisqaruvchanlik faolligiga ijobiy ta'sir qilishi, uni miokardga himoya qiluvchi ta'sirini xosligi (shu jumladan alkogolga va katexolaminlarga nisbatan), yurak ritmini buzilishini bartaraf qilishi, miokarda infarkti sohasini kamaytirishi aniqlangan.
Yurakni koronar kasalligi (zo‘riqish oqibatidagi stabil stenokardiya)
Zo‘riqish oqibatidagi stabil stenokardiyani davolashda meldoniy boshqa antianginal vositalar bilan majmuada bir kurs qo‘llanganiligi yuzasidan to‘plangan klinik ma'lumotlarni tahlili, preparat stenokardiya hurujlarining jadalligi va uchrash tezligini kamaytirishini, shuningdek qo‘llanadigan glitseriltrinitratning miqdorini kamaytirishini ko‘rsatgan. Meldoniy yurakni koronar kasalligi (YuKK) va yurak ekstrasistoliyalari bo‘lgan bemorlarda yaqqol ifodalangan antiaritmik ta'sir ko‘rsatadi, supraventrikulyar ekstrasistolalari bo‘lgan patsiyentlarda kamroq ifodalangan ta'siri kuzatiladi. Preparat tinch holatda kislorodga bo‘lgan ehtiyojni kamaytirish hususiyatiga ega, bu holat YuKKni antianginal davolashni samarali mezoni hisoblanadi.
Meldoniy koronar va periferik qon-tomirlardagi aterosklerotik jarayonlarga ijobiy ta'sir qilib, zardobda xolesterinning umumiy darajasini va aterogen indeksni kamaytiradi.
Surunkali yurak yetishmovchiligi
Nisbatan ko‘p sonli klinik tadqiqotlarda YuKK oqibatidagi surunkali yurak yetishmovchiligini davolashda meldoniyning roli tahlil qilingan va yurak yetishmovchiligi bo‘lgan patsiyentlarda jismoniy yuklamaga nisbatan tolerantlikni, shuningdek patsiyentlar tomonidan bajariladigan ish hajmini oshirish hususiyati aniqlangan.
Markaziy nerv tizimiga ta'siri
Meldoniyni antigipoksik ta'siri va bosh miyada qon aylanishiga ta'siri aniqlangan. Preparat bosh miyada qon aylanishi hajmini ishemik o‘choqlar tomonda qayta taqsimlanishini optimallashtiradi, neyronlarni gipoksiyaga bo‘lgan chidamliligini oshiradi.
Preparat markaziy nerv tizimiga rag‘batlantiruvchi ta'sir ko‘rsatadi harakat faolligini va jismoniy yuklamalarga chidamlilikni oshiradi, harakat reaktsiyalarini rag‘batlantiradi, shuningdek antistressor (simpatoadrenal tizimini rag‘batlanishi, bosh miyada va buyrak usti bezlarida katexolaminlarni to‘planishi, ichki a'zolarni stress oqibatidagi shikastlanishdan himoya qilish) ta'sir ko‘rsatadi.
Bosh miyada qon aylanishini buzilishlarida va nevrologik kasalliklarda preparatning samaradorligi
Meldoniyni bosh miyada qon aylanishini o‘tkir va surunkali buzilishlarini (ishemik insult, bosh miyada qon aylanishini surunkali yetishmovchiligi) kompleks davolash uchun samarali vosita ekanligi isbotlangan. Meldoniy bosh miyadagi kapillyarlar va arteriolalarning tonusi va qarshiligini normallashtiradi.
Nevrologik xarakterdagi buzilishlari (bosh miyadagi qon-tomir kasalliklarini, bosh miyada operatsiya, bosh miya jarohatlarini o‘tkazgandan keyin, kana entsefalitini o‘tkazgandan keyin) bo‘lgan patsiyentlarni reabilitatsiya jarayoniga meldoniyning ta'siri o‘rganilgan.
Meldoniyning terapevtik faolligini baholash natijalari, jismoniy chidamlilikka uning dozaga bog‘liq ijobiy ta'sir qilishidan va sog‘ayish davrida funktsional faollikni tiklanishidan dalolat beradi.
Meldoniyni rekonvalestsentlarning hayot tarzini yaxshilashi va patsiyentda ruhiy buzilishlarni bartaraf qilishga yordam berishi aniqlangan.
Meldoniy sog‘ayish davrida nevrologik tanqisligi bo‘lgan patsiyentlarda nerv tizimining funktsiyasini tiklanishiga yordam beradi.
Patsiyentlarning umumiy nevrologik holatlari (bosh miya nervlarini shikastlanishi va patologik reflekslarni kamayishi, parezlarni regressiyasi, harakat koordinatsiyasi va vegetativ funktsiyalarni tiklanishi) yaxshilanadi.

