Trombopol tab. 75mg №60

Preparatning savdo nomi

Trombopol
Ta'sir qiluvchi modda (XPN) Atsetilsalitsil kislotasi

Dori shakli

Ichakda eruvchan qobiq bilan qoplangan tabletkalar.

Tarkibi

Bir tabletka quyidagilarni saqlaydi
Faol modda 75 mg yoki 150 mg atsetilsalitsil kislotasi
Yordamchi moddalar kukunsimon sellyuloza, makkajo‘xori kraxmali, natriy karmelloza,
qobiq tarkibi gipromelloza, trietiltsitrat, metakril kislotasining sopolimeri, talk, titan dioksidi, lauril sulfati, suvsiz kolloid kremniy dioksidi, natriy karbonat monogidrati.
Ta'rifi dumaloq, ikki tomonlama qavariq, oq, qobiq bilan qoplangan tabletkalar.

Farmakoterapevtik guruhi

antiagregantlar.
ATX kodi V01AS06.

Farmakologik xususiyatlari

Trombopol salitsil kislotasini atsetil hosilasini saqlovchi vosita bo‘lib, trombotsitlar agregatsiyasini tormozlaydi, isitma tushiruvchi, og‘riqni qoldiruvchi va yallig‘lanishga qarshi ta'sirga ega.
Atsetilsalitsil kislotasi tomonidan trombotsitlar agregatsiyasini tormozlash mexanizmi trombotsitlardagi siklooksigenaza faolligini tormozlanishiga asoslangan, u araxidon kislotasini prostaglandinlar va tromboksanlarning o‘tmishdoshi xisoblangan siklik peroksidlarga (PGG2vaPGH2) aylantiradi.
Agregatsiyani tormozlanishi preparatning kichik dozalarida kuzatiladi va bir martalik dozani qabul qilgandan so‘ng bir necha kun saqlanib turadi.
Atsetilsalitsil kislotasining bu xususiyatlari tromboembolik asoratlarni profilaktikasida va davolashda, shuningdek miokard infarkti va yurakning ishemik kasalliklarini profilaktikasida qo‘llaniladi.
Trombopol ichakda eruvchan qobiq bilan qoplangan tabletkalar, me'dada erimaydigan dori shakli bo‘lib, buning natijasida atsetilsalitsil kislotasining me'da shilliq qavati bilan bevosita kontakt xavfi kamayadi. Tabletkani erishi va faol moddani ajralib chiqishi o‘nikki barmoq ichakning ishqoriy muhitida yuz beradi.

