Preparatning savdo nomi
Tivortin®
Ta'sir etuvchi modda (XPN) Arginine hydrochloride

Dori shakli
infuziya uchun eritma.

Tarkibi

faol modda 1 ml eritma42 mg arginin gidroxloridini saqlaydi;
yordamchi modda in'ektsiya uchun suv.
Ta'rifi tiniq, rangsiz yoki biroz sarg‘ish-jigarrang suyuqlik.
Rn 5,0-6,5. Nazariy osmolyarligi 398,7mosmol/l

Farmakoterapevtik guruhi
Qon o‘rnini bosuvchi va perfuzion eritmalar. Vena ichiga yuborish uchun qo‘shimcha eritmalar. Aminokislotalar. Arginin gidroxlorid.
ATX kodi V05XV01.


Farmakologik xususiyatlari


Farmakodinamika
si
Arginin (α-amino-δ-guanidinovalerian kislotasi) – aminokislota bo‘lib, shartli almashinmaydigan aminokislotalar sinfiga kiradi va organizmning ko‘psonli hayotiy muhim funktsiyalarning faol va har tomonlama xujayra regulyatori hisoblanadi, organizmning og‘ir holatida muhim protektor samara ko‘rsatadi.
Tivortin® antigipoksik, membranani barqarorlashtiruvchi, sitoprotektor, antioksidant, antiradikal, dezintoksikatsion faollik ta'sir ko‘rsatadi, oraliq almashinuv va energiya bilan ta'minlash jarayonlarini faol boshqaruvchisi sifatida namoyon bo‘ladi, organizmda gormonal muvozanatni tutib turishda ma'lum rol o‘ynaydi. Ma'lumki arginin qonda insulin, glyukagon, somatotrop gormon va prolaktin miqdorini oshiradi, prolin, poliamin, agmatin sintezida ishtirok etadi, fibrinogenoliz, spermatogenez jarayonlariga kirishadi, membranani qutbsizlantiruvchi ta'sir ko‘rsatadi.
Arginin jigarda mochevina sintezi siklidagi asosiy substratlardan biri hisoblanadi. Preparatning gipoammoniyemik samarasi ammiakni mochevinaga aylanishini faollashishi yo‘li bilan amalga oshadi. Antioksidant, antigipoksik va membranani barqarorlashtiruvchi faolligi hisobiga gepatoprotektor ta'sir ko‘rsatadi, gepatotsitlarda energiya bilan ta'minlash jarayonlariga ijobiy ta'sir ko‘rsatadi.
Tivortin® endoteliotsitlarda azot oksidi sintezini katalizatsiyalaydigan NO-sintaza-fermentiga substrat hisoblanadi. Preparat guanilattsiklazani faollashtiradi va tomirlar endoteliysida siklik guanozinmonofosfat (tsGMF) miqdorini oshiradi, tomirlar endoteliyiga trombotsitlar va leykotsitlar faolligi va adgeziyasini kamaytiradi, adgeziyalovchi proteinlar VCAM-1 va MSR-1 sintezini bostiradi va shu bilan aterosklerotik blyashalarning hosil bo‘lishi va rivojlanishini oldini oladi, tomirlar devoridagi silliq miotsitlar migratsiyasi va proliferatsiyasi stimulyatori va kuchli vazakonstiktor bo‘lgan endotelin-1 sintezini bostiradi. Tivortin® shuningdek oksidativ stressning kuchli endogen stimulyatori – assimetrik dimetilarginin sintezini bostiradi. Preparat T-xujayralarni ishlab chiqaruvchi ayrisimon bezining faoliyatini rag‘batlantiradi, jismoniy yuklama vaqtida qondagi glyukoza miqdorini boshqaradi. Yaqqol kislota hosil qiluvchi ta'sir ko‘rsatadi va kislota-ishqor muvozanatini to‘g‘rilanishiga olib keladi.


Farmakokinetikasi

Vena ichiga uzluksiz infuziya qilinganida qon plazmasida arginin gidroxloridning maksimal kontsentratsiyasi yuborish boshlanganidan keyin 20-30 minut o‘tgach kuzatiladi. Tivortin® yo‘ldosh to‘sig‘i orqali o‘tadi, buyrak kalavalarida filtrlanadi, biroq buyrak naychalarida amalda to‘liq qayta so‘riladi.