Farmakokinetikasi

Preparatning farmakokinetikasi sog‘lom sub'ektlarda meldoniy vena ichiga va peroral qabul qilinganida o‘rganilgan.
So‘rilishi
Preparatning ko‘p martalik dozalari vena ichiga yuborilganidan keyin qon plazmasida maksimal kontsentratsiyasi (Smax) 25,50 ± 3,63 mkg/ml ga yetgan.
Jigar sirrozi bo‘lgan patsiyentlarda va og‘ir darajadagi buyrak yetishmovchiligi bo‘lgan patsiyentlarda Smax, “kontsentratsiya-vaqt” egri chizig‘i ostidagi maydoni (AUC) va yarim chiqarilish davri (T1/2) uzayishi bilan sub'ektlarda preparatning biokiraolishligi oshgan. Meldoniy vena ichiga (bir marotaba va takroran yuborilganidan keyin) yuborilganida uning AUC qiymati farqlanadi. Ushbu natijalar qon plazmasida meldoniyning to‘planishi mumkinligidan dalolat beradi.
Taqsimlanishi
Tizimli qon oqimiga tushganidan keyin meldoniy periferik to‘qimalarga tez taqsimlanadi, ayniqsa dori vositasini yurak mushagi/miokard/yurak to‘qimasiga yaqinligi yuqori. Plazma oqsillari bilan bog‘lanishi dozasi qo‘llanganidan so‘ng vaqtga qarab oshadi. Meldoniy va uning metabolitlari yo‘ldosh to‘sig‘i orqali qisman o‘tadi. Hayvonlarda o‘tkazilgan tadqiqotlar, meldoniy ko‘krak sutiga ajralib chiqishini ko‘rsatgan.
Metabolizmi
Meldoniy asosan jigarda metabolizmga uchraydi.
Chiqarilishi
Meldoniy va uning metabolitlarini chiqarilishida buyrak ekskretsiyasi ahamiyatli rol o‘ynaydi. Meldoniyning 250 mg, 500 mg va 1000 mg dozalari vena ichiga bir marta yuborilgandan keyin uning erta yarim chiqarilish davri 5,56-6,55 soatni tashkil etadi, yakuniy yarim chiqarilish davri 15,34 soatni tashkil etadi.
Patsiyentlarning maxsus guruhlari
Keksa patsiyentlar
Preparatning biokiraolishligi yuqoriligi tufayli, jigar yoki buyrak funktsiyasini buzilishlari bo‘lgan patsiyentlar uchun meldoniyning dozasini kamaytirish kerak.
Buyrak funktsiyasini buzilishi bo‘lgan patsiyentlar
Biokiraolishligi yuqori bo‘lgan, buyrak funktsiyasi buzilgan patsiyentlar uchun meldoniyning dozasini kamaytirish kerak. Meldoniy yoki uning metabolitlari (masalan, 3-gidroksimeldoniy) va karnitin o‘rtasida o‘zaro ta'sir mavjud, buning natijasida karnitinning buyrak klirensi uzayadi. Meldoniy, GBB va meldoniy/GBB majmuasini renin-angiotenzin-aldosteron tizimiga bevosita ta'sir qilmaydi.
Jigar funktsiyasini buzilishi bo‘lgan patsiyentlar
Dori vositasining biokiraolishligi yuqori bo‘lgan, jigar yetishmovchiligi bo‘lgan patsiyentlar uchun meldoniyning dozasini kamaytirish kerak. Kalamushlarda o‘tkazilgan tadqiqotlarda preparat 100 mg/kg dan yuqori dozalarda qo‘llanganida jigarni sariq rangga bo‘yalishi va yog‘larni denaturatsiyasi kuzatilgan. Gistopatologik tadqiqotlarda, meldoniyning yuqori dozalari (400 mg/kg va 1600 mg/kg) yuborilganidan so‘ng jigar hujayralarida lipidlarni to‘planishi ko‘rsatilgan. Odamlarda 400-800 mg ni tashkil etuvchi dozalar qo‘llanganidan keyin jigar faoliyatining ko‘rsatkichlarini o‘zgarishlari kuzatilmagan. Biroq jigar hujayralarini kuzatilishi mumkin bo‘lgan yog‘li infiltratsiyasini istisno qilish mumkin emas.
Bolalar
18 yoshgacha bo‘lgan bolalar va o‘smirlarda meldoniyni qo‘llash havfsizligi va samaradorligi yuzasidan ma'lumotlar yo‘q, shuning uchun bolalar va o‘smirlarda ushbu preparatni qo‘llash mumkin emas.