Farmakokinetikasi

So‘rilishi
Ichakda eruvchan qobiq bilan qoplangan tabletkalardan atsetilsalitsil kislotasini so‘rilishi, an'anaviy shakllaridan ajralib chiqishiga nisbatan bir oz o‘zgacha kechadi. Preparatni so‘rilishi qabul qilingandan keyin 3-6 soat o‘tgach boshlanadi, bu qobiqning borligi dori preparatini me'dada erishiga samarali to‘sqinlik qiladi.
Plazmadagi maksimal kontsentratsiya 6 soatdan keyin kuzatiladi va 150 mg li tabletkalar uchun o‘rtacha 12,7 mkg/ml ni va 75 mg li tabletkalar uchun 6,72 mkg/ml ni tashkil qiladi.
Me'da-ichak yo‘llaridagi ovqat preparatni so‘rilishini sekinlashtiradi, lekin atsetilsalitsil kislotasining biologik kiraolishligini pasaytirmaydi.
Atsetilsalitsil kislotasi me'da-ichak yo‘llarida 80-100% so‘riladi.
Taqsimlanishi
Atsetilsalitsil kislotasi organizmning ko‘pchilik to‘qimalari va suyuqliklarida tez va ahamiyatli darajada taqsimlanadi.
Nisbiy taqsimlanish hajmi taxminan 0,15-0,2 l/kg ni tashkil qiladi va preparatning zardobdagi kontsentratsiyasi o‘sishi bilan oshadi.
Agar kontsentratsiyasi 120 mkg/ml ni tashkil qilsa, atsetilsalitsil kislotasining taxminan 33% plazma oqsillari bilan bog‘lanadi.
Oqsillar bilan bog‘lanish darajasi albuminlar darajasiga bog‘liq, sog‘lom shaxslarda bu kontsentratsiyani pasayishi bilan parallel kamayadi.
Buyrak yetishmovchiligida, homiladorlik davri va chaqaloqlarda atsetilsalitsil kislotasini plazma oqsillari bilan bog‘lanishi nafaqat gipoalbuminemiya oqibatida kamaymaydi, balki preparatni oqsillar bilan bog‘laridan siqib chiqaruvchi endogen omillarning kumulyatsiyasi tufayli ham kamayadi.
Biotransformatsiyasi
Atsetilsalitsil kislotasi so‘rilish davrida qisman biotransformatsiyaga uchraydi. Ushbu jarayon esteraza ishtirokida asosan jigarda, va shuningdek qon zardobida, eritrotsitlarda va bo‘g‘im suyuqligida kuzatiladi.
Salitsilatlar asosan glitsin bilan salitsil kislotasini va glyukuron kislotasi bilan salitsilfenol va salitsilatsil-glyukuronatni hosil qilib, kon'yugatsiyaga uchraydi; faqat ularning ozgina qismi gentizin kislotasi, 2,3–digidroksibenzoy va 2,3,5–trigidroksibenzoy kislotasini hosil qilib gidroksillanadi.
Ayollarda gidroksillanish jarayoni sekinroq kechadi (qon zardobida esterazaning faolligi past).
Chiqarilishi
Eliminatsiya fazasida atsetilsalitsil kislotasining yarim chiqarilish davri taxminan 2-3 soatni tashkil qiladi.
Boshqa salitsilatlardan farqli ravishda, gidrolizlanmagan atsetilsalitsil kislotasi ko‘p marta yuborishidan keyin qon zardobida to‘planmaydi.
Atsetilsalitsil kislotasining ichga qabul qilingan dozasining taxminan 1% siydik bilan gidrolizlanmagan atsetilsalitsil kislotasi ko‘rinishida, qolgan qismi salitsil kislotasi va uning metabolitlari ko‘rinishida chiqariladi.
Buyraklar faoliyati me'yorida bo‘lgan bemorlarda atsetilsalitsil kislotasining bir martalik dozasining 80-100% siydik bilan 24-72 soat davomida chiqariladi.

Qo‘llanilishi

-xavf omillari (masalan, qandli diabet, giperlipidemiya, arterial gipertenziya, semirish, chekish, keksalik yoshi) bo‘lganida o‘tkir miokard infarkti va takroriy miokard infarktini oldini olish;
-nostabil stenokardiya;
-insultni oldini olish (shu jumladan, bosh miyada qon aylanishini o‘tkinchi buzilishlari bo‘lgan patsiyentlarda);
-bosh miya qon aylanishini o‘tkinchi buzilishini oldini olish;
-qon tomirlaridagi operatsiyalar va invaziv aralashuvlardan (masalan, aorta koronar shuntlash, uyqu arteriyalarning endoarterektomiyasi, arteriovenoz shuntlash, uyqu arteriyalarning angioplastikasi) keyingi tromboemboliyalarni oldini olish;
-chuqur venalar trombozi va o‘pka arteriyasi va uning shoxlarining tromboemboliyasini oldini olish (shu jumladan, katta jarrohlik aralashuvlar natijasidagi uzoq muddatli immobilizatsiyada).

