Preparatning savdo nomi
Neyrokson
Ta'sir etuvchi modda (XPN) sitikolin

Dori shakli
og‘iz orqali qo‘llash uchun eritma

Tarkibi

1 ml preparat quyidagilarni saqlaydi
faol modda sitikolinga qayta hisoblanganda 100 mg sitikolin natriy;
yordamchi moddalar metilparagidroksibenzoat (E 218); propilparagidroksibenzoat (E 216); kaliy sorbati; glitserin; sorbit (E 420); glitserinformalь; natriy sitrati; natriy saxarini; limon kislotasining monogidrati; tozalangan suv.
Ta'rifi rangsiz yoki sarg‘ish tusli rangsiz, o‘ziga hos hidli suyuqlik. Biroz tovlanishiga yo‘l qo‘yiladi.

Farmakoterapevtik guruhi
Psixostimulyatorlar, diqqat yetishmasligi yuqori faollik sindromi (DEYuS) da qo‘llaniladigan vosita, nootrop dorilar. Boshqa psixostimulyatorlar va nootrop vositalar
ATX kodi N06BX06


Farmakologik xususiyatlari


Farmakodinamika
si
Sitiklon neyronlar membranasi strukturali fosfolipidlar biosintezini rag‘batlantiradi, bu magnit-rezonans spektroskopiya ma'lumotlari bilan tasdiqlangan.
Bunday ta'sir etish mexanizmi tufayli sitikolin membranalar ion almashinuvi nasoslari va retseptorlar ishlashi kabi funktsiyalarni yaxshilaydi, bu esa ularning modulyatsiyasi nerv impulslarini me'yorda o‘tishi uchun zarur.
Membrana neyronlariga barqarorlashtiruvchi ta'sir ko‘rsatishi tufayli, sitikolin shishga qarshi xususiyatlarga ega, shu sababli miya shishini kamaytiradi.
Sitikolin ayrim fosfolipazalar ( A1, A2, S va D) faoliyatini ingibitsiya qiladi, erkin radikallar hosil bo‘lishini kamaytiradi, membrana tizimlarini shikastlanishini oldini olishi va glyutation kabi antioksidant himoya tizimlarini saqlashi tajriba namoyon bo‘lishi tadqiqotlarida tasdiqlangan.
Sitikolin neyronlar zaxira energiyasini saqlaydi, apoptozni ingibitsiya qiladi va atsetilxolin sintezini rag‘batlaydi.
Sitikolin bosh miyaning fokal ishemiyasida profilaktik neyroprotektor ta'siri tajribada tasdiqlangan.
Sitoklon miyada qon aylanishi bilan bog‘liq o‘tkir ishemik buzilishlari bo‘lgan bemorlarda, neyroko‘rsatkichlar ma'lumotiga ko‘ra bosh miyaning ishemik zararlanishini oshib borishini sekinlashishi bilan mos tushishi klinik tadqiqotlar qo‘rsatgan.
Bosh miya jarohatlarida sitikolin tiklanish davri davomiyligini qisqartiradi va posttravmatik sindromi jadalligini kamaytiradi.
Sitikolin e'tibor va ongni, miya ishemiyasida kuzatiladigan kognitiv va nevrologik buzilishlarda holatni yaxshilaydi, amneziya darajasini kamaytiradi.

Farmakokinetikasi

Sitokolin og‘iz orqali qabul qilinganidan keyin deyarli barchasi yaxshi so‘riladi. Preparat qabul qilinganidan so‘ngqon plazmasida xolinlar miqdorini ahamiyatli darajada oshishi kuzatiladi. Preparat ichakda va jigarda xolin va sitidin hosil qilib metabolizmga uchraydi.
Yuborilganidan keyin sitikolin bosh miya to‘qimalariga keng tarqaladi, bunda xolin fraktsiyalari tez struktur fosfolipidlarga qo‘shiladi, sitidin fraktsiyalari esa sitidin nukleotidlari va nuklein kislotalariga ta'sir qiladi. Sitikolin bosh miya to‘qimalarida fosfolipidlar ishini faollashtirib, hujayra membranalari, sitoplazma va mitoxondriyalarga faol tizilib oladi.
Yuborilgan dozaning juda oz miqdorigina siydik va axlatda aniqlanadi. (3% kamroq) Yuborilgan dozaning taxminan 12% SO2 orqali nafas bilan chiqariladi. Preparatni siydik bilan chiqarilishi ikki bosqichda amalga oshadi birinchi bosqich –36 soat davomida chiqarilish tezligi tez kamayadi va ikkinchi bosqich- chiqarish tezligi asta sekin kamayib boradi. Xuddi shunday bosqich nafas yo‘llari orqali chiqarilganda ham kuzatiladi.SO2 chiqarilishi juda tez kamayadi, taxminin 15 soat davomida, keyin – ancha sekin kamayadi.


Qo‘llanilishi

-Insult, bosh miyada o‘tkir qon aylanishi buzilishining o‘tkir bosqichi va bosh miyada qon aylanishi buzilishining asoratlari va oqibatlarini davolash;
-bosh miya jarohati va uning nervologik oqibatlari;
-kognitiv buzilishlar va qon-tomirlar surunkali va degenerativ serebral buzilishlar bilan bog‘liq hatti-xarakatlarda qo‘llaniladi.