Qo‘llanilishi

Majmuaviy davolash tarkibida quyidagi holatlarda
yurak-qon tomir kasalliklari (stabil stenokardiya, surunkali yurak yetishmovchiligi (NYHA tasnifi bo‘yicha I-III sinf), kardiomiopatiya, yurak-qon tomir tizimining faoliyatini funktsional buzilishlari);
bosh miyada qon aylanishini o‘tkir va surunkali ishemik buzilishlari;
ish faoliyatini susayishi, jismoniy va psixoemotsional zo‘riqish;
bosh miyada qon aylanishini buzilishlari, jarohatlari va entsefalitdan keyingi tuzalish davrida qo‘llanadi.

Qo‘llash usuli va dozalari

Vena ichiga yuborish uchun eritma.
Qo‘zg‘atuvchi samarasi rivojlanishi mumkinligi tufayli, preparatni kunning birinchi yarmida yuborish tavsiya etiladi.
Kattalar
Vena ichiga sutkada 500-1000 mg dan buyuriladi. Sutkalik doza bir martada yoki ikki martaga bo‘linishi mumkin. Davolashning davomiyligi odatda 10-14 kunni tashkil etadi keyinchalik peroral dori shakliga o‘tiladi.
Umumiy davolash kursi 4-6 hafta. Takroriy davolash kurslari individual ravishda yiliga 2-3 marta buyuriladi.
Keksa yoshdagi patsiyentlar
Jigar va/yoki buyrak yetishmovchiligi bo‘lgan keksa patsiyentlarga meldoniyning dozasini kamaytirish talab etilishi mumkin.
Bolalar va o‘smirlar
18 yoshgacha bo‘lgan bolalar va o‘smirlarda meldoniyning havfsizligi va samaradorligi bo‘yicha ma'lumotlar yo‘q, shuning uchun bolalar va o‘smirlarda ushbu preparatni qo‘llash mumkin emas.
Buyrak yetishmovchiligi bo‘lgan patsiyentlar
Yengil va o‘rtacha darajadagi buyrak yetishmovchiligi bo‘lgan patsiyentlarga meldoniyni yanada kamroq dozada yuborish lozim.
Jigar yetishmovchiligi bo‘lgan patsiyentlar
Yengil va o‘rtacha darajadagi jigar yetishmovchiligi bo‘lgan patsiyentlar meldoniyni yanada kamroq dozada yuborish lozim.
Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Immun tizimi tomonidan tez-tez – allergik reaktsiyalar; kam hollarda – o‘ta yuqori sezuvchanlik, allergik dermatit, eshakemi, angiodistrofiya, anafilaktik reaktsiya.
Ruhiyatni buzilishlari kam hollarda – ajitatsiya, qo‘rquv hissi, shilqim fikrlar, uyquni buzilishi.
Nerv tizimi tomonidan tez-tez – bosh og‘rig‘i; kam hollarda – paresteziya, tremor, gipesteziya, quloqlarda shovqin, vertigo, bosh aylanishi, qadam tashlashni buzilishi, sinkope oldi holati, xushni yo‘qolishi.
Yurak tomonidan kam hollarda – yurak ritmini o‘zgarishi, yurak urishini his etish, taxikardiya/sinusli taxikardiya, bo‘lmasalar fibrillyatsiyasi, aritmiya, ko‘krakda diskomfort hissi / ko‘krakda og‘riq.
Qon-tomirlari tomonidan kam hollarda – arterial bosimni tebranishi, gipertenziv kriz, giperemiya, teri qoplamlarini oqarishi.
Nafas tizimi, ko‘krak qafasi va ko‘ks oralig‘i a'zolari tomonidan kam hollarda – tomoqda og‘riq, yo‘tal, dispnoe, apnoe.
Me'da-ichak yo‘llari tomonidan tez-tez- dispepsiya; kam hollarda – disgevziya (og‘izda metall ta'mi), ishtahani yo‘qolishi, kekirish, ko‘ngil aynishi, qusish, meteorizm, diareya, qorinda og‘riq.
Teri va teri osti to‘qimalari tomonidan kam hollarda – toshma, umumiy/makulyoz/ papulyoz toshmalar, qichishish
Skelet-mushak va biriktiruvchi to‘qima tomonidan kam hollarda – belda og‘riq, mushaklarni zaifligi, mushak spazmlari.
Buyrak va siydik chiqarish yo‘llari tomonidan kam hollarda – pollakiuriya.
Umumiy buzilishlar va yuborilgan joydagi buzilishlar kam hollarda – umumiy holsizlik, titrash, asteniya, shish, yuzni shishi, oyoqlarni shishi, sovuq qotishni his etish, sovuq ter ajralishi.
Laborator va instrumental tekshiruvlarning natijalariga ta'siri kam hollarda – elektrokardiogramma (EKG) dagi siljishlar, yurak qisqarishlari sonini o‘zgarishi, eozonofiliya.
Meldoniy qo‘llanilganida migren xaqida xabar berilgan
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.