Qo‘llash usuli va dozalari

Ko‘pincha sutkada 75 mg li 1-2 tabletkadan yoki 150 mg li 1 tabletkadan ovqatlanish vaqtida yoki ovqatlanishdan keyin qo‘llanadi. Tabletkalarni chaynamasdan, oz miqdordagi
suv bilan yutish kerak.
Yangi miokard infarktida yoki yangi miokard infarktiga taxmin qilingan patsiyentlarda trombotsitlar agregatsiyasi jarayonini tez susaytirish maqsadida atsetilsalitsil kislotasining sutkadagi bir martalik boshlang‘ich to‘yintirish dozasi 225-300 mg ni tashkil etadi. Tabletkalarni so‘rilishini tezlashtirish uchun chaynash kerak.
Nojo‘ya ta'sirlari
Qon va limfatik tizim tomonidan buzilishlar
Qon ketish xavfini oshishi, qon ketish vaqtini oshishi, protrombin vaqtini oshishi, trombotsitopeniya. Qon ketishlari perioperatsion qon ketishlar, gematomalar, burundan qon ketishi, siydik chiqarish yo‘llari va jinsiy a'zolardan qon ketishi, milklardan qon ketishi kuzatilgan. Kam yoki juda kam hollarda jiddiy qon ketishlari me'da-ichakdan qon ketishi, gemorragik insult (ayniqsa, nazorat qilib bo‘lmaydigan arterial gipertenziyasi bo‘lgan patsiyentlarda va (yoki) qon to‘xtatuvchi vositalar bir vaqtda qabul qilingan holda) kuzatilgan, ular yakka hollarda patsiyentning hayotiga potentsial xavf solishi mumkin.
Qon ketishi muvofiq klinik va laborator ko‘rinishlar bilan aniqlangan asteniya, rangparlik, gipoperfuziya kabi simptomlar bilan kechuvchi qon ketishi va (yoki) temir tanqisligi (masalan, yashirin qon ketishlar natijasida) oqibatida o‘tkir va surunkali anemiyaga olib kelishi mumkin.
Shuningdek, glyukoza-6-fosfatdegidrogenaza tanqisligi va leykopeniya, agranulotsitoz yoki eozinopeniyasi bo‘lgan patsiyentlarda gemolitik anemiya kuzatilishi mumkin.
Immun tizimi tomonidan buzilishlar
Muvofiq klinik simptomlar va laborator ma'lumotlar o‘zgarishi bilan kechuvchi yuqori sezuvchanlik reaktsiyalari bronxial astma, teri reaktsiyalari, toshma, shish, qichishish, kardiorespirator buzilishlar. Juda kam hollarda og‘ir reaktsiyalar, shu jumladan anafilaktik shok yuz berishi mumkin.
Nerv tizimi tomonidan buzilishlar
Bosh aylanishi va quloqlarni shang‘illashi (odatda, doza oshirib yuborilishi natijasida), eshitishni buzilishi.
Yurak tomonidan buzilishlar
Yurak yetishmovchiligi.
Qon tomirlar tomonidan buzilishlar
Arterial gipertenziya.
Me'da-ichak yo‘llari tomonidan buzilishlar
Dispepsik simptomlar (jig‘ildon qaynashi, ko‘ngil aynishi, qusish), qorinda og‘riq, ishtahani yo‘qolishi, kam hollarda me'da va ichakni yallig‘lanishi holatlari; kam hollarda qon ketishi va perforatsiyaga olib keluvchi, tegishli klinik simptomlar va laborator ko‘rsatkichlarni o‘zgarishi bo‘lgan me'da va (yoki) o‘n ikki barmoq ichak yara kasalligi.
Jigar va o‘t yo‘llari tomonidan buzilishlar
Jigar transaminazasi darajasini, ishqoriy fosfotazani va bilirubin darajasini oshishi bilan kechuvchi jigar faoliyatini tranzitor buzilishlari kam ta'riflangan. Shuningdek, gepatotsitlarning o‘choqli nekrozi, ayniqsa, anamnezida yuvenil revmatoid artriti, tizimli qizil yugurik, revmatik isitma yoki jigar kasalliklari bo‘lgan patsiyentlarda jigarni kattalashishi va og‘riq xissi bo‘lishi mumkin.
Buyrak va siydik chiqarish yo‘llari tomonidan buzilishlar
Kam hollarda, atsetilsalitsil kislotasini yuqori dozalarda qo‘llanilishidan so‘ng buyrak so‘rg‘ichlarining nekrozi va interstitsial nefrit yuzaga kelgan. Shuningdek, proteinuriya kuzatilishi va siydikda leykotsitlar va eritrotsitlar aniqlanishi mumkin.
Atsetilsalitsil kislotasini saqlovchi preparatlarni davomiy qo‘llanilishi keyingi dozalarni qabul qilish bilan kuchayadigan bosh og‘rig‘iga sabab bo‘lishi mumkin.
Analgetik vositalarni, ayniqsa, bir nechta ta'sir etuvchi modda saqlovchilarini, uzoq vaqt qo‘llanilishi buyrak faoliyatini og‘ir buzilishiga va buyrak yetishmovchiligiga olib kelishi mumkin.

