Groprinosin sirop 250 mg / 5 ml 150 ml

Preparatning savdo nomi

Groprinosin®-RIXTER (Groprinosin®-RICHTER)
Ta'sir etuvchi modda (XPN) inozin pranobeks (inosine pranobex)

Dori shakli

sirop

Tarkibi

5 ml sirop quyidagilarni saqlaydi

faol modda

inozin pranobeks - 250,00 mg;
yordamchi moddalar saxaroza, metilparagidroksibenzoat (E218), propilparagidroksibenzoat (E216), natriy gidroksidi (E524), limon kislota monogidrati (E330), tozalangan suv.
Ta'rifi shirin ta'mli tiniq suyuqlik.

Farmakoterapevtik guruhi

bevosita ta'sirga ega viruslarga qarshi vositalar.
ATX kodi J05AX05

Farmakologik xususiyatlari

Farmakodinamika

si
Inozin pranobeks immunomodulyator va bevosita viruslarga qarshi xususiyatlarga ega purinning sintetik hosilasi bo‘lib, bu preparat organizmda immun javobni kuchaytirishi bilan ifodalanadi.
Inozin pranobeks T-limfotsitlarni yetilishini va differentsiyasini va mitogen yoki antigen-faollashtirilgan hujayralarda induktsiya qilingan immun javobni potentsiya qilinishini tezlashtiruvchi T-limfotsitlarni 1 tip xelper javobini faollashishini chaqirib, hujayra immunitetining yetishmovchiligini yoki buzilishini normallashtiradi. Bundan tashqari, u T-limfotsitlarning va tabiy killerlarning sitotoksikligi, T8–supressor va T4–xelperlarning hujayra faoliyatiga rag‘batlantiruvchi ta'sir ko‘rsatishi, shuningdek Ig va immunkompetent yuza markerlar sonini oshirishi ko‘rsatilgan. In vitro sharoitida inozin pranobeks IL-1, IL-2 sitokinlarni (interleykinlarni) ishlab chiqarilishini oshirgan va IL-2 ni retseptorlarini ekspressiyasini boshqaradi. Bu in vivo sharoitida endogen interferon-γ sekretsiyasini ahamiyatli darajada oshirgan va IL-4 ni ishlab chiqarilishini kamaytirgan.
Tabiiy (in vivo) sharoitda inozin pranobeks limfotsitlarda mRNK ning pasaygan sintezini va transkriptsiya ko‘rsatkichlarini oshishiga yordam beradi, bunda virusli RNKning hali aniqlanishni talab qiluvchi darajadagi sintezini quyidagi yo‘llar bilan bartaraf qiladi
1)inozinga bog‘liq orot kislotasini poliribosomalarga qo‘shilishi,
2)poliadenil kislotasini virusli informatsion RNK ga birikishini ingibitsiya qilish,
3)limfotsitlarni membrana ichidagi zarrachalarni molekulyar tartibini o‘zgartirish (IMP), bu zichligini taxminan uch marta oshishiga olib keladi.
Inozin pranobeks in vitro sharoitda sGMF-fosfodiesterazani faqat yuqori kontsentratsiyada, in vivo sharoitda esa – immunofarmakologik samaralar chaqirmaydigan darajada saqlansa ingibitsiya qiladi.

Farmakokinetikasi

Inozin pranobeksning har bir komponenti o‘ziga xos farmakologik xususiyatlarga ega.
So‘rilishi
Ichga qabul qilingandan keyin preparat odamning me'da-ichak yo‘llaridan tez va deyarli to‘liq (≥ 90% ) so‘riladi va qonga o‘tadi.
Metabolizmi
1 g inozin pranobeksni ichga qabul qilingandan keyin plazmada 3,7 mkg/ml (2 soatdan so‘ng) DIP (N, N-dimetilamino-2-propanol) va 9,4 mkg/ml (1 soatdan so‘ng) PAcBA (p-atsetaminobenzoy kislotasi) aniqlangan. Siydik kislotasi kontsentratsiyasini oshishi (preparatda inozin saqlanishini hisobga olgan holda) bir tekis bo‘lmay, preparatni ichga qabul qilingandan keyin 1-3 soat davomida ± 10% ga o‘zgargan. Odam organizmida asosiy metabolitlar DIP uchun N-oksid va PAcBA uchun o-atsilglyukuronid hisoblanadi.
Chiqarilishi
Har kungi 4 g dozani qabul qilinganda PAcBA va uning metabolitlarini siydik bilan sutkalik ekskretsiyasi taxminan qabul qilingan dozaning 85% ni tashkil qiladi. Yarim chiqarilish davri DIP uchun 3,5 soatni vaPAcBA uchun 50 minutni tashkil qiladi.