Qo‘llanilishi

Metabolik alkaloz, giperammoniiyemiya, bosh miya va yurak-qon tomirlarining aterosklerozi, periferik tomirlarning aterosklerozi, shu jumladan vaqti-vaqti bilan paydo bo‘ladigan oqsoq ko‘rinishlari, diabetik angiopatiya, arterial gipertenziya,surunkali yurak yetishmovchiligi, giperxolesterinemiya, o‘pkaning surunkali obstruktiv kasalligi, o‘pka gipertenziyasi, homilaning rivojlanishini kechikishi va preeklampsiyada kompleks terapiya bilan birgalikda.


Qo‘llash usuli va dozalari

Preparat birinchi 10-15 minut davomida minutiga 10 tomchi tezlik bilan tomchilab vena ichiga yuboriladi, so‘ngra yuborish tezligi minutiga 30 tomchiga oshirilishi mumkin.
Preparatning sutkalik dozasi – 100 ml eritma. 100 ml eritmada 20 mmol arginin va 20 mmol xloridlar saqlanadi.
Markaziy va periferik qon tomirlarda qon aylanishining og‘ir buzilishlarida, intoksikatsiyaning yaqqol ko‘rinishlarida, gipoksiyalarda, astenik holatlarda preparatning dozasi sutkada 200 ml ga oshiriladi.
Infuzion eritmani maksimal yuborish tezligi soatiga 20 mmoldan oshmasligi kerak.
12 yoshgacha bo‘lgan bolalarga preparatning dozasi sutkada 1 kg tana vazniga 5-10 ml ni tashkil qiladi.
Metabolik alkalozni davolash uchun preparatning dozasini quyidagicha hisoblash mumkin

arginin gidroxloridi (mmol)
------------------------------------------ x 0,3 x tana vazni (kg)
ortiqcha ishqor (Ve) (mmol/l)

yuborishni hisoblangan dozaning yarmidan boshlash kerak. Dozani qo‘shimcha to‘g‘rilash kislota ishqor balansini natija olinganidan keyin qayta o‘tkazilishi kerak.

Nojo‘ya ta'sirlari
Umumiy uzgarishlar gipertermiya, qizish hissi,tanada burovchi og‘riqlar
Suyak-mushak tizimi tomonidan bo‘g‘imlarda og‘riq.
Ovqat xazm qilish tizimi tomonidan og‘iz qurishi, ko‘ngil aynishi qayt qilish.
Teri va teri osti to‘qimasi tomonidanyuborilgan joydagi o‘zgarishlar, jumladan giperemiya, qichish hissi, terining akrotsianozgacha oqarib ketishi.
Immun tizimi tomonidan anafilaktik shok,yuqori sezuvchanlik reaktsiyalari, jumladan, toshmalar, eshakemi, angionevrotik shish.
Nafas tizimi, ko‘krak qafasi va ko‘ks oralig‘i a'zolari hansirash
Yurak-tomir tizimi tomonidanarterial bosimning tebranishi, yurak ritmining o‘zgarishi, yurak sohasida og‘riq.
Asab tizimi tomonidan bosh og‘rishi, bosh aylanishi, qo‘rquv hissi, holsizlik, tirishish, tremor, ko‘pincha tavsiya etilgan yuborish tezligini oshirganda.
Laborator ko‘rsatkichlari giperkaliyemiya.




Qo‘llash mumkin bo‘lmagan holatlar

Preparatga yuqori sezuvchanlik. Buyrak faoliyatini og‘ir buzilishlari, giperxloremik atsidoz; anamnezdagi allergik reaktsiyalar; kaliy saqlovchi diuretiklarni, shu jumladan spironolaktonni qo‘llash. Miokard infarkti (jumladan anamnezida).