Qo‘llash mumkin bo‘lmagan holatlar

• Faol modda yoki har qanday yordamchi moddalarga yuqori sezuvchanlik. 0,3% aholi, shu jumladan 20% bronxial astma va surunkali eshakemi bilan og‘rigan bemorlarda kuzatilgan atsetilsalitsil kislotasiga yuqori sezuvchanlik. Yuqori sezuvchanlik simptomlari eshakemi va xatto shok, atsetilsalitsil kislotasi qabul qilinganidan so‘ng 3 soat davomida yuz berishi mumkin.
• Bronxospazm, rinit, shok kabi simptomlar bilan kechuvchi boshqa nosteroid yallig‘lanishga qarshi preparatlarga yuqori sezuvchanlik.
• Bronxial astma, nafas tizimining surunkali kasalliklari, pichan isitmasi yoki burun shilliq qavatini shishi, chunki ushbu kasalliklari bo‘lgan patsiyentlar nosteroid yallig‘lanishga qarshi dori preparatlariga astma xurujlari, teri va shilliq qavatlarni cheklangan shishi (angionevrotik shishi) yoki boshqa patsiyentlarga qaraganda ko‘proq eshakemi bilan reaktsiya qilishlari mumkin.
• Zo‘rayish bosqichidagi me'da va (yoki) o‘nikki barmoq ichakning yara kasalligi, va shuningdek, yallig‘lanish holatlari yoki me'da-ichakdan qon ketishilari (me'da-ichakdan qon ketishi yoki yara kasalliklarini qaytalanishi bo‘lishi mumkin).
• Qon ivishini buzilishlari (masalan, gemofiliya, Villebrand kasalligi, teleangiektaziya, trombotsitopeniya), shuningdek agar patsiyent antikoagulyantlar (masalan, kumarin hosilasi, geparin) bilan davolanish o‘tayotgan bo‘lsa.
• Og‘ir jigar yoki buyrak yetishmovchiligi.
• Og‘ir yurak yetishmovchiligi.
• Homiladorning III uch oyligi. Laktatsiya davri.
• Glyukozo-6-fosfatdegidrogenaza tanqisligi.
• 16 yoshgacha bo‘lgan bolalarda qo‘llanilishi, ayniqsa o‘tkir virusli infektsiyalarda, Reye sindromi bo‘lishi mumkinligi xavfini hisobga olgan holda.
• Miyelotoksiklikni hisobga olgan holda, metotreksat bilan birga bir haftada
15 mg yoki yuqoriroq dozalarda bir vaqtda qo‘llanilishi mumkin emas.
Dorilarning o‘zaro ta'siri
Atsetilsalitsil kislotasi bilan bir vaqtda qo‘llash mumkin bo‘lmagan dori vositalari
• Metotreksat bilan bir haftada 15 mg yoki ko‘proq dozalarda.
Metotreksatning suyak ko‘migiga zaxarli ta'sirini oshishi (yallig‘lanishga qarshi preparatlar bilan bir vaqtda qo‘llanganida metotreksatning buyrak klirensini pasayishi – shuningdek atsetilsalitsil kislotasi bilan – plazma oqsillari bilan bog‘langan metotreksatni salitsilatlar tomonidan siqib chiqarilishi – “

Qo‘llash mumkin bo‘lmagan holatlar

”ga qarang).
Maxsus ehtiyotkorlikni talab etuvchi, dorilarning o‘zaro ta'siri
Metotreksat bilan haftada 15 mg dan kamroq dozalarda. Metotreksatning suyak ko‘migiga zaharli ta'sirining oshishi (yallig‘lanishga qarshi preparatlar bilan bir vaqtda qo‘llanilishida metotreksatning buyrak klirensini pasayishi – shuningdek atsetilsalitsil kislotasi bilan – plazma oqsillari bilan bog‘langan metotreksatni salitsilatlar tomonidan siqib chiqarilishi – “

Maxsus ko‘rsatmalar

” bo‘limiga qarang).
• Ibuprofen
Ibuprofenni bir vaqtda qo‘llanishi atsetilsalitsil kislotasi chaqirgan trombotsitlar agregatsiyasini qaytmas tormozlanishiga qarshi ta'sir qiladi. Yurak-qon tomir holatlarini yuqori xavfi bor patsiyentlarda ibuprofen bilan davolash atsetilsalitsil kislotasini kardioprotektor ta'sirini pasaytirishi mumkin (“