Qo‘llanilishi

• Oddiy gerpes I yoki II turi viruslari va suvchechak virusi (suvchechak, o‘rab oluvchi temiratki virusi) chaqirgan teri va shilliq qavati infektsiyalari;
• Boshqa virusli infektsiyalar (masalan, nimo‘tkir sklerozlanuvchi panentsefalit);
• Yuqori nafas yo‘llarining qaytalanuvchi infektsiyalarida immuniteti susaygan patsiyentlarda qo‘shimcha davolashda qo‘llanadi.

Qo‘llash usuli va dozalari

Faqat ichga qabul uchun buyuriladi.
Preparatning dozasi patsiyentning vazni va kasallikning og‘irligiga bog‘liq holda belgilanadi. Sutkalik dozani bir necha qismlarga bo‘lib, ularni kun davomida teng vaqt oraliqlarida qabul qilish lozim. Davolash davomiyligi odatda 5-14 kunni tashkil qiladi. Preparatni qabul qilishni kasallik simptomlarining yaqqolligi yo‘qolgandan keyin yana 1-2 kun davomida davom ettirish lozim.
Kattalar, shuningdek keksa yoshdagi patsiyentlarda dozalash tartibi
Groprinosin®-RIXTER sirop 1 ml preparati 50 mg inozin pranobeks saqlaydi. Tavsiya qilinadigan sutkalik doza tana vazniga 50 mg/kg (tana vazniga sutkada 1 mg/kg) odatda, 3 yoki 4 qismga bo‘lingan jami 3 g (sutkada 60 ml sirop) ni tashkil qiladi. Maksimal sutkalik doza 4 g (sutkada 80 ml sirop) ni tashkil qiladi.
1 yoshdan oshgan bolalarda dozalash tartibi
Tavsiya qilinadigan sutkalik doza tana vazniga 50 mg/kg ni tashkil qiladi odatda – tana vazniga 1 ml/kg ni sutkada 3-4 teng qismlarga bo‘lib qabul qilinadi. Dozani hisoblash uchun quyidagi jadvaldan foydalanish kerak
Tana vazniDoza
10–14 kg3 - 5 ml
15–20 kg3 - 5 dan 7,5 ml gacha
21–303 - 7,5 dan 10 ml gacha
31–403 - 10 dan 15 ml gacha
41–503 - 15 dan 17,5 ml gacha
To‘g‘ri dozalash uchun ilova qilingan o‘lchov shkalasi bo‘lgan shpritsni ishlatish lozim.
Immuniteti past bo‘lgan bolalar va o‘smirlarda qo‘llanilishi
Preparat 10 kun davomida ketma ket 3 oy qabul qilinishi kerak.
Nimo‘tkir sklerozlanuvchi panentsefalitda dozalash tartibi
Kasallikning o‘tkir bosqichida preparat dozasi sutkada tana vazniga 100 mg/kg gacha (maksimal sutkada 4 g) oshirilishi mumkin, kasalni holatini muntazam baholash lozim.
Bolalar
1 yoshdan kichik bolalarda qo‘llanilmasin.
Nojo‘ya ta'sirlari
Preparat qabul qilinishi bilan bog‘liq bo‘lgan xar doim kuzatiladigan yagona nojo‘ya ta'sir, qon zardobida va siydikda siydik kislotasini tranzitor oshishi hisoblanadi. Siydik kislotasining kontsentratsiyasi preparat bekor qilinganidan keyin bir necha kun o‘tgach normallashadi.
Nojo‘ya samaralarning tez-tezligini tasniflash uchun quyidagi tizim-a'zo sinfi MedDRAga muvofiq ishlatiladi tez-tez (≥ 1/100 dan 1/10 gacha), tez-tez emas (≥ 1/1000 dan 1/100 gacha). Har bir guruhdagi nojo‘ya reaktsiyalar jiddiyligini pasayishi tartibida keltirilgan
Nerv tizimi tomonidan buzilishlar
Tez-tez bosh og‘rig‘i, bosh aylanishi, holsizlanish, lohaslik.
Tez-tez emas jizzakilik, uyquchanlik yoki uyqusizlik.
Me'da-ichak yo‘llari tomonidan buzilishlar
Tez-tez qusish bilan yoki u siz bo‘lgan ko‘ngil aynishi, qorinning yuqori bo‘limlarida og‘riq.
Tez-tez emas diareya, qabziyat.
Teri va teri osti kletchatkasi tomonidan buzilishlar
Tez-tez qichishish, toshma.
Buyrak va siydik-chiqarish yo‘llari tomonidan buzilishlar
Tez-tez emas poliuriya (siydik hajmini oshishi).
Jigar va o‘t yo‘llari tomonidan buzilishlar
Tez-tez transaminazalar va ishqoriy fosfataza faolligini oshishi yoki qonda azot mochevina (QAM) ning kontsentratsiyasini oshishi.
Suyak-mushak tizimi va biriktiruvchi to‘qimalar tomonidan buzilishlar
Tez-tez artralgiya.

