Artishok ekstrakt-Zdorovye kapsulalar 100 mg №60

Preparatning savdo nomi

Artishok ekstrakt-Zdorovye

Dori shakli

kapsulalar.

Tarkibi

1 kapsula quyidagilarni saqlaydi
Faol modda quruq moddaga qayta hisoblanganda 100 mg yoki 300 mg artishokning yangi o‘tidan (ekstragent – tozalangan suv) quyuq ekstrakti (7,51);
Yordamchi moddalar laktoza monogidrati, suvsiz kolloid kremniy dioksidi, kaltsiy stearati, krospovidon; kapsula qobig‘i titan dioksidi (E 171), sariq shafaq FCF (E 110), jelatin (100 mg li doza) yoki titan dioksidi (E 171), temir (III) oksidi (E 172), temir (II, III) oksidi (E 172), jelatin (300 mg li doza) saqlaydi.
Ta'rifi to‘q sariq rangli qopqoqcha va korpusli (100 mg li doza) yoki to‘q sariq-jigarrangdan jigarranggacha rangli (300 mg li doza) qattiq jelatin kapsulalar.
Kapsula ichidagisi – kul rang tusli och-jigarrangdan kul rang tusli to‘q jigarrang rangligacha bo‘lgan mayda granulalangan kukun. Oq rangli kiritmalar, kukun va kukun zarrachalarining agregatlari bo‘lishiga yo‘l qo‘yiladi.

Farmakoterapevtik guruhi

Jigar va o‘t chiqarish yo‘llarining kasalliklarida qo‘llanadigan vositalar. Biliar patologiyada qo‘llanadigan vositalar.
ATX kodi A05A X.

Farmakologik xususiyatlari

O‘simliklardan olinadigan vosita; artishok barglarining ekstraktini saqlaydi. Safro haydovchi, gepatoprotektor, siydik haydovchi ta'sirga ega.
Farmakologik samarasi preparatning tarkibiga kiruvchi biologik faol moddalarning - sinarin, xlorogen kislotasi, askorbin kislotasi, karotin, V guruhi vitaminlari, inulinning majmuasi bilan bog‘liq. Preparatning asosiy ta'sir etuvchi moddasi – sinarin – asosan, xoleretik ta'sirga ega. Xolekinetik ta'siri kamroq darajada namoyon bo‘ladi. Askorbin kislotasi, karotin, V guruhi vitaminlari va inulin almashinuv jarayonlarini yaxshilaydi.
Preparat safro ajralishini rag‘batlantiradi, qonda xolesterin darajasini pasaytiradi, gepatotsitlarning regeneratsiyasini rag‘batlantiradi; siydik haydovchi va gipolipidemik ta'sir ko‘rsatadi. Me'daning to‘lib ketish yoki cho‘zilishi hissini kamaytiradi, spazmni bartaraf qiladi.
Organizmdan mochevina, kreatinin, hamda toksinlarning (shu jumladan nitrobirikmalarni, alkaloidlarni, og‘ir metall tuzlarini) chiqarilishiga yordam beradi.

Qo‘llanilishi

O‘t yo‘llarining gipotonik-gipokinetik tur diskineziyasi, surunkali toshsiz xolestsistit, turli etiologiyali surunkali gepatit, surunkali buyrak yetishmovchiligi, surunkali intoksikatsiyalar (gepatotoksik moddalar, nitrobirikmalar, alkaloidlar, og‘ir metall tuzlari bilan), dispeptik buzilishlar (epigastriyada og‘irlik, meteorizm, ko‘ngil aynishi, kekirish) da qo‘llanadi.

Qo‘llash usuli va dozalari

Doza va qo‘llash davomiyligi kasallikning og‘irlik darajasiga qarab shifokor tomonidan shaxsiy ravishda belgilanadi.
Ovqatdan 15-30 minut oldin qabul qilinadi. Kattalar va 12 yoshdan oshgan bolalarga 200-300 mg dan sutkada 3 marta buyuriladi.
6 yoshdan 12 yoshgacha bo‘lgan bolalarga – 100 mg dan sutkada 3 marta buyuriladi.
Davolash kursining davomiyligi 2-4 haftani tashkil qiladi. Davolashni 1-2 oylik tanaffusdan keyin shifokor bilan kelishilgan holda takrorlash mumkin.
Nojo‘ya ta'sirlari
Preparat yuqori dozalarda uzoq muddat qo‘llanganida diareya, qorinning yuqori qismida og‘riq, ko‘ngil aynishi va jig‘ildon qaynashi, allergik reaktsiyalar rivojlanishi mumkin.
Har qanday odatdagi bo‘lmagan reaktsiyalar paydo bo‘lgan hollarda preparatni keyinchalik qo‘llash yuzasidan shifokor bilan albatta maslahatlashing.