Maxsus ko‘rsatmalar

” bo‘limiga qarang).
• Antikoagulyantlar (kumarin hosilasi, geparin)
Atsetilsalitsil kislotasini qon ivishiga qarshi vositalar bilan bir vaqtda qo‘llanishi qon ivishiga qarshi ta'sirini kuchaytirishi mumkin. Atsetilsalitsil kislotasining antiagregatsion xususiyatlari va plazma oqsillari bilan bog‘langan qon ivishiga qarshi preparatlarni siqib chiqarilishi tufayli yuzaga keluvchi qon ketishi vaqtini va qon quyilishini oshishini yuqori xavfi bo‘ladi.
• Boshqa nosteroid yallig‘lanishga qarshi dori preparatlari, shu jumladan, yuqori dozalardagi salitsilatlar (sutkada ≥ 3 g).
Atsetilsalitsil kislotasi nosteroid yallig‘lanishga qarshi vositalar bilan bir vaqtda qo‘llanganida me'da va (yoki) o‘n ikki barmoq ichak yara kasalligi va me'da-ichak qon ketishi, shuningdek, bu preparatlarning sinergik ta'siri bilan bog‘liq buyrakni shikastlanish xavfini oshiradi.
• Siydik kislotasini siydik bilan chiqarilishini oshiruvchi dori preparatlar, masalan, benzbromaron, probenetsid.
Atsetilsalitsil kislotasi siydik kislotasi chiqarilishini oshiruvchi preparatlar bilan bir vaqtda qo‘llanilishi podagraga qarshi vositalarni ta'sirini pasayishiga olib keladi (buyrak naychalari orqali siydik kislotasini chiqarilish jarayonini raqobati).
• Digoksin
Atsetilsalitsil kislotasini digoksin bilan bir vaqtda qo‘llanilishi buyrak orqali digoksinni kam chiqarilishi yuzaga kelishi tufayli plazmada digoksinning miqdorini oshishini chiqaradi.
• Diabetga qarshi vositalar, masalan, insulin, sulfonilmochevina hosilasi.
Plazma oqsillari bilan bog‘langan gipoglikemik xususiyatlari va sulfonilmochevina hosilalarini siqib chiqarilishi tufayli atsetilsalitsil kislotasi diabetga qarshi preparatlarning ta'sirini oshiradi.
• Atsetilsalitsil kislotasi bilan bir vaqtda qo‘llanilayotgan trombolitik preparatlar va trombotsitlar agregatsiyasini susaytiruvchi vositalar, masalan tiklopidin qon ketishi va qon quyulishi vaqti uzayishi xavfini oshiradi.
• Diuretiklarni va atsetilsalitsil kislotasini sutkada 3 g va undan ortiq dozalarda bir vaqtda qo‘llanishi – buyraklarda prostaglandinlar sintezini susayishi oqibatidagi kalava filtratsiyasini kamayishi natijasida organizmda suv va natriy tutilishi bilan bog‘liq diuretik ta'sirni kamayishi. Atsetilsalitsil kislotasi furosemidni ototoksik ta'sirini kuchaytirishi mumkin.
• Tizimli glyukokortikoidlar (Addison kasalligida o‘rinbosar terapiya tarzida ishlatiladigan tizimli glyukokortikosteroidlar, gidrokortizondan tashqari) – ular atsetilsalitsil kislotasi bilan birgalikda ishlatilganda me'da-ichakdan qon ketishi va yara kasalligi rivojlanishi xavfini oshiradi, va shuningdek, davolash davomida plazmada salitsilatlar kontsentratsiyasini pasaytiradi, qo‘llash tugatilganidan so‘ng salitsilatlarning dozasini oshirib yuborilish xavfi oshadi.
• AAF ingibitorlari va atsetilsalitsil kislotasini sutkada 3 g va undan ortiq dozalarda bir vaqtda qo‘llanishi – qon tomirlarni kengaytiruvchi prostaglandinlar sintezini susayishi oqibatida kalava filtratsiyasi kamayishi bilan bog‘liq gipotenziv ta'sir susayadi.
• Valproat kislotasi.
Plazma oqsillari bilan bog‘langan valproat kislotasini siqib chiqarilishi natijasida, atsetilsalitsil kislotasi uning toksikligini oshiradi. Ikkala preparatning sinergik antiagregatsion samarasi tufayli valproat kislotasi atsetilsalitsil kislotasini antiagregatsion ta'sirini kuchaytiradi.
• Alkogol.
Alkogol me'da-ichak yo‘llari tomonidan kuzatiladigan noxush samaralarining, ya'ni shilliq qavatida yara hosil bo‘lishi yoki qon ketishi xavfini oshirishi mumkin.
• Atsetazolamid
Atsetilsalitsil kislotasi atsetazolamidning kontsentratsiyasini va shu bilan uning toksikligini xam sezilarli darajada oshirishi mumkin.