Qo‘llash mumkin bo‘lmagan holatlar

• Ta'sir etuvchi moddaga yoki yordamchi moddalarning birontasiga o‘ta yuqori sezuvchanlik;
• Podagra xurujlari;
• Qon zardobida siydik kislotasining kontsentratsiyasini oshishi;
• 1 yoshgacha bo‘lgan bolalarda qo‘llash mumkin emas.
Ehtiyotkorlik bilan
Ksantinoksidaza ingibitorlari (masalan, allopurinol), siydik kislotasini siydik bilan chiqarilishini kuchaytiruvchi preparatlarni, diuretiklarni qo‘shganda (masalan, gidroxlortiazid, xlortalidon, indapamid) va halqali diuretiklarni (furosemid, torasemid, etakrin kislotasi) bir vaqtda qabul qilayotgan patsiyentlarda ehtiyotkorlik bilan qo‘llash lozim.
Dorilarning o‘zaro ta'siri
Groprinosin®-RIXTER sirop preparatini ksantinoksidaza ingibitorlari (masalan, allopurinol), siydik kislotasini siydik bilan chiqarilishini kuchaytiruvchi preparatlarni, diuretiklarni qo‘shganda (masalan, gidroxlortiazid, xlortalidon, indapamid) va halqali diuretiklarni (furosemid, torasemid, etakrin kislotasi) bir vaqtda qabul qilayotgan patsiyentlarda ehtiyotkorlik bilan qo‘llash lozim.
Groprinosin®-RIXTER sirop preparatini immunodepressantalarni qabul qilish to‘xtatilganidan keyin buyurish lozim. Bu dori vositasini immunodepressantlar bilan bir vaqtda farmakokinetik o‘zaro ta'siri bo‘lishi mumkinligi sababli, bir vaqtda qo‘llash mumkin emas. Immunodepressantlar bilan birga qo‘llash inozin pranobeksning samaradorligini pasayishiga olib kelishi mumkin.
Zidovudin (azidotimidin) bilan bir vaqtda qo‘llash nukleotidlarni zidovudin bilan turli mexanizmlar orqali hosil bo‘lishini kuchaytiradi, bu zidovudinni zardobdagi biokiraolishligini va monotsitlarda hujayra ichidagi fosforlanishni kuchayishiga olib keladi. Bu Groprinosin®-RIXTER sirop preparatini ta'siri ostida zidovudinni samarasini oshishiga olib keladi.