Qo‘llash usuli va dozalari

Ichga buyuriladi. Neyrokson preparatining og‘iz orqali qabul qilish eritmasi kattalar uchun tavsiya etilgan doza sutkada 500 mg (5 ml) dan 2000 mg (20 mg)ni, tashkil etadi, 2-3 qabul qilishga bo‘linadi.
Preparatni quyida keltirilgan uslubda dozalangan shprits yordamida qo‘llash kerak
-qo‘llashdan oldin dozalangan shprits porshenini oxirigacha bosish kerak;
-porshenni orqaga tortib, shpritsdagi suyuqlik buyurilgan dozaga mos ekanligini xisobga olib, kerakli dozani olish kerak;
-ovqat qabul qilishdan qat'iy nazar, preparatni bevosita yoki yarim stakan suvga (120 ml) aralashtirib qabul qilinadi.
Har gal qo‘llagandan keyin dozalovchi shpritsni buv bilan yuvish kerak.
Davolash muddati va dozasi miyaning zararlanish darajasiga bog‘liq bo‘lib, shifokor tomonidan shaxsan belgilanadi.
Keksa yoshli patsiyentlarda dozaga tuzatish kiritish talab etilmaydi.

Nojo‘ya ta'sirlari
Nojo‘ya reaktsiyalari juda kam hollarda (<1/10000), jumladan yakka hollarda paydo bo‘ladi.
Markaziy va periferik netv tizimi tomonidan kuchli bosh og‘rig‘i, vertigo, gallyutsinatsiyalar.
Yurak-qon tomir tizimi tomonidan arterial gipertenziya, arterial gipotenziya, taxikardiya.
Nafas tizimi tomonidan xansirash
Ovqat-hazm qilish tizimi tomonidan ko‘ngil aynishi, qusish, diareya.
Immunitet tizimi tomonidan allergik reaktsiyalar, shu jumladan toshma, giperemiya, ekzantema, eshak emi, purpura, qichishish, angionevrotik shishish, anafilaktik shok.
Umumiy buzilishlar et uvishishi kuzatilishi mumkin.


Qo‘llash mumkin bo‘lmagan holatlar

-Sitikolin yoki preparatning boshqa komponentlariga yuqori sezuvchanlik;
-Parasimpatik nerv tizimining tonusi oshganida qo‘llash mumkin emas.

Dorilarning o‘zaro ta'siri
Sitikolin levodoplarning samarasini kuchaytiradi. Meklofenoksat saqlovchi dori vositalari bilan bir vaqtda buyurish mumkin emas.


Maxsus ko‘rsatmalar

Fruktozaga nisbatan tolerant bo‘lgan irsiy buzilishli bemorlar Neyrokson® preparatining og‘iz orqali qabul qilish eritmasi tarkibida sorbit bo‘lganligi tufayli qabul qilishlari mumkin emas. Preparat tarkibidagi kiruvchi metilparagidroksibenzoat va propilparagidroksibenzoat allergik reaktsiyalarni chaqirishi mumkin ( odatda sekinlashgan turi).
Homiladorlik va laktatsiya davrida qo‘llanishi
Homilador ayollarda sitikolinni qo‘llash yuzasidan ma'lumotlar yetarli emas. Sitikolinni ko‘krak sutiga ajralishi va uni homilaga ta'siri haqida ma'lumotlar noma'lum. Shuning uchun, homiladorlik va emizish davrida preparat faqat ona uchun kutilayotgan foyda, homila uchun potentsial xavfdan yuqori bo‘lgandagina buyuriladi.
Bolalar. Preparatni bolalarda qo‘llash bo‘yicha ma'lumotlar yetarli emas.
Avtomobilni va murakkab mexanizmlarni boshqarish qobiliyatiga ta'siri
Ayrim hollarda markaziy nerv tizimi tomonidan kuzatiladigan ba'zi nojo‘ya reaktsiyalar avtotransportni boshqarish va murakkab mexanizmlar bilan ishlash qobiliyatiga ta'sir qilishi mumkin.

Dozani oshirib yuborilishi
Dozani oshirib yuborilishi hollari ta'riflanmagan.


Chiqarilish shakli

Og‘iz orqali qo‘llash uchun eritma. Qopqoq bilan berkitilgan flakonda 45 ml. Flakonga yorliq yopishtirilgan. Har bir flakon tibbiyotda qo‘llanilishiga doir yo‘riqnomasi va dozator bilan qutiga joylangan.


Saqlash sharoiti

Original o‘ramida, 30°C dan yuqori bo‘lmagan haroratda saqlansin.
Bolalar ololmaydigan joyda saqlansin. Muzlatilmasin va sovutilmasin. Saqlash jarayonida xona haroratida (≈ 20°C) yo‘q bo‘luvchi yengil tovlanish paydo bo‘lishi mumkin.


Yaroqlilik muddati

3 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retsept bo‘yicha.

Ishlab chiqruvchining manzili va uning faoliyat ko‘rsatadigan joyining manzili
“Galichfarm”, JAJ
Ukraina, 79024, Lьvov sh., Oprishkovskaya ko‘ch., 6/8.