Maxsus ko‘rsatmalar

• Dori preparatining simptomlarni bartaraf etish uchun zarur bo‘lgan minimal, samarali dozada imkon boricha qisqa davrda qo‘llanilishi nojo‘ya samaralar xavfini kamaytiradi.
• Buyrak faoliyati buzilishlari yoki surunkali buyrak yetishmovchiligi bor bemorlarda ehtiyotkorlikka rioya qilish kerak (chunki, atsetilsalitsil kislotasi va uning metabolitlari siydik bilan chiqariladi, va bu noxush simptomlarni rivojlanish xavfini oshiradi).
• Yuvenil revmatoid artriti va (yoki) tizimli qizil yugurik, shuningdek jigar faoliyati buzilgan patsiyentlarda dori mahsulotini ehtiyotkorlik bilan qo‘llash kerak, chunki salitsilatlarning toksikligi oshadi; bu patsiyentlarda jigar faoliyatini nazorat qilish kerak.
• Operatsiya paytida va undan keyin qon ketishi uzayishi xavfini hisobga olib, rejalashtirilgan jarrohlik operatsiyalardan 5-7 kun oldin atsetilsalitsil kislotasini qabul qilishni to‘xtatish kerak.
• Metotreksatni suyak ko‘migiga toksik ta'sirini potentsiyalashini xisobga olib, metotreksatni xavftasiga 15 mg dan kam dozalarda qo‘llashda ehtiyotkorlikka rioya qilish kerak. Metotreksatni yuqori dozalarda vena ichiga infuziya qilishdan 24-48 soat oldin salitsilatlarni bekor qilish kerak. Metotreksatni haftada 15 mg dan oshuvchi dozalarda bir vaqtda qo‘llanilishi ta'qiqlanadi.
• Bachadondan qon ketishi, haddan ko‘p xayz qon ketishi, bachadon ichki kontratseptivlarini qo‘llash, arterial gipertenziya, va shuningdek yurak yetishmovchiligida ehtiyotkorlik bilan qo‘llanilsin.
• Dori preparatini gipoglikemik ta'sir xavfini oshishini hisobga olib, sulfonilmochevina guruhiga kiruvchi peroral gipoglikemik preparatlarni qabul qiluvchi, va shuningdek podagraga qarshi dori vositalarini qabul qiluvchi patsiyentlarga buyurish mumkin emas.
• Me'da-ichak yo‘llari shilliq qavati shikastlanishi mumkinligi xavfi oshishini hisobga olib, atsetilsalitsil kislotasi bilan davolanishda alkogolni iste'mol qilish mumkin emas.
• Keksa yoshdagi patsiyentlarda noxush samaralar bo‘lishi mumkinligi xavfi oshishini hisobga olib, preparatni kichik dozalarda va katta vaqt oraliqlari bilan qo‘llash kerak.
• Siklooksigenazani (prostaglandinlar sintezi) susaytiruvchi dori preparatlari ovulyatsiyaga ta'siri orqali ayollar fertilligini buzilishini chaqirishi mumkinligi haqida dalillar bor. Bu samara tranzitor xarakterga ega va u davolash tugagandan keyin yo‘qoladi. Bu ta'sir atsetilsalitsil kislotasini sutkada ≥500 mg dozada buyurilganda kuzatilishi mumkin.
• Ibuprofen qabul qilayotgan patsiyentlarda alohida ehtiyotkorlikka rioya qilish kerak.
• Homiladorlikning I va II uch oyliklarida atsetilsalitsil kislotasini alohida ehtiyotkorlik bilan qo‘llash kerak. Preparatni emizikli onalarga buyurish mumkin emas.
Fertillikka, homiladorlikka va emizish davriga ta'siri
Homiladorlik
Prostaglandinlar sintezini susayishi homiladorlikni kechishiga, embrion va homila rivojlanishiga noxush ta'sir ko‘rsatishi mumkin. Epidemiologik tadqiqotlarning ma'lumotlari homila tushishini yuqori xavfi va tug‘ma yurak va ovqat xazm qilish tizimi nuqsonlari homiladorlikning erta davrida prostaglandinlar sintezi ingibitorlarini qo‘llanishi bilan bog‘liqligini ko‘rsatadi.
Yurak-qon tomir tizimi nuqsonlari rivojlanishi xavfini o‘ta oshishi bu tadqiqotlarda <1% dan deyarli 1,5% ni tashkil qilgan. Yuqorida keltirilgan nuqsonlar paydo bo‘lish xavfi preparatni yuqori dozada va shuningdek, uzoq vaqt davolash tufayli oshgan bo‘lishi mumkin.
Onasi tug‘ruqqacha atsetilsalitsil kislotasini qo‘llagan chaqaloqlarda subkon'yunktival gemorragiya, gematuriya, petexiyalar, kefalogematoma kabi qon ketishlari kuzatilgan.