Maxsus ko‘rsatmalar

Groprinosin®-RIXTER sirop preparati odatda siydik kislotasining kontsentratsiyasini qon zardobida ham, siydikda ham, ayniqsa erkaklarda va ikkala jinsdagi keksa shaxslarda me'yoriy qiymat chegarasida (8 mg/dl gacha, bu 420 mkmol/lga mos keladi) tranzitor oshishini chaqirishi mumkin. Siydik kislotasini kontsentratsiyasini oshishi ushbu preparatni tashkil qiluvchi inozinni siydik kislotasiga katabolizmi bilan bog‘liq bo‘lib, u odam organizmida yuz beradi. Lekin bu fermentlar yoki buyraklar faoliyatining dori ta'siri ostida global buzilishi bilan bog‘liq emas. Shunday qilib, podagrali, giperurikemiyali, siydik-tosh kasalligi va buyrak faoliyatini buzilishlari, shu jumladan anamnezida bo‘lgan patsiyentlarda Groprinosin®-RIXTER sirop preparatini faqat ehtiyotkorlik bilan qo‘llash mumkin. Bu patsiyentlarni davolash vaqtida siydik kislotasining kontsentratsiyasini sinchkov nazorat qilish lozim.
Uzoq davolash vaqtida har bir patsiyentning qon zardobida va siydikda siydik kislotasini kontsentratsiyasini, jigar faoliyatini, umumiy qon tahlilini va buyrak faoliyatini muntazam nazorat qilish lozim.
Groprinosin®-RIXTER sirop preparati metilparagidroksibenzoat va propilparagidroksibenzoat saqlaydi, ular allergik reaktsiyalarni (shu jumladan sekinlashgan turi) chaqirishi mumkin.
Groprinosin®-RIXTER sirop preparati saxaroza saqlaydi. Fruktozani o‘zlashtiraolmaslik, glyukoza-galaktoza so‘rilishini buzilishi yoki saxaroza-izomaltoza yetishmovchiligi ko‘rinishidagi kam uchraydigan nasliy buzilishlari bo‘lgan patsiyentlar Groprinosin®-RIXTER sirop preparatini qabul qilmasliklari kerak.
1 ml Groprinosin®-RIXTER sirop preparatida 650 mg saxaroza saqlanadi. Buni qandli diabeti bo‘lgan patsiyentlarga buyurishda hisobga olish lozim.
Homiladorlikda va laktatsiya davrida qo‘llanilishi
Homilani rivojlanishi va fertillikka ta'siri bilan bog‘liq nazoratli klinik tekshirishlar o‘tkazilmagan.
Inozin odam suti orqali chiqarilishi no'malum.
Shuning uchun, Groprinosin®-RIXTER siropini homiladorlik vaqtida va emizish davrida qo‘llanilmasligi kerak, lekin shifokor tavsiyasiga ko‘ra preparat foydasi potentsial xavfdan ustun bo‘lsagina qo‘llash mumkin.
Transport vositalarni boshqarish va mexanizmlar bilan ishlash qobiliyatiga ta'siri
Groprinosin®-RIXTER sirop preparati avtomobilni va mexanizmlarni boshqarish qobiliyatiga ta'sir ko‘rsatmaydi yoki deyarli ta'sir ko‘rsatmaydi.
Preparatni bolalar ololmaydigan joyda saqlansin va yaroqlik muddati o‘tganidan so‘ng qo‘llanmasin.

Dozani oshirib yuborilishi

Groprinosin®-RIXTER sirop preparatining dozasini oshirib yuborish hollari xaqida xabar qilinmagan. Hayvonlarda o‘tkazilgan toksiklik bo‘yicha tadqiqotlar natijasini e'tiborga olib, zardobda siydik kislotasi kontsentratsiyasini sezilarli darajada oshishidan tashqari, jiddiy nojo‘ya samaralar kuzatilishi ehtimoli kam.
Dozani oshirib yuborilganda davolash simptomatik va tutib turuvchi bo‘lishi kerak.

Chiqarilish shakli

150 ml hajmdagi, ochishdan himoyalangan buraladigan polietilen qalpoqchasi va zichlaydigan probkasi bo‘lgan to‘q shisha flakon.
Har bir karton quti komplekti bir flakon, 0,5 ml dan 5 ml gacha belgilangan shprits va qo‘llash bo‘yicha yo‘riqnomasini saqlaydi.

Saqlash sharoiti

Preparatni 30°S dan yuqori bo‘lmagan haroratda saqlansin. Sovutilmasin va yaxlatilmasin.

Yaroqlilik muddati

2 yil.
Flakon birinchi ochilganidan keyin 6 oy.

Dorixonalardan berish tartibi

Retsept bo‘yicha.

Ishlab chiqaruvchi

Gedeon Rixter Ruminiya A.J., Tirgu-Muresh,Ruminiya
Nazorat sifatini chiqaruvchi
«Gedeon Rixter Polsha» MChJ, Grodzisk Mazovetskiy, Polsha
Qayd etish guvohnomasini egasi
«Gedeon Rixter» OAJ, Budapesht, Vengriya.

Ishlab chiqaruvchi

va buyurtmachining manfaatlarini ifodalovchi kompaniya
«Gedeon Rixter» OAJ
1103 Budapesht, Demrei ko‘ch., 19-21, Vengriya
Ishonch telefonlari (qo‘ng‘iroq bepul) 7-800-555-00777
Elektron manzili drugsafety@g-richter.ru