Qo‘llash mumkin bo‘lmagan holatlar

preparatning faol moddasiga yoki yordamchi komponentlaridan birortasiga yuqori sezuvchanlik;
og‘ir darajadagi jigar va/yoki buyrak yetishmovchiligi (havfsizligi bo‘yicha ma'lumotlar yetarli bo‘lmaganligi tufayli);
homiladorlik va laktatsiya;
18 yoshgacha bo‘lgan bolalar va o‘smirlarda (ushbu yoshdagi guruhda meldoniyni qo‘llash havfsizligi bo‘yicha ma'lumotlar yo‘qligi tufayli) preparatni qo‘llash mumkin emas.
Dorilarning o‘zaro ta'siri
Meldoniyni ta'sir uzaytirilgan nitratlar va stabil stenokardiyani davolash uchun qo‘llanadigan boshqa antianginal preparatlar bilan, yurak yetishmovchiligini davolash uchun yurak glikozidlari va diuretiklar bilan birga qo‘llash mumkin.
Meldoniyni mikrotsirkulyatsiyani yaxshilaydigan antikoagulyantlar, antiagregantlar, antiaritmik vositalar bilan majmuada qo‘llash mumkin.
Meldoniy glitseriltrinitrat, nifedipin, beta-blokatorlar, boshqa gipotenziv vositalar va periferik vazodilatatorlarni saqlovchi preparatlarning samaralarini kuchaytirishi mumkin.
Majmuaviy davolashning ijobiy ta'siri (magistral arteriyalarni vazodilatatsiyasi, periferik qon aylanishi va hayot tarzini yaxshilanishi, shuningdek ruhiy va jismoniy stressni kamayishi) surunkali yurak yetishmovchiligi bo‘lgan patsiyentlarda meldoniy va lizinopril bir vaqtda qo‘llanganida kuzatilgan.
Meldoniy ishemiya/reperfuziya oqibatida yuzaga kelgan shikastlanishlarni bartaraf qilish uchun orotat kislotasi bilan majmuada qo‘llanganida qo‘shimcha farmakologik ta'siri kuzatilgan.
Temir tanqisligi anemiyasi bo‘lgan patsiyentlarda temir preparatlari va askorbin kislotasini meldoniy bilan yondosh ravishda qo‘llash eritrotsitlardagi yog‘ kislotalarining tarkibini yaxshilaydi.
Meldoniy azidotimidin (AZT) tomonidan chaqirilgan yurakning patologik o‘zgarishlarini bartaraf qilishga yordam beradi va mitoxondriylarni disfunktsiyasiga olib keluvchi AZT tomonidan chaqirilgan oksidlanish stress reaktsiyalariga bevosita ta'sir qiladi. Meldoniyni AZT bilan yoki orttirilgan immunitet tanqisligi sindromi (OITS) ni davolash uchun qo‘llanadigan boshqa preparatlar bilan majmuada qo‘llanganida OITSni davolashga ijobiy ta'sir qiladi.
Etanol tomonidan chaqirilgan muvozanat refleksini yo‘qolishi sinamasida, meldoniy uyquning davomiyligini qisqartirgan. Pentilentetrazol tomonidan chaqirilgan tirishishlar vaqtida, meldoniyning yaqqol ifodalangan tirishishga qarshi ta'siri aniqlangan. O‘z navbatida, meldoniy bilan davolashdan avval α2-adrenoblokator – yoximbin 2 mg/kg dozada va azot oksidi sintaza (SOA) ingibitori – N-(G)-nitro-L-arginin 10 mg/kg dozada qo‘llanganida meldoniyning tirishishga qarshi ta'siri butunlay bloklanadi.
Meldoniyning dozasini oshirib yuborilishi siklofosfamid tomonidan chaqirilgan kardiotoksiklikni kuchaytirishi mumkin.
D-karnitin (meldoniyning farmakologik jihatdan nofaol izomeri) qo‘llanganida hosil bo‘ladigan karnitin tanqisligi ifosfamid tomonidan chaqirilgan kardiotoksiklikni kuchaytirishi mumkin.
Meldoniy indinavir tomonidan chaqirilgan kardiotoksiklikda va efavirenz tomonidan chaqirilgan neyrotoksiklikda himoyalovchi ta'sir ko‘rsatadi.
Preparatni tarkibida meldoniy saqlovchi boshqa preparatlar bilan qo‘llash tavsiya etilmaydi, chunki noxush reaktsiyalarni havfi oshadi.