Boshqa tadqiqotlarda onasi tug‘ruq paytiga bir hafta qolgunicha bo‘lgan vaqtda atsetilsalitsil kislotasini qo‘llagan chala tug‘ilganlarda bosh miyaga ichki qon quyulishlari kuzatilgan.
Hayvonlarda homila uchun o‘lim dozasi klinik amaliyotda qo‘llanilgan dozadan yuqori bo‘lgan. Organogenez davrida prostaglandinlar sintezi ingibitorlari yuborilgan xayvonlarda tug‘ma nuqsonlar, shu jumladan, yurak-tomir tizimi nuqsonlari tez-tezligini oshganligi kuzatilgan.
Atsetilsalitsil kislotasi yo‘ldosh to‘sig‘idan oson o‘tadi. Homiladorlikning birinchi 6 oyligida dori preparati faqatgina zarur hollarda qo‘llash mumkin. Endigina homilador bo‘lgan yoki homiladorlikning birinchi va ikkinchi uch oyligidagi ayollarga atsetilsalitsil kislotasini qo‘llash zarurati bo‘lsa, eng kam samarali dozada, eng qisqa vaqt davomida qo‘llash kerak.
Homiladorlikning oxirgi uch oyligida prostaglandinlar sintezi ingibitorlari guruhidagi barcha preparatlar homilaga og‘ir ta'sir ko‘rsatishi mumkin
• qon aylanish tizimiga (aorta yo‘lini erta yopilishi bilan o‘pka gipertenziyasi).
• buyraklarga (kam suvlik bilan buyrak yetishmovchiligi kuzatilishi mumkin).
Homiladorlikning uchinchi uch oyligida prostaglandinlar sintezi ingibitorlari guruhidagi barcha preparatlarning yuborilishida
• xatto juda kam dozalarda qabul qilishda ham, onada va bolada qon ketish vaqtini uzaytirishi va antiagregatsion ta'sir ko‘rsatishi mumkin.
• bachadonni qisqarishi qobiliyatini susaytirishi mumkin, bunday ta'sir distotsiya tezligini oshishi va xayvonlarda tug‘ruqni kechikishi bilan bog‘liq bo‘lgan.
Shu bilan birga, atsetilsalitsil kislotasini homiladorlikning oxirgi uch oyligida qo‘llash mumkin emas.
Laktatsiya
Atsetilsalitsil kislotasi va uning metabolitlari emizikli onalarda ko‘krak suti bilan oz miqdorda ajraladi. Emizikli onalarda salitsilatlarni qisqa vaqt qo‘llanishida hozirgacha bolalarda noxush samaralar paydo bo‘lishi kuzatilmaganligi tufayli, emizishni to‘tatish majburiy hisoblanmaydi. Lekin, atsetilsalitsil kislotasini muntazam yuqori dozalarda qabul qilinganda, emizishni ancha oldin to‘xtatish kerak.
Preparatni emizikli onalarga buyurish mumkin emas.
Avtotransportni boshqarish va mexanizmlar bilan ishlash qobiliyatiga ta'siri
Trombopol dori vositasini mexanik transport vositalarini boshqarish va harakatlanuvchi mexanizmlar bilan ishlash qobiliyatiga ta'siriga oid tadqiqotlar o‘tkazilmagan.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Atsetilsalitsil kislotasi bilan zaxarlanishning birinchi simptomlari ko‘ngil aynishi, qusish, nafasni tezlashishi, quloqlarda shovqinni o‘z ichiga oladi.
Shuningdek eshitishni yo‘qolishi, ko‘rishni buzilishi, bosh og‘rig‘i, harakat qo‘zg‘alishi, uyquchanlik, koma, tirishishlar va gipertermiya kabi boshqa simptomlar ham kuzatilgan. Og‘ir intoksikatsiyada kislota-ishqor va suv-elektrolitlar muvozanatini buzilishi (metabolik atsidoz va suvsizlanish) yuz beradi.
Toksiklikning yengil va o‘rtacha og‘irlikdagi simptomlari atsetilsalitsil kislotasi tana vazniga 150-300 mg/kg dozada qo‘llanganida kuzatiladi. Zaharlanishning og‘ir simptomlari tana vazniga 300-500 mg/kg dozada qabul qilinganidan so‘ng kuzatiladi. Atsetilsalitsil kislotasining potentsial o‘lim dozasi tana vazniga 500 mg/kg ni tashkil qiladi.
Atsetilsalitsil kislotasi bilan zaxarlanish natijasidagi o‘lim holati kattalarda bir martalik 10 g dan 30 g gacha dozada qabul qilgandan so‘ng kuzatilgan. Shuningdek atsetilsalitsil kislotasini 130 g dozada qabul qilgandan so‘ng tirik qolgan patsiyent haqida ham ta'riflangan.