Dorilarning o‘zaro ta'siri
Tivortin® qo‘llanganida spironolakton qabul qilayotgan yoki qabul qilgan bemorlarda buyrak yetishmovchiligi fonida, preparat yaqqol va barqaror giperkaliyemiya chaqirishi mumkinligini hisobga olish kerak. Kaliyni saqlab qoluvchi diuretiklar oldingi qo‘llanishi ham, qondagi kaliy kontsentratsiyasi darajasini oshishiga olib kelishi mumkin. Aminofilin bilan bir vaqtda qo‘llash qondagi insulinning miqdorini oshirishi mumkin. Arginintiopental bilan nomutanosib.
Nomutanosiblik
Preparat tiopental bilan nomutanosib.


Maxsus ko‘rsatmalar

Buyrak yetishmovchiligi bo‘lgan bemorlarda infuziyadan oldin qon plazmasidagi kaliy miqdori va diurez tekshirilishi kerak, chunki preparat giperkaliyemiya rivojlanishiga yordam berishi mumkin.
Preparat endokrin bezlarining faoliyati buzilganida ehtiyotkorlik bilan qo‘llanadi. Preparat insulin va o‘sish gormonining sekretsiyasini rag‘batlantirishi mumkin.
Og‘iz qurishi sezgisi paydo bo‘lganida qonda qand miqdorini tekshirish zarur.
Elektrolitlar almashinuvi buzilganda, buyrak kasalliklarida ehtiyot bo‘lib qo‘llash zarur. Preparatni qo‘llash fonida asteniya belgilari kuchaysa davolashni bekor qilish zarur.. Stenokardiyasi bor bemorlarda preparatni ehtiyotkorlik bilan qo‘llash zarur.
Homiladorlik va emizish davrida qo‘llanishi
Preparat yo‘ldosh orqali o‘tadi, shuning uchun homiladorlik davrida faqat ona uchun kutilayotgan foyda homila uchun potentsial xavfdan ustun bo‘lgandagina qo‘llash mumkin.
Preparatni emizish davrida qo‘llash bo‘yicha ma'lumotlar mavjud emas.
Bolalar
Preparat 3 yoshdan boshlab bolalarda qo‘llanadi.
Avtotransportni boshqarish yoki boshqa mexanizmlar bilan ishlash vaqtida reaktsiya tezligiga ta'sir qilish qobiliyati.
Avtotransportni boshqarish yoki boshqa mexanizmlar bilan ishlash vaqtida ehtiyotkorlikka rioya qilish kerak, chunki preparat bosh aylanishini chaqirishi mumkin.


Dozani oshirib yuborilishi

Simptomlari buyrak yetishmovchiligi, gipoglikemiya, metabolik atsidoz.
Davolash. Dozani oshirib yuborilish hollarida preparatning infuziyasini to‘xtatish kerak. Fiziologik reaktsiyalarni monitoring qilish va organizmning hayotiy faoliyatlarini tutib turish kerak. Zarurati bo‘lganida ishqoriylovchi vositalar va diurezni yo‘lga soluvchi vositalar (saluretiklar), elektrolitlar (0,9% natriy xloridi eritmasi, 5% glyukoza eritmasi) yuboriladi. Davolash simptomatik o‘tkaziladi.


Chiqarilish shakli

100 ml dan butilkalarda qutida №1.


Saqlash sharoiti

250 S dan yuqori bo‘lmagan haroratda saqlansin.
Bolalar ololmaydigan joyda saqlansin.



Yaroqlilik muddati

2 yil.

Yaroqlilik muddati
o‘tgach ishlatilmasin.


Dorixonalardan berish tartibi

Retsept bo‘yicha.


Ishlab chiqaruvchi

«Yuriya-Farm» MChJ

Manzili
Ukraina, 18030,Cherkassi viloyati Cherkassi sh., Kobzarskaya ko‘ch., 108.
Tel. +38 (044) 281-01-01

O‘zbekiston Respublikasi hududida dori vositalarining sifati bo‘yicha e'tirozlar (takliflar) ni qabul qiluvchi tashkilotning nomi va manzili
«Yuriya-Farm» MChJ
O‘zbekiston Respublikasi, Toshkent sh., Mirobod tumani, Nukus ko‘cha, 71 uy.
Tel. 78 150 71 00