Dori shakli

Quloq tomchilari, eritma


Tarkibi

1 ml (27 tomchi) eritma quyidagilarni saqlaydi
Faol moddalar nitrofural (nitrofural) 2,5 mg, tetrakain gidroxloridi (tetracaine hydrochloride) 31,25 mg, fenazon (phenazone) 87,5 mg.
Yordamchi moddalar glitserol.

Ta'rifi
Tiniq, yashil tusli sariq rangli, hidsiz suyuqlik.


Farmakologik xususiyatlari

Farmakodinamik xususiyatlari
Furotalgin – mikroblarga qarshi, yallig‘lanishga qarshi va og‘riq qoldiruvchi ta'sirlarga ega majmuaviy dori preparatidir.
Farmakokinetik xususiyatlari
Furotalgin mahalliy qo‘llanilganda dori moddalarini so‘rilishi va klinik ahamiyatli plazmadagi kontsentratsiyalarga erishishi haqida ma'lumotlar yo‘q.


Qo‘llanilishi

Kattalar va bolalarda eshituv yo‘li va o‘rta quloqning o‘tkir yallig‘lanish jarayonlarida qo‘llanadi.


Qo‘llash usuli va dozalari

Furotalginni har doim shifokoringiz buyurganidek qo‘llang. Agar Siz biron-bir narsada ishonch hosil qilmasangiz, shifokoringiz yoki farmatsevtdan so‘rang.
Furotalgin – quloqqa tomizish uchun mo‘ljallangan dori preparatidir. Burun va ko‘zlarga tomizilmasin! Ichga qabul qilinmasin!
Tomchilarni eshituv yo‘llari tozalangandan keyin qo‘llang. Boshni tomchilar quloqda bir necha minut davomida qoladigan holatda yon tomonga egmoq kerak, shundan keyin eshituv yo‘li paxta bilan berkitiladi. Sovuq tomchi bilan noxush kontaktdan saqlanish uchun eritmani dastlab tana haroratigacha isitish kerak.
Dozalash
Kattalar va 3 yoshdan oshgan bolalar 6-10 tomchidan kuniga 3-4 marta.
3 yoshgacha bo‘lgan bolalar 3-4 tomchidan kuniga 2 marta.
Davolash davomiyligi davolovchi shifokor tomonidan belgilanadi. 10 kundan oshmasligi kerak.
Agar Siz Furotalginni qo‘llashni o‘tkazib yuborgan bo‘lsangiz
O‘takazib yuborilgan dozani o‘rnini to‘ldirish uchun dozani ikki marta qabul qilmang.

Nojo‘ya ta'sirlari
Barcha dori vositalari kabi Furotalgin har bir odamda namoyon bo‘lmasada, nojo‘ya ta'sirlar chaqirishi mumkin.
Eshituv yo‘lini ta'sirlanishi yoki qizarishi bilan namoyon bo‘luvchi allergik reaktsiyalar kuzatilishi mumkin.
Ichki quloqqa tushganda garchi kam hollarda kuzatilsada, quyidagilar kuzatilishi mumkin
Nerv tizimi tomonidan buzilishlar
Tez-tez emas tez o‘tuvchan bosh aylanishi, bosh og‘rig‘i va yuqori chastotalarga nisbatan eshitishni pasayishi.
Umumiy buzilishlar
Tez-tez emas ko‘ngil aynishi, qusish.
Agar nojo‘ya ta'sirlardan birontasi jiddiylashsa yoki Siz ushbu ilova-varaqada ta'riflanmagan boshqa nojo‘ya ta'sirlarni sezsangiz, bu haqida shifokoringiz yoki farmatsevtga xabar bering.


Qo‘llash mumkin bo‘lmagan holatlar

Furotalginni qo‘llamang
-agar Sizda faol moddalar (nitrofural va nitrofuranning boshqa hosilalari, tetrakain, fenazon, boshqa mahalliy anestetiklar, ayniqsa efir tipdagi, paraaminobenzoy kislotasi va uning hosilalari) yoki yordamchi moddalarga allergiya (o‘ta yuqori sezuvchanlik) bo‘lsa.
-agar Sizda quloq pardasini teshilishi yoki zamburug‘lar chaqirgan quloq infektsiyalari (otomikoz) bo‘lsa, davolovchi shifokor Sizga Furotalginni buyurmaydi.

Dorilarning o‘zaro ta'siri
Agar Siz boshqa dori vositalarini, shu jumladan retseptsiz beriladigan dori vositalarini qabul qilayotgan yoki yaqinda qabul qilgan bo‘lsangiz, shifokoringiz yoki farmatsevtni xabardor qiling.


Maxsus ko‘rsatmalar

Homiladorlik va emizish davri
Furotalginni shifokor tomonidan baholangandan keyin homilador va emizikli ayollarga buyurish mumkin.
Agar Siz homilador bo‘lsangiz, har qanday dori vositasini ishlatishdan oldin shifokoringiz yok farmatsevt bilan maslahatlashing.
Dori vositasini transport vositalari yoki potentsial xavfli faoliyat turlari bilan shug‘ullanish qobiliyatiga ta'sirining o‘ziga xosligi
Furotalgin transport vositalarini boshqarish va texnika va mashinalarda ishlash qobiliyatiga ta'sir ko‘rsatmaydi.


Dozani oshirib yuborilishi

Agar Siz Furotalginni keragidan ortiq dozada qo‘llagan bo‘lsangiz
Furotalginni to‘g‘ri qo‘llaganda dozani oshirib yuborilishi holatlari haqida xabar berilmagan.


Chiqarilish shakli
va o‘rami
Quloq tomchilari, eritma.
Birlamchi o‘ram
5 ml dan preparat sig‘imi 10 ml li jigarrang shishali dumaloq flakonlarga joylanadi. Flakon tomchilagichli buraladigan qopqoq bilan berkitiladi;
5 ml dan preparat sig‘imi 10 ml li polipropilen dumaloq flakonlarga joylanadi. Flakonlar polietilen tomchilagichga ega va “Pilferpruf” tipdagi polietilen qalpoqchalar bilan berkitilgan.
Ikkilamchi o‘ram 1 (bir) flakon qo‘llash bo‘yicha ilova-varaqa bilan birga karton qutiga joylanadi.


Saqlash sharoiti

Original o‘ramida, quruq va yorug‘likdan himoyalangan joyda, 25°S dan yuqori bo‘lmagan haroratda.
Bolalar ololmaydigan joyda saqlansin!




Yaroqlilik muddati

3 yil.
Flakon ochilgandan keyin yaroqlilik muddati 1 oygacha.
O‘ramida ko‘rsatilgan yaroqlilik muddati o‘tgach Furotalginni qo‘llamang.


Dorixonalardan berish tartibi

Retsept bo‘yicha!


Ishlab chiqaruvchi

Sofarma AJ – Bolgariya
1220 Sofiya, Iliyenskoye shosse ko‘ch., 16