Dozani oshirib yuborilishi

ni davolash
Patsiyentni shifoxonaga olib kelish kerak.
Spetsifik antidot mavjud emas.

Dozani oshirib yuborilishi

ni davolash
* Qusishni chaqirish yoki me'dani yuvish (preparatni so‘rilishini kamaytirish maqsadida).
Bunday muolajalar atsetilsalitsil kislotasini qabul qilgandan so‘ng 3-4 soat davomida, preparatning katta dozalarida esa, xattoki 10 soatgacha samarali hisoblanadi ;
*Atsetilsalitsil kislotasini so‘rilishini kamaytirish uchun faollashtirilgan ko‘mirni suvli suspenziya shaklida (kattalarga 50-100 g yoki 30-60 g bolalarga) yuborilishi kerak.
* Gipertermiya holatida tashqi muhitning past xaroratni ushlab turish va muzdek kompresslar qo‘llash yo‘li bilan tana haroratini tushirish kerak;
* Suv-elektrolitlar almashinuvi buzilishini qattiq nazorat qilish va ularni tez to‘g‘rilash kerak;
*Atsetilsalitsil kislotasining buyraklardagi eliminatsiyasini tezlatish maqsadida va atsidozni davolashda natriy gidrokarbonatini vena ichiga yuborish kerak. Siydik pH ni 7,0-7,5 chegarada ushlab turish kerak;
*Og‘ir zaharlanish xolatlarida, kislota-ishqor muvozanatini buzilishini to‘g‘rilash imkoniyati bo‘lmagan hollarda va yondosh buyrak yetishmovchiligi xolatlarida gemodializ yoki peritoneal dializ qo‘llash kerak. Dializ yo‘li bilan atsetilsalitsil kislotasini organizmdan samarali chiqarish va kislota-ishqor va suv elektrolitlar muvozanati buzilishini tez tiklash mumkin;
* Protrombin vaqtini uzayishi xolatlarida K vitaminini qo‘llash kerak;
*Respirator atsidoz va koma paydo bo‘lishi xavfi tufayli markaziy nerv tizimiga tormozlovchi ta'sir ko‘rsatuvchi preparatlarni, masalan, barbituratlarni, bir vaqtda qo‘llash mumkin emas;
*Nafas faoliyati buzilgan patsiyentlarga kislorod buyurish kerak. Agar zarur bo‘lsa, intubatsiya va o‘pkalarni sun'iy ventilyatsiyasini o‘tkazish kerak;
* Shok simptomlari xolida standart shokka qarshi davolash buyurish kerak.

Chiqarilish shakli

75 mg yoki 150 mg li Trombopol ichakda eruvchan qobiq bilan qoplangan tabletkalar Al/PVC/PVDC plyonkali blisterlarga qadoqlanadi, ular keyin qo‘llash bo‘yicha yo‘riqnomasi bilan birga karton qutiga joylanadi. Bir o‘ram 30 yoki 60 tabletka saqlaydi.

Saqlash sharoiti

Quruq, yorug‘likdan himoyalangan, 25°C dan yuqori bo‘lmagan haroratda saqlansin.
Qo‘llash bo‘yicha yo‘riqnoma bilan tanishib chiqish kerak.

Yaroqlilik muddati

3 yil.

Dorixonalardan berish tartibi

Retseptsiz beriladi.

Ishlab chiqaruvchi

ning nomi va manzili
“POLFARMA” A.O. Farmatsevtika zavodi
Pelplinsk ko‘ch. 19,
83-200 Starogard Gdanski, Polsha