Qo‘llash mumkin bo‘lmagan holatlar

Preparatning komponentlariga/murakkab guldoshlar oilasiga mansub boshqa o‘simliklarga yuqori sezuvchanlik, o‘t yo‘llarining yoki siydik chiqarish yo‘llarini tutilishi, o‘t qopini yiringlashi (empiyema), o‘t-tosh kasalligi, o‘tkir gepatit, og‘ir jigar yetishmovchiligi, buyrakning o‘tkir kasalliklarida qo‘llash mumkin emas.
Dorilarning o‘zaro ta'siri
Agar Siz qanday biron-bir boshqa dori vositalarini qabul qilayotgan bo‘lsangiz, albatta preparatni qo‘llash mumkinligi haqida shifokor bilan maslahatlashing!
Preparat kumarin turidagi antikoagulyantlarning (fenprokumon, varfarin) ta'sirini susaytirishi mumkin, bu antikoagulyantlarning dozasiga tuzatish kiritishni talab qiladi. Preparat gipoazotemik va gipoxolesterinemik vositalar bilan bir vaqtda qo‘llanganida gipoazotemik va gipoxolesterinemik samaralar kuchayishi mumkin.
Qo‘llashdagi tegishli xavfsizlik choralari.
Preparatni birinchi marta qabul qilishdan oldin shifokor bilan maslahatlashing! Shifokorning maslahatisiz preparatni ko‘rsatilgan vaqtdan ortiq qabul qilmang!
O‘t yo‘llarini tutilishiga olib kelishi mumkin bo‘lgan kasalliklar va jigarning og‘ir kasalliklarida ehtiyotkorlik bilan qo‘llash kerak. Agar kasallik simptomlari saqlanib qolsa yoki doimo qaytalansa yoki diareya yoki qorinda og‘riq paydo bo‘lgan hollarda preparat bilan davolashni to‘xtatish va shifokor bilan maslahatlashish kerak.
Davolash davrida alkogol iste'mol qilishdan saqlanish kerak. Preparatni uzoq muddat qo‘llanilganida qonda azot saqlovchi moddalar va xolesterinning darajasi pasayadi. Preparat laktoza saqlaydi, shuning uchun galaktozani o‘zlashtiraolmaslikning kam uchraydigan nasliy shakllari, laktazani yetishmovchiligi yoki glyukozo-galaktoz malabsorbtsiyasi bo‘lgan patsiyentlarda qo‘llash tavsiya etilmaydi.
Maxsus ehtiyotkorliklar
Bu guruh preparatlarini qabul qilishga Sizdagi ilgarigi reaktsiyalar to‘g‘risida shifokorga albatta xabar bering.
Bolalar. 6 yoshdan oshgan bolalarda qo‘llanadi.
Homiladorlik yoki emizish davrida qo‘llanishi. Preparatni homiladorlik davrida faqat ona uchun kutilayotgan foyda homila uchun potentsial xavfdan ustun bo‘lgandagina qo‘llash mumkin. Preparatni laktatsiya davrida qo‘llashning zarurati tug‘ilganida emizishni to‘xtatish kerak.
Avtotransportni boshqarish yoki boshqa mexanizmlarni boshqarishda reaktsiya tezligiga ta'sir qilish qobiliyati. Ta'sir qilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirib yuborilish hollari ta'riflanmagan. Preparatning nojo‘ya samaralari kuchayishi mumkin.
Davolash preparatni bekor qilish, me'dani yuvish, simptomatik davolash. Spetsifik antidoti yo‘q.

Chiqarilish shakli

Kapsulalar 100 mg dan №10x2, №10x6 blisterlar qutida yoki 300 mg dan №10x3, №10x6 blisterlar qutida.

Saqlash sharoiti

Original o‘ramida, 25oS dan yuqori bo‘lmagan haroratda saqlansin.

Yaroqlilik muddati

3 yil (100 mg li doza), 2 yil (300 mg li doza).

Dorixonalardan berish tartibi

Retseptsiz.

Ishlab chiqaruvchi

ning nomi va manzili
«Farmatsevticheskaya kompaniya «Zdorovye» MChJ
Ukraina, 61013, Xarkov sh., Shevchenko ko‘ch., 22.