Maxsus ko‘rsatmalar

Preparat jigar va buyrakning surunkali kasalliklari bo‘lgan patsiyentlarga uzoq muddat qo‘llanganida ehtiyotkorlikka rioya qilish kerak (jigar va/yoki buyrakning funktsiyasini monitoringi kerak).
Homiladorlikda va laktatsiya davrida qo‘llanishi
Homiladorlik
Homiladorlik, embrional/fetal rivojlanish, tug‘ruq va postnatal rivojlanishga meldoniyning ta'sirini baholash uchun hayvonlarda o‘tkazilgan tadqiqotlar yetarli emas.
Odam uchun potentsial havflar ma'lum emas, shuning uchun Ripronat preparatini homiladorlik vaqtida qo‘llash mumkin emas.
Laktatsiya davri
Meldoniy hayvonlarning ona sutiga o‘tadi. Meldoniyni ayollarning ko‘krak sutiga o‘tishi noma'lum. Yangi tug‘ilgan chaqaloqlar/go‘daklar uchun havfni istisno qilish mumkin emas, shuning uchun Ripronat preparatini emizish vaqtida qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri
Reaktsiya tezligiga Ripronatning noxush ta'siri xaqida ma'lumotlar yo‘q.

Dozani oshirib yuborilishi

Dozani oshirib yuborilish holatlari xaqida xabar berilmagan. Meldoniyning toksikligi kam va patsiyentning sog‘lig‘iga zarar yetkazishi mumkin bo‘lgan noxush reaktsiyalarni chaqirmaydi. Arterial bosimi past bo‘lgan patsiyentlarda bosh og‘rig‘i, bosh aylanishi, taxikardiya, umumiy holsizlik bo‘lishi mumkin.
Davolash simptomatik davolash o‘tkaziladi. Dozasi og‘ir darajada oshirib yuborilganida jigar va buyrak funktsiyasini nazorat qilish kerak.
Preparatni oqsillar bilan bog‘lanishi yaqqol ifodalanganligi tufayli gemodializ samarali emas.

Chiqarilish shakli

In'ektsiya uchun eritma 5 ml dan rangsiz shisha ampulalarda. 5 ampula kontur uyali o‘ramda. 2 kontur uyali o‘ram tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!
Muzlatilmasin.

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.